3-ايدىڭ 19-، 20-كۇندەرى، شي جينپيڭ يۇننان ولكەلىك پارتكومنىڭ شۋجيى ۋاڭ نيڭ مەن ولكە باستىعى ۋاڭ يۇيبونىڭ سەرىك بولۋىندا ىلگەرىندى-كەيىندى ليجياڭ، كۇنميڭ سياقتى جەرلەرگە بارىپ تەكسەرۋ-زەرتتەۋ جۇرگىزدى.

  3- ايدىڭ 19-كۇنى تۇستەن كەيىن شي جينپيڭ ليجياڭ وسى زامانعى گۇل-ءشوپ كاسىپ باقشاسىنا كەلدى. كورمە زالىندا ول روزا گۇلى، ءلالا گۇلى سورتى كورمەسىن كورىپ، يۇنناننىڭ گۇل-ءشوپ كاسىبىنىڭ دامۋ جاعدايى جونىندەگى تانىستىرۋدى تىڭدادى. روزا گۇلىن ەگۋ اۋماعىندا، ول زەردەلى جىلىجايدا توپىراقسىز ءوسىرۋ تەحنيكاسىن ۇعىسىپ، سول جەردەگى قىستاق تۇرعىندارىمەن، تەحنيكتەرمەن ىقىلاسپەن اڭگىمەلەستى. ول تاعى روزا گۇلىن دارەجەگە ءبولىپ قوراپتاۋ ءوندىرىس جەلىسىنە كەلىپ، سۇرىپتاۋ، دارەجەگە ءبولىپ قوراپتاۋ، جونەلتۋ جالپى بارىسىن كورىپ، جاڭا جينالعان گۇلدىڭ زات اينالىمى ارقىلى دەر كەزىندە سىرتقا ساتىلعاندىعىن تۇراقتاندىردى. شي جينپيڭ بىلاي دەپ اتاپ كورسەتتى: يۇنناننىڭ گۇل-ءشوپ كاسىبىنىڭ بولاشاعى كەڭ، تۇتاس كاسىپ سالاسى تىزبەگىن كوزدە ۇستاپ، سورتتى تۇقىم، ەگىمشىلىك، بازار سالاسىنان باستاپ ۇزدىكسىز مۇقيات ىستەپ، قۇنتتاي باپتاپ، وسى «كورىكتى كاسىپتى» بۇقاراعا باقىت جاراتاتىن «باقىتتى كاسىپكە» اينالدىرۋ كەرەك.

    ليجياڭ بايىرعى قالاسىنىڭ 800 جىلدان استام تاريحى بار، ول دۇنيە جۇزىلىك مادەني مۇرالار تىزىمدىگىنە ەنگىزىلگەن. كوكتەمگى قاردان كەيىن، ليجياڭدا ساياحاتشىلار قايشالىسادى. شي جينپيڭ وسى اراعا كەلىپ، بايىرعى قالانىڭ سالىنۋ تاريحى، ناشي ۇلتىنىڭ تۇرعىن ءۇي ەرەكشەلىگى جانە جەرگىلىكتى مادەنيەت مۇرالارىن قورعاۋ، پايدالانۋ، مادەنيەت پەن ساياحاتتى توعىستىرا دامىتۋدى ىلگەرىلەتۋ سياقتى جاعدايلاردى ەگجەي-تەگجەيلى ۇعىستى. تۇرعىندار مەن ساياحاتشىلار باس شۋجيدى كورىپ ەرەكشە قۋانىپ، ارت-ارتىنان كەلىپ امانداستى، كەيبىرەۋى مۋزيكا اسپاپتارىن شەرتىپ، ءان ايتىپ، ءبي بيلەپ، باس شۋجيدى قارسى الدى. شي جينپيڭ كوپشىلىكپەن ءالسىن-ءالى سويلەسىپ، ساۋدا دۇكەندەرىنىڭ تيجارات جاعدايىن جانە ساياحاتشىلاردىڭ اسەرىن ۇعىستى. ول جەرگىلىكتى ورىننان قورعاۋ مەن دامىتۋدىڭ قاتىناسىن ويداعىداي ءبىر جاقتى ەتىپ، وسى كورىكتى بايىرعى قالادا جاڭا شۇعىلا شاشتىرۋدى تالاپ ەتتى.

  بايىرعى قالا مۋشى تۋسى جامبىلى-باتىس وڭتۇستىك رايونداعى ۇلتتاردىڭ ارالاسۋ، ىشتەسۋ، توعىسۋ تاريحىنىڭ كۋاسى. شي جينپيڭ مۋفۋ جامبىلىنىڭ نەگىزگى قۇرىلىستارىن كوزدەن كەشىرىپ، ناشي ۇلتىنىڭ دۇڭبا مادەنيەتىن زەرتتەۋ جەتىستىكتەرى كورمەسىن ەكسكۋرسيالادى. ول بىلاي دەپ باسا دارىپتەدى: مۋفۋ جامبىلى سياقتى ماڭىزدى مادەنيەت بەلگىسىن ويداعىداي قورعاپ، ويداعىداي پايدالانىپ، جۇڭحۋانىڭ تاڭداۋلى ءداستۇرلى مادەنيەتىن ويداعىداي قورعاپ، ويداعىداي جالعاستىرىپ، ءار ۇلت بۇقاراسىن جۇڭحۋا ۇلتى ورتاق تۇلعا تانىمىن سانالىلىقپەن بەكەمدەۋگە جەتەكتەپ، جۇڭحۋا ۇلتى ورتاق تۇلعا قۇرىلىسىن ۇزدىكسىز ىلگەرىلەتۋ كەرەك.

   اتتاناردا كوپتەگەن تۇرعىندار مەن ساياحاتشىلار قاۋمالاي كەلىپ باس شۋجيدى اتتاندىرىپ سالدى. شي جينپيڭ كوپشىلىكتى شابىتتاندىرىپ بىلاي دەدى: ليجياڭنىڭ كوركەم كورىنىسى، ەرەكشە مادەنيەتى، اسا جوعارى اتاعى بار،  مادەنيەت پەن ساياحاتتى، ءسوزسىز، باياندى، اقاۋسىز دامىتۋ جولىمەن جۇرە الادى. ول ليجياڭ حالقىنىڭ تۇرمىسىنىڭ ناشي ۇلتىنىڭ «جاراسىمدىلىق» دەگەن فاميلياسى سياقتى باقىتتى، الاڭسىز، جاراسىمدى، كوركەم بولۋىن تىلەدى.

  3-ايدىڭ 20-كۇنى تۇستەن بۇرىن، شي جينپيڭ يۇننان ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، يۇنناننىڭ ءار جاقتا قول جەتكىزگەن ناتيجەلەرىن تۇراقتاندىرىپ، كەلەسى قادامداعى قىزمەتتەر جونىندە تالاپ قويدى.

  شي جينپيڭ مىنالاردى اتاپ كورسەتتى: كاسىپ سالاسىنىڭ تيپىن وزگەرتىپ، دارەجەسىن جوعارىلاتۋدى ىلگەرىلەتۋ جوعارى ساپالى دامۋدىڭ ءتۇيىندى قىزمەتى. جەر-جەردىڭ بايلىق قاينارى، نەگىزدىك شارت-جاعدايى سياقتىلار ۇقسامايدى، كاسىپ تيپىن وزگەرتىپ، دارەجەسىن جوعارىلاتۋدى يگەرۋدە ءىس جۇزىندىكتى شىعار ءتۇيىن ەتىپ، ەكونوميكالىق زاڭدىلىققا بويسۇنىپ، وزىندىك ەرەكشەلىكتى كورنەكتىلەندىرۋ كەرەك. يۇننان عىلىم-تەحنيكادا جاڭالىق اشۋدى جەتەكشى ەتىپ، بايلىق سيپاتتى كاسىپتەردى الۋەتتەندىرىپ، ساپالاندىرىپ، زورايتىپ، ستراتەگيالىق جاڭادان گۇلدەنگەن كاسىپتەر مەن بولاشاق كاسىپتەردى بەلسەنە دامىتۋ كەرەك. ۇستىرت ەرەكشەلىگىنە يە اۋىل شارۋاشىلىعى مەن مادەنيەت، ساياحات كاسىبىن جەدەل دامىتىپ، كاسىپ سالاسىنىڭ قۇنىن ارتتىرۋدى، كاسىپورىنداردىڭ ونىمدىلىگىن جوعارىلاتۋدى، بۇقارانىڭ كىرىسىن مولايتۋدى جەبەۋ كەرەك. مۇددەدەن ورتاق يگىلىكتەنۋ مەحانيزمىن بەلسەنە قاراستىرىپ، شارۋاشىلىقتىڭ ساتىلى اۋىسۋىن تارتىپپەن جالعاستىرۋ كەرەك.

  شي جينپيڭ مىنالاردى باسا دارىپتەدى: يۇنناننىڭ وڭىرلىك شارت-جاعدايى ەرەكشە، جوعارى دەڭگەيدەگى سىرتقا ەسىك اشۋدى بەلسەنە ىلگەرىلەتىپ، وڭتۇستىك ازياعا، شىعىس وڭتۇستىك ازياعا باعىتتالعان ىقپالداس ورتالىق قۇرۋ كەرەك. ەركىن ساۋدا سىناق رايونىن جوعارى ساپامەن قۇرىپ، قاتىناس، زات اينالىمى، ەنەرگيا، سيفرلى ينفورماتسيا سياقتى ۇلكەن ارنا قۇرىلىسىن كۇشەيتىپ، ءتۇرلى اشىق تۇعىرلاردى ەكونوميكالىق دامۋدىڭ ارتۋ تۇيىنىنە اينالدىرۋ كەرەك. توڭىرەكتەگى ەلدەرمەن ەكونوميكا، عىلىم-تەحنيكا، دارىندى، ەمدەۋ، مادەنيەت سياقتى جاقتارداعى اۋىس-كۇيىستى، سەلبەستىكتى كەڭەيتىپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋدى شىنايى تياناقتاندىرۋ كەرەك.

  شي جينپيڭ مىنالاردى اتاپ كورسەتتى: يۇنناننىڭ ەكولوگيالىق ورنى ماڭىزدى، ەكولوگيانى الدىمەن ەسكەرۋ، جاسىل دامۋ جولىمەن بۇلجىماي ءجۇرىپ، ەلىمىزدىڭ باتىس وڭتۇستىك ەكولوگيالىق حاۋىپسىزدىك قالتقىسىن بەكەمدەۋ كەرەك. مەملەكەتتىك باقشانى نەگىزگى تۇلعا ەتكەن جاراتىلىستىق قورىق جۇيەسىن اقاۋسىزداندىرىپ، ەكولوگيالىق جۇيەنى قورعاۋدى جانە قالپىنا كەلتىرۋدى كۇشەيتىپ، شولەيتتەنۋدى، توپىراقتىڭ شايىلۋىن جانە شاعىن اعارلاردى جان-جاقتى جونگە سالۋدى ۇزدىكسىز ورىستەتۋ كەرەك. مەملەكەت جەرى كەڭىستىگىنىڭ پايدالانۋدى باسقارۋ ءتۇزىمى مەن ەكولوگيالىق ورتانى رايوندارعا ءبولىپ باسقارۋ-مەڭگەرۋدى ۇشتاستىرىپ، ءتۇيىندى سالالارداعى لاستانۋدان ساقتانۋدى جانە ءتۇيىندى كولدەردىڭ ورتاسىن جونگە سالۋدى تىڭعىلىقتى ىلگەرىلەتۋ كەرەك.

  شي جينپيڭ مىنالاردى باسا دارىپتەدى: يۇنناندا ۇلتتار كوپ، شەكاراداعى ۇلتتىق وڭىرلەردى جونگە سالۋدى كۇشەيتىپ، ۇلتتاردىڭ جان-جاقتى كىرىگۋىنىڭ امالياتتىق جولىن كەڭەيتىپ، جاڭا داۋىردەگى شەكارانى گۇلدەندىرىپ، حالىقتى اۋقاتتاندىرۋ ارەكەتىن ىشكەرىلەي ىلگەرىلەتىپ، ۇلتتار ىنتىماعىن، شەكارا ءوڭىردىڭ ورنىقتىلىعىن شىنايى قورعاۋ كەرەك.

  شي جينپيڭ مىنالاردى اتاپ كورسەتتى: پارتيانىڭ باسشىلىعى − ىستەرىمىزدى دامىتۋدىڭ ءتۇبىرلى كەپىلى. ءبىر جەردىڭ پارتيا باسشىلىعى مەن پارتيا قۇرىلىسى ورەسىنىڭ جوعارى-تومەندىگىنە قاراۋدا ماڭىزدى ءبىر جاعى--ونىڭ ساياسي ەكولوگياسىنىڭ جاقسى-جاماندىعىنا قاراۋ كەرەك. ءار دارەجەلى باسشى كادرلار پارتيانى باسقارۋ جاۋاپكەرشىلىگىن شىنايى اتقارىپ، ستيلى دۇرىس، ءادىل بولىپ، ءوزىنىڭ ونەگەلى ارەكەتى ارقىلى ساياسي ەكولوگيانىڭ ۇزدىكسىز تازارۋىن ىلگەرىلەتۋى كەرەك. ءار دارەجەلى پارتيا ۇيىمدارى پارتيا مۇشەلەرىن، كادرلاردى تاربيەلەۋدى، باسقارۋدى كۇشەيتىپ، بەلگىلەمەگە، تارتىپكە قايشى ءتۇرلى ارەكەتتەردى قاتاڭ تەكسەرىپ ءبىر جاقتى ەتىپ، بۇرىس ستيل، تەرىس پيعىلداردىڭ بازارى بولماۋىنا مۇمكىندىك جاساۋ كەرەك. پارتيا ورتالىق كوميتەتى بۇكىل پارتيادا ورتالىقتىڭ «سەگىز ءتۇرلى بەلگىلەمەسىنىڭ» رۋحىن ىشكەرىلەي دايەكتىلەندىرۋ جونىندەگى ۇيرەنۋ تاربيەسىن ورىستەتۋدى ورنالاستىردى، ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار ۇيرەنۋ تاربيەسىنىڭ جاۋاپكەرشىلىك سەزىمىن، كوكەي تەستىلىك سەزىمىن سانالىلىقپەن كۇشەيتىپ، پارتيانى جاپپاي قاتاڭ باسقارۋدىڭ جاعدايىمەن، مىندەتىمەن، ءوز جەرىنىڭ، ءوز تاراۋىنىڭ، ءوز ورنىنىڭ وسى جىلدارداعى ستيل قۇرىلىسىن يگەرۋىنىڭ ناقتى امالياتىمەن بايلانىستىرىپ، ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ەگجەي-تەگجەيلى ەرەجەسىنىڭ رۋحىن ونان ارى جەتە ءتۇسىنىپ، قاتىستى ءتارتىپ جازاسى ەرەجەسىن يگەرىپ، ماسەلەلەردى تەكسەرىپ، ورتاعا قويۋعا، شوعىرلى جونگە سالۋعا يدەيالىق-ساياسي نەگىزدى بەكەمدەۋ كەرەك. ستيلدى دۇرىستاپ، ءتارتىپتى قاتايتۋدى ساباقتاستىرىپ، قالىڭ پارتيا مۇشەلەرىن، كادرلاردى سانالى تۇردە ەرەجەگە، تارتىپكە بويسۇنۋعا، باتىلدىقپەن ءىس تىندىرىپ، شارۋاشىلىق قۇرۋعا جەتەكتەۋ كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.

  حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

  3-ايدىڭ 20-كۇنى تۇستەن بۇرىن شي جينپيڭ كۇنميڭدە كۇنميڭدەگى اسكەري بولىمدەردىڭ شاڭشياۋ دارەجەلىدەن جوعارى باسشى كادرلارى مەن نەگىزگى ساتىداعى وزات ۇلگىلەردىڭ، اكىمشىلىك قىزمەتكەرلەردىڭ ۋاكىلدەرىن ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان كۇنميڭدەگى اسكەري بولىمدەردەگى بارلىق كوماندير-جاۋىنگەرلەرگە ىقىلاستى سالەم جولدادى ءارى كوپشىلىكپەن بىرگە ەستەلىك سۋرەتكە ءتۇستى.

 

اۋدارعان: گۇلنۇر قابىلقاق قىزى