شي جينپيڭ توپتىق ۇيرەنۋدە مىنالاردى باسا دارىپتەدى
来源:جۇڭگو قازاق راديو تورابى |责编：巴特勒| 发布日期: 2024-08-01 15:12
ءوز حابارىمىز: ج ك پ ورتالىق كوميتەتىنىڭ ساياسي بيۋروسى 7-ايدىڭ 30-كۇنى تۇستەن كەيىن وسى زامانعى شەكارا، تەڭىز، اۋە قورعانىسى قۇرىلىسىن ىلگەرىلەتۋ جونىندە 16 - رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا ماڭىزدى ءسوز سويلەپ بىلاي دەپ باسا دارىپتەدى: وسى زامانعى شەكارا، تەڭىز، اۋە قورعانىسى قۇرىلىسىن ىلگەرىلەتۋ - مەملەكەت قورعانىسى مەن ارميانى وسىزامانداندىرۋدىڭ ىشكى تالابى، جوعارى دەڭگەيلى حاۋىپسىزدىك ارقىلى جوعارى ساپالى دامۋدى قامتاماسىزداندىرۋدىڭ قاجەتتى بورىشى، جۇڭگو ۇلگىسىندەگى وسىزامانداندىرۋ ارقىلى قۇدىرەتتى ەل قۇرۋ قۇرىلىسىن، ۇلتتىڭ گۇلدەنۋى ۇلى ءىسىن جالپى بەتتىك ىلگەرىلەتۋ جونىنەن ماڭىزدى مانگە يە. جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، مەملەكەت حاۋىپسىزدىگى ستراتەگياسى جانە اسكەري ىستەر ستراتەگياسى جالپى جاعدايىن تياناق ەتىپ، ەل ءىشى، حالىقارا سىندى ەكى جالپى اۋقىمدى ءبىر تۇتاس جوسپارلاپ، شەكارا، تەڭىز، اۋە قورعانىسىنىڭ جاڭا جاعدايىن، جاڭا ەرەكشەلىگىن، جاڭا تالابىن يگەرىپ، بورىش پەن جاۋاپكەرشىلىكتى كۇشەيتىپ، وي جەلىسى مەن شارالاردا جاڭالىق اشىپ، قىزمەتتەردى تياناقتاندىرۋدى مىقتى يگەرىپ، قۇدىرەتتى دە بەرىك وسى زامانعى شەكارا، تەڭىز، اۋە قورعانىسىن كۇش سالا قۇرۋ كەرەك.
ورتالىق كوميتەت ساياسي بيۋروسىنىڭ وسى رەتكى توپتىق ۇيرەنۋى 1 - تامىز ارميا قۇرۋ مەرەكەسى قارساڭىندا وتكىزىلدى. شي جينپيڭ پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بارلىق حالىق ازاتتىق ارمياسىنىڭ قول باسشى - جاۋىنگەرلەرىنە، قارۋلى ساقشى اسكەري بولىمدەرىنىڭ كوماندير - جاۋىنگەرلەرىنە، ارميانىڭ اكىمشىلىك قىزمەتكەرلەرىنە، حالىق جاساقتارى مەن زاپاس قوسىنداعىلارعا مەرەكە قۇتتى بولسىن ايتتى!
ورتالىق اسكەري ىستەر كوميتەتى بىرلەسكەن اقىلشىلار بولىمىنەن حۋاڭ جيجۇڭ جولداس وسى زامانعى شەكارا، تەڭىز، اۋە قورعانىسى قۇرىلىسىن ىلگەرىلەتۋ ماسەلەسى جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار تۇسىندىرمەنى مۇقيات تىڭدادى ءارى تالقىلادى.
شي جينپيڭ تۇسىندىرمە مەن تالقىنى تىڭداعاننان كەيىن ماڭىزدى ءسوز سويلەدى.ول بىلاي دەپ اتاپ كورسەتتى: شەكارا، تەڭىز، اۋە قورعانىسى- مەملەكەتتىڭ يەلىك ۇقىعىنىڭ ماڭىزدى بەلگىسى، مەملەكەت حاۋىپسىزدىگىنىڭ ماڭىزدى قاقپاسى، مەملەكەت دامۋىنىڭ ماڭىزدى كەپىلى، پارتيامىز ەجەلدەن باسا ءمان بەرىپ كەلەدى. پارتيا 18 ـ قۇرىلتايىنان بەرى، پارتيا ورتالىق كوميتەتى شەكارا، تەڭىز، اۋە قورعانىسى قۇرىلىسىن ەل باسقارۋدىڭ ماڭىزدى ورنىنا قويۋعا تاباندى بولىپ، پارتيا، ۇكىمەت، ارميا، ساقشى، حالىقتىڭ كۇش بىرىكتىرىپ شەكارانى بەكەمدەپ، قورعانىستى نىعايتۋىن كۇشەيتىپ، شەكارا، تەڭىز، اۋە قورعانىسىنا باسشىلىق ەتۋ، باسقارۋ ءتۇزىلىسى، كۇش قۋات قۇرىلىمى، ساياسات ـ ءتۇزىمى سياقتى ءبىرسىپىرا كەلەلى رەفورمالاردى اتقارۋعا باسشىلىق ەتىپ، شەكارا، تەڭىز، اۋە قورعانىسىنىڭ ءبىر قىدىرۋ كەلەلى ارەكەتتەرىنە قولباسشىلىق ەتىپ جانە ونى ورىستەتىپ، ەلىمىزدىڭ تەرريتوريا يەلىك ۇقىعى مەن تەڭىز - مۇحيت ۇقىق - مۇددەسىن پارمەندى قورعاپ، مەملەكەتتىڭ حاۋىپسىزدىگى مەن دامۋىنىڭ ستراتەگيالىق ىرىقتىلىعىن قورعادى. ەلىمىزدىڭ شەكارا، تەڭىز، اۋە قورعانىسى قۇرىلىسىندا تاريحي تابىستارعا قول جەتىپ، جاڭا باستاما كەزەڭگە ءوتتى.
شي جينپيڭ بىلاي دەپ باسا دارىپتەدى: قازىر دۇنيە جۇزىندە 100 جىلدا بولعان وزگەرىستەر جەدەلدەۋدە، ەلىمىزدىڭ شەكارا، تەڭىز، اۋە قورعانىسىنىڭ ىشكى مانىندە جانە كولەمىندە تەرەڭ وزگەرىستەر تۋىلىپ، ىقپال فاكتورلارى اناعۇرلىم كۇردەلىلەنىپ، شەكارا، تەڭىز، اۋە قورعانىسى قۇرىلىسى جاڭا وراي مەن سىن ـ سايىسقا ءدوپ كەلدى. جۇيەلى كوزقاراسقا تاباندى بولىپ، جالپى جاعدايدى ءبىر تۇتاس جوسپارلاۋدى كۇشەيتىپ، وتاندى قورعاۋ، شەكارانى بەكەمدەۋ جالپى تۇلعالىق قابىلەتىن جوعارىلاتۋ كەرەك. شەكارا، تەڭىز، اۋە قورعانىسى قۇرىلىسى مەن شەكارا، تەڭىز جاعالاۋىنداعى وڭىرلەردىڭ ەكونوميكالىق، قوعامدىق دامۋىن سايكەستى ىلگەرىلەتىپ، نەگىزدىك قۇرىلعىلاردى ۇلاستىرۋدى، تۇتاستىرۋدى جانە بىرگە قۇرۋ، بىرگە پايدالانۋدى كۇشەيتىپ، حاۋىپسىزدىكتى ءونىمدى قورعايتىن ءارى دامۋعا پارمەندى تىرەك بولاتىن شەكارا، تەڭىز، اۋە قورعانىسى قۇرىلىسى جاعدايىن قالىپتاستىرۋ كەرەك. عىلىم ـ تەحنيكالىق قۋاتتى كۇشەيتىپ، شەكارا، تەڭىز، اۋە قورعانىسىنىڭ جاڭاشا ءتاسىلى مەن شارت ـ جاعداي قۇرىلىسىن بەكەمدەپ، شەكارا، تەڭىز، اۋە قورعانىسىنىڭ ستەرەولدى، زەردەلى باسقارۋ ـ مەڭگەرۋ جۇيەسىن ورناتۋ كەرەك. قاتىستى ەلدەرمەن تاتۋ كورشىلىك دوستىقتى جانە ناقتى سەلبەستىكتى نىعايتىپ، شەكارا، تەڭىز، اۋە قورعانىسى قۇرىلىسىنا تاماشا توڭىرەكتىك ورتا ازىرلەۋ كەرەك.
شي جينپيڭ بىلاي دەپ اتاپ كورسەتتى: پارتيا 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن مۇقيات دايەكتىلەندىرىپ، شەكارا، تەڭىز، اۋە قورعانىسىنداعى كەلەلى ماسەلەلەرى جونىندەگى زەرتتەۋدى ىشكەرلەتىپ، بۇرىنعى رەفورما جەتىستىكتەرىن بەكەمدەپ، ساپاسىن جوعارىلاتىپ، بەلگىلەنگەن رەفورما مىندەتتەرىن تياناقتاندىرۋدى ويداعىداي يگەرىپ، كەيىنگى رەفورما جوبالارىن كۇشەيتىپ، شەكارا، تەڭىز، اۋە قورعانىسى قۇرىلىسىنىڭ جاڭالىق اشا دامۋىن ىلگەرىلەتۋ كەرەك. ءبىر جاعىنان جۇمىس جۇرگىزۋگە، ءبىر جاعىنان رەفورما جاساۋعا، ءبىر جاعىنان كەمەلدەندىرۋگە تاباندى بولىپ، شەكارا، تەڭىز قورعانىسىنىڭ باسشىلىق، باسقارۋ ءتۇزىلىسىن ساپالىلاندىرىپ، ارميا مەن جەرگىلىكتى ورىندى سايكەستىرۋ مەحانيزمىن كەمەلدەندىرىپ، قاتىستى زاڭ ـ ءتۇزىم قۇرىلىسىن كۇشەيتىپ، شەكارا، تەڭىز قورعانىسى قىزمەتتەرىنىڭ جۇيەلى، ءتارتىپتى، ىركىلىسسىز، جوعارى ءونىمدى بولۋىنا شىنايى كەپىلدىك ەتۋ كەرەك. مەملەكەتتىڭ اۋە قاتىناسىن باسقارۋ قىزمەتىن ويداعىداي ىستەپ، تومەن كەڭىستىك ەكونوميكاسىنىڭ اقاۋسىز دامۋىن جەبەۋ قاجەت. حالىقتىق اۋە قورعانىس قۇرىلىسى ۇلگىسىن ساپالىلاندىرىپ، وسى زامانعى حالىقتىق اۋە قورعانىس جۇيەسىن قۇرۋ كەرەك.
شي جينپيڭ بىلاي دەپ باسا دارىپتەدى: شەكارا، تەڭىز، اۋە قورعانىسى ارميا مەن جەرگىلىكتى ورىنداعى كوپتەگەن تاراۋلارعا، كوپتەگەن جىكتەرگە سايادى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتىپ، پارتيا، ۇكىمەت، ارميا، ساقشى، حالىقتىڭ كۇشىن بىرىكتىرىپ شەكارانى بەكەمدەپ، قورعانىستى كۇشەيتۋ باسىمدىعىن ساۋلەلەندىرىپ، شەكارا، تەڭىز، اۋە قورعانىسى قۇرىلىسىنىڭ ارميا مەن جەرگىلىكتى ورىنداردىڭ جوباسىن ۇشتاستىرۋدى، مىندەتتەردى ءتۇيىلىستىرۋدى، بايلىقتى ءبىر تۇتاس جوسپارلاۋدى كۇشەيتىپ، ارميا، ساقشى، حالىقتىڭ بىرلەسىپ قورعانۋ، قولباسشىلىق ەتۋ جانە ارەكەت سەلبەستىگىن كۇشەيتىپ، ءبىر تۇتاس جۇيە قالىپتاستىرىپ، كۇشتى ءبىر اراعا شوعىرلاندىرۋ كەرەك. ارميا قوسىندارى جەرگىلىكتى ورىندارمەن بەلسەندى، ىرىقتى تۇردە بايلانىس جاساۋدى، سايكەسۋدى ويداعىداي ىستەپ، ورتالىق پەن مەملەكەت ورگاندارىنىڭ قاتىستى تاراۋلارى، جەرگىلىكتى پارتكومدار مەن ۇكىمەتتەر مەملەكەت قورعانىسى تانىمىن كۇشەيتىپ، مىندەتىن مۇقيات اتقارىپ، جاۋاپكەرشىلىگىن ادا ەتىپ، مەملەكەت قورعانىسى قۇرىلىسى جانە مەملەكەت قورعانىسىن بەكەمدەۋدىڭ ءتۇرلى مىندەتتەرىن قاز ـ قالپىندا ويداعىداي تياناقتاندىرۋ كەرەك.
اۋدارعان: نازار ءارىپ ۇلى
