ءوز حابارىمىز. شي جينپيڭ شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن قۇتتىقتاۋعا ارنالعان «كوركەم شينجياڭ» اتتى  ادەبيەت-كوركەمونەر ساۋىق كەشىن كوردى.

ۋاڭ حۋنيڭ، ساي چي ساۋىق كەشتى كوردى. 

9-ايدىڭ 24-كۇنى كەشتە، ءۇرىمجى مادەنيەت ورتالىعىنىڭ ۇلكەن تەاترحاناسى دۋماندى مەرەيگە شومدى. شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن قۇتتىقتاۋعا ارنالعان «كوركەم شينجياڭ» اتتى ادەبيەت-كوركەمونەر ساۋىق كەشى وسى ارادا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭ ۇيعۇر اۆتونوميالى رايونىنداعى ءار ۇلت كادر-بۇقاراسىمەن بىرگە كونسەرتتى كوردى.

ادەبيەت-كوركەمونەر ساۋىق كەشىنىڭ شىمىلدىعى «ءبىز بىرگەمىز» اتتى ءان-بيمەن اشىلدى. بۇل ءۇش بولىمنەن تۇرادى. 1-بولىمدە «جەڭىس جىرى شينجياڭدا شىرقالدى»، «بارابان سوعىلىپ، ءان اسقاقتادى»، «جالىندى جىلدار» سياقتى ءان-بيلەر ارقىلى شينجياڭنىڭ سوتسياليستىك قۇرىلىسىنىڭ دۋماندى كورىنىسى ايگىلەندى. 2-بولىمدە  «تيانشاننىڭ تۇستىگى مەن تەرىستىگى» اتتى كورىنىستىك ءان-ءبي، «تيانشان قاراعايلارى تامىرلاس» اتتى ءان-ءبي، «رەفورما جاساپ، ەسىك اشۋ جاقسى» ءان-ءبي كونسەرتتەرى ورىندالىپ، رەفورما جاساپ، ەسىك اشۋدىڭ شينجياڭعا جالىندى ومىرشەڭدىك كۇش بەرگەندىگى بەينەلەندى. 3-بولىمدە «ەرەكشە قامقورلىق»، «كوكەيدەن شىعارماۋ»، «وتان اناعا ماحاببات»، «تيانشاندى قورعايمىن»، «جىبەك جولىندا گۇلدەر شەشەك اتتى»، «ءداۋىر سيمفونياسى» سياقتى كونسەرتتەردە شينجياڭداعى ءار ۇلت ۇلاندارىنىڭ ءبىر نيەتپەن ارمانعا قانات قاققان كوركەم كارتيناسى كەستەلەندى. «كوركەم شينجياڭ» اتتى ءان-ءبي ارقىلى ساۋىق كەش شارىقتاۋ شەگىنە جەتتى. ساۋىق كەش مەيىرگە تولى، ەرەكشە تارتىمدى بولىپ، شينجياڭ ۇيعۇر اۆتونوميالى رايونىنىڭ 70 جىلدان بەرگى شۇعىلالى بارىسى ايگىلەنىپ، شينجياڭداعى ءار ۇلت كادرلارى مەن بۇقاراسىنىڭ باس شۋجيگە دەگەن قۇرمەتى، پارتيا مەن مەملەكەتكە دەگەن العىستى پەيىلى، باقىتتى تۇرمىسقا دەگەن قۋانىشتى كوڭىل-كۇيلەرى بەينەلەندى.

ۋاڭ حۋنيڭ، ساي چي، لي گانجيە، حى ليفىڭ، ۋاڭ شياۋحۇڭ، شوكىرات زاكىر، شىن يچين، ۋاڭ دۇڭفىڭ جانە ليۋ جىنلي، شينجياڭدا قىزمەت ىستەگەن ساقا جولداستار، سونداي-اق ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ورتالىق ۋاكىلدەر ۇيىرمەسىنىڭ بارلىق مۇشەلەرى كونسەرتتى بىرگە كوردى.