ينفورماتسيا اشكەرەلەۋ: mzjubao@cnr.cn

باس حابار

باس شۋجيدىڭ قامقورلىعى

来源:جۇڭگو قازاق راديو تورابى     |责编:阿依娜|     发布日期: 2023-01-23 11:00

ٴوز حابارىمىز. بۇقارا الاڭدايتىن، بۇقارا نازالاناتىن ىستەر- باس شۋجي شي جينپيڭنىڭ كوكەيىنەن ەشقاشان كەتپەيتىن زور ٴىستەر. باس شۋجي جەرلىك ورىندا قىزمەت تەكسەرگەن سايىن الەۋمەتتىك رايوندار مەن وتباسىلارعا بارادى. بىلتىر 8 ـ ايدا باس شۋجي لياۋنيڭ ولكەسى شىنياڭ قالاسى مۋدان الەۋمەتتىك رايونىنا بارىپ قىزمەت تەكسەرىپ، كونە شاعىن رايوندى وزگەرتۋ، «قارتتار ساناتورياسى-بالا باقشا» قىزمەت وتەۋى سياقتى بۇقارا اسىققان، قيىن، ۋايىمدايتىن، كوكەيتەستى ماسەلەلەرگە ٴتۇيىندى تۇردە توقتالدى. باس شۋجيدىڭ تەرەڭ سۇيىسپەنشىلىگى، ىقىلاستى تاپسىرماسى الەۋمەتتىك رايونداعى بۇقارانىڭ جۇرەگىنە مەيىر بوپ ۇيالاپ، جەرلىك كادرلاردى ٴتىپتى دە جىگەرلەندىردى. قويان جىلعى كوكتەم مەرەكەسى قارساڭىندا، ٴتىلشى مۋدان الەۋمەتتىك رايونىنا تاعى دا بارىپ، كونە الەۋمەتتىك رايونداعى تىڭ تىرلىك پەن باقىتتى باستامانىٴوز كوزىمەن كوردى.


    مۋدان الەۋمەتتىك رايونى تاڭ سارىدەن-اق دۋمانعا بولەنىپ كەتتى. باقىت الاڭىندا، الەۋمەتتىك رايون تۇرعىندارى ياڭگى ءبيىن بيلەپ، كوكتەم مەرەكەسىن قۋانىشپەن قارسى الدى؛ الەۋمەتتىك رايوننىڭ مەرەكەلىك بۇيىمدار جارمەنكەسىندە تاۋارلار كوز جاۋىن الادى، الەۋمەتتىك رايون تۇرعىنى لي شۇي ءوزى دايىنداعان بوساعالىقتاردى الىپ، كوكتەم مەرەكەسىندىك بوساعالىق جازۋ ورنىنا كەلدى.


    كوكتەم مەرەكەسىندىك بوساعالىقتار مەن حانزۋشا «باقىت» دەگەن جازۋ-جازىلعان نارت قىزىل بوساعالىقتار تۇرعىنداردىڭ كوكتەم مەرەكەسىنە دەگەن ىزگى تىلەگىن بەينەلەپ تۇر، كوكتەم مەرەكەسىندىك بوساعالىقتار جازىلىپ بولدى، ۇيدەگى مەرەكەلىك بۇيىمدار دا ەرتە دايىندالدى.


    بىلتىر 8-ايدا باس شۋجي شي جينپيڭ مۋدان الەۋمەتتىك رايونىندا قىزمەت تەكسەرگەندە لي شۇيدىڭ ۇيىنە بارىپ، اس ٴۇي، تازالىق بولمەسى، جاتىن ٴۇي سياقتىلاردى كوردى ٴارى ٴبىر ٴۇيلى جانمەن بىرگە وتىرىپ ىقىلاستى اڭگىمەلەستى، باس شۋجيدىڭ قامقورلىعى لي شۇي وتباسىنداعىلاردىڭ كوكەيىندە كۇنى بۇگىنگە دەيىن اپ-انىق سايراپ تۇر.


    باس شۋجيدىڭ دوڭگەلەك داۋلەتتى قوعام قۇرۋ ارمانى، مەملەكەتتى قۇدىرەتتەندىرۋ ارمانى، جۇڭگو ارمانى، سايىپ كەلگەندە، بۇقارانىڭ «باقىت ارمانى» دەگەن تاپسىرماسى كۇنى بۇگىنگە دەيىن الەۋمەتتىك رايون شۋجيى ۋاڭ حۇيدىڭ ەسىنەن ەشقاشان شىققان ەمەس. كونە شاعىن رايونداردى جاڭالاۋ-بۇقارانىڭ تابىس سەزىمىن جوعارىلاتۋداعى ماڭىزدى قىزمەت، نازاردى حالىق ءۇشىن ىستەۋگە، حالىققا قولايلىلىق جاساۋعا، حالىقتى الاڭسىز ەتۋگە شوعىرلاندىرىپ، قونىس ورتاسىن بارىنشا جاقسارتۋ كەرەك. ىقىلاستى تاپسىرمانىڭ استارىندا حالىققا دەگەن تەرەڭ سۇيىسپەنشىلىك جاتىر، بىلتىر مۋدان الەۋمەتتىك رايونى الدىڭعى مەرزىمدەگى كونە الەۋمەتتىك رايوندى جاڭالاۋ نەگىزىندە «اناعۇرلىم جاقسارتۋ» جوسپارىن جاساپ، جەرگە كابەل جاتقىزۋ، تاسقىننان ساقتانۋ-ەنەرگيا ۇنەمدەۋ، جول جاساۋ جانە جاسىل القاپ جاساۋ جۇمىستارىن ۇزدىكسىز ورىستەتتى، الەۋمەتتىك رايونداعى جول شىراقتارى جاڭالاندى، جاڭادان ٴبىر شاعىن الاڭ جاسالدى. بيىل قىستا تۇرعىندار عيماراتى تۇگەلدەي جىلۋ ساقتاۋ قاباتىمەن قاپتالدى.


    مۋدان الەۋمەتتىك رايون تۇرعىنى تاڭ جىڭيۋان فوتو سۋرەت اۋەسكەرى، ول الەۋمەتتىك رايوننىڭ وزگەرىستەرىن فوتو اپپاراتپەن ەستەلىككە الۋدى ۇناتادى. ول بىلاي دەدى: الەۋمەتتىك رايون بارعان سايىن كورىكتەنگەننىڭ ۇستىنە ۇزدىكسىز جاڭالانۋدا، ٴالى دە كەمەلدەنۋدە. بارلىق ادامنىڭ جۇزىنەن شاتتىق لەبى ەسكەنىن كورىپ ىشتەي سۇيىنۋدەمىن. بالقىعان كوڭىل، شالقىعان سەزىم بولاشاققا زور ٴۇمىت ارتقىزادى.


    مۋدان الەۋمەتتىك رايونىندا قارتتاردىڭ سانى كوپ. سوڭعى جىلدارى الەۋمەتتىك رايوندا قارتتاردى ۇيلەرىندە كۇتىمدەۋ قىزمەت وتەۋ ورتالىعى قۇرىلىپ، قارتتاردى كۇتىمدەۋ اسحاناسى، ساۋىقتىرۋ بولمەسى، مونشا سياقتىلار ورنالاستىرىلىپ، قارتتاردى ۇيلەرىندە كۇتىمدەۋگە كاسىپتىك قىزمەت وتەلدى. ۋاڭ يۇڭلين مەن جۇبايىنىڭ جاستارى 80 نەن استى، جايشىلىقتا الەۋمەتتىك رايوننىڭ قارتتاردى كۇتىمدەۋ ورتالىعى تاماق جەتكىزىپ بەرۋ، تازالىق ساقتاۋ جاقتارىنان قىزمەت وتەيدى. بىلتىر 8 ـ ايدا باس شۋجي شي جينپيڭ مۋدان الەۋمەتتىك رايونىنا بارىپ قىزمەت تەكسەرگەندە، قارتتار اسحاناسىنا ارنايى بارىپ، تاماقتانىپ جاتقان قارتتاردان تاماقتىڭ باعاسىنىڭ، الەۋمەتتىك رايوننىڭ قىزمەت وتەۋىنىڭ قانداي ەكەندىگىن، كۇندەلىك تۇرمىستارىندا تاعى قانداي قيىنشىلىقتار بارلىعىن ەكەندىگىن سۇرادى.


    ۋاڭ يۇڭلين بىلاي دەدى: ٴبىز قارتتار اسحاناسىندا تاماقتانىپ جاتىر ەدىك، باس شۋجي اسحاناعا كەلىپ، مەننەن ٴبىر ادىم جەردە عانا تۇردى ٴارى قۋىرماشتىڭ باعاسى قالاي ەكەندىگىن سۇرادى، مەن سوندا:« 80 جاستان اسقان قاتتاردان ٴار ۋاقىتقى تاماققا 8 يۋان عانا اقى الىنادى» دەپ جاۋاپ بەردىم، باس شۋجي:«مىناۋ ەتتى قۋىرماش تىسىزدەر وتە جاقسى ىستەپسىزدەر، مەن دە ىستەي الامىن، دەگەنمەن سىزدەردىڭ قۋىرعاندارىڭىزدايٴدامدى بولا قويۋى ەكىتالاي» دەگەندى ايتتى. باس شۋجي شي جينپيڭ قارتتارعا ەرەكشە كوڭىل ٴبولىپ، ەرەكشە قامقورلىق جاساپ كەلەدى،ٴارى قاي قاشاندا بۇقارانىڭ قامىن ويلايدى.


    ەرەسەك ادامدار كوكتەم مەرەكەسىن وتكىزۋگە دايىندالىپ جاتقان شاقتا، الەۋمەتتىك رايون باقىت تاربيەسى ساباقحاناسىندا قىستىق دەمالىستاعى قيمىلدارى باستالدى، بالالار وسى اراعا جينالىپ سۋرەت كىتاپشالاردى كورەدى، قولونەر بۇيىمدارىن جاسادى.


    بۇقاراعا اناعۇرلىم ويداعىداي قىزمەت وتەۋ ٴۇشىن، مۋدان الەۋمەتتىك رايونى ناق مايداندا الۋان ٴتۇرلى تاسىلدەر ارقىلى تۇرعىنداردىڭ تالاپ-تىلەكتەرىن ۇعىسىپ، الەۋمەتتىك رايون پارتكومىن وزەك ەتە، سۋ، ەلەكتر، گاز، جىلۋ سياقتى جاقتارداعى قامتاماسىزداندىرۋ كاسىپورىندارى مەن حالىق تۇرمىسىن قامتاماسىزداندىرۋ تاراۋلارى توراپقا ەنگىزىلىپ، حالىق تۇرمىسى ماسەلەلەرى دەر كەزىندە شەشىلدى. جاڭا جىلدا مۋدان الەۋمەتتىك رايون قۇرىلعىلارىن جاڭالاۋ جالعاستى جۇرگىزىلىپ، تۇرعىندار بارعاساين باقىتتى سەزىنۋدە.


اۋدارعان: قاناتبەك جۇماباي ۇلى

中央广播电视总台 央广网 版权所有

باس شۋجيدىڭ قامقورلىعى

كونە الەۋمەتتىك رايونداعى تىڭ تىرشىلىك تىنىسى