ينفورماتسيا اشكەرەلەۋ: mzjubao@cnr.cn

باس حابار

ورتالىق اسكەري ىستەر كوميتەتى داڭقتى اتاق بەرۋ سالتىن وتكىزدى

来源:جۇڭگو قازاق راديو تورابى     |责编:巴特勒|     发布日期: 2024-07-10 14:37
ءوز حابارىمىز. جۇڭگو حالىق ازاتتىق ارمياسى قۇرىلعاندىعىنىڭ 97 جىلدىعى قارساڭىندا، ورتالىق اسكەري ىستەر كوميتەتى 7-ايدىڭ 9-كۇنى بەيجيڭدە داڭىقتى اتاق بەرۋ سالتىن سالتاناتتى وتكىزدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ داڭقتى اتاققا يە بولعان ورىندارعا سيلىق تۋ ۇسىندى.
1 ـ تامىز عيماراتىنىڭ سالت وتكىزۋ الاڭىندا اسكەري بولىمدەگى كوماندير ـ جاۋىنگەرلەردىڭ جانە اكىمشىلىك قىزمەتكەرلەردىڭ ۋاكىلدەرى رەتتى قاتارعا تۇرىپ، ايبىندى دا اسقاق بەينەگە شومدى. تۇستەن كەيىن ساعات 3 تەن 30 مينۋت وتكەندە،  قۇرمەت قاراۋىلىنىڭ 18جاۋىنگەرى الاڭعا كىردى، ولار قارۋلارىن سەرت ۇستاپ ەكى جاقتا ساپ تۇزەپ تۇردى، داڭقتى اتاق بەرۋ سالتى باستالدى، بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ يوۋشيا شي جينپيڭ قول قويعان ورتالىق اسكەري ىستەر كوميتەتىنىڭ داڭقتى اتاق بەرۋ بۇيرىعىن وقىدى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى حى ۋيدۇڭ سالتتى باسقاردى.
«حالىق ارمياسى پارتياعا ادال»  دەگەن اسقاق مۋزيكا ءۇنى ىشىندە شي جينپيڭ «ۇلگىل ىراكەتا زەڭبىرەكشىلەر ليانى» داڭقتى اتاعىنا يە بولعان قۇرلىق ارمياسى بەلگىلى لۇيى 1 ـ يىڭى 2 ـ ليانىنە تۋ ۇسىندى. لياندەگى كوماندير ـ جاۋىنگەرلەردىڭ ۋاكىلى شي جينپيڭگە قۇرمەت ءبىلدىرىپ ، سيلىق تۋىن سالتاناتپەن تاپسىرىپ الدى. شي جينپيڭ ولارعا شىن ىقىلاسپەن قۇرمەت ءبىلدىرىپ ، قۇتتىقتادى ءارى ەستەلىك سۋرەتكە ءتۇستى. بۇكىل زالدا شاپالاق ءۇنى شاتىرلاي كوتەرىلدى.
ماراپاتتاۋ سالتى اسقاق جۇڭگو حالىق ازاتتىق ارمياسىنىڭ ارميا انىمەن اياقتادى.
ورتالىق اسكەري ىستەر كوميتەتىنىڭ مۇشەلەرى ليۋ جىنلي، مياۋ حۋا، جاڭ شىڭمين، اسكەري ىستەر كوميتەتى ورگانىنىڭ ءارقايسى تاراۋلارىنداعى، ارميانىڭ بەيجيڭدەگى قاتىستى ورىندارىنداعى نەگىزگى جاۋاپتى جولداستار، اسكەري ىستەر كوميتەتى داڭقتى اتاق بەرگەن ورىنداردىڭ ۋاكىلدەرى قاتارلىلار داڭقتى اتاق بەرۋ سالتىنا قاتىناستى. 
 
اۋدارعان: قاناتبەك جۇماباي ۇلى

中央广播电视总台 央广网 版权所有

ورتالىق اسكەري ىستەر كوميتەتى داڭقتى اتاق بەرۋ سالتىن وتكىزدى

ورتالىق اسكەري ىستەر كوميتەتى داڭقتى اتاق بەرۋ سالتىن وتكىزدى ، شي جينپيڭ داڭقتى اتاققا يە بولعان ورىندارعا سيلىق تۋ ۇسىندى