ءوز حابارىمىز. باس شۋجي شي جينپيڭ بىلاي دەپ اتاپ كورسەتتى: ەكونوميكالىق ءتۇزىلىس رەفورماسىن جەتەكشى ەتىپ، ءار سالاداعى، ءار جاقتاعى رەفورمالاردى ءبىر تۇتاس جوسپارلاپ ىلگەرىلەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە كەدەرگى بولاتىن يدەيالىق كوزقاراس پەن ءتۇزىلىس مەحانيزمى كىناراتتارىن باتىل الاستاپ، جۇڭگو ۇلگىسىندەگى وسىزامانداندىرۋدى ۇزدىكسىز پارمەندى قوزعاۋشى كۇشپەن جانە تۇزىمدىك كەپىلمەن قامداۋ كەرەك.

 

پارتيا 20-كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى، ورتالىقتان تارتىپ جەرگىلىكتى ورىندارعا دەيىن ءبىر قىدىرۋ رەفورما شارالارى ۇزدىكسىز العا قويىلىپ، ەكونوميكانىڭ جوعارى ساپالى دامۋىنىڭ ىشكى قوزعاۋشى كۇشى مەن جاڭالىق اشۋ ومىرشەڭدىك كۇشى تاسقىنداتىلىپ، جۇڭگو ۇلگىسىندەگى وسىزامانداندىرۋ رەفورما جاساۋ، ەسىك اشۋ بارىسىندا ۇزدىكسىز ىلگەرىلەتىلدى. 

 

بۇگىنگى تاڭدا رەفورمانى اناعۇرلىم جاپپاي تەرەڭدەتۋدى قوزعاۋشى كۇش ەتكەن ەكونوميكالىق اينالىم اناعۇرلىم ىركىلىسسىزدەنىپ، بايلىقتى ورنالاستىرۋدىڭ اناعۇرلىم ءونىمدى جونگە سالۋ ونىمدىلىگى ۇزدىكسىز جوعارىلادى.

 

2024-جىلى 7-ايدا پارتيا 20-كەزەكتى ورتالىق كوميتەتىنىڭ ءۇشىنشى جالپى ماجىلىسىندە رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندە قاۋلى شىعارىلدى، 300 دەن استام كەلەلى شارا اتقارىلىپ، ەكونوميكالىق، قوعامدىق دامۋعا تۇساۋ بولىپ وتىرعان تەرەڭ قاتپارلى قايشىلىقتار كوزدە ۇستالىپ، جونگە سالىندى. باس شۋجي شي جينپيڭ بىلاي دەپ باسا دارىپتەدى: جاڭا جاعداي مەن مىندەت الدىندا، ءسوز جوق، رەفورمانى ونان ارى جاپپاي تەرەڭدەتىپ، ءار جاقتاعى ءتۇزىم مەحانيزمىن ۇزدىكسىز كەمەلدەندىرىپ، نەگىزدى بەكەمدەپ، باسىمدىقتى ساۋلەلەندىرىپ، ولقىلىقتاردى تولىقتاپ، ءالسىز بۋىنداردى كۇشەيتىپ، ەلىمىزدىڭ ءتۇزىم باسىمدىعىن مەملەكەتتى باسقارۋ ونىمدىلىگىنە ۇزدىكسىز ويداعىداي اينالدىرۋ كەرەك. 

 

ەكونوميكالىق اينالىم بارىسىندا جارىققا شىققان كەيبىر جاڭا جاعدايلار مەن ماسەلەلەر الدىندا، باس شۋجي شي جينپيڭ ءبىر قىدىرۋ جاڭا ساياساتتار شىعارۋعا باتىل قولباسشىلىق ەتىپ، ورنالاستىرۋ جاساپ، رەفورمانى ماكرولىق رەتتەۋ-مەڭگەرۋ بارىسىنا ءسىڭىردى؛ حالىقتىق كاسىپورىنداردىڭ اڭگىمە ءماجىلىسىن باسقارىپ اشىپ، حالىقتىق شارۋاشىلىقتىڭ دامۋىنا، زورايۋىنا دەم بەردى؛ ورتالىق قازىنا-ەكونوميكا كوميتەتىنىڭ ءماجىلىسىن باسقارىپ اشىپ، مەملەكەت بويىنشا ءبىر تۇتاس ءىرى بازار قۇرىلىسىن ىشكەرىلەي ىلگەرىلەتۋ ءۇشىن ايقىن «جول كارتاسىن» جاسادى. فۋجياننىڭ تاۋ وزەندەرىن ارالاپ، جياڭحان جازىعىنا بارىپ، سانشيدىڭ بايتاق دالاسىنا قادام تاستاعاندا، باس شۋجي شي جينپيڭ جاپپاي جاڭالىق اشۋعا قولداۋ كورسەتەتىن ءتۇزىلىس مەحانيزمىن جەدەل ورناتۋ، بايلىق، ورتا فاكتورلارىن بازارلاندىرىپ ورنالاستىرۋ رەفورماسىن تەرەڭدەتۋ، قالا مەن اۋىلدىڭ توعىسپالى دامۋىن جەبەۋ سياقتى ماڭىزدى رەفورما تاقىرىپتارىن ارقاۋ ەتە وتىرىپ عىلمي دا پارمەندى ورنالاستىرۋ جاسادى. 

 

ەكونوميكالىق ءتۇزىلىس رەفورماسى جەتەكشى ەتىلىپ، ءبىر جىلدان بەرى ءتۇيىندى سالالارداعى رەفورمانى كۇشىنەن قالدىرۋ مەن ورناتۋ قاتار جۇرگىزىلىپ، ىشكەرىلەي ىلگەرىلەتىلدى.

 

مەملەكەت بويىنشا ءبىر تۇتاس ءىرى بازار قۇرىلىسى ۇزدىكسىز تەزدەدى. «مەملەكەت بويىنشا ءبىر تۇتاس ءىرى بازار قۇرىلىسىنا جەتەكشىلىك ەتۋ قۇجاتى» جاريالانىپ، 50 نەشە شارا وڭىرلەر اراسىنداعى بازار قامالىن تالقانداۋدى ىلگەرىلەتىپ، ماڭىزدى فاكتورلاردىڭ اناعۇرلىم جوعارى ونىمدىلىكپەن اينالىمعا تۇسۋىنە مۇمكىندىك جاسادى؛ مەملەكەت بويىنشا بازاردى بىرلىككە كەلتىرۋگە جانە ءادىل باسەكەگە كەدەرگى بولاتىن 4218 بەلگىلەمە مەن ءادىس شوعىرلى اداقتالدى؛ وزەكتى باسەكەلىك قۋاتتى جوعارىلاتىپ، كاسىپ سالاسىنىڭ ورنالاسۋىن ساپالاندىرىپ، جەرگىلىكتى ورىنداردىڭ تەجەمىن كۇشەيتىپ، باسەكە ءتارتىبىن ارناعا تۇسىرۋدەن باستاپ كىرىسىپ، «ىشكى قارا تالاسۋ» باسەكەسى جان-جاقتى جونگە سالىنىپ، كاسىپ تىزبەگى ىركىلىسسىزدەندىرىلدى. 

 

رەفورما ارقىلى حالىقتىق شارۋاشىلىقتىڭ جوعارى ساپالى دامۋى ىلگەرىلەتىلدى. «حالىقتىق شارۋاشىلىقتى جەبەۋ زاڭى» جاريالانىپ اتقارىلىپ، ءتىپتى دە كوپ نەگىزدىك قۇرىلعىلار باسەكەسى سالاسى، مەملەكەتتىڭ كەلەلى عىلمي زەرتتەۋ نەگىزدىك قۇرىلعىلارى سياقتىلار حالىقتىق كاسىپورىندارعا ونان ارى اشىق ۇستالدى. بيىل قاتىناس-تاسىمال، ەنەرگيا سياقتى ءتۇيىندى سالالاردا حالىقتىق كاپيتالعا ساپالى نىسانداردى تانىستىرۋعا كۇش سالىنىپ، جالپى قوسىلعان قارجى 3 تريلليون يۋاننان استى. 

 

وقۋ-اعارتۋ، عىلىم-تەحنيكا دارىندىلارى ءتۇزىلىس مەحانيزمى ءبىرتۇلعالانعان رەفورما تىڭعىلىقتى ىلگەرىلەتىلىپ، جاڭالىق اشۋعا تۇساۋ بولاتىن قيسىنسىز قاعيدا شەڭبەرلەرى ۇزدىكسىز تالقاندالدى. مەملەكەتتىڭ دەربەس جاڭالىق جاراتۋدان ۇلگى كورسەتۋ رايونىندا، ساياسات سىناق تۇيىندەرى ىركەس تىركەس اتقارىلىپ، جاڭالىق جاراتۋ ءتۇزىلىس مەحانيزمىندەگى كەدەرگىلەر بۇزىلىپ، الدىمەن اتقارىپ، الدىمەن سىناق ەتۋ ىسكە اسىرىلدى؛ «مەملەكەتتىك جاراتىلىستىق عىلىم قورى ەرەجەسىنە» وزگەرىس ەنگىزىلىپ، ارناۋلى قور ورنالاستىرىلىپ، جاس دارىندىلارعا قولداۋ كورسەتىلدى؛ 15 ءتۇرلى شارا شىعارىلىپ، عىلىم-تەحنيكا، فينانس ءتۇزىلىسىن جەدەل ورناتۋعا قولداۋ كورسەتىلدى، رەفورمانىڭ بىرىككەن كۇشى اناعۇرلىم كوپ جاڭالىق اشۋ، جاسامپازدىق ومىرشەڭدىك كۇشىن تاسقىنداتتى.

 

بۇكىل ەلدەگى تۇڭعىش جوعارى مەكتەپتىڭ وڭىرلىك تەحنيكانى وندىرگىش كۇشكە اينالدىرۋ ورتالىعى اشىق ۇستاعان، ورتاق يگىلىكتەنەتىن «ءبىر بەكەتتىك»، «تولىق تىزبەكتى» الەۋمەتتىك كادەگە جاراتۋ تەكشەسى جەتىستىكتى كادەگە جاراتۋداعى قيىن ماسەلەلەردى شەشىم ەتتى. اتالعان ورتالىق تياناقتانعانىنا ءبىر جىلعا جەتپەيتىن ۋاقىتتا، جوعارى مەكتەپتەردىڭ 4500 دەن استام عىلىم-تەحنيكا جەتىستىگىمەن توعىستىرىلىپ، 140 تۇردەگى جەتىستىك رەال وندىرگىش كۇشكە اينالدىرىلدى.

 

كەزەكتە ەكونوميكا سالاسىنداعى ءتۇرلى رەفورما جاپپاي ىلگەرىلەتىلۋدە.

 

كوز الدا، جەردى 2-كەزەكتى كوتەرمەگە الۋ مەرزىمى تولعاننان كەيىن مەرزىمى تاعى دا 30 جىل ۇزارتىلىپ، ولكە بويىنشا تۇيىندە سىناق ەتۋ كولەمى 7 ولكەگە كەڭەيدى، اۋىل-قىستاق كوللەكتيۆىندە «ءۇش ءتۇرلى قارجىنى» باقىلاۋ-باسقارۋدىڭ باياندى مەحانيزمى ۇزدىكسىز اقاۋسىزداندىرىلدى؛ ونىمدەردىڭ كومىرقىشقىل گازىن ىعىستىرۋ ءىزىن ەسەپتەۋ ولشەمى جاسالىپ، كومىر قىشقىل گازىن شىعارۋ ۇقىعى، سۋدان پايدالانۋ ۇقىعى، لاس شىعارۋ ۇقىعى سياقتى بازارلانعان ساۋدا ىلگەرىلەتىلدى. رەفورما كۇشى ارقىلى ەكونوميكالىق، قوعامدىق دامۋدى جاپپاي جاسىل تيپكە وزگەرتۋ ىلگەرىلەتىلىپ، حالىقتى وزەك ەتكەن قۇن بەتالىسى تۇراقتاندىرىلىپ، جۇمىسقا ورنالاسقان جەردە قوعامدىق قامسىزداندىرۋعا قاتىناساتىن نوپوس شەكتەمەسى جاپپاي كۇشىنەن قالدىرىلىپ، جالپىعا ءتيىمدى اماناتتاپ تاربيەلەۋگە قىزمەت وتەۋ جۇيە قۇرىلىسى جەدەلدەتىلىپ، الەۋمەتتىك قىزمەت وتەۋ باعا مەحانيزمى اقاۋسىزداندىرىلدى. قالا-قالاشىقتارداعى كونە شاعىن رايونداردى جاڭالاۋ سياقتى ارەكەتتەر ىلگەرىلەتىلىپ، باياندى قالا جاڭالاۋ ۇلگىسى جەدەل ورناتىلدى.

 

ءبىر جىلدان بەرى سىرتقا ەسىك اشۋدىڭ جوعارى دەڭگەيدەگى ءتۇزىلىس مەحانيزمى ۇزدىكسىز كەمەلدەندى.

 

شاڭحاي ەركىن ساۋدا سىناق رايونىنىڭ حالىقارالىق جوعارى ولشەمدى ەكونوميكا-ساۋدا ەرەجەسىن جاپپاي ۇشتاستىرۋ سىندى 77 ءتۇرلى كەلەلى جاڭالىق اشۋ شاراسى بۇكىل ەلگە جالپىلاستىرىلا باستادى. قازىر لينگاڭ جاڭا رايونىندا ساندى مالىمەتتىڭ شەكارا اتتاپ جىلجۋى، قىزمەت وتەۋ كاسىبىن اشىق ۇستاۋ سياقتى ءتۇيىندى سالالارداعى جاڭا ىزدەنىستەر ءالى دە جۇرگىزىلۋدە. 

 

ەسىك اشۋ ارقىلى رەفورما، دامۋ ءىسى ىلگەرىلەتىلدى. بيىل جىل باسىنان بەرى قىزمەت وتەۋ كاسىبىنىڭ ەسىك اشۋدى كەڭەيتۋ جالپىلىق سىناق تۇيىندەرىنىڭ قارقىنى تەزدەدى، 155 ءتۇرلى سىناق ءتۇيىنى مىندەتى تەلەگراف، ەمدەۋ، فينانس سياقتى سالالاردى قامتىدى، جۇڭگو-شىعىس وڭتۇستىك ازيا ەلدەرى وداعى ەركىن ساۋدا رايونىنىڭ 3-نۇسقاداعى كەلىسسوزى جاپپاي ورىندالىپ، دۇنيە جۇزىنە باعىتتالعان جوعارى ولشەمدى ەركىن ساۋدا رايونى تورابى جەدەل قۇرىلدى؛ ءبىر جاقتى تۇرعىداعى ۆيزاسىز كىرەتىن جانە شەكارادان ۆيزاسىز وتەتىن ەلدەر جەكە-جەكە 47 جانە 55 كە جەتتى. ەسىك بارعان سايىن ايقارا اشىلىپ، جۇڭگو ۇلگىسىندەگى وسىزاماندانۋدىڭ دامۋ كەڭىستىگى كەڭەيىپ، دۇنيە جۇزىنە اناعۇرلىم كوپ بىرگە دامۋ ورايىن ازىرلەدى.

 

ءبىر جىلدان بەرى رەفورما تەز دە ورنىقتى ىلگەرىلەتىلىپ، ەكونوميكانىڭ جوعارى ساپالى دامۋىن جەبەۋگە، جۇڭگو ۇلگىسىندەگى وسىزامانداندىرۋ قۇرىلىسىنا كۇش قوستى. دامۋ تاقىرىبى بەلگىلەنىپ، رەفورما داستانى جازىلىپ، بۇكىل ەلدە جوعارىدان تومەنگە دەيىن تاسقىنداعان كۇش توپتاستى، ءسوز جوق، رەفورما جاساپ، ەسىك اشۋدىڭ جاڭا ءورىسى قۇلشىنا اشىلادى!