پارتيا 20-قۇرىلتايى جەڭىسپەن اشىلعاننان كەيىن، جۇڭگوشا ٴىرى ەلدىك ديپلوماتيادا جاڭا ساپارعا قادام تاستالدى. مۇنىڭ ىشىندە پارتيانىڭ سىرتقى ىستەر قىزمەتىندە وزگەشە ابزالدىلىق ساۋلەلەنىپ، جۇڭگوشا ٴىرى ەلدىك ديپلوماتيادا تىڭ ٴورىس اشۋعا، جاڭا ۇلگى قالىپتاستىرۋعا دەم بەرىلدى.

    جۇڭگو جانە ۆيەتنام، كۋبا، لاوس ەلدەرى تۇگەلدەي سوتسياليستىك مەملەكەتتەر، پارتيالار ارا بارىس ـ كەلىس ەكى جاقتى قاتىناستىڭ ماڭىزدى قۇرامداس بولەگى. پارتيا 20-قۇرىلتايى اياقتاپ ٴبىر اپتا وتە سالا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ قۇرىلتايدان كەيىن جۇڭگودا رەسمي ساپاردا بولعان تۇڭعىش شەتەل باسشىسى بولدى، بۇل رۋان فۋجۇڭنىڭ ۆيەتنام كوممۋنيستىك پارتياسىنىڭ 13-قۇرىلتايىنان كەيىن تۇڭعىش رەت شەتەلدە ساپاردا بولۋى ەدى. شي جينپيڭ رۋان فۋجۇڭمەن كەڭەس وتكىزگەندە بىلاي دەپ انىق ايتتى: قازىر جۇڭگو مەن ۆيەتنام ەلدەرىنىڭ سوتسياليزم ىستەرى جانە ەكى پارتيا، ەكى ەل قاتىناسىنىڭ دامۋى تىڭ ورايعا يە بولۋمەن بىرگە، تىڭ سايىسقا ٴدوپ كەلىپ وتىر، مەن باس شۋجي جولداسپەن بىرلىكتە قۇلشىنىپ، جۇڭگو مەن ۆيەتنام ەلدەرىنىڭ سوتسياليستىك قۇرىلىسى جانە ەكى پارتيا، ەكى ەل قاتىناسىنىڭ دامۋى جونىندە ىشكەرىلەي پىكىر اۋىستىرۋدى قالايمىن.

    جۇڭگو-ۆيەتنام قاتىناسىن دامىتۋ بارىسىندا پارتيالار ارا قاتىناستىڭ ەرەكشە ابزالىلىعى ساۋلەلەنىپ، «ورنىقتىرعىش» بولۋداي ماڭىزدى رول اتقاردى. ەكى پارتيانىڭ ەڭ جوعارى باسشىلارى ۇنەمى تىعىز ستراتەگيالىق قاتىناس ساقتاپ، ەكى پارتيا، ەكى ەل قاتىناسىنىڭ دامۋىندا تۋ ۇستاپ، باعدار بەلگىلەگەن رول ساۋلەلەندىردى. جۇڭگونىڭ ۆيەتنامدا تۇراتىن باس ەلشىسى شيۇڭ بو بىلاي دەدى: جۇڭگو-ۆيەتنام ەلدەرى كوممۋنيستىك پارتيا باسشىلىعىنداعى سوتسياليستىك مەملەكەتتەر، بۇل- جۇڭگو ـ ۆيەتنام قاتىناسىنىڭ ەڭ ايقىن ەرەكشەلىگى. جۇڭگو مەن ۆيەتنام ەل ەل پارتيالارىنىڭ ەڭ جوعارى باسشىلارىنىڭ ستراتەگيالىق جەتەكشىلىگىنە تاباندى بولدى، مۇنى جۇڭگو-ۆيەتنام ەلدەرى پارتيالارىنىڭ، ەكى ەلدىڭ قاتىناسىن دامىتۋداعى ەڭ ۇلكەن ارتىقشىلىق جانە ەڭ ماڭىزدى ساياسي كەپىل دەۋگە بولادى.

    11-ايدىڭ 24-كۇنىنەن 26-كۇنىنە دەيىن، كۋبا كوممۋنيستىك پارتياسى ورتالىق كوميتەتىنىڭ ٴبىرىنشى شۋجيى، كۋبانىڭ مەملەكەت ٴتوراعاسى دياس كانەل جۇڭگودا مەملەكەتتىك ساپاردا بولدى. ول جۇڭگو كوممۋنيستىك پارتياسىنىڭ 20- قۇرىلتايىنان كەيىن جۇڭگوعا تۇڭعىش رەت ساپارلاي كەلگەن لاتىن امەريكا جانە كارايب ەلدەرىنىڭ مەملەكەت باسشىسى، بۇل جۇڭگو مەن كۋبا پارتيالارىنىڭ، ەلدەرىنىڭ ەرەكشە دوستىق قاتىناسىن تولىق ايگىلەيدى. شي جينپيڭ بىلاي دەپ انىق ايتتى: جۇڭگو-كۋبا ەلدەرىنىڭ پارتيالارى تىعىز بايلانىستى ساقتاپ، ماركسيزمدى ٴار ەلدىڭ ٴىس جۇزىندىگىمەن ۇشتاستىرۋ، وسىزامانداندىرۋ جاڭا ٴورىسىن بىرلىكتە اشىپ، ٴوز ەلدەرىنىڭ مەملەكەت جاعدايىنا ۇيلەسەتىن سوتسياليزمدى ويداعىداي قۇرۋ كەرەك. جۇڭگونىڭ كۋبادا تۇراتىن باس ەلشىسى ما حۇي بىلاي دەدى: بولاشاقتا ەكى جاق ەكى پارتيا، ەكى ەلدىڭ ەڭ جوعارى باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، جاڭا داۋىردەگى جۇڭگو ـ كۋبا قاتىناسىنىڭ دامۋىن جەبەۋگە، ماركسيزمنىڭ وسىزاماندانۋىن، ٴار ەلدىڭ ٴىس جۇزىندىگىمەن ۇشتاسۋىن ىلگەرىلەتۋگە، دۇنيە جۇزىلىك سوتسياليزم قوزعالىسىنىڭ دامۋىن ىلگەرىلەتۋگە اناعۇرلىم زور ۇلەس قوسۋدى قالايدى. كەلەر اپتادا لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇن جۇڭگودا مەملەكەت ىستەرى ساپارىندا بولادى. شي جينپيڭ جۇڭگو مەن لاوستىڭ قاتىناسىن «مۇراتتاستىق ٴارى جاراسىمدىلىق» دەپ بەينەلەگەن بولاتىن. 2019 ـ جىلى 4 ـ ايدا جۇڭگو ـ لاوس پارتيالارى حۇجاتقا قول قويىپ، جۇڭگو ـ لاوس تاعدىرلاس ورتاق تۇلعاسىن بىرلىكتە قۇرىپ، جۇڭگو مەن لاوستىڭ جالپى بەتتىك ستراتەگيالىق سەلبەستىك سەرىكتەستىك قاتىناسى تىڭ دەڭگەيگە كوتەرىلدى. بىلتىر جىل سوڭىندا پويەز قاتىناعان جۇڭگو ـ لاوس تەمىر جولى جۇڭگو ـ لاوس تاعدىرلاس ورتاق تۇلعاسىنىڭ تەرەڭدەپ، ناقتىلانىپ كەلە جاتقاندىعىن ايگىلەدى. بيىل 10 ـ ايدا تۇڭلۇن ورتالىق راديو ـ تەلەۆيزيا باس ستانسياسىنىڭٴتىلشىسىنىڭ سۇحباتىن قابىلداعاندا بىلاي دەدى: لاۋوس-جۇڭگو ەلدەرى تۇگەلدەي دامۋ جولىنداعى ەلدەر،ٴبىز، ٴسوز جوق، ٴبىر جاعادان باس، ٴبىر جەڭنەن قول شىعارىپ، كوپ ۇيەكتى دۇنيە قۇرۋعا، جاھاندانۋدى دامىتۋعا، سەلبەسىپ، ٴوزارا كومەكتەسىپ، ادامزاتقا اناعۇرلىم جايلى دۇنيە ٴجۇزىن قۇرۋعا كۇش سالۋىمىز كەرەك.
باس شۋجي شي جينپيڭ پارتيانىڭ 20-قۇرىلتايىندا جاساعان بايانداماسىندا بىلاي دەپ انىق ايتتى: جۇڭگو كوممۋنيستىك پارتياسى دەربەس، ٴوز- وزىنە قوجا بولۋ، بۇكىلدەي تەڭدىك، ٴوزارا قۇرمەت ەتۋ، ٴبىر-ٴبىرىنىڭ ىشكى ىستەرىنە كيلىكپەۋ پرينسيپى نەگىزىندە ٴار ەلدىڭ ساياسي پارتيالارىمەن جانە ساياسي ۇيىمدارىمەن اۋىس-كۇيىستى، سەلبەستىكتى كۇشەيتۋدى قالايدى. ورتالىقتىڭ شەتەلدەرمەن بايلانىس جاساۋ ٴبولىمى باستىعىنىڭ ورىنباسارى شىن بيلي بىلاي دەدى: جاڭا جورىقتا پارتيانىڭ سىرتقى ىستەر قىزمەتىندە شي جينپيڭنىڭ جاڭا ٴداۋىر جۇڭگوشا سوتسياليزم يدەياسى مەن شي جينپيڭنىڭ ديپلوماتيا يدەياسىن جەتەكشى ەتۋگە ۇزدىكسىز تاباندى بولىپ، تىڭ داستان جازىلادى. ٴبىز قىزمەتتەردى پارتيانىڭ وزەكتى مىندەتىن تىعىز ارقاۋ ەتە وتىرىپ ورىستەتىپ، جالپى بەتتىك سوتسياليستىك وسىزاماندانعان مەملەكەت قۇرۋ ارقىلى جۇڭحۋا ۇلتىنىڭ ۇلى كوركەيۋىن جالپى بەتتىك ىلگەرىلەتىپ، ادامزات ٴدوپ كەلىپ وتىرعان ورتاق ماسەلەلەردى شەشۋگە اناعۇرلىم كوپ، اناعۇرلىم تاماشا جۇڭگو اقىل-پاراساتىن، جۇڭگو جوباسىن، جۇڭگو كۇشىن ارنايمىز.

اۋدارعان: قاناتبەك جۇماباي ۇلى