شي جينپيڭ: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دۇرىس، جالپى بەتتىك دايەكتەندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، قام-قايعىسىز ءومىر كەشىرىپ، الاڭسىز كاسىپپەن شۇعىلداناتىن، ەكولوگياسى تاماشا سوتسياليستىك وسىزاماندانعان شينجياڭ قۇرۋعا قۇلشىنۋ كەرەك

شي جينپيڭ شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداعاندا مىنالاردى باسا دارىپتەدى

 جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دۇرىس، جالپى بەتتىك دايەكتەندىرۋ

ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، قام-قايعىسىز ءومىر كەشىرىپ، الاڭسىز كاسىپپەن شۇعىلداناتىن، ەكولوگياسى تاماشا سوتسياليستىك وسىزاماندانعان شينجياڭ قۇرۋعا قۇلشىنۋ كەرەك

ۋاڭ حۋنيڭ، ساي چي مالىمەت بەرۋ ماجىلىسىنە قاتىناستى

ورتالىق ۋاكىلدەر ۇيىرمەسىن باستاپ شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9-ايدىڭ 24-كۇنى شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭدادى. ول بىلاي دەپ باسا دارىپتەدى: شينجياڭدا جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دۇرىس، جالپى بەتتىك دايەكتەندىرىپ، ورنىقتىلىق بارىسىندا ىلگەرىلەۋ قىزمەت جالپى باعىتىنا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، قوعام ورنىقتىلىعى مەن باياندى تىنىشتىق قىزمەت باس نىساناسىن مىقتى يگەرىپ، جۇڭحۋا ۇلتى ورتاق تۇلعاسى تانىمىن بەرىك ورناتۋدى، جۇڭحۋا ۇلتى ورتاق تۇلعاسى قۇرىلىسىن ىلگەرىلەتۋدى تىعىز توڭىرەكتەپ، ورتالىق جۇكتەگەن «5 ۇلكەن ستراتەگيالىق ورىندى» كوزدەپ، زەيىن-زەردەنى، كۇش-قۋاتتى شوعىرلاندىرىپ، ۇزاق ۋاقىت ۇلەس قوسىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، قام-قايعىسىز ءومىر كەشىرىپ، الاڭسىز كاسىپپەن شۇعىلداناتىن، ەكولوگياسى تاماشا سوتسياليستىك وسىزاماندانعان شينجياڭ قۇرۋعا قۇلشىنۋ كەرەك. 

شي جينپيڭ مىنالاردى اتاپ كورسەتتى: شينجياڭ ۇيعۇر اۆتونوميالى رايونى قۇرىلعان 70 جىلدان بەرى، پارتيا ورتالىق كوميتەتىنىڭ پارمەندى باسشىلىعىندا جانە بۇكىل ەل حالقىنىڭ زور كۇشپەن قولداۋىندا، اۆتونوميالى رايوندىق پارتكوم مەن ۇكىمەت بۇكىل رايونداعى ءار ۇلت كادرلارى مەن بۇقاراسىن ىنتىماقتاستىرىپ جانە باستاپ، مەملەكەتتىڭ تۇتاستىعىن، ۇلتتار ىنتىماعىن، قوعام ورنىقتىلىعىن باتىل قورعاپ، ەكونوميكالىق، قوعامدىق دامۋدى ۇزدىكسىز ىلگەرىلەتىپ، شينجياڭنىڭ بەت-بەينەسىندە وراسان زور وزگەرىستەر تۋىلدى، شينجياڭدا بۇكىل ەلدىڭ جەر-جەرىمەن بىرلىكتە دەر كەزىندە جالپى بەتتىك دوڭگەلەك داۋلەتتى قوعام قۇرىلىپ، جالپى بەتتىك سوتسياليستىك وسىزاماندانعان مەملەكەت قۇرۋ جاڭا جورىعىنا قادام تاستالدى. 

ول پارتيا ورتالىق كوميتەتى اتىنان شينجياڭداعى ءار ۇلت كادرلارى مەن بۇقاراسىن قىزۋ قۇتتىقتادى، شىنايى سالەم جولدادى!

شي جينپيڭ مىنالاردى باسا دارىپتەدى: بايلىق قاسيەتى مەن كاسىپ نەگىزىن تياناق ەتىپ، شينجياڭنىڭ ەرەكشەلىگىنە ۇيلەسەتىن جوعارى ساپالى دامۋ جولىن بەلسەنە اشۋ كەرەك. ەرەكشە باسىمدىلىققا يە كاسىپتەردى دامىتۋعا تاباندى بولىپ، باسەكەلىك قۋاتقا يە كاسىپ شوعىرىن جەتىلدىرۋ كەرەك. عىلىم-تەحنيكادا جاڭالىق جاراتۋ مەن كاسىپ سالاسىندا جاڭالىق جاراتۋدىڭ ىشكەرىلەي توعىسۋىن كۇشەيتىپ، جەرلىك جاعدايعا قاراي جاڭا ساپالى وندىرگىش كۇشتەردى دامىتۋ كەرەك. مادەنيەت پەن ساياحاتتى توعىستىرۋدى كۇشەيتىپ، مادەنيەت، ساياحات كاسىبىنىڭ دامۋىن جەبەۋ كەرەك. ەكولوگيالىق جۇيەنى قورعاۋ مەن قالپىنا كەلتىرۋدى كۇشەيتىپ، ەكونوميكالىق، قوعامدىق دامۋدا جالپى بەتتىك جاسىل تيپكە بۇرىلىس جاساۋدى ىلگەرىلەتۋ كەرەك. جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن جەدەل ىلگەرىلەتىپ، ەل ءىشى جانە حالىقارا سىندى قوس اينالىمدى جەبەۋدە اناعۇرلىم زور رول اتقارۋ كەرەك. حالىق تۇرمىسىن قامتاماسىز ەتۋ مەن جاقسارتۋدى ماڭداي الدى ورىنعا قويىپ، كەدەيلىكتەن قۇتىلدىرۋدان قامال الۋدىڭ جەتىستىكتەرىن بەكەمدەپ جانە زورايتىپ، قوعامدىق ىستەردى كۇش سالا دامىتىپ، ءار ۇلت بۇقاراسىن دامۋ اياق الىسىنا جالپى بەتتىك ات سالىساتىن، دامۋ جەتىستىكتەرىنەن ورتاق يگىلىكتەنەتىن ەتۋ كەرەك. 

شي جينپيڭ مىنالاردى اتاپ كورسەتتى: شينجياڭنىڭ قوعامدىق جالپى جاعدايىنىڭ ورنىقتىلىعىن بار كۇشپەن قورعاۋ كەرەك. نەگىزگى ساتىنى يگەرۋگە، نەگىزدى كۇشەيتۋگە، نەگىزدى بەكەمدەۋگە تاباندى بولىپ، تەررورلىققا قارسى تۇرىپ، ورنىقتىلىقتى قورعاۋدىڭ حالىقتىق قورعانىس شەبىن بەكەمدەۋ كەرەك. جۇڭحۋا ۇلتى ورتاق تۇلعاسى تانىمىن بەرىك ورناتىپ، جۇڭحۋا ۇلتى ورتاق تۇلعاسى قۇرىلىسىن ىلگەرىلەتىپ، ەلىمىزدە ءدىندى جۇڭگوشالاندىرۋدى ىلگەرىلەتىپ، شينجياڭدى مادەنيەتپەن نارلەندىرۋدى كۇشەيتىپ، مادەنيەت ارقىلى ادام تاربيەلەۋگە ءمان بەرىپ، ءار ۇلت كادرلارى مەن بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا جەتەكتەۋ كەرەك. 

شي جينپيڭ مىنالاردى باسا دارىپتەدى: پارتيانىڭ باسشىلىعى مەن پارتيا قۇرىلىسىن كۇشەيتۋ — شينجياڭنىڭ وسىزامانداندىرۋ قۇرىلىسىن ىلگەرىلەتۋدىڭ ءتۇبىرلى كەپىلى. نازاريامەن قارۋلانۋدى ۇزدىكسىز كۇشەيتىپ، جاڭا ءداۋىر جۇڭگوشا سوتسياليزم يدەياسىمەن زەيىن-زەردەنى ۇيىستىرىپ، رۋحتى سومداۋ كەرەك. ورنىقتىلىقتى ساقتاۋدى، دامۋدى جەبەۋدى كادرلاردى جەتىلدىرۋدىڭ، شىنىقتىرۋدىڭ ۇلكەن ساباقحاناسى ەتىپ، قالىڭ كادرلاردىڭ اماليات بارىسىندا جاپا-ماشاقاتتان قورىقپاۋ، قيىندىقتان قامال الۋ جىگەرىن شىڭداپ، بۇقارانى ىنتىماقتاستىرۋ، بۇقاراعا قىزمەت وتەۋ، كۇردەلى جاعدايدى مەڭگەرۋ قابىلەتىن كۇشەيتۋ كەرەك. نەگىزگى ساتى ۇيىمدارىن جالپى بەتتىك كۇشەيتۋ، نەگىزگى ساتى پارتيا ۇيىمدارىنىڭ ساياسي فۋنكتسياسى مەن ۇيىمدىق فۋنكتسياسىن نىعايتۋ كەرەك. ورتالىقتىڭ سەگىز ءتۇرلى بەلگىلەمەسىنىڭ رۋحىن ۇيرەنۋ تاربيەسىنىڭ جەتىستىكتەرىن بەكەمدەپ جانە تەرەڭدەتىپ، ستيلدى دۇرىستاپ، ءتارتىپتى قاتايتۋ، شىرىكتەسۋگە قارسى تۇرۋ باياندى مەحانيزمىن اقاۋسىزداندىرىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك. 

شي جينپيڭ مىنالاردى اتاپ كورسەتتى: بيڭتۋان — پارتيا ورتالىق كوميتەتىنىڭ شينجياڭ قىزمەتى جونىندەگى باس نىساناسىن جۇزەگە اسىرۋداعى ماڭىزدى ستراتەگيالىق كۇش. بيڭتۋان رەفورماسىن تەرەڭدەتىپ، بيڭتۋاننىڭ ءىس جۇزىندىك جاعدايىنا ۇيلەسەتىن، بيڭتۋاننىڭ ەرەكشەلىگىن ايگىلەيتىن جوعارى ساپالى دامۋ جولىن اشۋ كەرەك. 

شينجياڭ ۇيعۇر اۆتونوميالى رايوندىق پارتكومنىڭ شۋجيى چىن شياۋجياڭ اۆتونوميالى رايوندىق پارتكوم مەن ۇكىمەتتىڭ قىزمەتىنەن مالىمەت بەردى. اۆتونوميالى رايوندىق حالىق ۇكىمەتىنىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمرات وبۇل، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، شينجياڭ ءوندىرىس-قۇرىلىس بيڭتۋانىنىڭ جىڭۋيى حى جۇڭيۋ مالىمەت بەرۋ ماجىلىسىنە قاتىناستى. 

ۋاڭ حۋنيڭ، ساي چي، لي گانجيە، حى ليفىڭ، ۋاڭ شياۋحۇڭ، شوكىرات زاكىر، شىن يچين، ۋاڭ دۇڭفىڭ جانە ليۋ جىنلي، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ورتالىق ۋاكىلدەر ۇيىرمەسىنىڭ بارلىق مۇشەلەرى، شينجياڭ ۇيعۇر اۆتونوميالى رايونىنىڭ پارتيا، ۇكىمەت، ارميا ورىندارىنداعى جاۋاپتى جولداستار قاتارلىلار مالىمەت بەرۋ ماجىلىسىنە قاتىناستى.