ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق قازىنالىق باقىلاۋ كوميتەتىنىڭ مەڭگەرۋشىسى شي جينپيڭ 5-ايدىڭ 23-كۇنى تۇستەن كەيىن 20-كەزەكتى ورتالىق قازىنالىق باقىلاۋ كوميتەتىنىڭ 1-ءماجىلىسىن باسقارىپ اشتى. شي جينپيڭ ماجىلىستە ماڭىزدى ءسوز سويلەپ بىلاي دەپ باسا دارىپتەدى: مەملەكەتتى قۇدىرەتتەندىرۋ قۇرىلىسىنىڭ، ۇلتتى كوركەيتۋدىڭ جاڭا ساپارىندا قازىنالىق باقىلاۋ ماڭىزدى بورىش ارقالايدى، ەكونوميكالىق باقىلاۋ ورنىن تياناق ەتىپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، قازىنالىق باقىلاۋدىڭ پارتيانىڭ وزىنە توڭكەرىس جاساۋىن ىلگەرىلەتۋدەگى وزگەشە رولىن اناعۇرلىم ويداعىداي ساۋلەلەندىرۋ كەرەك. جاڭا كەزەكتى ورتالىق قازىنالىق باقىلاۋ كوميتەتىنىڭ قىزمەتىن ويداعىداي ىستەۋدە جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20-قۇرىلتايىنىڭ رۋحىن ىشكەرىلەي ۇيرەنىپ، دايەكتەندىرىپ، جاڭا دامۋ تانىمىن تولىق، ءدال، جالپى بەتتىك دايەكتەندىرىپ، جالپى جاعدايلىق، ۇزاق بولاشاقتىق، ستراتەگيالىق ماسەلەلەرگە نازار اۋدارىپ، قازىنالىق باقىلاۋ سالاسىندا ستراتەگيالىق جوبالاۋ مەن جوعارى دەڭگەيلى جوبالاۋدى كۇشەيتىپ، جاڭا داۋىردەگى قازىنالىق باقىلاۋ قىزمەتىنىڭ جوعارى ساپالى دامۋىن ونان ارى ىلگەرىلەتىپ، پارمەندى، ءونىمدى قازىنالىق باقىلاۋ ارقىلى پارتيا مەن مەملەكەت قىزمەتتەرىنىڭ جالپى جاعدايىن قامتاماسىزداندىرۋ كەرەك.

    ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق قازىنالىق باقىلاۋ كوميتەتى مەڭگەرۋشىسىنىڭ ورىنباسارى لي چياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى، ورتالىق قازىنالىق باقىلاۋ كوميتەتى مەڭگەرۋشىسىنىڭ ورىنباسارى لي شي ماجىلىسكە قاتىناستى.

    ماجىلىستە ورتالىق قازىنالىق باقىلاۋ كوميتەتى كەڭسەسىنىڭ 2022-جىلعى ورتالىق مەجە ەسەبىنىڭ اتقارىلۋى جانە باسقا دا قازىنالىق شىعىس احۋالى جونىندەگى قازىنالىق باقىلاۋ بايانداماسى جونىندەگى دوكلات، سونداي-اق جاڭا داۋىردەگى قازىنالىق باقىلاۋ قىزمەتىنىڭ جوعارى ساپالى دامۋىن ىلگەرىلەتۋ پىكىرى جونىندەگى دوكلات قاتارلىلار تىڭدالدى.

    ماجىلىستە مىنالاردى باسا دارىپتەلدى: قازىنالىق باقىلاۋ-پارتيا مەن مەملەكەتتىڭ باقىلاۋ جۇيەسىنىڭ ماڭىزدى قۇرامداس بولەگى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ ماڭىزدى كۇشى. پارتيا 19-قۇرىلتايىنان بەرى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ورتالىق قازىنالىق باقىلاۋ كوميتەتى قازىنالىق باقىلاۋ ءتۇزىلىسىن جۇيەلى، تۇتاس تۇلعالى قايتا قۇرۋدى ىلگەرىلەتىپ، جۇڭگونىڭ مەملەكەت جاعدايىنا ۇيلەسەتىن قازىنالىق باقىلاۋ جاڭا جولىن اشتى، قازىنالىق باقىلاۋ قىزمەتىندە تاريحي تابىستارعا قول جەتىپ، تاريحي وزگەرىستەر تۋىلدى. ءبىرىنشى، قازىنالىق باقىلاۋدى باسقارۋ ءتۇزىلىس رەفورماسى ىشكەرىلەي ىلگەرىلەپ، پارتيا ورتالىق كوميتەتىنىڭ قازىنالىق باقىلاۋ قىزمەتىنە ورتالىقتانعان ءبىر تۇتاس باسشىلىعى ۇزدىكسىز ايقىندالدى، ناقتىلاندى، تۇزىمدەندى. ەكىنشى، جۇڭگوشا سوتسياليستىك قازىنالىق باقىلاۋ ىستەرىنىڭ زاڭدىلىعى جونىندەگى تانىم ۇزدىكسىز تەرەڭدەدى. ءۇشىنشى، قازىنالىق باقىلاۋدىڭ پارتيا مەن مەملەكەتتىڭ جالپى جاعدايىنا قىزمەت وتەۋ ىرىقتىلىعى اناعۇرلىم كۇشەيىپ، سايكەسىمدىلىگى اناعۇرلىم جوعارىلاپ، ەرەكشە باقىلاۋ رولى اناعۇرلىم كورنەكتىلەندى. ءتورتىنشى، قازىنالىق باقىلاۋ سالاسىن وڭاۋ-تۇزەتۋ جالپى جاعدايى العاشقى ادىمدا قالىپتاسىپ، قازىنالىق باقىلاۋ جەتىستىكتەرىن پايدالانۋ اناعۇرلىم ىركىلىسسىز، بەدەلدى، ءونىمدى بولدى.

    ماجىلىستە مىنالاردى انىق ايتىلدى: جاڭا داۋىردە، جاڭا جورىقتا قازىنالىق باقىلاۋ قىزمەتىن ويداعىداي ىستەۋدىڭ جالپى تالابى-شوعىرلى بىرلىككە كەلگەن، تەگىس قامتىعان، بەدەلدى، جوعارى ءونىمدى قازىنالىق باقىلاۋ جۇيەسىن ورناتىپ، قازىنالىق باقىلاۋدىڭ رولىن اناعۇرلىم ويداعىداي ساۋلەلەندىرۋ جاعىنا نازار اۋدارۋعا كۇش سالۋ. قازىنالىق باقىلاۋدىڭ ساياسي سيپاتى مەن ساياسي فۋنكتسياسىن كۇشەيتىپ، پارتيا ورتالىق كوميتەتىنىڭ ورنالاستىرۋلارىن ءدال، ەگجەي ـ تەگجەيلى، ويداعىداي تياناقتاندىرۋ كەرەك. الەۋمەتتىك قارجىنى، مەملەكەت مەنشىگىندەگى مال-مۇلىكتى، مەملەكەت مەنشىگىندەگى بايلىقتى باسقاراتىن بارلىق جەرلەردىڭ، تاراۋلاردىڭ جانە ورىنداردىڭ قازىنالىق باقىلاۋ ۇقىعىن ساڭلاۋىزداندىرۋ، بىردە-ءبىرىن قاعىس قالتىرماۋ، ۇدايىلاندىرۋ، ۇزدىكسىز سەس كورسەتىپ وتىرۋ كەرەك. قاتاڭ دا ايبىندى تۇردە، زاڭ بويىنشا قازىنالىق باقىلاۋعا تاباندى بولۋ، زەرتتەۋ سيپاتىندىق قازىنالىق باقىلاۋدى شىنايى ىستەۋ، كۇرەسكەرلىك رۋحتى ساۋلەلەندىرۋ، كۇرەسكەرلىك قابىلەتتى كۇشەيتۋ، ەكونوميكالىق باقىلاۋدىڭ «ەرەكشە قوسىنىن» قۇرىپ شىعۋ؛ باسقالاي باقىلاۋلاردى ساباقتاستىرۋ، سايكەستىرۋدى ويداعىداي ىستەپ، باقىلاۋ كۇش بىرلىگىن قالىپتاستىرۋ كەرەك.

    ماجىلىستە مىنالار تالاپ ەتىلدى: بيىلعى قازىنالىق باقىلاۋ قىزمەتىن تىڭعىلىقتى ىستەۋدە، ەلەۋلى ماسەلەلەردى كورنەكتەندىرۋ؛ قازىنالىق باقىلاۋ سەرپىنىن ارتتىرۋ؛ پارتيا ورتالىق كوميتەتىنىڭ شەشىمدەرىن، ورنالاستىرۋلارىن ويداعىداي دايەكتەندىرۋدى، ويداعىداي تياناقتاندىرۋدى جەبەۋ كەرەك. نازاردى جوعارى ساپالى دامۋداعى ماڭداي الدى مىندەتكە شوعىرلاندىرىپ، كەلەلى نىسانداردىڭ، كەلەلى ستراتەگيالاردىڭ، كەلەلى شارالاردىڭ تياناقتانۋ جاعدايىن باقىلاۋ تەبىنىن ارتتىرۋ كەرەك. نازاردى ارتۋدى ورنىقتىرۋعا، جۇمىستاندىرۋدى ورنىقتىرۋعا، زات باعاسىن ورنىقتىرۋعا شوعىرلاندىرىپ، قىمباتتى قازىنالىق قارجى بايلىعىن ۇزدىكسىز قاداعالاپ، ەكونوميكانى ورنىقتىرۋ ءبىر قىدىرۋ ساياساتتىق شارالارىنىڭ تياناقتانۋ جاعدايىن قازىنالىق باقىلاۋ تەبىنىن ارتتىرۋ كەرەك. نازاردى ناقتى ەكونوميكانى دامىتۋعا شوعىرلاندىرىپ، فينانستىڭ ناقتى ەكونوميكانى قولداۋ، كاسىپورىنداردىڭ قيىنشىلىعىن شەشۋگە كومەكتەسۋ ساياساتىنىڭ تياناقتانۋ جاعدايىنا قاراتىلعان قازىنالىق باقىلاۋ سەرپىنىن ارتتىرۋ، «ەكىدەن استە اۋىتقىماۋدى» ويداعىداي تياناقتاندىرۋدى ىلگەرىلەتۋ كەرەك. نازاردى حالىق تۇرمىسىنىڭ تومەنگى شەگىن مىقتى يگەرۋگە شوعىرلاندىرىپ، حالىق بۇقاراسى ەڭ كوڭىل ءبولىپ وتىرعان، ەڭ تىكەلەي، ەڭ رەال مۇددە ماسەلەلەرىنە قاداعالاي اۋدارىپ، حالىققا تيىمدىلىك جاساۋ، حالىقتى اۋقاتتاندىرۋ ساياساتىنىڭ تياناقتانۋىن ىلگەرىلەتۋ كەرەك. نازاردى ءبىرتۇتاس جوسپارلاپ دامۋ مەن حاۋىپسىزدىككە، جەرلىك ۇكىمەتتەردىڭ قارىزى، فينانس، قورا-جاي، استىق، ەنەرگيا سياقتى ءتۇيىندى سالالارىنا قاداعالاي نازار اۋدارىپ، جۇيەلىك حاۋىپ-قاتەر تۋىلماۋدىڭ تومەنگى شەگىن بەرىك ساقتاۋ كەرەك. نازاردى ۇقىقتى جۇيەگە ءتۇسىرىپ جۇرگىزۋگە شوعىرلاندىرىپ، قازىنالىق باقىلاۋدىڭ ءىرىپ شىرۋگە قارسى تۇرىپ، بىلىقپالىقتى وڭاۋ جاعىنداعى ماڭىزدى رولىن تولىق ساۋلەلەندىرىپ، ساياسي ماسەلەلەر مەن ەكونوميكالىق ماسەلەلەر قاباتتاسقان شىرىكتەسۋدى باتىل تەكسەرىپ ءبىر جاقتى ەتۋ؛ ۇقىعى شوعىرلى، قارجىسى شوعىرلى، بايلىعى مول سالالارداعى شىرىكتەسۋدى باتىل تەكسەرىپ ءبىر جاقتى ەتۋ؛ بۇقارا ورتاسىنداعى «جىمسىما شىرىكتەسۋدى» باتىل تەكسەرىپ، ءبىر جاقتى ەتۋ كەرەك.

    ماجىلىستە مىنالار باسا دارىپتەلدى: قازىنالىق باقىلاۋداعى وڭاۋ-تۇزەتۋدەگى «سوڭعى جارىم بولەك قىزمەتتەر» مەن قازىنالىق باقىلاۋداعى ماسەلەلەردى اشكەرەلەۋدەگى «الدىڭعى جارىم بولەك قىزمەتتەر» بىردەي ماڭىزدى، ونى، ءسوز جوق، ءبىر تۇتاس ىلگەرىلەتۋ كەرەك. ەكونوميكالىق باقىلاۋ بويىنشا وزگەرتۋگە قۋزاۋشىلىق ىستەۋدى كۇندەلىك باقىلاۋدىڭ ماڭىزدى ءتۇيىنى ەتە، ەكونوميكالىق باقىلاۋ ناتيجەسىن كادىرلاردى باعالاۋ، مىندەتكە تاعايىنداۋ-مىندەتتەن قالتىرۋ، سيلاۋ-جازالاۋداعى ماڭىزدى پايدالانۋ ماتەريالى ەتۋ كەرەك. وڭاۋ ـ تۇزەتۋدە دارمەنسىزدىك ىستەگەندەردىڭ، وڭاۋ ـ تۇزەتۋگە نەمقۇرايدى قاراعانداردىڭ، جالعان وڭاۋ-تۇزەتۋ جۇرگىزگەندەردىڭ جاۋاپكەرشىلىگىن قاتاڭ قۋزاستىرۋ كەرەك.

    ماجىلىستە مىنالاردى انىق ايتىلدى: بيىل قازىنالىق باقىلاۋ ورگانى قۇرىلعاندىعىنىڭ 40 جىلدىعى. پارتيا ورتالىق كوميتەتى قازىنالىق باقىلاۋعا زور ءۇمىت ارتىپ وتىر، قازىنالىق باقىلاۋدىڭ داڭقتى ءداستۇرى مەن تاڭداۋلى ستيلىنە مۇراگەرلىك ەتىپ، كاسىپتىك رۋحتى سومداۋ، كاسىپتىك قابىلەتتى جوعارىلاتۋ كەرەك. پارتيانى جالپى بەتتىك قاتاڭ باسقارۋ، قازىنالىق باقىلاۋدى جالپى بەتتىك قاتاڭ باسقارۋ، نەگىزگى تاقىرىپتىق تاربيە مەن قازىنالىق باقىلاۋ قوسىنىن تاربيەلەۋدى-وڭاۋدى ىشكەرىلەي ورىستەتىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان قازىنالىق باقىلاۋ كادرلارى قوسىنىن قۇرۋ كەرەك.

    ماجىلىستە مىنالار تالاپ ەتىلدى: ءار دارەجەلى پارتكومدار ساياسي جاۋاپكەرشىلىكتى شىنايى ارقالاۋ، قازىنالىق باقىلاۋ قىزمەتىنە باسشىلىق ەتۋ قابىلەتىن جوعارىلاتۋ كەرەك. نەگىزگى جاۋاپتى جولداستار ءوزى يگەرىپ، ءوزى باسقارىپ، قازىنالىق باقىلاۋ كوميتەتىنىڭ باستاماشىلدىقپەن جالپى جاقتان يگەرۋ، ءبىر تۇتاس جوسپارلاپ سايكەستىرۋ رولىن تولىق ساۋلەلەندىرۋ كەرەك.

    ورتالىق قازىنالىق باقىلاۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

اۋدارعان: قاناتبەك جۇماباي ۇلى