شي جينپيڭ ج ك پ ورتالىق كوميتەتى ساياسي بيۋروسىنىڭ 35-رەتكى توپتىق ۇيرەنۋىندە جۇڭگوشا سوتسياليستىك زاڭمەن جونگە سالۋ جولىمەن بۇلجىماي ٴجۇرىپ، جۇڭگوشا سوتسياليستىك زاڭمەن جونگە سالۋ جۇيەسى قۇرىلىسىن اناعۇرلىم ويداعىداي ىلگەرىلەتۋدى باسا دارىپتەدى  

ٴوز حابارىمىز.   ج ك پ ورتالىق كوميتەتىنىڭ ساياسي بيۋروسى 12-ايدىڭ 6-كۇنى تۇستەن كەيىن جۇڭگوشا سوتسياليستىك زاڭمەن جونگە سالۋ جۇيەسىن قۇرۋ جونىندە 35-رەتكى توپتىق ۇيرەنۋىن وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا مىنالاردى باسا دارىپتەدى: ەلىمىز قازىر جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، دۇنيە جۇزىندە 100 جىلدا بولماعان زور وزگەرىس جەدەل ىلگەرىلەۋدە، رەفورما، دامۋ، ورنىقتىلىق مىندەتى جاپالى دا اۋىر، سىرتقا ەسىك اشۋ ىشكەرىلەي ىلگەرىلەتىلۋدە، زاڭمەن جونگە سالۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا تيىمدىلىك جاساۋ رولىن اناعۇرلىم ويداعىداي ساۋلەلەندىرۋدى قاجەت ەتەدى. جۇڭگوشا سوتسياليستىك زاڭمەن جونگە سالۋ جولىمەن بۇلجىماي ٴجۇرىپ، زاڭمەن جونگە سالۋ سالاسىنداعى كورنەكتى ماسەلەلەردى شەشۋدى كۇش سالۋ ٴتۇيىنى ەتىپ، جۇڭگوشا سوتسياليستىك زاڭمەن جونگە سالۋ جۇيەسى قۇرىلىسىن اناعۇرلىم ويداعىداي ىلگەرىلەتىپ، مەملەكەتتى جاپپاي زاڭمەن باسقارۋ قابىلەتى مەن دەڭگەيىن جوعارىلاتىپ، جالپى بەتتىك سوتسياليستىك وسىزاماندانعان مەملەكەت قۇرۋدى، ەكىنشى 100 جىلدىق كۇرەس نىساناسىن جۇزەگە اسىرۋدى زاڭمەن باسقارۋ جاعىنان پارمەندى قامتاماسىز ەتۋ كەرەك. 

جۇڭگو زاڭ عىلىمى قوعامىنىڭ ورىنباسار باستىعى شۇي شيانميڭ وسى ماسەلە جونىندە تۇسىنىك جاساپ، قىزمەت ۇسىنىستارىن ورتاعا قويدى. ورتالىق كوميتەت ساياسي بيۋروسىنداعى جولداستار ونىڭ تۇسىندىرمەسىن مۇقيات تىڭدادى ٴارى تالقىلادى. 

شي جينپيڭ ۇيرەنۋدى باسقارعاندا ماڭىزدى ٴسوز سويلەدى. ول مىنالاردى اتاپ كورسەتتى: پارتيا 18-قۇرىلتايىنان بەرى، پارتيا ورتالىق كوميتەتى مەملەكەتتى جاپپاي زاڭمەن باسقارۋدى «ٴتورتتى جاپپاي ورىنداۋ» ستراتەگيالىق ورنالاستىرۋىنا ەنگىزىپ، پارمەندى ىلگەرىلەتىپ، مەملەكەتتى جاپپاي زاڭمەن باسقارۋ جونىندە ٴبىر قىدىرۋ كەلەلى شەشىمدەر مەن ورنالاستىرۋلار جاساپ، ورتالىقتىڭ مەملەكەتتى جاپپاي زاڭمەن باسقارۋ كوميتەتىن قۇرىپ، پارتيانىڭ زاڭ شىعارۋعا باسشىلىق ەتۋ، زاڭنىڭ اتقارىلۋىنا كەپىلدىك ەتۋ، ٴادىليانى قولداۋ، زاڭعا باستاماشىلدىقپەن بويسۇنۋ ٴتۇزىمىن كەمەلدەندىرىپ، مەملەكەتتى جاپپاي زاڭمەن باسقارۋدىڭ جالپى جاعدايىن نەگىزىنەن قالىپتاستىردى. پارتيا 18-كەزەكتى ورتالىق كوميتەتىنىڭ ٴتورتىنشى جالپى ماجىلىسىندە ەلدى زاڭمەن باسقارۋدى جاپپاي ىلگەرىلەتۋدىڭ باس نىساناسى − زاڭمەن باسقارۋدىڭ جۇڭگوشا سوتسياليستىك جۇيەسىن قۇرۋ، زاڭمەن باسقارىلاتىن سوتسياليستىك مەملەكەت قۇرۋ دەپ ايقىن اتاپ كورسەتىلدى. ٴبىز زاڭمەن جونگە سالۋ جۇيەسى قۇرىلىسى سىندى باس تۇتقانى مىقتى يگەرىپ، پارتيا باسشىلىعىنىڭ، حالىقتىڭ وزىنە-ٴوزى قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، مەملەكەتتى زاڭمەن جونگە سالۋدى، بيلىكتى زاڭ بويىنشا جۇرگىزۋدى، اكىمشىلىكتى زاڭ بويىنشا اتقارۋدى بىرگە ىلگەرىلەتۋگە تاباندى بولىپ، زاڭمەن باسقارىلاتىن مەملەكەتتى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ٴبىر تۇلعالاندىرۋعا تاباندى بولىپ، زاڭمەن باسقارۋ سالاسىنداعى رەفورمانى جاپپاي تەرەڭدەتىپ، زاڭدى ارناعا ٴتۇسىرۋ جۇيەسىن، زاڭمەن باسقارۋدى اتقارۋ جۇيەسىن، زاڭمەن جونگە سالۋدى باقىلاۋ جۇيەسىن، زاڭمەن جونگە سالۋدى قامتاماسىز ەتۋ جۇيەسىن جانە پارتيا ىشىندەگى زاڭ-ەرەجە جۇيەسى قۇرىلىسىن ٴبىر تۇتاس ىلگەرىلەتىپ، جۇڭگوشا سوتسياليستىك زاڭمەن باسقارۋ جۇيەسى قۇرىلىسىنىڭ تاريحي جەتىستىكتەرگە قول جەتكىزۋىن ىلگەرىلەتتىك. 

شي جينپيڭ مىنالاردى باسا دارىپتەدى: ٴبىز جالپى بەتتىك سوتسياليستىك وسىزاماندانعان مەملەكەت قۇرۋدىڭ ەكىنشى 100 جىلدىق كۇرەس نىساناسىنا جورىق جاساۋدىڭ جاڭا ساپارىنا قادام تاستاپ، جاڭا دامۋ كەزەڭىن تياناق ەتىپ، جاڭا دامۋ تانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، جوعارى ساپالى دامۋدى ىلگەرىلەتىپ، حالىق بۇقاراسىنىڭ دەموكراتيا، زاڭمەن جونگە سالۋ، ادىلدىك، ادىلەتتىلىك، حاۋىپسىزدىك، قورشاعان ورتا سياقتى سالالارداعى كۇن سايىن ارتىپ وتىرعان تالابىن قاناعاتتاندىرىپ، حالىقتىڭ تۇرمىس ساپاسىن جوعارىلاتىپ، بىرگە اۋقاتتانۋدى جەبەپ، زاڭمەن جونگە سالۋ قۇرىلىسىنا تىڭ دا اناعۇرلىم جوعارى تالاپتار قويدىق. جۇڭگوشا سوتسياليستىك زاڭمەن جونگە سالۋ جۇيەسىن قۇرۋدا ىستەرىمىزدىڭ دامۋ قاجەتىنە سايكەسىپ، جۇيەلى كوزقاراسقا تاباندى بولىپ، جاپپاي ىلگەرىلەتۋ كەرەك.

شي جينپيڭ مىنالاردى اتاپ كورسەتتى: زاڭمەن باسقارۋ جۇيەسى قۇرىلىسىنىڭ دۇرىس باعىتىنان جازباي، پارتيانىڭ باسشىلىعىنا، جۇڭگوشا سوتسياليستىك تۇزىمگە تاباندى بولىپ، جۇڭگوشا سوتسياليستىك زاڭمەن جونگە سالۋ نازارياسىن دايەكتىلەندىرۋ كەرەك. جۇڭگوشا سوتسياليستىك زاڭمەن جونگە سالۋ جۇيەسى _ _ جۇڭگوشا سوتسياليستىك ٴتۇزىمنىڭ ماڭىزدى قۇرامداس بولەگى، ٴسوز جوق، جۇڭگوشا سوتسياليزم سىندى وسى سيپاتىن مىقتى يگەرىپ، ساياسي مەن زاڭمەن باسقارۋدىڭ، رەفورما مەن زاڭمەن باسقارۋدىڭ، مەملەكەتتى زاڭمەن باسقارۋ مەن مەملەكەتتى مورالمەن جونگە سالۋدىڭ، مەملەكەتتى زاڭمەن باسقارۋ مەن پارتيانى ەرەجە بويىنشا باسقارۋدىڭ قاتىناسىن دۇرىس شەشىپ، پارتيانىڭ جاپپاي باسشىلىعىنا تاباندى بولۋ، حالىقتىڭ ٴوز-وزىنە قوجايىن بولۋىنا كەپىلدىك ەتۋ سياقتى كەلەلى ماسەلەلەردە وي-سانانى ەرەكشە ايقىنداپ، تۇرعىسىن ەرەكشە بەكەمدەۋ كەرەك. حالىقتى وزەك ەتۋگە باستان-اياق تاباندى بولىپ، زاڭمەن باسقارۋدا حالىق ٴۇشىن ىستەۋگە، حالىققا سۇيەنۋگە، حالىققا باقىت جاراتۋعا، حالىقتى قورعاۋعا تاباندى بولىپ، حالىقتىڭ مۇددەسىن ايگىلەۋدى، حالىقتىڭ تىلەگىن بەينەلەۋدى، حالىقتىڭ ۇقىق-مۇددەسىن قورعاۋدى، حالىقتىڭ ىرىسىن ارتتىرۋدى زاڭمەن جونگە سالۋ جۇيەسى قۇرىلىسىنىڭ تۇتاس بارىسىندا تياناقتاندىرۋ كەرەك. 

شي جينپيڭ بىلاي دەپ باسا دارىپتەدى: مەملەكەت حاۋىپسىزدىگى، عىلىم-تەحنيكادا جاڭالىق اشۋ، الەۋمەتتىك دەنساۋلىق ساقتاۋ، بيولوگيالىق حاۋىپسىزدىك، ەكولوگيالىق وركەنيەت، حاۋىپ-قاتەردەن ساقتانۋ سياقتى ماڭىزدى سالالاردا زاڭ شىعارۋدى كۇشەيتىپ، حالىق تۇرمىسى سالاسىندا دا زاڭ شىعارۋدى كۇشەيتىپ، مەملەكەتتى باسقارۋدا شۇعىل قاجەت ەتەتىن، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدا قاجەتتى زاڭ-تۇزىمدەردى قۇلشىنا كەمەلدەندىرۋ كەرەك. پارتيانى ەرەجە بويىنشا باسقارۋدىڭ پارتيا مەن مەملەكەت ىستەرىنىڭ دامۋىن ساياسي جاقتان قامتاماسىز ەتۋ رولىن ساۋلەلەندىرىپ، مەملەكەتتىڭ زاڭدارى مەن پارتيا ىشىندەگى زاڭ-ەرەجەلەرى ٴبىرىن-ٴبىرى تولىقتايتىن جاعداي قالىپتاستىرۋ كەرەك. زاڭ شىعارۋ ساپاسى سىندى شەشۋشى ٴتۇيىندى مىقتى يگەرىپ، عىلمي، دەموكراتيالى، زاڭ بويىنشا زاڭ شىعارۋدى ىشكەرىلەي ىلگەرىلەتىپ، زاڭ شىعارۋ، وزگەرتۋ، كۇشىنەن قالدىرۋ، ٴتۇسىندىرۋ جۇمىستارىن ٴبىر تۇتاس جوسپارلاپ، زاڭ شىعارۋ ونىمدىلىگىن جوعارىلاتىپ، زاڭ شىعارۋدىڭ جۇيەلىلىگىن، تۇتاس تۇلعالىلىعىن، سايكەسىمدىلىگىن كۇشەيتۋ كەرەك. ٴار دارەجەلى زاڭ شىعارۋ قۇرىلىمدارى مەن قىزمەت تاراۋلارى زاڭ شىعارۋ تارتىبىنە بويسۇنىپ، زاڭ شىعارۋ ۇقىق شەگىنە قاتاڭ بويسۇنىپ، ۇقىق شەگىنەن اتتاپ زاڭ شىعارۋدان، قايتالاي زاڭ شىعارۋدان، كوزسىزدىكپەن زاڭ شىعارۋدان شىنايى ساقتانىپ، تاراۋلاردىڭ مۇددەسى مەن جەرگىلىكتى قورعانىمپازدىقتىڭ ىقپالىنان ٴونىمدى ساقتانۋ كەرەك. زاڭ الدىندا بارلىق ادامىنىڭ تەرەزەسى تەڭ بولۋىن قامتاماسىز ەتۋ مەحانيزمىن اقاۋسىزداندىرىپ، مەملەكەت زاڭ-ٴتۇزىمىنىڭ بەدەلىن، بىرلىگىن قورعاپ، نەگىزگى زاڭعا، زاڭدارعا قايشى بارلىق ارەكەتتەردى، ٴسوز جوق، قۋزاستىرۋ كەرەك. ٴار دارەجەلى پارتيا ۇيىمدارى مەن باسشى كادرلار ٴادىليا ورگاندارىنىڭ قىزمەت ۇقىعىن زاڭ بويىنشا دەربەس جۇرگىزۋىن تۋى ايقىن تۇردە قولداۋى، قىزمەت ۇقىعىنان پايدالانىپ ٴادىلياعا كيلىگۋىنە، دەلوعا كيلىگۋىنە استە جول بەرمەۋى كەرەك. 

شي جينپيڭ بىلاي دەپ اتاپ كورسەتتى: زاڭمەن باسقارۋ سالاسىنداعى رەفورمانى تەرەڭدەتىپ، حالىق بۇقاراسىنىڭ ٴاربىر زاڭ-تۇزىمنەن، ٴاربىر زاڭ اتقارۋ قاۋلىسىنان، ٴاربىر ٴادىليالىق دەلودان ادىلدىك پەن ادىلەتتىلىكتى سەزىنۋىن ارقاۋ ەتىپ، ٴادىليا ٴتۇزىلىسىنىڭ جالپىلىق سايكەستى رەفورماسىن تەرەڭدەتىپ، ٴادىل، جوعارى ٴونىمدى، بەدەلدى سوتسياليستىك ٴادىليا ٴتۇزىمىن جەدەل ورناتۋ كەرەك. قوعامدىق ادىلدىك پەن ادىلەتتىلىكتى زاڭمەن جونگە سالۋدى قامتاماسىز ەتۋ ٴتۇزىمىن اقاۋسىزداندىرىپ، زاڭ اتقارۋ ۇقىعىن، ٴادىليا ۇقىعىن، باقىلاۋ ۇقىعىن جۇرگىزۋ مەحانيزمىن اقاۋسىزداندىرىپ، ۇقىقتى تەجەۋ مەن باقىلاۋدى اقاۋسىزداندىرۋ كەرەك. زاڭ اتقارۋدى ٴادىليالىق جاقتان تەجەۋدىڭ جۇيەلى دە كەمەلدى، جۇيەلى دە جوعارى ٴونىمدى باقىلاۋ جۇيەسىن جەدەل ورناتىپ، زاڭ ۇقىعىنا، زاڭ اتقارۋ ۇقىعىنا، باقىلاۋ ۇقىعىنا، ٴادىليا ۇقىعىنا قاراما-قارسى باقىلاۋدى كۇشەيتىپ، ٴتارتىپ تەكسەرۋ، باقىلاۋ-تەكسەرۋ ورگاندارىنىڭ، قوعام حاۋىپسىزدىگى ورگاندارىنىڭ، پروكۋراتۋرا ورگاندارىنىڭ، سوت ورگاندارىنىڭ، ٴادىليا اكىمشىلىك ورگاندارىنىڭ ٴارقايسىسى ٴوز مىندەتىن اتقاراتىن، بارلاۋ ۇقىعى، پروكۋراتۋرا ۇقىعى، سوت جۇرگىزۋ ۇقىعى، اتقارۋ ۇقىعى ٴبىرىن-ٴبىرى تەجەيتىن ٴتۇزىلىس-مەحانيزمدى اقاۋسىزداندىرۋ كەرەك. زاڭمەن باسقارۋ سالاسىنداعى دارىندىلاردى تاربيەلەۋ جۇيەسىن كەمەلدەندىرىپ، ادۆوكاتتار، الەۋمەتتىك كۋالاندىرۋ، ٴادىليالىق ساراپتاۋ، تورەلىك ايتۋ، جاراستىرۋ سياقتى زاڭدىق قىزمەت وتەۋ قوسىنىن جەدەل دامىتىپ، زاڭ اتقارۋ، ٴادىليا قىزمەتكەرلەرىن باسقارۋ ٴتۇزىلىسى رەفورماسىن تەرەڭدەتىپ، پارتياعا، مەملەكەتكە، حالىققا، زاڭعا ادال سوتسياليستىك زاڭمەن جونگە سالۋ قىزمەت قوسىنىن كۇش سالا قۇرۋ كەرەك. ساياسي-زاڭ قوسىنىن تاربيەلەۋدى، رەتتەۋدى تەرەڭدەتىپ، زاڭ اتقارۋ، ٴادىليا سالاسىنداعى ٴىرىپ-شىرۋگە زاڭ بويىنشا ۇزدىكسىز سوققى بەرىپ، قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋدى جەبەۋ كەرەك.

شي جينپيڭ مىنالاردى باسا دارىپتەدى: ەل ىشىندەگى زاڭمەن باسقارۋ مەن شەتەلگە ساياتىن زاڭمەن جونگە سالۋدى ٴبىر تۇتاس جوسپارلاپ ىلگەرىلەتۋگە تاباندى بولىپ، شەتەلگە ساياتىن سالالاردا زاڭ شىعارۋدى كۇشەيتىپ، ەلىمىزدىڭ مەملەكەت زاڭىنان تىس قولدانىلاتىن زاڭ جۇيەسى قۇرىلىسىن ىلگەرىلەتۋ كەرەك. زاڭ اتقارۋ، ٴادىليا سەلبەستىگىن كەڭەيتۋدى ەكى جاقتى، كوپ جاقتى قاتىناس قۇرىلىسىنىڭ ماڭىزدى كەڭەستىك تاقىرىبىنا ەنگىزىپ، شەتەلگە ساياتىن زاڭ اتقارۋ، ٴادىليا ونىمدىلىگىن جوعارىلاتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋ كەرەك. 

شي جينپيڭ بىلاي دەپ اتاپ كورسەتتى: زاڭمەن باسقارۋ نازارياسىن زەرتتەۋدى جانە ۇگىتتەۋدى كۇشەيتىپ، جۇڭگوشا زاڭ عىلىمىنىڭ ٴپان جۇيەسى، عىلىم جۇيەسى، ٴسوز جۇيەسى قۇرىلىسىن كۇشەيتۋ كەرەك. جۇڭگوشا سوتسياليستىك زاڭمەن جونگە سالۋ يدەياسىن زاڭ عىلىمى پاندەرىنىڭ وقۋلىقتارىن قۇراستىرۋ جانە وقىتۋ قىزمەتىندە تياناقتاندىرىپ، مۇرات-سەنىمدى بەكەمدەيتىن، وتباسى مەن وتان سۇيىسپەنشىلىگىن كۇشەيتەتىن، زاڭ عىلىمىنىڭ نەگىزىن بەكەمدەيتىن اناعۇرلىم كوپ زاڭمەن جونگە سالۋ دارىندىلارىن قۇلشىنا باۋلۋ، جەتىلدىرۋ كەرەك. ادۆوكاتتار قوسىنىنا ساياسي جەتەكشىلىكتى كۇشەيتىپ، قالىڭ ادۆوكاتتاردى جۇڭگو كوممۋنيستىك پارتياسىنىڭ باسشىلىعىن قورعاۋ، ەلىمىزدىڭ سوتسياليستىك زاڭمەن جونگە سالۋىن قولداۋ سياقتى كاسىپپەن شۇعىلدانۋدىڭ نەگىزگى تالاپتارىنا سانالى تۇردە بويسۇنىپ، پارتيا مەن حالىق رازى بولاتىن جاقسى ادۆوكات بولۋعا تاربيەلەۋ، جەتەكتەۋ كەرەك. جالپى حالىقتىڭ زاڭعا بويسۇنۋىن ىلگەرىلەتۋدى نەگىزدىك ينجەنەريا ەتىپ، ٴار دارەجەلى باسشى كادرلاردىڭ باستاماشىلدىقپەن زاڭعا قۇرمەت ەتۋىن، زاڭدى ۇيرەنۋىن، زاڭعا بويسۇنۋىن، زاڭدى قولدانۋىن ىلگەرىلەتىپ، قالىڭ بۇقارانى سانالى تۇردە زاڭعا بويسۇنۋعا، ىسكە جولىققاندا، ماسەلەنى شەشۋدە زاڭعا سۇيەنۋگە جەتەكتەۋ كەرەك. ەلىمىزدىڭ زاڭمەن جونگە سالۋ جۇيەسى قۇرىلىسى مەن زاڭمەن جونگە سالۋ ٴامالياتىنىڭ تاجىريبەلەرىن قورىتىندىلاپ، ەلىمىزدىڭ تاڭداۋلى ٴداستۇرلى زاڭمەن جونگە سالۋ مادەنيەتىن بايىمداپ، مەملەكەتتى زاڭمەن جونگە سالۋ حيكاياسىن ويداعىداي بايانداۋ كەرەك. 

شي جينپيڭ بىلاي دەپ باسا دارىپتەدى: ٴار دارەجەلى پارتكومدار تۇلعالىق جاۋاپكەرشىلىكتى ويداعىداي ارقالاپ، نازاردى كەلەلى ورنالاستىرۋلارعا، ماڭىزدى مىندەتتەرگە، ٴتۇيىندى قىزمەتتەرگە شوعىرلاندىرىپ، ۇيىمدىق باسشىلىقتى كۇشەيتىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، فورماشىلدىقتان، تورەشىلدىكتەن بارىنشا ساقتانۋ كەرەك. ٴارقايسى شەپ، ٴارقايسى تاراۋلار تەڭ يگەرىپ، بىرگە باسقارىپ، جاۋاپكەرشىلىكتى ناقتىلاندىرىپ، بىرىككەن كۇش قالىپتاستىرىپ، قىزمەتتى زاڭ بويىنشا ىستەۋ دەڭگەيىن جوعارىلاتۋ كەرەك.

来源：中央广播电视总台

主播：巴拉番

视频制作：阿依努尔

微信制作：古丽美热

تومەندەگى  阅读原文  جالعانىمىن باسىپ حاباردىڭ  كەسكىنىن كورىڭىزدەر 

↓↓↓