ينفورماتسيا اشكەرەلەۋ: mzjubao@cnr.cn

باس حابار

شي جينپيڭ مەن حورۆاتيانىڭ پرەزيدەنتى جۇڭگو مەن گحورۆاتيانىڭ ديپلوماتيالىق قاتىناس ورناتقاندىعىنىڭ 30 جىلدىعى جونىندە ٴوزارا قۇتتىقتاۋ تەلەگرامماسىن جولدادى

来源:جۇڭگو قازاق راديو تورابى     |责编:阿依娜|     发布日期: 2022-05-14 10:11


    ٴوز حابارىمىز. مەملەكەت ٴتوراعاسى شي جينپيڭ مەن حورۆاتيا رەسپۋبليكاسىنىڭ پرەزيزدەنتى ميلانوۆيچ 5-ايدىڭ 13-كۇنى ٴوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقاندىعىنىڭ 30 جىلدىعىن قۇتتىقتادى.


    شي جينپيڭ مىنالاردى اتاپ كورسەتتى: جۇڭگو مەن حورۆاتيا ديپلوماتيالىق قاتىناس ورناتقان 30 جىلدان بەرى، ەكى جاق باستان ـ اياق ٴوزارا قۇرمەت ەتىپ، تەڭ تۇرعىدا مامىلە جاساپ كەلەدى، ەكى ەل قاتىناسى حالىقارالىق اۋمالى-توكپەلى جاعدايدىڭ سىنىنان ٴوتتى. ەكى جاقتىڭ بىرگە قۇلشىنۋىندا، جۇڭگو مەن حورۆاتيانىڭ ساياسي سەنىمدىلىگى بەرىك بولىپ، «ٴبىر بەلدەۋ، ٴبىر جولدى» بىرگە قۇرۋ سەلبەستىگىندە بەلسەندى جەتىستىكتەر قولعا كەلىپ، ەكى ەل حالقىنا باقىت جاراتتى. جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنىڭ سايىسى الدىندا، جۇڭگو مەن حورۆاتيا ىندەتكە قول ۇستاسا قارسى تۇرىپ، ەكى ەل دوستىعىنىڭ تىڭ داستانىن جازدى.


    شي جينپيڭ مىنالاردى باسا دارىپتەدى: مەن جۇڭگو ـ حورۆاتيا قارىم ـ قاتىناسىنىڭ دامۋىنا ايرىقشا ٴمان بەرەمىن، پرەزيدەنت ميلانوۆيچپەن بىرگە قۇلشىنىپ، ديپلوماتيالىق قاتىناس ورناتقاندىعىنىڭ 30 جىلدىعىن وراي ەتىپ، ەكى ەلدىڭ ساياسي جاقتاعى ٴوزارا سەنىمدىلىگىن بەكەمدەپ، دامۋ ستراتەگياسىن ۇشتاستىرۋدى كۇشەيتىپ، جۇڭگو ـ حورۆاتيا قارىم ـ قاتىناسىنىڭ اناعۇرلىم زور دامۋىن جۇزەگە اسىرۋىنا بىرگە جەتەكشىلىك ەتىپ، ەكى ەل مەن ەكى ەل حالقىنا باقىت جاراتۋدى قالايمىن.


    ميلانوۆيچ بىلاي دەدى: حورۆاتيا مەن جۇڭگو ديپلوماتيالىق قاتىناس ورناتقاننان بەرى، ەكى ەلدىڭ ٴار سالاداعى ٴوزارا ٴتيىمدى سەلبەستىگىنىڭ ناتيجەسى كورنەكتى بولدى. ەكى جاقتىڭ ۇزدىكسىز قول ۇستاسا قۇلشىنىپ، سەرىكتەستىك قاتىناستى تەرەڭدەتىپ، سەلبەستىك سالاسىن كەڭەيتىپ، ەكى ەل قاتىناسىنىڭ ۇزدىكسىز تىڭ تابىستارعا قول جەتكىزۋىن جەبەيتىندىگىنە سەنەمىن.


    سول كۇنى مەملەكەتتىك كەڭەستىڭ زۇڭليى لي كىچياڭ مەن حورۆاتيانىڭ زۇڭليى پلەنكوۆيچ ٴوزارا قۇتتىقتاۋ تەلەگرامماسىن جولدادى. لي كىچياڭ بىلاي دەدى: جۇڭگو مەن حورۆاتيانىڭ ناقتى سەلبەستىگى اسا ناتيجەلى بولدى، پلەساس كوپىرى، سەنە جەل ەلەكترى قاتارلى ٴوزارا تيىمدىلىك جەتكىزىپ، تەڭ يگىلىككە كەنەلۋ نىساندارىندا جۇڭگو مەن حورۆاتيا، جۇڭگو مەن ەۆروپا سەلبەستىگىنىڭ ۇلگىسى ورناتىلدى. جۇڭگو حورۆاتيامەن اۋىس ـ كۇيىستى كۇشەيتىپ، ٴداستۇرلى دوستىق قاتىناستى بەكەمدەپ، ناقتى سەلبەستىك سالاسىن كەڭەيتىپ، ەكى جاقتى قاتىناستىڭ تەرەڭدەۋىن، ناقتىلانۋىن ۇزدىكسىز ىلگەرىلەتۋدى قالايدى. پلەنكوۆيچ بىلاي دەدى: 30 جىلدان بەرى، حورۆاتيا مەن جۇڭگو قاتىناسى ىشكەرىلەي دامىدى. ەكى جاق بەلسەندى رولىن ونان ارى ساۋلەلەندىرىپ، ەكى ەل قاتىناسىنىڭ ۇزدىكسىز تىڭ تابىستارعا قول جەتكىزۋىن ىلگەرىلەتىپ، ەكى ەل حالقىنا جانە ۇرپاقتارعا باقىت جاراتادى.

 

اۋدارعان: نازار ٴارىپ ۇلى

中央广播电视总台 央广网 版权所有

شي جينپيڭ مەن حورۆاتيانىڭ پرەزيدەنتى جۇڭگو مەن گحورۆاتيانىڭ ديپلوماتيالىق قاتىناس ورناتقاندىعىنىڭ 30 جىلدىعى جونىندە ٴوزارا قۇتتىقتاۋ تەلەگرامماسىن جولدادى

جۇڭگو مەن حورۆاتيا ديپلوماتيالىق قاتىناس ورناتقان 30 جىلدان بەرى، ەكى جاق باستان ـ اياق ٴوزارا قۇرمەت ەتىپ، تەڭ تۇرعىدا مامىلە جاساپ كەلەدى.