ينفورماتسيا اشكەرەلەۋ: mzjubao@cnr.cn

باس حابار

شي جينپيڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 26-رەتكى ٴماجىلىسىن باسقارىپ اشتى

来源:جۇڭگو قازاق راديو تورابى     |责编:阿依娜|     发布日期: 2022-06-23 10:05


    ٴوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى، ورتالىقتىڭ رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 6-ايدىڭ 22-كۇنى تۇستەن كەيىن ورتالىقتىڭ رەفورمانى جاپپاي تەرەڭدەتۋ كوميتەتىنىڭ 26-رەتكى ٴماجىلىسىن باسقارىپ اشىپ، «ساندى مالىمەت نەگىزدىك ٴتۇزىمىن ورناتىپ، ساندى مالىمەت فاكتورلارىنىڭ رولىن اناعۇرلىم ويداعىداي ساۋلەلەندىرۋ جونىندەگى پىكىردى»، «اكىمشىلىك رايوندارعا ٴبولۋ قىزمەتىن كۇشەيتۋ جانە جاقسارتۋ جونىندەگى پىكىردى»، «عىلىم-تەحنيكا دارىندىلارىن باعالاۋ رەفورماسىن تۇيىندە سىناق ەتۋدى ورىستەتۋ جونىندەگى قىزمەت جوباسىن»، «ٴىرى تولەۋ تەكشەسى كاسىپورىندارىنىڭ تولەۋدى باقىلاۋ-باسقارۋىن جانە فينانس عىلىم-تەحنيكاسىنىڭ اقاۋسىز دامۋىن ارناعا ٴتۇسىرۋ قىزمەتىن كۇشەيتۋ جوباسىن» قاراپ ماقۇلدادى.


    شي جينپيڭ ٴماجىلىستى باسقارعاندا مىنالاردى باسا دارىپتەدى: ساندى مالىمەت نەگىزدىك ٴتۇزىمى قۇرىلىسى مەملەكەتتىڭ دامۋ جانە حاۋىپسىزدىك جالپى جاعدايىنا سايادى، مەملەكەتتىڭ ساندى مالىمەت حاۋىپسىزدىگىن قورعاپ، جەكەلەردىڭ ينفورماتسياسى مەن ساۋدا قۇپيالىعىن قورعاپ، ساندى مالىمەتتىڭ جوعارى ٴونىمدى اينالىمىن، قولدانىلىمىن، ناقتى ەكونوميكاعا پايدالانىلۋىن جەبەپ، ساندى مالىمەت مەنشىك ۇقىعىن، اينالىم ساۋداسىن، تابىس ٴبولىسىن، حاۋىپسىزدىكتى باسقارۋدى ٴبىر تۇتاس ىلگەرىلەتىپ، ساندى مالىمەت نەگىزدىك ٴتۇزىم جۇيەسىن جەدەل ورناتۋ كەرەك. پارتيا ورتالىق كوميتەتىنىڭ اكىمشىلىك رايوندارعا ٴبولۋ قىزمەتىنە ورتالىقتانعان ٴبىر تۇتاس باسشىلىعىن كۇشەيتىپ، ٴبىر تۇتاس جوسپارلاۋدى ويداعىداي ىستەپ، كوزسىزدىكتەن جانە ٴتارتىپسىز بولۋدان ساقتانۋ كەرەك. عىلىم-تەحنيكادا جاڭالىق اشۋ زاڭدىلىعى مەن دارىندىلاردى جەتىلدىرۋ زاڭدىلىعىنا بويسۇنىپ، عىلىم-تەحنيكا دارىندىلارىنىڭ جاڭالىق اشۋ ومىرشەڭدىك كۇشىن تاسقىنداتۋدى نىسانا ەتىپ، جاڭالىق اشۋ قيمىلىنىڭ ٴتۇرى بويىنشا، جاڭالىق اشۋ قۇنىن، قابىلەتىن، ۇلەسىن جەتەكشى ەتكەن عىلىم-تەحنيكا دارىندىلارىن باعالاۋ جۇيەسىن ورناتىپ، ٴار كىمنىڭ ٴوز تالانىتىن تولىق تانىتۋىنا، قابىلەتىن سارقا جۇمساۋىنا، ودان ناتيجە جاراتۋىنا جەتەكشىلىك ەتۋ كەرەك. ٴىرى تولەۋ جانە فينانس عىلىم-تەحنيكا تەكشەسى كاسىپورىندارىنىڭ ٴوز قاينارىنا ورالۋىن ىلگەرىلەتىپ، باقىلاۋ-باسقارۋ ەرەجەسىن اقاۋسىزداندىرىپ، تۇزىمدەگى ولقىلىقتاردى تولىقتاپ، تولەۋ مەن فينانس نەگىزدىك قۇرىلعىلارىنىڭ حاۋىپسىزدىگىن قامتاماسىزداندىرىپ، جۇيەلىك فينانس حاۋىپ-قاتەرىنىڭ كومەسكى حاۋپىنەن ساقتانىپ جانە ونى شەشىپ، تەكشە كاسىپورىندارىنىڭ ناقتى ەكونوميكاعا قىزمەت وتەۋ جانە ەل ٴىشى مەن حالىقارانىڭ قوس اينالىمىن ىركىلىسسىزدەندىرۋ سياقتى جاقتاردا اناعۇرلىم زور رول اتقارۋىن قولداۋ كەرەك.


    ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىقتىڭ رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.


    ماجىلىستە مىنالار اتاپ كورسەتىلدى: ساندى مالىمەت جاڭاشا ٴوندىرىس فاكتورى رەتىندە سيفرلاندىرۋدىڭ، توراپتاندىرۋدىڭ، زەردەلىلەندىرۋدىڭ نەگىزى بولىپ، ٴوندىرىس، ٴبولىس، اينالىم، تۇتىنۋ جانە قوعامدىق قىزمەت وتەۋدى باسقارۋ سياقتى بۋىندارمەن جەدەل توعىسىپ، ٴوندىرىس ٴتاسىلىن، تۇرمىس ٴتاسىلىن جانە قوعامدى باسقارۋ ٴتاسىلىن تۇبىرىنەن وزگەرتۋدە. ەلىمىز ساندى مالىمەت كولەمى مەن ساندى مالىمەتتەردى قولدانۋدا ابزالدىلىققا يە، ٴبىز ساندى مالىمەت حاۋىپسىزدىگى زاڭى، جەكەلەردىڭ ينفورماتسياسىن قورعاۋ زاڭى سياقتى زاڭدار مەن زاڭدىق ەرەجەلەردى شىعارۋدى ىلگەرىلەتىپ، ساندى مالىمەت فاكتورلارىن بازارلاندىرۋدى ىلگەرىلەتۋ جونىندە بەلسەنە ىزدەنىس جاساپ، ساندى مالىمەتتەردى شەشۋشى فاكتور ەتكەن سيفرلى ەكونوميكانى جەدەل قۇرىپ، بەلسەندى ىلگەرىلەۋشىلىككە قول جەتكىزدىك. ساندى مالىمەت مەنشىك ۇقىعى ٴتۇزىمىن ورناتىپ، الەۋمەتتىك ساندى مالىمەتتى، كاسىپورىن ساندى مالىمەتىن، جەكەلەردىڭ ساندى مالىمەتىن تۇرگە، دارەجەگە ٴبولىپ ۇقىعىن تۇراقتاندىرۋدى، ۇقىق بەرىپ پايدالانۋدى ىلگەرىلەتىپ، ساندى مالىمەت بايلىعىن يەمدەنۋ ۇقىعى، ساندى مالىمەتتەردى وڭدەپ پايدالانۋ ۇقىعى، ساندى مالىمەت ونىمدەرىن تيجارات ەتۋ ۇقىعى سياقتىلاردى ٴبولىپ ورنالاستىراتىن مال-مۇلىك ۇقىعى اينالىم مەحانيزمىن ورناتىپ، ساندى مالىمەت فاكتورلارىنىڭ ۇقىق-مۇددەسىن قورعاۋ ٴتۇزىمىن اقاۋسىزداندىرۋ ٴتيىس. بەلگىلەمەگە ۇيلەسەتىن، جوعارى ٴونىمدى ساندى مالىمەت فاكتورلارىنىڭ اينالىمى مەن ساۋدا ٴتۇزىمىن ورناتىپ، ساندى مالىمەتتىڭ تۇتاس بارىسىن ەرەجەگە سايكەستىرۋ جانە باقىلاۋ-باسقارۋ ەرەجەسى جۇيەسىن كەمەلدەندىرىپ، ارناعا تۇسكەن ساندى مالىمەت ساۋدا بازارىن قۇرۋ كەرەك. ساندى مالىمەت فاكتورلارىن بازارلاندىرىپ ورنالاستىرۋ مەحانيزمىن كەمەلدەندىرىپ، ۇكىمەتتىڭ ساندى مالىمەت فاكتورلارىنىڭ پايدا بولىسىندەگى جەتەكتەۋ، رەتتەۋ رولىن اناعۇرلىم ويداعىداي ساۋلەلەندىرىپ، ونىمدىلىكتى ايگىلەيتىن، ٴادىل ساندى مالىمەت فاكتورلارىنىڭ تابىس ٴبولىسى ٴتۇزىمىن ورناتۋ قاجەت. حاۋىپسىزدىكتى ساندى مالىمەتتەردى باسقارۋدىڭ تۇتاس بارىسىنا ٴسىڭىرىپ، حاۋىپسىزدىكتىڭ تومەنگى شەگىن ساقتاپ، باقىلاۋ-باسقارۋدىڭ قىزىل سىزىعىن ايقىنداپ، ٴتۇيىندى سالالارداعى زاڭ اتقارۋدى، ٴادىليانى كۇشەيتىپ، باسقارۋعا تيىستىلەرىن باتىل باسقارۋ كەرەك. ۇكىمەت، كاسىپورىن، قوعام سىندى كوپ جاقتى سەلبەسىپ باسقارۋ ۇلگىسىن ورناتىپ، كاسىپ بويىنشا باقىلاۋ-باسقارۋدى جانە كاسىپ اتتاعان سەلبەسىپ باقىلاۋ-باسقارۋدى كۇشەيتىپ، كاسىپورىنداردىڭ ساندى مالىمەت حاۋىپسىزدىگى جاۋاپكەرشىلىگىن ناقتىلاندىرۋ كەرەك.


    ماجىلىستە مىنالار باسا دارىپتەلدى: پارتيا 18-قۇرىلتايىنان بەرى، بۇكىل ەلدىڭ اكىمشىلىك رايوندارعا ٴبولۋدى ورنالاستىرۋ جانە رەتتەۋ قىزمەتى جالپى تۇلعالىق جاقتان ورنىقتى، ٴتارتىپتى ىلگەرىلەتىلدى. پارتيا ورتالىق كوميتەتىنىڭ اكىمشىلىك رايوندارعا ٴبولۋ قىزمەتىنە ورتالىقتانعان ٴبىر تۇتاس باسشىلىعىن كۇشەيتىپ، اكىمشىلىك رايوندارعا بولۋدەگى كەلەلى رەفورمالاردى، ماڭىزدى ساياساتتاردى، ۇلكەن رەتتەۋلەردى پارتيا ورتالىق كوميتەتى اقىلداسىپ شەشىم جاساۋى كەرەك. ستراتەگيالىق، جۇيەلى، كورەگەندىك زەرتتەۋدى كۇشەيتىپ، اكىمشىلىك رايوندارعا ٴبولۋدىڭ جالپى تۇلعالىق جوبا وي جەلىسىن زەرتتەۋگە، بەلگىلەۋگە ۇيىمداستىرىپ، اكىمشىلىك رايوندارعا ٴبولۋدى ورنالاستىرۋدىڭ عىلميلىعىن، جۇيەلىلىگىن، ونىمدىلىگىن جوعارىلاتىپ، اكىمشىلىك رايوندارعا ٴبولۋدى ورنالاستىرۋ مەن رەتتەۋدىڭ مەملەكەتتىڭ دامۋ ستراتەگياسىمەن، ەكونوميكالىق، قوعامدىق دامۋمەن، مەملەكەت قورعانىسى قۇرىلىسىنىڭ قاجەتىمەن سايكەسۋىنە كەپىلدىك ەتۋ ٴتيىس. تاريحي مادەنيەتكە مۇراگەرلىك ەتۋدى، قورعاۋدى اناعۇرلىم ماڭىزدى ورىنعا قويىپ، ەلىمىزدىڭ اكىمشىلىك رايوندارعا ٴبولۋدى ورنالاستىرۋ تاريحي تاجىريبەلەرىن ىشكەرىلەي زەرتتەپ، اكىمشىلىك رايونداردىڭ اتىن وزگەرتۋگە بايىپتىلىقپەن مامىلە جاساۋ، كونە جەر اتتارىن بەتالدى وزگەرتپەۋ كەرەك. اكىمشىلىك رايوندارعا ٴبولۋدىڭ جالپى تۇلعالىق ورنىقتىلىعىن ساقتاۋعا تاباندى بولىپ، قاجەتسىزدەرىن رەتتەمەۋ، شەشىم جاساي الماعاندارىن قويا تۇرۋ، شارت-جاعداي پىسىپ جەتىلمەگەندەرىن وزگەرتپەۋ كەرەك. اكىمشىلىك رايونداردى ٴبولۋدى رەتكە سالۋدىڭ ولشەم جۇيەسىن كەمەلدەندىرىپ، اكىمشىلىك رايونداردى ٴبولۋدى قاتىستى ساياساتتارمەن، پلاندارمەن، ولشەمدەرمەن سايكەستىرۋدى، ۇشتاستىرۋدى كۇشەيتىپ، اكىمشىلىك رايونداردىڭ ٴبولۋدى باسقارۋدى زاڭ بويىنشا كۇشەيتۋ كەرەك.


    ماجىلىستە مىنالار اتاپ كورسەتىلدى: عىلىم-تەحنيكا دارىندىلارىن باعالاۋ رەفورماسىن تۇيىندە سىناق ەتۋدە ٴمورالدى دا قابىلەتتى بولۋعا تاباندى بولىپ، مەملەكەتتىڭ كەلەلى قامال الۋ مىندەتى، سونداي-اق نەگىزدىك زەرتتەۋ، قولدانىلمالى زەرتتەۋ جانە تەحنيكا اشۋ، قوعامدىق الەۋمەتتىك يگىلىكتى زەرتتەۋ سياقتىلاردى تۇرگە ٴبولىپ دارىندىلاردى باعالاپ، عىلمي زەرتتەۋ قيمىلىنىڭ ەرەكشەلىگىنە ۇيلەسەتىن باعالاۋ كورسەتكىشىن ورناتۋ، باعالاۋ تاسىلىندە جاڭالىق اشۋ، ادام ىستەتۋشى ورىنداردىڭ ىشكى ٴتۇزىم قۇرىلىسىن كەمەلدەندىرۋ سياقتى جاقتاردا سىناق ٴتۇيىنى مىندەتتەرىن العا قويىپ، مەڭگەرۋگە، كوشىرىپ قولدانۋعا، جالپىلاستىرۋعا بولاتىن ٴونىمدى ادىستەردى قالىپتاستىرۋ كەرەك. قاتىستى تاراۋلار مەن جەرگىلىكتى ورىندار تۇيىندە سىناق ەتىلگەن ورىندارعا جەتەكشىلىك ەتۋدى كۇشەيتىپ، تۇيىندە سىناق ەتۋ قىزمەتىنىڭ ٴساتتى اتقارىلۋىن ىلگەرىلەتۋ ٴتيىس.


    ماجىلىستە مىنالار باسا دارىپتەلدى: تەكشە كاسىپورىندارىنىڭ تولەمى مەن باسقا دا فينانس قيمىلدارىن زاڭ-ەرەجە بويىنشا تۇگەلدەي باقىلاۋ-باسقارۋعا ەنگىزىپ، ناقتى ەكونوميكاعا قىزمەت كورسەتۋدى نەگىز ەتىپ، فينانس كاسىبىنىڭ كۋالىكپەن تيجارات جۇرگىزۋىنە تاباندى بولىپ، تولەۋ سالاسىنداعى ەرەجە-تۇزىمدەر مەن حاۋىپ-قاتەردەن ساقتانۋ جانە ونى تىزگىندەۋ جۇيەسىن اقاۋسىزداندىرىپ، جۇمىستان بۇرىنعى، جۇمىس بارىسىنداعى، جۇمىستان كەيىنگى تۇتاس تىزبەكتى، تۇتاس سالانى باقىلاۋ-باسقارۋدى كۇشەيتۋ كەرەك. جارنامەن تىزگىندەلەتىن فينانس سەرىكتىكتەرىن باقىلاۋ-باسقارۋدى جانە تەكشە كاسىپورىندارى قاتىسقان جارنامەن تىزگىندەلەتىن فينانس قۇرىلىمدارىن باقىلاۋ-باسقارۋدى كۇشەيتىپ، ينتەرنەتتەگى امانات-قارىز اقشا، قامسىزداندىرۋ، باعالى قاعاز، قور سياقتىلاردى كاسىپتىك باقىلاۋ-باسقارۋدى كۇشەيتۋ كەرەك. فينانس تۇتىنۋشىلارىنىڭ زاڭدى ۇقىق-مۇددەسىن قورعاپ، تەكشە كاسىپورىندارىنداعى مونوپوليالاۋعا، ورىنسىز باسەكەگە قارسى تۇرۋدى باقىلاۋ-باسقارۋدى كۇشەيتىپ، تەكشە كاسىپورىندارىنىڭ ساندى مالىمەتتەرىن ىشكەرىلەي باقىلاپ-باسقارۋدى كۇشەيتىپ، حاريدارلاردىڭ وزىنە دەگەن سەنىمىنەن پايدالانىپ، ورىنسىز تاسىلدەر ارقىلى پايدا تابۋ ٴجايىتىن جۇيەگە ٴتۇسىرۋ كەرەك. قاتىستى تاراۋلاردىڭ باقىلاۋ-باسقارۋ جاۋاپكەرشىلىگىن ناقتىلاندىرىپ، ورتالىق پەن جەرگىلىكتى ورىنداردىڭ سەلبەسىپ باقىلاۋ-باسقارۋ جاعدايىن اقاۋسىزداندىرىپ، فۋنكتسيانى باقىلاۋ-باسقارۋدى، وتىمدىلىك ۇلگىسىندە باقىلاۋ-باسقارۋدى، ٴۇرتىس باقىلاۋ-باسقارۋدى كۇشەيتىپ، باقىلاۋ-باسقارۋ سەلبەستىگىن جانە بىرلەسىپ زاڭ اتقارۋدى كۇشەيتىپ، جەلىدە جانە جەلىدەن تىس باقىلاۋ-باسقارۋدىڭ بىردەيلىگىن ساقتاپ، زاڭسىز فينانس قيمىلدارىن زاڭ بويىنشا باتىل تەكسەرىپ ٴبىر جاقتى ەتۋ كەرەك.


    ورتالىقتىڭ رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

 

اۋدارعان: گۇلنۇر قابىلقاق قىزى

中央广播电视总台 央广网 版权所有

شي جينپيڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 26-رەتكى ٴماجىلىسىن باسقارىپ اشتى

ساندى مالىمەت نەگىزدىك ٴتۇزىمىن جەدەل ورناتىپ، اكىمشىلىك رايوندارعا ٴبولۋ قىزمەتىن كۇشەيتۋ جانە جاقسارتۋ كەرەك