ينفورماتسيا اشكەرەلەۋ: mzjubao@cnr.cn

باس حابار

ورتالىق اسكەري ىستەر كوميتەتىنىڭ ساياسي قىزمەت ءماجىلىسى اشىلدى

来源:جۇڭگو قازاق راديو تورابى     |责编:巴特勒|     发布日期: 2024-06-20 14:57
ءوز حابارىمىز. ورتالىق اسكەري ىستەر كوميتەتىنىڭ ساياسي قىزمەت ءماجىلىسى 6-ايدىڭ 17-كۇنىنەن 19-كۇنىنە دەيىن شانشي ولكەسىنىڭ يان – ان قالاسىندا اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: پارتيانىڭ ارمياعا سوزسىزدىك باسشىلىعىنا تاباندى بولۋ؛ جاڭا داۋىردە ارميانى ساياسي جاقتان قۇرۋ جالپى جوباسىن دايەكتى تياناقتاندىرۋ؛ ارميانى ساياسي جاقتان قۇرۋ ءداۋىر تالابىن مىقتى يگەرىپ، نازاردى ارميا قۇرۋ 100 جىلدىق كۇرەس نىساناسىن جۇزەگە اسىرۋعا شوعىرلاندىرۋ؛ وزىنە تۇبەگەيلى توڭكەرىس جاساۋ رۋحىن ساۋلەلەندىرىپ، ساياسي رەتتەۋ ـ جاتتىعۋدى ۇزدىكسىز تەرەڭدەتۋ؛ ساياسيدا تاباندى، قابىلەتى مىعىم پارمەندى پارتيا ۇيىمىن شىڭداپ، ادال، كىرشىكسىز بولاتىن، جاۋاپكەرشىلىك ارقالايتىن، ارميانى قۇدىرەتتەندىرۋ ماڭىزدى مىندەتىن ارقالاي الاتىن جوعارى ساپالى كادرلار قوسىنىن سومداپ، ارميانى قۇدىرەتتەندىرۋ ىستەرىن پارمەندى ساياسي كەپىلدەندىرۋ كەرەك.
باۋتاشان تاۋىنىڭ باۋرايىنداعى، يانحى وزەنىنىڭ جاعاسىنداعى توڭكەرىستىك قاسيەتتى مەكەن يان-ان جاسىل جەلەك جامىلىپ، تىڭ تىرشىلىك تىنىسى اڭقيدى. 6 ـ ايدىڭ 17 ـ كۇنى تۇستەن كەيىن ساعات 3 مولشەرىندە شي جينپيڭ اسكەري ىستەر كوميتەتىنىڭ باسشىلىق القاسىنداعىلاردى جانە ءارقايسى تاراۋلارداعى، ورىندارداعى نەگىزگى جاۋاپتى جولداستاردى باستاپ ۋاڭجياپيڭ توڭكەرىستىك كونە جۇرتىن قۇرمەتپەن كوردى. ۋاڭ جياپيڭ 1937 ـ جىلى 8-ايدان 1947 ـ جىلى 3-ايعا دەيىن ورتالىق اسكەري ىستەر كوميتەتى تۇرعان جەر، يان ـ ان داۋىرىندەگى پارتيا ورتالىق كوميتەتى مەن ورتالىق اسكەري ىستەر كوميتەتىنىڭ ماڭىزدى شەشىم جاساۋ جانە قولباسشىلىق ورتالىعى. ورتالىق اسكەري ىستەر كوميتەتىنىڭ جيىن زالىندا، شي جينپيڭ تۇسىندىرمەنى مۇقيات تىڭداپ، يان ـ ان داۋىرىندەگى كەلەلى شايقاستارعا قولباسشىلىق ەتۋ جاعدايىن بەينەلەيتىن تاريحي سۋرەت كورسەتپەلەردى كورىپ، پارتيا ورتالىق كوميتەتى مەن ورتالىق اسكەري ىستەر كوميتەتىنىڭ باسشىلىق اقىل ـ پاراساتى مەن ونەرىن سەزىندى. شي جينپيڭ وسىدان كەيىن ماۋ زىدۇڭ، جوۋ ىنلاي، جۋ دى قاتارلى اعا بۋىن توڭكەرىسشىلەردىڭ كونە تۇراعىنا بارىپ، اعا بۋىن توڭكەرىسشىلەردىڭ يان ـ انداعى توڭكەرىستىك كەشىرمەلەرىن، ولاردىڭ ۇشان ـ تەڭىز ۇلى ەڭبەكتەرىن تەبىرەنە ەسكە الدى. شي جينپيڭ «تاۋلين الاڭىنان» ءوتىپ شانشي- گانسۋ-نيڭشيا شەكارا رايونىنىڭ قوس قورعاۋ قيمىلىن جاسامپازدىقپەن ورىستەتۋ جاعدايىن ۇعىسىپ، كوپشىلىكپەن بىرگە سول جىلدارداعى توڭكەرىستىك ۇمىتكەرلىك رۋحقا تولى جاۋىنگەرلىك ءومىردى ەسكە الدى. ورتالىق اسكەري ىستەر كوميتەتىنىڭ زالىندا شي جينپيڭ تاريحي سۋرەتتەردى زەر سالا كورىپ، كوپشىلىكپەن ىشكەرىلەي پىكىر اۋىستىرىپ، پارتيا ورتالىق كوميتەتى مەن ورتالىق اسكەري ىستەر كوميتەتىنىڭ بۇكىل ۇلتتىڭ جاپون شاپقىنشىلارىنا قارسى سوعىسقا جانە ازاتتىق سوعىسىنا باسشىلىق ەتكەن شۇعىلالى بارىسىن ەسكە الدى. شي جينپيڭ بىلاي دەپ انىق ايتتى: 10 جىلدىڭ الدىندا ءبىز گۋتيانعا بارىپ بۇكىل ارميانىڭ ساياسي قىزمەت ءماجىلىسىن اشتىق، بۇگىن ءبىز يان ـ انعا كەلىپ اسكەري ىستەر كوميتەتىنىڭ ساياسي قىزمەت ءماجىلىسىن اشىپ، ءتۇپ توركىندى تاعى ءبىر رەت ەسكە الدىق. جاڭا ءداۋىردىڭ جاڭا جورىعىندا مەملەكەتتى قۇدىرەتتەندىرۋدىڭ، ارميانى قۇدىرەتتەندىرۋدىڭ بولاشاعى نۇرلى، مىندەتى جاپالى. بۇكىل ارمياداعى جوعارى دارەجەلى كادرلار اۋەلگى ماقساتتى، بورىشتى ەستە بەرىك ساقتاۋ، يان ـ ان رۋحىن باستاماشىلدىقپەن ساۋلەلەندىرۋ، توڭكەرىستىك شىڭدالۋدى باستاماشىلدىقپەن كۇشەيتۋ، پارتيا مەن حالىق جۇكتەگەن تاريحي كەلەلى مىندەتتى ارقالاپ، قالىڭ كوماندير ـ جاۋىنگەرلەردى ارميا قۇرۋ 100 جىلدىق كۇرەس نىساناسىن جۇزەگە اسىرۋدان قامال الۋ شايقاسىن ويداعىداي جۇرگىزۋگە ىنتىماقتاستىرىپ جانە باستاپ، ارميانى قۇدىرەتتەندىرۋ ىستەرىن ۇزدىكسىز العا ىلگەرىلەتۋ كەرەك.
وسىدان كەيىن شي جينپيڭ جۇڭگو يان-ان كادرلار شۇەيۋانىنا باردى، شاتىرلاي كوتەرىلگەن شاپالاق ءۇنى ىشىندە ورتالىق اسكەري ىستەر كوميتەتىنىڭ ساياسي قىزمەت ماجىلىسىندەگى بارلىق ۋاكىلدەرمەن ىقىلاسپەن كەزدەسىپ، كوپشىلىكپەن بىرگە ەستەلىك سۋرەتكە ءتۇستى.
شي جينپيڭ ماجىلىستە ماڭىزدى ءسوز سويلەدى.ول بىلاي دەپ انىق ايتتى: پارتيا 18 ـ قۇرىلتايىنان بەرى، پارتيا ورتالىق كوميتەتى گۋتيانداعى بۇكىل ارميا ساياسي قىزمەت ءماجىلىسىن باتىل شەشىم جاساپ اشىپ، ستيل دۇرىستاۋ رۋحىمەن ساياسي رەتتەۋ ـ جاتتىعۋدى ىلگەرىلەتىپ، پارتيانى جالپى بەتتىك قاتاڭ باسقارۋدان، ارميانى جالپى بەتتىك قاتاڭ باسقارۋدان اۋىتقىماي، بەكىم جانە تەبىندى بۇرىن بولماعان دارەجەدە ارتتىرىپ، جاڭا داۋىردەگى ارميانى ساياسي جاقتان قۇرۋدا تاريحي تابىستارعا قول جەتكىزدى. ەگەر ساياسي جاقتان توڭكەرىستىك شىڭدالۋ بولماسا، جاڭا داۋىردەگى حالىق ارمياسىنىڭ ۇلى وزگەرىسى بولماق ەمەس.
شي جينپيڭ مىنالاردى باسا دارىپتەدى: پارتيا 18 ـ قۇرىلتايىنان بەرى، ءبىز ارميانى ساياسي جاقتان قۇرۋ نازارياسى جونىندەگى ىزدەنىس پەن امالياتتىق جاسامپازدىقتى ىشكەرىلەي ىلگەرىلەتىپ، جاڭا داۋىردە ارميانى ساياسي جاقتان قۇرۋ جالپى جوباسىن قالىپتاستىرىپ، ارميانى ساياسي جاقتان قۇرۋدىڭ حالىق ارمياسىنىڭ ارميا قۇرۋىنىڭ نەگىزى ەكەنىن ايقىندادىق؛ ساياسي قىزمەتتىڭ ماڭگى ارميامىزدىڭ جان تامىرى ەكەندىگىن ايقىندادىق؛ ساياسي رەتتەۋ-جاتتعىۋدا ساياسي جاقتاعى توركىندى تۇزەپ، قايناردى تازالاۋدى كورنەكتىلەندىرىپ، يدەيالىق باسشىلىقتى يگەرۋ بارلىق باسشىلىقتى يگەرۋدىڭ نەگىزى ەكەنىن ايقىندادىق؛ پارتيانىڭ كۇش-قۋاتى ۇيىمنان، اسكەري ءبولىمنىڭ ۇيىستىرۋ قۋاتى مەن جاۋىنگەرلىك قۋاتى ۇيىمنان كەلەتىندىگىن ايقىندادىق؛ مىلتىق باستان- اياق پارتياعا ادال، سەنىمدى ادامداردىڭ قولىندا بولۋ كەرەك ەكەندىگىن ايقىندادىق؛ قاتاڭ بولعاندا عانا ، ارقاۋ مەن ءتارتىپتى قاتايتۋعا، قاتاڭ بولعاندا عانا، ارميانىڭ ايباتىن ساقتاۋعا، قاتاڭ بولعاندا عانا، جاۋىنگەرلىك قۋاتتى ايگىلەۋگە بولاتىندىعىن ايقىندادىق؛ ارميادا شىرىكتەسكەندەرگە جاسىرىناتىن ورىن بولمايتىندىعىن ايقىندادىق؛ ستيلى تاماشا بولعاندا عانا قاھارمان قوسىن قۇرۋعا بولاتىندىعىن، ارميا مەن ۇكىمەتتىڭ، ارميا مەن حالىقتىڭ ىنتىماعىنىڭ ارميامىزدىڭ جەڭىسكە جەتۋ اسىلى ەكەندىگىن ايقىندادىق. جاڭا داۋىردە ارميانى ساياسي جاقتان قۇرۋ جالپى جوباسىن جالپى بەتتىك، دۇرىس ۇيرەنىپ، ءتۇسىنىپ، بۇلجىماي دايەكتى تياناقتاندىرۋ ءارى اماليات بارىسىندا ۇزدىكسىز بايىتۋ، دامىتۋ كەرەك.
شي جينپيڭ مىنالاردى انىق ايتتى: قازىر دۇنيە ءجۇزى، مەملەكەت جاعدايى، پارتيا جاعدايى، ارميا جاعدايىندا كۇردەلى دە تەرەڭ وزگەرىستەر تۋىلۋدا، ارميامىز ساياسي جاقتا ءدوپ كەلىپ وتىرعان سىناقتار اسا كۇردەلى. ارميانى ساياسي جاقتان قۇرۋ سىندى ءداۋىر تالابىن مىقتى يگەرۋ؛ ارميانى ساياسي جاقتان قۇرۋدى ءبىر ءسات تە توقتاتپاي ىلگەرىلەتۋ؛ حالىق ارمياسىنىڭ سيپاتى مەن باستى ماقساتىن ماڭگى ساقتاۋىنا شىنايى كەپىلدىك ەتۋ؛ باستان ـ اياق باتىلدىقپەن شايقاس جاساپ، ءسوزسىز ، جەڭىسكە جەتىپ ، باستان ـ اياق ىنتىماقتاسا كۇرەس جاساپ، باستان ـ اياق دارىندىلاردى توپ ـ توبىمەن جارىققا شىعارىپ ، باستان ـ اياق كىرشىكسىزدىك داڭق دەپ ءبىلىپ، باستان ـ اياق زاڭ ـ تارتىپتە قاتاڭ بولىپ، جاڭا ءداۋىر شارت-جاعدايىندا ارميامىزدىڭ ساياسي ابزالدىلىعىن ۇزدىكسىز كۇشەيتۋ كەرەك.
شي جينپيڭ كەزەكتەگى ارميانى ساياسي جاقتان قۇرۋدا شەشۋگە ءتيىستى تەرەڭ قاتپارلى قايشىلىقتار مەن ماسەلەلەرگە تەرەڭ تالداۋ جاسادى. ول مىنالاردى باسا دارىپتەدى: بۇل ماسەلەلەر ساياسي، يدەيا، ۇيىم، ستيل، ءتارتىپ سياقتى جاقتاردا بەينەلەنەدى، ونىڭ تامىرى مۇرات ـ سەنىمدە، پارتيالىلىق ساپادا، بيلىك جۇرگىزۋ ءمورالىندا. ءار دارەجەلى، وتە ـ موتە، جوعارى دارەجەلى كادرلار ءوزىن دۇرىس مەڭگەرىپ، بەت ـ بەدەلمەن ەسەپتەسپەي كەمشىلىكتى اشىپ، ءوزىن اشكەرەلەۋدەن تايىنباۋ باتىلدىعىن كورسەتىپ، ءتۇپ تامىردى تەرەڭ قازىپ، جان دۇنيەگە قانداۋىر قاداۋ پوزيتسياسىمەن تەرەڭ تولعانىپ، مۇقيات وڭاپ ـ تۇزەتىپ ، يدەيالىق تامىرداعى ماسەلەلەردى ويداعىداي شەشىپ، ارميانى ساياسي جاقتان قۇرۋدىڭ تەرەڭدەۋىن، ناقتىلانۋىن ىلگەرىلەتۋ كەرەك.
شي جينپيڭ بىلاي دەپ انىق ايتتى: جاڭا جورىقتا ارميانى ساياسي جاقتان قۇرۋدى ىلگەرىلەتۋدە 6 جاقتاعى ءتۇيىندى قىزمەتتى ويداعىداي يگەرۋ كەرەك.ءبىرىنشى، يدەيا وزگەرتۋدەگى سانالىلىق پەن دايەكتىلىكتى كۇشەيتۋ كەرەك. پارتيانىڭ جاڭالىق جاراتۋ نازارياسىمەن قارۋلانۋدى ۇزدىكسىز مىقتى يگەرىپ، ءتۇپ نۇسقانى وقۋعا، ءتۇپ نۇسقانى ۇيرەنۋگە، قاعيدانى تۇسىنۋگە تاباندى بولىپ، ۇيرەنۋدى، وي جۇگىرتۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە تاباندى بولۋ؛ جوعارى دارەجەلى كادرلاردىڭ الدىمەن تاربيە الۋىنا تاباندى بولىپ، ارميامىزدىڭ يدەيالىق ـ ساياسي تاربيە جۇيەسىنىڭ تياناقتانۋىن ىلگەرىلەتۋ؛ ۇيرەنۋ جەتىستىكتەرىن ءىس جۇزىندىك ونىمدىلىكپەن سىننان وتكىزۋ بەتالىسىن بەكەمدەۋ كەرەك. ەكىنشى، پارتيا ۇيىمىنىڭ باسشىلىق قۋاتىن، ۇيىمداستىرۋ قابىلەتىن، اتقارۋ قابىلەتىن جوعارىلاتۋ كەرەك. ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن كۇشەيتۋ؛ سوعىسقا دايىندالۋ، سوعىس جۇرگىزۋ قابىلەتىن جوعارىلاتۋ؛ پارتيانىڭ باسشىلىعىن سوعىسقا دايىندالۋدىڭ، سوعىس جۇرگىزۋدىڭ ءار سالاسىمەن جانە تۇتاس بارىسىمەن ساباقتاستىرۋ كەرەك. دەموكراتيالىق ورتالىقتاندىرۋ ءتۇزىمىن قاتاڭ تياناقتاندىرىپ، پارتكومنىڭ كەڭەسۋ، شەشىم جاساۋ ەرەجەسىن ساپالاندىرىپ، كەلەلى شەشىمدەرگە كەڭەس بەرۋ، باعالاۋ قىزمەتىن كۇشەيتۋ كەرەك. پارتكوم شۋجيلەرىنىڭ پارتيانى باسقارۋ ، پارتيا ىستەرىن باسقارۋداعى ءبىرىنشى جاۋاپتى ادامدىق جاۋاپكەرشىلىگىن كۇشەيتۋ كەرەك. ءۇشىنشى، كادرلار قوسىنى قۇرىلىسىن كۇشەيتۋ كەرەك. جاڭا داۋىردەگى پارتيانىڭ ۇيىمدىق لۋشيانىن دايەكتەندىرۋ؛ ارميانىڭ جاقسى كادر ولشەمىن تولىق، دۇرىس ءتۇسىنىپ، يگەرىپ، وسى ولشەمدى كادرلار قىزمەتىنىڭ ءارقايسى بۋىندارىندا جالپى بەتتىك تياناقتاندىرۋ كەرەك. كادرلاردى باعالاۋ قىزمەتىن جاقسارتىپ، ءىستى ءبىلۋ، ادامدى تانۋ دالدىگىن جوعارىلاتۋ كەرەك. تۇتاس تىزبەك بويىنشا قۇرىلىس جۇرگىزۋ تانىمىن دايەكتەندىرىپ، دارىندىلاردى باۋلۋدى ستراتەگيالىق مىندەت رەتىندە يگەرۋ؛ كادرلار قوسىنى قۇرىلىسىنىڭ جالپى تۇلعالىق ونىمدىلىگىن جوعارىلاتۋ كەرەك. ءتورتىنشى، شىرىكتەسۋدىڭ ءوسىپ-ءوربيتىن توپىراعى مەن شارت- جاعدايىن الاستاۋ كەرەك. قاتاڭدىق نەگىزگى اۋەننەن اۋىتقىماۋعا تاباندى بولىپ، تۇبىرىنەن دە تۇلعاسىنان دا وڭاۋدى قاتار جۇرگىزىپ، جۇيەلى وڭاپ، پارتكومنىڭ تۇلعالىق جاۋاپكەرشىلىگىن، ءتارتىپ تەكسەرۋ كوميتەتىنىڭ باقىلاۋ جاۋاپكەرشىلىگىن، كاسىپ، تاراۋلاردىڭ پاكتىك ىستەرىن باسقارۋ جاۋاپكەرشىلىگىن ساباقتاستىرىپ، ناقتىلاندىرىپ، شىرىكتەسۋگە قارسى تۇرۋ كۇرەسىن تەرەڭدەتۋ-كەڭەيتۋ كەرەك. ۇقىقتى ورنالاستىرۋ مەن جۇرگىزۋدى تەجەۋ مەحانيزمىن كەمەلدەندىرىپ ، جاڭاشا شىرىكتەسۋدى جانە كومەسكى شىرىكتەسۋدى جازالاۋ شارالارىن مولايتىپ، جوعارى دارەجەلى كادرلاردىڭ مىندەت اتقارۋىن ، ۇقىق جۇرگىزۋىن جان - جاقتىلى باقىلاۋ - باسقارۋدى كۇشەيتۋ كەرەك. بەسىنشى، ناتيجە جاراتىپ كاسىپ قۇرۋ رۋحاني كۇيىن سەرپىلتۋ كەرەك. قىزمەت ناتيجەسىن باعالاۋدىڭ عىلمي جۇيەسىن ورناتىپ، فورماشىلدىق، تورەشىلدىك ماسەلەلەردى انىقتاۋدى اناعۇرلىم يكەمدىلەندىرىپ، «بەس كوپ بولۋدى» ىشكەرىلەي تۇزەتىپ، نەگىزگى ساتىنىڭ اۋىرتپالىعىن جەڭىلدەتۋ كەرەك. اسكەريلەردىڭ مامىلەسىن قامتاماسىز ەتۋ سياقتى ساياسات ـ تۇزىمدەردى تياناقتاندىرۋدى «ەڭ سوڭعى ءبىر شاقىرىمعا» دەيىن ىركىلىسسسىزدەندىرىپ، نەگىزگى ساتىنىڭ قيىنشىلىعىن شىنايى شەشىپ، قيىنشىلىعى بارلارعا كومەكتەسىپ، كوماندير ـ جاۋىنگەرلەردىڭ تابىس سەزىمى مەن ۇيىمدىق تاۋەلدىلىك سەزىمىن كۇشەيتۋ كەرەك. التىنشى، ساياسي قىزمەتتىڭ تاڭداۋلى ءداستۇرىن قالپىنا كەلتىرۋ جانە ساۋلەلەندىرۋ كەرەك. شىندىقتى ءىس جۇزىنەن ىزدەۋگە تاباندى بولىپ، ءوز باسىنان ونەگە كورسەتۋ، ءار دارەجەلى، وتە - موتە، جوعارى دارەجەلى كادرلار ءوزى ونەگە بولىپ، باستاماشىلدىقپەن ۇلگى كورسەتىپ، ىسىلعان ستيل جانە وبراز ارقىلى اسكەري ءبولىمدى باۋراۋ، جەتەكتەۋ كەرەك.
شي جينپيڭ بىلاي دەپ باسا دارىپتەدى: ارميانى ساياسي جاقتان قۇرۋدى ىلگەرىلەتۋ-بۇكىل ارميانىڭ ورتاق جاۋاپكەرشىلىگى، اسكەري ىستەر كوميتەتى ءبىر تۇتاس باسشىلىقتى كۇشەيتۋى، اسكەري ىستەر كوميتەتىنىڭ ساياسي قىزمەت ءبولىمى، ءتارتىپ تەكسەرۋ كوميتەتى، ساياسي ـ زاڭ كوميتەتى سايكەسۋدى، سەلبەسۋدى كۇشەيتۋى، ورىندار ، تاراۋلار مىندەت اتقارىپ، جاۋاپكەرشىلىكتى ادا ەتىپ، ارميانى ساياسي جاقتان قۇرۋدا جاڭا جاعداي جاراتۋعا ۇزدىكسىز قۇلشىنىپ، پارتيامىز باسشىلىق ەتكەن وسى قاھارمان ارميانى اناعۇرلىم شىڭداپ، ارميا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الۋ كەرەك.
ورتالىق اسكەري ىستەر كوميتەتىنىڭ وسى رەتكى ساياسي قىزمەت ءماجىلىسىن شي جينپيڭ ءوزى شەشىم جاساپ اشتى. ماجىلىستە شي جينپيڭنىڭ ماڭىزدى ءسوزىنىڭ رۋحىن ۇيرەنۋ، دايەكتەندىرۋ توڭىرەكتەلىپ، جاڭا ءداۋىر ، جاڭا جورىقتا ارميانى ساياسي جاقتان قۇرۋدى ىلگەرىلەتۋگە قاتىستى كەلەلى ماسەلەلەر جونىندە زەرتتەۋ جۇرگىزىلىپ، ورنالاستىرۋ جاسالدى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسالارى جاڭ يوۋشيا، حى ۋيدۇڭ، ورتالىق اسكەري ىستەر كوميتەتىنىڭ مۇشەلەرى ليۋ جىنلي، مياۋ حۋا، جاڭ شىڭمين ماجىلىسكە قاتىناستى. اسكەري ىستەر كوميتەتى ورگانىنداعى ءارقايسى مينيسترلىك-كوميتەتتەردەگى، اسكەري ىستەر كوميتەتىنە توتە قاراستى قۇرىلىمدارداعى، اسكەري ىستەر كوميتەتىنىڭ بىرلەسكەن قولباسشىلىق ورتالىعىنداعى، ءارقايسى سوعىس رايونىنداعى، ءارقايسى ارميا ، اسكەر تۇرلەرىندەگى، اسكەري ىستەر كوميتەتىنە توتە قاراستى ورىندارداعى، قارۋلى ساقشى بولىمدەرىندەگى نەگىزگى جاۋاپتى جولداستار ماجىلىسكە قاتىناستى.
 
اۋدارعان: قاناتبەك جۇماباي ۇلى

中央广播电视总台 央广网 版权所有

ورتالىق اسكەري ىستەر كوميتەتىنىڭ ساياسي قىزمەت ءماجىلىسى اشىلدى

ورتالىق اسكەري ىستەر كوميتەتىنىڭ ساياسي قىزمەت ءماجىلىسى يان ـ اندا اشىلدى، شي جينپيڭ ماجىلىسكە قاتىناستى ءارى ماڭىزدى ءسوز سويلەپ، جاڭا داۋىردە ارميانى ساياسي جاقتان قۇرۋ جالپى جوباسىن دايەكتى تياناقتاندىرىپ، ارميانى قۇدىرەتتەندىرۋ ىستەرىن پارمەندى ساياسي كەپىلدەندىرۋ كەرەك دەپ باسا دارىپتەدى