ٴوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ 12- ايدىڭ 3- كۇنى لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى تۇڭلۇنمەن بەينە ەكران ارقىلى كەڭەس وتكىزدى.

    شي جينپيڭ بىلاي دەپ اتاپ كورسەتتى: بيىل جۇڭگو مەن لاوستىڭ ديپلوماتيالىق قارىم ـ قاتىناس ورناتقاندىعىنىڭ 60 جىلدىعى جانە جۇڭگو مەن لاوستىڭ دوستىق جىلى. 60 جىلدان بەرى، جۇڭگو ـ لاوس قارىم ـ قاتىناسى حالىقارالىق اۋمالى ـ توكپەلى جاعدايدىڭ سىنىنان ٴوتىپ، ۋاقىت وتكەن سايىن بەكەمدەلىپ، ۋاقىت وتكەن سايىن جاڭارۋىنىڭ تەتىگى- ەكى جاقتىڭ ورتاق مۇراتتان جازباي، ٴبىر ـ بىرىنە سەنىم ارتىپ، ٴبىر-بىرىنە قارايلاسىپ، تاعدىرلاس بولعاندىعىندا.

    شي جينپيڭ بىلاي دەپ باسا دارىپتەدى: جۇڭگو مەن لاوس كوممۋنيستىك پارتيانىڭ باسشىلىعى مەن سوتسياليزم باعىتىنا تاباندى بولادى، بۇل ەكى ەل قاتىناسىنىڭ ماندىك ەرەكشەلىگى. كۇردەلى دە قاتاڭ سىرتقى ورتا جانە ٴوز ەلىندەگى جۇقپالى اۋرۋدان ساقتانۋ-تىزگىندەۋ سونداي ـ اق ەكونوميكالىق، قوعامدىق دامۋ مىندەتى الدىندا، جۇڭگو مەن لاوستىڭ سوتسياليزم ورتاق ىستەرىن قورعاۋ ساياسي جانە ستراتەگيالىق تۇرعىسىنان ەكى پارتيا، ەكى ەل قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، جۇڭگو مەن لاوستىڭ مىزعىماس تاعدىرلاس ورتاق تۇلعاسىن ۇزدىكسىز قورعادى.

    ەكى جاق جۇڭگو مەن لاوستىڭ ساياسي جانە ٴتۇزىم حاۋىپسىزدىگىن بىرگە قورعاۋى كەرەك. جۇڭگو لاوس جاقپەن ستراتەگيالىق قارىم ـ قاتىناستى كۇشەيتىپ، ەل باسقارۋداعى تاجىريبە اۋىس ـ كۇيىسىن تەرەڭدەتىپ، لاوستىڭ مەملەكەت قۇرىلىسى ىستەرىنە شاماسىنىڭ كەلىسىنشە قولداۋ كورسەتۋدى جانە كومەكتەسۋدى قالايدى. تاراپتار جۇڭگو-لاوس ەكونوميكالىق ٴدالىزى سەلبەستىك بىرلەسپە كوميتەتىنىڭ جان ـ جاقتى سايكەستىرۋ رولىن ويداعىداي ساۋلەلەندىرىپ، جۇڭگو مەن لاوستىڭ ناقتى سەلبەستىگىن ٴبىر تۇتاس ىلگەرىلەتىپ، «ٴبىر بەلدەۋ، ٴبىر جولدى» بىرگە قۇرۋدىڭ جوعارى ساپالى دامۋىن ىلگەرىلەتىپ، ناقتى سەلبەستىك دەڭگەيىن ۇزدىكسىز جوعارىلاتۋى كەرەك. جۇڭگو-لاوس تەمىر جولىندا پويەز قاتىناۋىنا بايلانستى، لاوستىڭ «قۇرلىق بىرلەسپە ەلىنە» اينالۋ ارمانى ىسكە استى. ٴبىز جان- جاقتىلى بايلانىستى ويداعىداي يگەرىپ، تەمىر جولدىڭ سوڭعى تاسىمالىن، حاۋىپسىزدىگىن قامتاماسىز ەتۋدى ويداعىداي ىستەپ، جوعارى ساپالى، باياندى، حالىق تۇرمىسىنا تيىمدىلىك جاسايتىن جەلى بويىنداعى ەكونوميكالىق بەلدەۋ قالىپتاستىرۋىمىز كەرەك. جاڭاشا نەگىزدىك قۇرىلعى نىساندارى سەلبەستىگىن ىلگەرىلەتىپ، جۇڭگو مەن لاوستىڭ ەنەرگيا جاعىنداعى ٴوزارا بايلانىس دەڭگەيىن جوعارىلاتىپ، اۋىل شارۋاشىلىعى، ەكونوميكالىق اشۋ رايونى، فينانس سياقتى سالالارداعى سەلبەستىكتى كۇشەيتۋ كەرەك.

    شي جينپيڭ بىلاي دەپ باسا دارىپتەدى: حالىق ٴۇشىن قىزمەت ىستەۋ- جۇڭگو-لاوس پارتيالارىنىڭ ورتاق ماقساتى، جۇڭگو ـ لاوس قارىم ـ قاتىناسى دا حالىقتى بارىنەن جوعارى قويۋدى كورنەكتىلەندىرىپ، ەكى ەل حالقىن اناعۇرلىم كوپ، اناعۇرلىم جاقسى يگىلىككە كەنەلتۋى كەرەك. جۇڭگو لاوستى جاڭا تيپتى ايدارشا ۋيرۆس ۆاكسيناسى جانە ىندەتكە قارسى زاتتارىمەن ۇزدىكسىز قامداپ جانە قولداۋ كورسەتىپ، ەمدەۋ سالاسى مەن اۋىل-قىستاقتارداعى كەدەيلەردى سۇيەمەلدەۋ سەلبەستىگىن كۇشەيتىپ، جاستاردىڭ، مادەنيەتتىڭ جانە جەرگىلىكتى ورىنداردىڭ اۋىس ـ كۇيىسىن تەرەڭدەتىپ، ەكى ەل بۇقاراسىنىڭ تابىس سەزىمى مەن باقىت سەزىمىن كۇشەيتەدى. جۇڭگو لاوس جاقپەن بىرگە ناعىز كوپ جاقتىلىقتى امالياتتا ايگىلەپ، الەمدىك دامۋ دارىپتەمەسىن تياناقتاندىرىپ، جۇڭگو-شىعىس وڭتۇستىك ازيا ەلدەرى وداعىنىڭ اناعۇرلىم تىعىز تاعدىرلاس ورتاق تۇلعاسىن قۇرۋدى ىلگەرىلەتىپ، ٴوڭىردىڭ بەيبىتشىلىگىن، ورنىقتىلىعىن، گۇلدەنۋىن بىرگە قورعاۋدى قالايدى.

    تۇڭلۇن بىلاي دەدى: جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قىزۋ قۇتتىقتايمىن، ج ك پ 19-كەزەكتى ورتالىق كوميتەتى التىنشى جالپى ٴماجىلىسىنىڭ تاريحي ماڭىزدى جەتىستىكتەرگە قول جەتكىزگەندىگىن قۇتتىقتايمىن. ٴتوراعا شي جينپيڭنىڭ، جۇڭگو پارتياسىنىڭ، ۇكىمەتىنىڭ جانە حالقىنىڭ ۇزاق ۋاقىتتان بەرى لاوسقا كورسەتكەن قىمباتتى قولداۋى مەن كومەگىنە العىس ايتامىن. مەن ٴتوراعا شي جينپيڭنىڭ لاوس ـ جۇڭگو پارتياسى، ەكى ەل قاتىناسىنا بەرگەن جوعارى باعاسىن جانە ەكى جاقتى قاتىناستىڭ دامۋى جونىندە العا قويعان ماڭىزدى پىكىرىن تولىق قۇپتايمىن. ٴتوراعا شي جينپيڭ العا قويعان «ٴبىر بەلدەۋ، ٴبىر جول» دارپتەمەسىنىڭ ارقاسىندا لاوس-جۇڭگو تەمىر جولى سالىنىپ، پويەز قاتىنادى. لاوس جاق جۇڭگو جاقپەن جوعارى جىكتەگىلەردىڭ بارىس-كەلىسىن جيىلەتىپ، ستراتەگيالىق قارىم ـ قاتىناستى كۇشەيتىپ، لاوس-جۇڭگو تەمىر جولىنىڭ ەكونوميكالىق ونىمدىلىگىن مۇمكىندىكتىڭ بارىنشا ويداعىداي ساۋلەلەندىرىپ، لاوس-جۇڭگو ەكونوميكالىق سەلبەستىگىنىڭ اناعۇرلىم مول تابىستارعا قول جەتكىزۋىن ىلگەرىلەتۋدى قالايدى. لاوس جاق جۇڭگو جاقپەن جوعارى جىكتەگىلەردىڭ بارىس-كەلىسىن جيىلەتىپ، ستراتەگيالىق قارىم ـ قاتىناستى كۇشەيتىپ، لاوس-جۇڭگو تەمىر جولىنىڭ ەكونوميكالىق ونىمدىلىگىن مۇمكىندىكتىڭ بارىنشا ويداعىداي ساۋلەلەندىرىپ، لاوس ـ جۇڭگو ەكونوميكالىق سەلبەستىگىنىڭ اناعۇرلىم مول تابىستارعا قول جەتكىزۋىن ىلگەرىلەتۋدى قالايدى. جۇڭگو باستان ـ اياق دۇنيە ٴجۇزىنىڭ جانە ٴوڭىردىڭ بەيبىتشىلىگى مەن ورنىقتىلىعىن قورعاۋدىڭ ماڭىزدى تىرەگى بولىپ، بەيبىت، دوستىق ديپلوماتيالىق ساياساتتى دايەكتى اتقارىپ، حالىقارالىق قوعامنىڭ جاپپاي قۇپتاۋىنا يە بولدى سونداي ـ اق بەيبىتشىلىكتى سۇيەتىن دۇنيە جۇزىندەگى ٴار ەلدىڭ اناعۇرلىم كوپ باتىل قولداۋىنا يە بولدى. لاوس جۇڭگونىڭ وزەكتى مۇددە ماسەلەسىندەگى ورىندى مايدانىن باتىل قولدايدى، جۇڭگونىڭ بەيجيڭ قىسقى وليمپيك سپورت جارىسىن ٴساتتى وتكىزۋىن باتىل قولدايدى. لاوس جاق جۇڭگو جاقپەن حالىقارالىق ىستەردەگى تىلدەسۋدى، سەلبەسۋدى كۇشەيتىپ، شىعىس وڭتۇستىك ازيا ەلدەرى وداعى مەن جۇڭگونىڭ جان-جاقتى ستراتەگيالىق سەرىكتەستىك قاتىناسىنىڭ دامۋىن ىلگەرىلەتىپ، ٴوڭىردىڭ بەيبىتشىلىگىن، ورنىقتىلىعىن، دامۋىن قورعاۋعا بەلسەندى ۇلەس قوسۋدى قالايدى.

    ديڭ شۋەشياڭ، ليۋ حى، حى ليفىڭ قاتارلىلار جوعارداعى قيمىلعا قاتىناستى.

اۋدارعان: سەرىك راقىم ۇلى