ينفورماتسيا اشكەرەلەۋ: mzjubao@cnr.cn

باس حابار

جاڭا يدەيا ارقىلى جاڭا جورىققا جەتەكشىلىك ەتەيىك

来源:جۇڭگو قازاق راديو تورابى     |责编:阿依娜|     发布日期: 2022-11-24 10:08


    ٴوز حابارىمىز. پارتيا 18-قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى سازدىقتى قورعاۋ، قالپىنا كەلتىرۋ قىزمەتىنە وسكەلەڭ ٴمان بەرىپ، ونى ەكولوگيالىق وركەنيەت قۇرىلىسىنىڭ ماڭىزدى مازمۇنى ەتىپ، ٴبىرسىپىرا شەشىم ورنالاستىرۋلار جاساپ، ەلىمىزدىڭ سازدىقتى قورعاۋ، قالپىنا كەلتىرۋ جاعىندا تاريحي تابىستارعا قول جەتكىزىپ، تاريحي وزگەرىستەر تۋدىرۋىن جەبەدى.
پارتيا 20 - قۇرىلتايىنىڭ بايانداماسىندا ەكولوگيالىق وركەنيەت قۇرىلىسى جونىندە تىڭ ورنالاستىرۋ جاسالىپ، ادام مەن تابيعاتتىڭ جاراسىمدى قاتار ٴومىر ٴسۇرۋى تۇرعىسىنان دامۋدى جوسپارلاپ، سازدىقتى قورعاۋ جاعىندا جوعارى ساپالى دامۋدىڭ تىڭ پاراعىن اشۋ ورتاعا قويىلدى.


    قىسقى كوركەم سازدىققا جىل قۇستارى ۋادەلەسكەندەي توپ توبىمەن كەلىپ، ەكولوگيالىق تاماشا كارتينا قالىپتاستى. حۋاڭحى وزەنى اتىراۋىنداعى سازدىقتا قۇستار جاراتىلىستىق قورىق قۇرىلعان العاشقى كەزدەگى 187 تۇردەن 371 تۇرگە كوبەيىپ، شىعىستىڭ اق قۇتانى مەن قارا تۇمسىق شاعالانىڭ بۇكىل جەر شارىنداعى ٴوسىپ ٴوربيتىن ماڭىزدى مەكەنىنە اينالدى. جورگەي سازدىعىندا، توپ-توپ سۋ قۇستارى كولدە اسىر سالادى، بۇل ارا قازىر دۇنيە جۇزىندەگى ۇستىرتتە وسەتىن بىردەن - ٴبىر قارا مويىن تىرنانىڭ كيەلى مەكەنى. تاياۋدا عانا 2-توپتاعى «حالىقارالىق سازدىق» اتاعىنا يە بولعان لياۋنيڭنيڭ پان جيڭ وڭىرىندە لياۋ حى كوۋ مەملەكەتتىك باقشاسىن پلانداپ قۇرۋ جۇمىسى ورنىقتى ىلگەرلەۋدە.


    تاياۋدا وتكىزىلگەن سازدىق شارتىنىڭ 14-كەزەكتى شارت جاساسۋشى تاراپتار جينالىسىنىڭ اشىلۋ سالتىندا باس شۋجي شي جينپيڭ بەينە ـ ەكران سوزىندە سازدىقتى قورعاۋدىڭ ادامزاتتىڭ دامۋى جونىندەگى كەلەلى ٴمانىن تەرەڭ بايىمداپ، جۇڭگونىڭ سازدىقتى قورعاۋدا قولداناتىن ٴبىر قىدىرۋ ناقتى شارالارىن سالتاناتپەن جاريالاپ، الەمدىك سازدىقتى قورعاۋ سالاسىنا جۇڭگونىڭ اقىل ـ پاراساتى مەن جۇڭگو جوباسىن ۇسىندى. 10 جىلدان بەرى، شي جينپيڭنىڭ ەكولوگيالىق وركەنيەت يدەياسىنىڭ جەتەكشىلىگىندە، ەلىمىز ەكولوگيالىق وركەنيەت قۇرىلىسىن زور كۇشپەن ىلگەرىلەتىپ، سازدىقتى قورعاۋدى، قالپىنا كەلتىرۋدى كۇشەيتىپ، سازدىق قورعاۋ ٴتۇزىمى جۇيەسىن ورناتىپ، سازدىقتى قورعاۋ زاڭىن شىعارىپ، سازدىقتىڭ ەكولوگيالىق جاعدايىن ۇزدىكسىز جاقسارتىپ، ورگانيزمدەردىڭ الۋان تۇرلىلىگىن كۇن سايىن بايىتتى. قازىر ەلىمىزدىڭ سازدىق جەر كولەمى 56 ميلليون 350 مىڭ گەكتارعا جەتىپ، حالىقاراداعى ماڭىزدى سازدىق 64 ورىنعا، مەملەكەتتىڭ ماڭىزدى سازدىعى 29 ورىنعا، ولكە دارەجەلى ماڭىزدى سازدىق 1021 ورىنعا جەتىپ، مەملەكەتتىك سازدىق باقشاسى 901 گە جەتتى. «سازدىق شارتىندا» تۇراقتاندىرىلعان 43 حالىقارالىق سازدىق قالاسىنا جۇڭگونىڭ 13 قالاسى ەنىپ، دۇنيە ٴجۇزى بويىنشا حالىقارالىق سازدىق قالا سانى ەڭ كوپ مەملەكەت دەپ تانىلدى.


    جاڭا تاريحي باستامادا سازدىقتى قورعاۋدىڭ جاڭا جورىعى باستالدى. باس شۋجي شي جينپيڭ پارتيانىڭ 20 - قۇرىلتايىندا جاساعان بايانداماسىندا بىلاي دەپ ايقىن اتاپ كورسەتتى: تۇنىق سۋ، جاسىل تاۋ − باعالى بايلىق تانىمىن بەرىك ورناتىپ جانە امالياتتا ايگىلەپ، ادام مەن تابيعاتتىڭ جاراسىمدى قاتار ٴومىر ٴسۇرۋى تۇرعىسىنان دامۋدى جوسپارلاپ، جايلىم، ورمان، وزەن، كول، سازدى جەرلەردى تىنىقتىرىپ قورعاۋ جۇمىسىن تىڭعىلىقتى ىلگەرلەتۋ كەرەك. سازدى جەردى قورعاۋ مۇنىڭ ماڭىزدى مازمۇنىنىڭ ٴبىرى.


    ۇستىرتتەگى تاۋ قويناۋىنداعى چيڭحاي كولىنەن ەلىمىزدىڭ ەڭ سولتۇستىك تەڭىز جاعالاۋىنداعى لياۋحى كوۋ سازدىعىنا دەيىن، وزەن، كولدەر تىعىز ورنالاسقان ٴۇش وزەن قاينارىنان سازدىقتار مەن شالعىندى جەرلەردەن قۇرالعان سۇڭ نىن حى اۋىلىنا دەيىن، ەلىمىزدە سازدىق تۇرىندەگى مەملەكەتتىك باقشا قۇرىلىسى جەدەلدەتىلىپ، مەملەكەت بويىنشا سازدىقتى قورعاۋ پلانى مەن سازدىقتى قورعاۋ كەلەلى ينجەنەرياسى اتقارىلىپ، ەلىمىزدىڭ سازدىقتى قورعاۋدىڭ ورتا، ۇزاق مەرزىمدىك نىساناسى كۇش سالا جۇزەگە اسىرىلۋدا. 2030-جىلعا بارعاندا سازدىقتى قورعاۋ جاعىندا جوعارى ساپالى دامۋدىڭ جاڭا جاعدايى العاشقى ادىمدا قالىپتاسادى.

اۋدارعان: شالقار قازەز ۇلى

中央广播电视总台 央广网 版权所有

جاڭا يدەيا ارقىلى جاڭا جورىققا جەتەكشىلىك ەتەيىك

كوركەم سازدىقتى قورعاپ، ادام مەن تابيعاتتىڭ جاراسىمدى قاتار ٴومىر ٴسۇرۋىن جەبەدى