ينفورماتسيا اشكەرەلەۋ: mzjubao@cnr.cn

باس حابار

​شي جينپيڭ جۇڭگو اقپارات اگەنتتىگىنە قۇتتىقتاۋ حات جولدادى

来源:央广网     |责编:古丽美热·霍孜汗|     发布日期: 2022-09-24 17:28

​شي جينپيڭ جۇڭگو اقپارات اگەنتتىگىنە قۇتتىقتاۋ حات جولدادى

شي جينپيڭ حات جولداپ، جۇڭگو اقپارات اگەنتتىگى قۇرىلعاندىعىنىڭ 70 جىلدىعىن قۇتتىقتاپ، حالىقارالىق تاراتىلىم ٴسوز سويلەۋ جۇيەسىندە جاڭالىق جاراتۋ، حالىقارالىق تاراتىلىم قابىلەتىن جوعارىلاتۋ، حاباردىڭ جاعىمدىلىعى مەن ناقتى ونىمدىلىگىن كۇشەيتۋ كەرەك،-دەپ باسا دارىپتەدى

ٴوز حابارىمىز. جۇڭگو اقپارات اگەنتتىگى قۇرىلعاندىعىنىڭ 70 جىلدىعى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قۇتتىقتاۋ حات جولداپ، جۇڭگو اقپارات اگەنتتىگىندەگى بارلىق جولداستاردى ىستىق ىقىلاسپەن قۇتتىقتادى. 

 

شي جينپيڭ قۇتتىقتاۋ حاتىندا بىلاي دەپ انىق ايتتى: 70 جىلدان بەرى، جۇڭگو اقپارات اگەنتتىگى وتانشىلدىق اقپارات باعىتىنا، وتانعا قىزمەت ەتۋگە تاباندى بولىپ، جۇڭگو حيكاياسىن ويداعىداي بايانداۋدا، جۇڭگو ٴۇنىن ويداعىداي تاراتۋدا بەلسەندى رول اتقاردى. 

 

شي جينپيڭ مىنالاردى ٴۇمىت ەتتى: جۇڭگو اقپارات اگەنتتىگى اگەنتتىك قۇرىلعاندىعىنىڭ 70 جىلدىعىن تىڭ باستاما ەتە، حالىقارالىق تاراتىلىم ٴسوز سويلەۋ جۇيەسىندە جاڭالىق جاراتا توعىسپالى دامۋدى جەدەلدەتۋ؛ حالىقارالىق تاراتىلىم قابىلەتىن جوعارىلاتۋ؛ حاباردىڭ جاعىمدىلىعى مەن ناقتى ونىمدىلىگىن كۇشەيتۋ؛ شەتەلدەگى حانزۋ تىلىندەگى اقپارات قۇرالدارىمەن بەلسەنە بايلانىس جاساۋ؛ سەنىمدى، ۇنامدى، قۇرمەتتى جۇڭگو وبرازىن ايگىلەۋ؛ ەل ٴىشى-سىرتىنداعى جۇڭحۋا ۇلاندارىنىڭ ۇلى ىنتىماعىن جەبەۋ؛ جۇڭگو مەن شەتەل وركەنيەتىنىڭ اۋىس-كۇيىسىن، حالىق تىلەگىنىڭ توعىسۋىن ىلگەرىلەتۋگە اناعۇرلىم تىڭ زور ۇلەس قوسۋ كەرەك.

 

9-ايدىڭ 23-كۇنى تۇستەن بۇرىن جۇڭگو اقپارات اگەنتتىگى قۇرىلعاندىعىنىڭ 70 جىلدىعىن قۇتتىقتاۋ جينالىسى بەيجيڭدە وتكىزىلدى، جينالىستا شي جينپيڭنىڭ قۇتتىقتاۋ حاتى وقىلدى. ج ك پ ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ٴبولىمىنىڭ باستىعى يوۋ چۋان جينالىسقا قاتىناستى ٴارى ٴسوز سويلەدى. ول بىلاي دەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتەندىرىپ، وتانشىلدىق اقپارات باعىتىنا باستان-اياق تاباندى بولۋ؛ جۇڭگو اقپارات ەرەكشەلىگىن كورنەكتەندىرۋ؛ شياڭگاڭدىق، اۋمىندىق، تايۋاندىق باۋىرلاستاردى، شەتەلدەگى مۇھاجىر باۋىرلاستاردى جانە حالىقارالىق قوعامدى بەتكە الۋ؛ جۇڭگو حيكاياسىن ويداعىداي بايانداۋ؛ جۇڭگو مەن شەتەلدىڭ وركەنيەت اۋىس-كۇيىسىن جانە حالىق تىلەگى توعىسۋىن جەبەۋ؛ شەتەلدەگى جۇڭگونى بىلگىسى كەلەتىن جانە جۇڭگومەن دوس بولۋدى قالايتىنداردىڭ «دوستار شەڭبەرىن» ۇزدىكسىز زورايتىپ، جۇڭحۋا ۇلتىنىڭ ۇلى كوركەيۋىن جۇزەگە اسىرۋعا جۇرت تىلەگىن جانە كۇش-قۋاتىن ۇيىستىرۋ كەرەك. 

 

حينالىستا جۇڭگو اقپارات اگەنتتىگىنىڭ جاۋاپتىلارى جانە ساقا جولداستاردىڭ، جاس جۇمىسشى-قىزمەتكەرلەردىڭ ۋاكىلدەرى ٴسوز سويلەدى. 

 

جۇڭگو اقپارات اگەنتتىگى جۇڭگونىڭ اقپارات سالاسىنداعى جانە مۇھاجىرلار سالاسىنداعى ايگىلى قايراتكەرلەردىڭ باستاماشىلدىعىندا 1952-جىلى 10-ايدىڭ 1-كۇنى رەسمي قۇرىلدى. قازىر بۇل اگەنتتىك ەل ٴىشى-سىرتىندا 52 بولىمشە اگەنتتىكتىڭ 24 ساعات توقتاۋسىز ينفورماتسيا جاريالاۋ جۇيەسىن قۇرىپ، شەتەلدەگى باسىم كوپ ساندى حانزۋ تىلىندەگى مەديا دانەكەرلەردى قامتىعان تۇتىنۋشىلار تورابىن قالىپتاستىردى. 

来源:中央广播电视总台

 

 

 

微信制作:古丽美热

    

中央广播电视总台 央广网 版权所有

​شي جينپيڭ جۇڭگو اقپارات اگەنتتىگىنە قۇتتىقتاۋ حات جولدادى

حينالىستا جۇڭگو اقپارات اگەنتتىگىنىڭ جاۋاپتىلارى جانە ساقا جولداستاردىڭ، جاس جۇمىسشى-قىزمەتكەرلەردىڭ ۋاكىلدەرى ٴسوز سويلەدى.