ينفورماتسيا اشكەرەلەۋ: mzjubao@cnr.cn

باس حابار

شي جينپيڭ ج ك پ ورتالىق كوميتەتى ساياسي بيۋروسىنىڭ 2 ـ رەتكى توپتىق ۇيرەنۋىندە جاڭا دامۋ جاعدايىن جەدەل قالىپتاستىرىپ، دامۋدىڭ حاۋىپسىزدىك ىرىقتىلىق ۇقىعىن بەكەمدەۋ كەرەك، دەپ باسا دارىپتەدى

来源:جۇڭگو قازاق راديو تورابى     |责编:阿依娜|     发布日期: 2023-02-02 10:31

ٴوز حابارىمىز. ج ك پ ورتالىق كوميتەتىنىڭ ساياسي بيۋروسى 1-ايدىڭ 31-كۇنى تۇستەن كەيىن جاڭا دامۋ ارناسىن جەدەل قالىپتاستىرۋ جونىندە 2-رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: جاڭا دامۋ ارناسىن جەدەل قالىپتاستىرۋ-ەكىنشى 100 جىلدىق كۇرەس نىساناسىن جۇزەگە اسىرۋدى تياناق ەتە وتىرىپ جاسالعان ستراتەگيالىق شەشىم، بولاشاق دامۋدىڭ ىرىقتىلىق ۇقىعىن يگەرۋدەگى ستراتەگيالىق ورنالاستىرۋ. تەك جاڭا دامۋ ارناسىن جەدەل قالىپتاستىرعاندا عانا، ەلىمىز ەكونوميكاسى دامۋىنىڭ نەگىزىن بەكەمدەۋگە، دامۋدىڭ حاۋىپسىزدىك ورنىقتىلىعىن كۇشەيتۋگە، بولجاۋعا بولاتىن جانە بولجاۋعا بولمايتىن ٴتۇرلى سۇراپىل داۋىل، بوران-شاشىن، اساۋ تولقىنداردا ەلىمىزدىڭ ٴومىر ٴسۇرۋ قۋاتىن، باسەكەلىك قۋاتىن، دامۋ قۋاتىن، ۇلاسپالىلىق قۋاتىن ارتتىرىپ، جۇڭحۋا ۇلتىنىڭ ۇلى كوركەيۋ اياق الىسىنىڭ كەشەۋىلدەمەۋىنە، ٴتىپتى، ٴۇزىلىپ قالماۋىنا شىنايى كەپىلدىك ەتىپ، جالپى بەتتىك سوتسياليستىك وسىزاماندانعان قۇدىرەتتى ەل قۇرۋ نىساناسىن جەڭىسپەن جۇزەگە اسىرۋعا بولادى.


    ورتالىق كوميتەت ساياسي بيۋروسىنىڭ وسى رەتكى توپتىق ۇيرەنۋىندە ورتالىق كوميتەت ساياسي بيۋروسىنداعى جولداستار وزدىگىنەن ۇيرەندى ٴارى قىزمەت اسەرلەرىن ورتاقتاستى، يىن لي، ليۋ گوجۇڭ، حى ليفىڭ، جاڭ گوچيڭ، چىن جي نيڭ، حۋاڭ كۇنميڭ جولداستار وزدەرى باسقاراتىن سالالارداعى جانە جەرلىك ورىنداردىڭ قىزمەتىمەن ۇشتاستىرا ٴسوز سويلەدى، كوپشىلىك وي-پىكىرلەرىن ورتاعا سالدى.


    شي جينپيڭ ۇيرەنۋدى باسقارعاندا ماڭىزدى ٴسوز سويلەدى. ول بىلاي دەپ انىق ايتتى: سوڭعى جىلدارى جاڭا دامۋ ارناسىن قالىپتاستىرۋ تىڭعىلىقتى ىلگەرىلەپ، ٴبىر ٴبولىم ناتيجەلەرگە قول جەتتى، يدەيالىق ورتاق تانىم ۇزدىكسىز ۇيىسىپ، قىزمەت نەگىزى ۇزدىكسىز بەكەمدەلىپ، ساياسات-ءتۇزىم ۇزدىكسىز كەمەلدەندى، الايدا جالپى بەتتىك جاڭا دامۋ ارناسىن قالىپتاستىرۋدىڭ مىندەتى اۋىر، جولى ۇزاق. ماسەلەنى نىشان ەتۋگە جانە جۇيە كوزقاراسىنا تاباندى بولىپ، جاڭا دامۋ ارناسىن جەدەل قالىپتاستىرۋعا تۇساۋ بولىپ وتىرعان باستى قايشىلىقتار مەن ماسەلەلەردى كۇش سالا ارىلتۋ؛ رەفورمانى جالپى بەتتىك تەرەڭدەتىپ، امالياتتا جاڭالىق جاراتۋدى، تۇزىمدە جاڭالىق جاراتۋدى ىلگەرىلەتۋ؛ ابزالدىقتى ۇزدىكسىز ساۋلەلەندىرىپ، ولقىلىقتاردى تولىقتاۋ، ٴالسىز بۋىنداردى كۇشەيتۋ كەرەك. شي جينپيڭ بىلاي دەپ باسا دارىپتەدى: ىشكى سۇرانىستى ٴبىر تۇتاس جوسپارلاپ زورايتۋدى جانە قامداۋ جاعىنداعى قۇرىلىمدىق رەفورمانى تەرەڭدەتۋدى ويداعىداي ىستەپ، سۇرانىس قامداۋدى جەتەكتەيتىن، قامداۋ سۇرانىس تۋدىراتىن اناعۇرلىم جوعارى دەڭگەيدەگى اۋقىمدىق تەپە تەڭدىكتى قالىپتاستىرىپ، حالىق شارۋاشىلىعىندا ۇتىمدى اينالىمدى جۇزەگە اسىرۋ كەرەك. ىشكى سۇرانىمدى ۇلعايتۋ ستراتەگيالىق پلان پروگرامماسىن باتىل دايەكتى تياناقتاندىرىپ، كەمەلدى ىشكى سۇرانىم جۇيەسىن تەز ارادا قالىپتاستىرۋ؛ كىرىس تىرەگى بار تۇتىنۋ سۇرانىمىن، ۇيلەسىمدى قارىمجى قايتارۋ سۇرانىمىن، نەگىزگى سوما جانە قارىز تەجەمى بار فينانس سۇرانىمىن كۇش سالا زورايتۋ كەرەك. تۇرعىنداردىڭ تۇتىنۋىن ۇلعايتۋ باياندى مەحانيزمىن ورناتىپ جانە كەمەلدەندىرىپ، تۇرعىنداردى ورنىقتى كىرىس ارقىلى تۇتىناتىن، تۇتىنۋدان الاڭدامايتىن ەتىپ، تۇتىنۋ ورتاسىن جاقسارتۋ جانە تۇرعىندار قالاۋىنان شىعاتىن ەتۋ كەرەك. قارجى قوسۋ مەحانيزمىن كەمەلدەندىرىپ، زورايتۋ، ٴونىمدى قارجى قوسۋ ٴورىسىن كەڭەيتۋ، جاڭاشا نەگىزدىك قۇرىلعىلار قۇرىلىسىن ۇيلەسىمدى الدىن الا ورنالاستىرۋ؛ جوعارى تەحنيكالى كاسىپتەر مەن ستراتەگيالىق جاڭادان گۇلدەنگەن كاسىپتەرگە قارجى قوسۋدى زورايتۋ؛ حالىقتىق قارجى قوسۋدىڭ ومىرشەڭدىك كۇشىن ۇزدىكسىز تاسقىنداتۋ كەرەك. قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتىپ، عىلىم ـ تەحنيكادا جاڭالىق جاراتۋدى، تۇزىمدە جاڭالىق جاراتۋدى ۇزدىكسىز ىلگەرىلەتۋ؛ قامداۋدى تەجەيتىن بوگەتتەردى، كەدەرگىلەردى، السىزدىكتەردى ارىلتۋ؛ كاسىپ تىزبەگىمەن قامداۋ تىزبەگىنىڭ باسەكەلىك قۋاتى مەن حاۋىپسىزدىگىن ارتتىرىپ، ٴوزىن ـ ٴوزى مەڭگەرەتىن، جوعارى ساپالى قامداۋ ارقىلى قازىرگى سۇرانىستى قاناعاتتاندىرىپ، جاڭا سۇرانىسقا جاڭالىق اشىپ، جەتەكشىلىك ەتۋ كەرەك.


    شي جينپيڭ بىلاي دەپ انىق ايتتى: عىلىم-تەحنيكادا ٴوز كۇشىنە سۇيەنە الۋەتتەنۋ اياق الىسىن جەدەلدەتىپ، شەتەلدەردىڭ «القىمداۋ» ماسەلەسىن شەشۋ كەرەك. جاڭاشا مەملەكەت قۇرۋ ٴتۇزىلىسىن اقاۋسىزداندىرىپ، مەملەكەتتىڭ ستراتەگيالىق عىلىم-تەحنيكا قۋاتىن كۇشەيتۋ؛ جاڭالىق جاراتۋ بايلىعىن ساپالى ورنالاستىرىپ، ەلىمىزدى ماڭىزدى عىلىم-تەحنيكا سالالارىندا دۇنيە ٴجۇزىنىڭ سەركەسىنە، الدىڭعى لەكتەگى ايقاسپالى سالالاردا ٴورىس اشۋشىلارعا اينالدىرۋ؛ دۇنيە جۇزىندەگى نەگىزگى عىلىم ورتالىعى جانە جاڭالىق جاراتۋ بيىگى بولۋعا كۇش سالۋ كەرەك. مەملەكەتتى عىلىم-تەحنيكامەن، وقۋ-اعارتۋمەن كوركەيتۋ ستراتەگياسىنىڭ، مەملەكەتتى دارىندىلارمەن قۇدىرەتتەندىرۋ ستراتەگياسىنىڭ، دامۋدى جاڭالىق جاراتۋ ارقىلى جەبەۋ ستراتەگياسىنىڭ ٴونىمدى ىقپالداستىعىن جۇزەگە اسىرىپ، وقۋ-اعارتۋدى دامىتۋدى، عىلىم -تەحنيكادا جاڭالىق جاراتۋدى، دارىندىلاردى تاربيەلەۋدى ٴبىر تۇلعالاندىرىپ ىلگەرىلەتۋگە تاباندى بولىپ، تاماشا اينالىم قالىپتاستىرۋ؛ ٴتول جاڭالىق جاراتۋدى، شوعىرلى جاڭالىق جاراتۋدى، اشىق ۇستالعان جاڭالىق جاراتۋدى ٴبىر تۇلعالاندىرىپ جوبالاۋعا تاباندى بولىپ، ٴونىمدى تۇتاستىرۋدى جۇزەگە اسىرۋ؛ جاڭالىق جاراتۋ تىزبەگىن، كاسىپ تىزبەگىن، دارىندىلار تىزبەگىن ٴبىر تۇلعالاندىرىپ ورنالاستىرۋعا تاباندى بولىپ، ىشكەرىلەي توعىسۋدى ىلگەرىلەتۋ كەرەك.


    شي جينپيڭ بىلاي دەپ باسا دارىپتەدى: جاڭا دامۋ ارناسى وسىزاماندانعان كاسىپ جۇيەسىن نەگىز ەتەدى، ەكونوميكالىق اينالىمنىڭ ىركىلىسسىزدىگى ٴارقايسى كاسىپ سالاسىنىڭ تارتىپپەن ۇشتاسۋىن، جوعارى ٴونىمدى، ىركىلىسسىز بولۋىن قاجەت ەتەدى. ەكونوميكانى دامىتۋدىڭ كۇش سالۋ ٴتۇيىنىن ۇزدىكسىز ناقتى ەكونوميكاعا اۋدارۋ؛ جاڭاشا ونەركاسىپتەندىرۋدى تىڭعىلىقتى ىلگەرىلەتۋ؛ جاساۋ كاسىبىندە ەگەي ەل، ساپادا ەگەي ەل، ينتەرنەتتە ەگەي ەل، سيفرلاسقان جۇڭگو قۇرۋدى جەدەلدەتىپ، حالىقارالىق باسەكەلىك قۋاتقا يە سيفرلى كاسىپ شوعىرىن قالىپتاستىرۋ كەرەك. كاسىپ سالاسىنىڭ دامۋ اۋقىمىنا سايكەسىپ، ولقىلىق ساقتالعان كاسىپ سالاسىن تولىقتاپ، ابزالدىققا يە كاسىپ سالاسىنىڭ ۇلعايۋ تىزبەگىن، ٴداستۇرلى كاسىپ سالاسىنىڭ ساپالانۋ تىزبەگىن، جاڭادان گۇلدەنگەن كاسىپ سالاسىنىڭ اقاۋسىز تىزبەگىن ورناتۋدى ىلگەرىلەتىپ، كاسىپ سالاسىنىڭ دامۋىنىڭ ۇلاسپالىلىعى مەن باسەكەلىك قۋاتىن ارتتىرۋ كەرەك. وندىرگىش كۇشتەردى ورنالاستىرۋدى ساپالاندىرىپ، ٴتۇيىندى كاسىپتەردىڭ ەل ٴىشى-سىرتىندا ٴتارتىپتى تۇردە اۋىسۋىن ىلگەرىلەتۋ؛ كاسىپورىنداردىڭ الەمدىك كاسىپ سالاسىنداعى جۇمىس ٴبولىسى مەن سەلبەستىگىنە ىشكەرىلەي ات سالىسۋىنا قولداۋ كورسەتۋ؛ ىشكى-سىرتقى كاسىپتەردىڭ ىشكەرىلەي توعىسۋىن جەبەۋ؛ دەربەس مەڭگەرۋگە بولاتىن، حاۋىپسىز دە سەنىمدى، باسەكەلىك قۋاتى كۇشتى وسىزاماندانعان كاسىپ جۇيەسىن قالىپتاستىرۋ كەرەك.


    شي جينپيڭ بىلاي دەپ انىق ايتتى: قالا، اۋىلداردىڭ، وڭىرلەردىڭ سايكەستى دامۋىن جالپى بەتتىك ىلگەرىلەتىپ، ەل ىشىندەگى زور اينالىمنىڭ قامتۋ اياسىن جوعارىلاتۋ كەرەك. اۋىل ـ قىستاقتىڭ تۇتىنۋ بازارى مەن فاكتور بازارى رەتىندەگى ماڭىزدى رولىن تولىق ساۋلەلەندىرىپ، اۋىل ـ قىستاقتى كوركەيتۋدى جالپى بەتتىك ىلگەرىلەتۋ؛ اۋدان قالاشىعىن ماڭىزدى دانەكەر ەتكەن قالا ـ قالاشىقتاندىرۋ قۇرىلىسىن ىلگەرىلەتىپ، قالا مەن اۋىلدىڭ توعىسپالى دامۋىن جەبەۋ؛ قالا مەن اۋىلدىڭ ەكونوميكالىق بايلانىسىن كۇشەيتىپ، قالا مەن اۋىلدىڭ ەكونوميكالىق اينالىمىن ىركىلىسسىزدەندىرۋ كەرەك. جەر-جەردىڭ تار ٴورىستى اينالىم جاساۋىنان ساقتانۋ، وڭىرلىك قورعاندى بۇزۋ، مەملەكەت بويىنشا بىرلىككە كەلگەن ٴىرى بازاردى شىن مانىندە قالىپتاستىرۋ كەرەك. وڭىرلىك سايكەستى دامۋ ستراتەگياسى، وڭىرلىك كەلەلى ستراتەگيا، نەگىزگى تۇلعالىق فۋنكتسيالىق رايون ستراتەگياسى سياقتىلاردى ىشكەرىلەي توعىستىرۋدى ىلگەرىلەتىپ، كەلەلى وندىرگىش كۇشتەردى ورنالاستىرۋدى ساپالاندىرىپ،ٴتۇرلى فاكتورلاردىڭ ۇيلەسىمدى اۋىسۋى مەن جوعارى ٴونىمدى شوعىرلانۋىن جەبەپ، ەل ىشىندەگى زور اينالىمدى ىركىلىسسىزدەندىرۋ كەرەك.


    شي جينپيڭ مىنالاردى باسا دارىپتەدى: رەفورما جاساۋدى، ەسىك اشۋدى ونان ارى تەرەڭدەتىپ، ەل ءىشى-سىرتىنداعى زور اينالىمنىڭ قوزعاۋشى كۇشى مەن ومىرشەڭدىك كۇشىن ارتتىرۋ كەرەك. ماڭىزدى فاكتورلاردى بازارلاندىرۋ رەفورماسىن تەرەڭدەتىپ، جوعارى ولشەمدى بازار جۇيەسىن ورناتۋ؛ مەملەكەت بويىنشا بىرلىككە كەلگەن ٴىرى بازاردى جەدەل قۇرۋ كەرەك. مال-مۇلىك ۇقىعىن قورعاۋ، بازارعا كىرۋگە رۇقسات ەتۋ، ٴادىل باسەكە، قوعامدىق سەنىمدىلىك سياقتى بازار ەكونوميكاسى ٴتۇزىمىن كەمەلدەندىرىپ، مونوپوليالاۋعا جانە جويداقسىز باسەكەگە قارسى تۇرۋدى كۇشەيتۋ؛ كاپيتالدىڭ اقاۋسىز دامۋىن زاڭ بويىنشا ارناعا ٴتۇسىرۋ جانە جەتەكتەۋ؛ ٴتۇرلى تيجاراتتىق نەگىزگى تۇلعالاردىڭ قارجى قوسىپ، شارۋاشىلىق قۇرۋىنا تاماشا ورتا جاراتۋ؛ ٴتۇرلى تيجاراتتىق نەگىزگى تۇلعالاردىڭ ومىرشەڭدىك كۇشىن تاسقىنداتۋ كەرەك. جوعارى دەڭگەيدە سىرتقا ەسىك اشۋدى ىلگەرىلەتىپ، ەرەجە، ٴتۇزىم، باسقارۋ، ولشەم سياقتى تۇزىمدىك ەسىك اشۋدى ورنىقتى ىلگەرىلەتىپ، حالىقارالىق زور اينالىمداعى سويلەۋ ۇقىعىن كۇشەيتۋ كەرەك. «ٴبىر بەلدەۋ، ٴبىر جولدى» ورتاق قۇرۋدى جوعارى ساپالى دامىتۋدى ىلگەرىلەتىپ، حالىقارالىق ەكونوميكا-ساۋدا ەرەجەسى كەلىسسوزىنە بەلسەنە قاتىناسىپ، دۇنيە جۇزىندە اشىق ۇستالعان، كوپ نەگىزدى، ورنىقتى ەكونوميكالىق ٴتارتىپ قالىپتاستىرۋدى جەبەپ، ەل ىشىندىك جانە حالىقارالىق ەكى بازار سىندى ەكى ٴتۇرلى بايلىقتىڭ بىرلەسە ارەكەتتەنىپ اينالىم جاساۋىن جۇزەگە اسىرۋعا شارت-جاعداي جاراتۋ كەرەك.


اۋدارعان: قاناتبەك جۇماباي ۇلى

中央广播电视总台 央广网 版权所有

شي جينپيڭ ج ك پ ورتالىق كوميتەتى ساياسي بيۋروسىنىڭ 2 ـ رەتكى توپتىق ۇيرەنۋىندە جاڭا دامۋ جاعدايىن جەدەل قالىپتاستىرىپ، دامۋدىڭ حاۋىپسىزدىك ىرىقتىلىق ۇقىعىن بەكەمدەۋ كەرەك، دەپ باسا دارىپتەدى

جاڭا دامۋ ارناسىن جەدەل قالىپتاستىرۋ-ەكىنشى 100 جىلدىق كۇرەس نىساناسىن جۇزەگە اسىرۋدى تياناق ەتە وتىرىپ جاسالعان ستراتەگيالىق شەشىم، بولاشاق دامۋدىڭ ىرىقتىلىق ۇقىعىن يگەرۋدەگى ستراتەگيالىق ورنالاستىرۋ