ءوز حابارىمىز. ج ك پ ورتالىق كوميتەتى ساياسي بيۋروسى 5-ايدىڭ 27-كۇنى تۇستەن كەيىن جوعارى ساپالى، تولىق جۇمىستاندىرۋدى جەبەۋ 14-كەزەكتى كوللەكتيۆ ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: جوعارى ساپالى، تولىق جۇمىستاندىرۋدى جەبەۋ-جاڭا داۋىردەگى، جاڭا جورىقتاعى جۇمىستاندىرۋ قىزمەتىندەگى جاڭا دەڭگەي، جاڭا مىندەت. حالىقتى وزەك ەتكەن دامۋ يدەياسىنا تاباندى بولىپ، ەڭبەكشىلەردىڭ دەربەس جۇمىستانۋى، جۇمىستاندىرۋدى بازار ارقىلى تەڭشەۋ، ۇكىمەت جۇمىستاندىرۋدى جەبەۋ جانە كاسىپ جاراتۋعا شابىتتاندىرۋ باعىتىن جالپى بەتتىك دايەكتەندىرۋ؛ جۇمىستاندىرۋ ساپاسىنىڭ ءونىمدى جوعارىلاۋى مەن ساننىڭ ۇيلەسىمدى ارتۋىن ۇزدىكسىز جەبەپ، قالىڭ ەڭبەكشىلەردىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتىرۋ، ۇلتتىڭ كوركەيۋى سىندى ۇلى ءىستى جالپى بەتتىك ىلگەرىلەتۋگە پارمەندى تىرەك ازىرلەۋ كەرەك. 

جۇڭگو ەڭبەك جانە قوعامدىق قامتاماسىزداندىرۋ عىلمي زەرتتەۋ ورنىنىڭ باستىعى، اعا زەرتتەۋشى مو رۇڭ وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار تۇسىندىرمەنى مۇقيات تىڭدادى ءارى تالقى جۇرگىزدى.

شي جينپيڭ تۇسىنىك پەن تالقىنى تىڭداعاننان كەيىن ماڭىزدى ءسوز سويلەدى. ول بىلاي دەپ انىق ايتتى : جۇمىستاندىرۋ-ەڭ نەگىزگى حالىق تۇرمىسى، ول حالىق بۇقاراسىنىڭ ءتول مۇددەسىنە، ەكونوميكانىڭ، قوعامنىڭ اقاۋسىز دامۋىنا، مەملەكەتتىڭ باياندى تىنىشتىعىنا سايادى. پارتيا 18-قۇرىلتايىنان بەرى، پارتيا ورتالىق كوميتەتى جۇمىستاندىرۋ قىزمەتىن ەل باسقارۋداعى كورنەكتى ورىنعا قويۋعا تاباندى بولىپ، جۇمىستاندىرۋدى الدىمەن ويلاستىرۋ ساياساتىن كۇشەيتىپ، جۇمىستاندىرۋدى جەبەۋ مەحانيزمىن اقاۋسىزداندىرىپ، ءتۇرلى قىسىم مەن سىن-سايىستارعا ءونىمدى توتەپ بەرىپ، قالا-قالاشىقتاردا جىلىنا ورتا ەسەپپەن 13 ميلليون ادامدى تىڭنان جۇمىستاندىرىپ، حالىق تۇرمىسىن جاقسارتۋ مەن ەكونوميكالىق دامۋعا ماڭىزدى تىرەك ازىرلەدى. اماليات بارىسىندا جاڭا داۋىردەگى جۇمىستاندىرۋ قىزمەتىنىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، كوپتەگەن تاجىريبەلەر توپتادى. باستىسى مىنالاردى قامتيدى: جۇمىستاندىرۋدى حالىق تۇرمىسىنىڭ نەگىزى ەتۋگە تاباندى بولۋ؛ جۇمىستاندىرۋدى الدىمەن ويلاستىرۋ ستراتەگياسىن اتقارۋعا تاباندى بولۋ؛ دامۋعا سۇيەنىپ جۇمىستاندىرۋدى جەبەۋگە تاباندى بولۋ؛ جۇمىستاندىرۋ سيىمدىلىعىن كەڭەيتۋ مەن جۇمىستاندىرۋ ساپاسىن جوعارىلاتۋدى ۇشتاستىرۋعا تاباندى بولۋ؛ ءتۇيىندى قاۋىمنىڭ جۇمىستانۋىن كورنەكتى تۇردە مىقتى يگەرۋگە تاباندى بولۋ؛ كاسىپ قۇرۋ ارقىلى جۇمىستاندىرۋدى جەتەكتەۋگە تاباندى بولۋ؛ ءادىل جۇمىستاندىرۋ ورتاسىن جاراتۋعا، جاراسىمدى ەڭبەك قاتىناسىن ورناتۋعا تاباندى بولۋ قاتارلىلار. بۇل تاجىريبەلەر توتەنشە باعالى، ۇزاق ۋاقىت تاباندى بولۋ جانە ۇزدىكسىز بايىتۋ، دامىتۋ كەرەك.

شي جينپيڭ بىلاي دەپ باسا دارىپتەدى: جاڭا دامۋ تانىمىن بۇلجىماي دايەكتەندىرىپ، جوعارى ساپالى، تولىق جۇمىستاندىرۋدى ەكونوميكالىق، قوعامدىق دامۋدىڭ ماڭداي الدى نىساناسى ەتىپ، جوعارى ساپالى دامۋ بارىسىن جۇمىستاندىرۋدىڭ ساپاسىن ءوسىرىپ، جۇمىستاندىرۋ اياسىن كەڭەيتۋ بارىسىنا اينالدىرىپ، جۇمىستاندىرۋدىڭ دامۋ قوزعاۋشى كۇشىن جوعارىلاتۋ كەرەك. جەرلىك جاعدايعا قاراي جاڭا ساپالى وندىرگىش كۇشتەردى دامىتىپ، ءداستۇرلى كاسىپتەردى جاڭالاپ، ساپالاندىرىپ، جاڭادان گۇلدەنگەن كاسىپتەردى جەتىلدىرىپ جانە زورايتىپ ، بولاشاق كاسىپتەردى ورنالاستىرىپ، وسىزاماندانعان كاسىپ سالاسى جۇيەسىن كەمەلدەندىرىپ ، اناعۇرلىم كوپ جوعارى ساپالى جۇمىستاندىرۋ ورىندارىن قۇلشىنا اشۋ كەرەك. جۇمىسقا قابىلداۋ قۋاتى كۇشتى كاسىپتەر مەن كاسىپورىنداردى دامىتۋعا قولداۋ كورسەتۋ؛ جۇمىستاندىرۋ سيىمدىلىعىن ورنىقتىرۋ جانە كەڭەيتۋ؛ ەكونوميكالىق، قوعامدىق دامۋدىڭ جاڭا بەتالىسى مەن حالىق بۇقاراسىنىڭ جوعارى ساپالى تۇرمىسىنىڭ جاڭا تىلەگىنە ساي، جاڭا كاسىپ كۇيىن، جاڭا ۇلگىنى كۇش سالا دامىتۋ؛ جاڭا كاسىپ تىزبەگىن بەلسەنە اشىپ جانە جەتىلدىرىپ، جۇمىستاندىرۋدى ارتتىرۋدىڭ جاڭا تۇيىندەرىن اشۋ كەرەك. كەلەلى ساياساتتاردىڭ ، كەلەلى نىسانداردىڭ، كەلەلى وندىرگىش كۇشتەردىڭ ورنالاستىرىلۋىنىڭ جۇمىستاندىرۋعا جاسايتىن ىقپالىن باعالاۋدى كۇشەيتۋ؛ قازىنا، اقشا، قارجى قوسۋ، تۇتىنۋ، كاسىپ سالاسى، ءوڭىر سياقتى ساياساتتاردىڭ جۇمىستاندىرۋ ساياساتىمەن سايكەسۋىن، ىقپالداستىعىن ىلگەرىلەتۋ؛ ءبىر باعىتتا كۇش سالىپ، جۇمىستاندىرۋدىڭ جاراسىمدى دامۋ ءتاسىلىن ورناتۋ كەرەك.

شي جينپيڭ بىلاي دەپ انىق ايتتى: ساپالى، جالپى مولشەرى جەتكىلىكتى، قۇرىلىمى ساپالى، ورنالاسۋى ۇيلەسىمدى وسىزاماندانعان ادام كۇشى بايلىعىن جەدەل قالىپتاستىرىپ، ادام كۇشى بايلىعىمەن قامداۋ مەن قاجەتسىنۋدىڭ سايكەسپەۋى سىندى قۇرىلىمدىق جۇمىستاندىرۋ قايشىلىعىن ويداعىداي شەشۋ كەرەك. جاڭا كەزەكتى عىلىم-تەحنيكا توڭكەرىسىنە جانە كاسىپ وزگەرىسىنە سايكەسىپ، ادام كۇشى بايلىعىنىڭ دامۋ بەتالىسىنا عىلمي تۇجىرىم جاساپ، وقۋ-اعارتۋدى، كۋرستان وتكىزۋدى جانە جۇمىستاندىرۋدى ءبىر تۇتاس ويداعىداي يگەرۋ؛ جوعارى دارەجەلى وقۋ-اعارتۋدىڭ ماماندىعى مەن بايلىق قۇرىلىمىنىڭ ورنالاسۋىن يكەمدى تەڭشەۋ؛ كاسىپتىك وقۋ-اعارتۋدى زور كۇشپەن دامىتىپ، ومىرلىك كاسىپتىك ونەرگە باۋلۋ ءتۇزىمىن اقاۋسىزداندىرۋ كەرەك. قامداۋ مەن قاجەتسىنۋدى ۇشتاستىرۋ مەحانيزمىن كەمەلدەندىرىپ، ادام مەن جۇمىس ورنىنىڭ سايكەسۋىن، ادام ىستەتۋدىڭ ەرەكشەلىگىن، قابىلەتىن تولىق ساۋلەلەندىرىپ، جۇمىستاندىرۋ ساپاسى مەن ورنىقتىلىعىن جوعارىلاتۋعا كۇش سالۋ كەرەك. ۇگىت-تاربيەنى كۇشەيتىپ، تۇتاس قوعامدى دۇرىس جۇمىستاندىرۋ كوزقاراسىن بەرىك ورناتۋعا جەتەكتەپ، كاسىپ تاڭداۋدىڭ جاڭا كوزقاراسى ارقىلى جۇمىستاندىرۋدىڭ تىڭ ءورىسىن اشۋ كەرەك. كەيبىر كاسىپتەردە جۇمىسشى ىستەتۋدىڭ كەمشىل بولۋ سەبەبىنە ىشكەرىلەي تالداۋ جاساپ، «جۇمىس بولۋ، ىستەيتىن ادام بولماۋ» ماسەلەسىن شەشۋدەن باستاپ كىرىسىپ، «ىستەيتىن ادام بولماۋ» ماسەلەسىن شەشۋ كەرەك.

شي جينپيڭ بىلاي دەپ باسا دارىپتەدى: ءتۇيىندى قاۋىمدى جۇمىستاندىرۋدى قولداۋ ساياساتىن كەمەلدەندىرۋ كەرەك. جوعارى مەكتەپ بىتىرگەن وقۋشىلار سياقتى جاستار قاۋىمىن جۇمىستاندىرۋدى ەڭ ماڭىزدى ورىنعا قويۋعا تاباندى بولىپ، ۇيرەنگەن ارتىقشىلىقتارىن ساۋلەلەندىرۋگە ءتيىمدى اناعۇرلىم كوپ جۇمىس ورىندارىن اشىپ، جاستاردى ءتۇيىندى سالالارعا، ءتۇيىندى كاسىپتەرگە، قالا-اۋىل نەگىزگى ساتىلارىنا جانە ورتا، شاعىن، ۇساق كاسىپورىندارعا بارىپ جۇمىستانۋعا، كاسىپ قۇرۋعا شابىتتاندىرىپ، بازارلانعان، قوعامدانعان جۇمىستاندىرۋ ارناسىن كەڭەيتۋ كەرەك. جاڭاشا قالا-قالاشىقتاندىرۋ جانە اۋىل-قىستاقتى جالپى بەتتىك كوركەيتۋدى ىلگەرىلەتۋمەن ۇشتاستىرىپ، سىرتقا شىعىپ جۇمىستانۋ مەن سول جەردىڭ وزىندە، جاقىن ماڭدا جۇمىستانۋعا تەڭ ءمان بەرۋگە تاباندى بولۋ؛ كوپ ءتۇرلى شارانى قاتار قولدانىپ، ديقان جۇمىسكەرلەردىڭ جۇمىستانۋىن جەبەۋ؛ سىرتقا شىققان دارىندىلاردى اۋىلىنا قايتۋعا، قالاداعى دارىندىلاردى اۋىل-قىستاققا بارىپ كاسىپ قۇرۋعا جەتەكتەۋ كەرەك.كەدەيلىكتەن قۇتىلعانداردىڭ جۇمىس كولەمى مەن جۇمىس كىرىسىن ورنىقتىرۋ، جۇمىسسىزدىقتان كولەمدى قايتا كەدەيلەسۋدەن ساقتانۋ كەرەك. جاسى ۇلكەن، مۇگەدەك، ءبىرشاما ۇزاق ۋاقىت جۇمىسسىز قالۋ سياقتى جۇمىستانۋى قيىن قاۋىمعا كومەكتەسۋ-سۇيەمەلدەۋدى كۇشەيتۋ؛ الەۋمەتتىك يگىلىك سيپاتتى جۇمىس ورىندارىنان ءبىر تۇتاس ويداعىداي پايدالانىپ، بىردە-ءبىر ادامى جۇمىستانباعان وتباسىلارىن يكەمدى اداقتاۋعا شىنايى كەپىلدىك ەتۋ كەرەك. اسكەردەن بوساعان اسكەريلەر، ايەلدەر سياقتى قاۋىمدى جۇمىستاندىرۋ قىزمەتىن ويداعىداي ىستەۋ كەرەك.

شي جينپيڭ بىلاي دەپ انىق ايتتى: جۇمىستاندىرۋ ءتۇزىلىس-مەحانيزمى رەفورماسىن تەرەڭدەتۋ كەرەك. جۇمىستاندىرۋعا الەۋمەتتىك قىزمەت وتەۋ ءتۇزىمىن كەمەلدەندىرۋ، جۇمىستاندىرۋعا الەۋمەتتىك قىزمەت وتەۋ جۇيەسىن اقاۋسىزداندىرۋ كەرەك. كاسىپ قۇرۋ ارقىلى جۇمىستاندىرۋدى قامتاماسىز ەتۋ ءتۇزىمىن كەمەلدەندىرىپ، كاسىپ قۇرۋعا قىزمەت وتەۋدى ساپالاندىرىپ، كاسىپ قۇرۋ ساپاسىن جوعارىلاتۋ كەرەك. ءبىر تۇتاس ارناعا تۇسكەن ادام كۇشى بايلىعى بازارى جۇيەسىن اقاۋسىزداندىرىپ، ءادىل جۇمىستاندىرۋ ورتاسىن جاراتىپ، بارلىق ادامنىڭ قاجىرلىلىقپەن قۇلشىنۋ ارقىلى وزىندىك دامۋدى جۇزەگە اسىرۋىنا وراي جاراتۋ كەرەك.

شي جينپيڭ بىلاي دەپ باسا دارىپتەدى: ەڭبەكشىلەردىڭ ۇقىق-مۇددەسىن قامتاماسىز ەتۋدى كۇشەيتۋ كەرەك. ەڭبەك زاڭ-ەرەجەلەرىن اقاۋسىزداندىرىپ، جاڭا جۇمىستاندىرۋ فورماتسياسىنداعى ەڭبەك ولشەمىن ارناعا ءتۇسىرۋ؛ قوعامدىق قامتاماسىزداندىرۋ جۇيەسىن كەمەلدەندىرۋ؛ ەڭبەكشىلەردىڭ زاڭدى ۇقىق-مۇددەسىن قورعاۋ كەرەك. يكەمدى جۇمىستاندىرۋ مەن جاڭا جۇمىستاندىرۋ فورماتسياسىنداعى ەڭبەكشىلەردىڭ ۇقىق-مۇددەسىن قامتاماسىزداندىرۋدى كۇشەيتۋ؛ جۇمىس بارىسىندا زاقىمدالۋشىلاردىڭ تۇرمىسىن قامتاماسىزداندىرۋ سىناق ءتۇيىن كولەمىن كەڭەيتۋ؛ تاجىريبەلەردى دەر كەزىندە قورىتىندىلاپ، ءتۇزىم قالىپتاستىرۋ كەرەك. بازاردى باقىلاۋ-باسقارۋ مەن ەڭبەك قامتاماسىزداندىرۋدى باقىلاۋ-تەكسەرۋ، زاڭ اتقارۋدى كۇشەيتۋ؛ جۇمىستاندىرۋداعى كەمسىتۋ، ەڭبەكاقىعا قارىزدار بولۋ، قامتاماسىزداندىرماۋ، زاڭعا قايشىلىق جاساۋ سياقتى بىلىققان جايتتەردى ءونىمدى جونگە سالۋ كەرەك.

شي جينپيڭ سوڭىندا بىلاي دەپ انىق ايتتى: ءار دارەجەلى پارتكومدار مەن ۇكىمەتتەر جۇمىستاندىرۋدى حالىق تۇرمىسىنداعى ماڭداي الدى ءىرى ءىس رەتىندە يگەرىپ، ۇيىمدىق باسشىلىقتى كۇشەيتىپ، ءتۇزىم-مەحانيزمدى اقاۋسىزداندىرىپ، قىزمەت كۇش بىرلىگىن نىعايتۋ كەرەك. جۇڭگونىڭ جۇمىستاندىرۋ نازاريالىق جۇيەسىن جەدەل ورناتىپ، ەلىمىزدىڭ جۇمىستاندىرۋ سالاسىنداعى حالىقارالىق ءسوز سويلەۋ ۇقىعى مەن ىقپال كۇشىن ءونىمدى جوعارىلاتۋ كەرەك.

 

اۋدارعان: قاناتبەك جۇماباي ۇلى