شي جينپيڭنىڭ «ج ك پ ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15-بەسجىلدىق جوباسىن جاساۋ جونىندەگى ۇسىنىسى» تۋرالى تۇسىندىرمەسى

 

ءوز حابارىمىز. باس شۋجي شي جينپيڭنىڭ «ج ك پ ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15-بەسجىلدىق جوباسىن جاساۋ جونىندەگى ۇسىنىسى» تۋرالى تۇسىندىرمەسى 10-ايدىڭ 28-كۇنى جاريالاندى. بۇل باس شۋجي شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن ج ك پ 20-كەزەكتى ورتالىق كوميتەتىنىڭ ءتورتىنشى جالپى ماجىلىسىندە «ۇسىنىستى» دايىنداۋعا قاتىستى جاعدايلار جونىندە جالپى ماجىلىسكە جاساعان تۇسىندىرمەسى.

 

شي جينپيڭ الدىمەن ۇسىنىس نۇسقاسىنىڭ دايىندالۋ بارىسى جونىندە تۇسىندىرمە جاسادى.

 

بيىل 1-ايدا ورتالىق كوميتەت ساياسي بيۋروسى پارتيا 20-كەزەكتى ورتالىق كوميتەتىنىڭ ءتورتىنشى جالپى ماجىلىسىندە «15-بەسجىلدىق» جوبا ۇسىنىسىن قاراۋدى ۇيعارىپ، قۇجات دايىنداۋ گرۋپپاسىن قۇردى، شي جينپيڭ جولداس گرۋپپا باستىعى بولدى، لي چياڭ، ۋاڭ حۋنيڭ، ساي چي، ديڭ شۋەشياڭ قاتارلى جولداستار گرۋپپا باستىعىنىڭ ورىنباسارلارى بولدى، قاتىستى تاراۋلار مەن جەرلىك ورىندارداعى جاۋاپتى جولداستار قاتىناستى، ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا «ۇسىنىس» نۇسقاسىن دايىنداۋ قىزمەتىن ۇستىنە الدى. 2-ايدىڭ 11-كۇنى قۇجات دايىنداۋ گرۋپپاسى 1-كەزەكتى جالپى جيىنىن اشتى، «ۇسىنىس» نۇسقاسىن دايىنداۋ قىزمەتى رەسمي باستالدى.

 

پارتيا ورتالىق كوميتەتى دەموكراتيانى ساۋلەلەندىرۋدى، كوپتىڭ اقىل پاراساتىن شوعىرلاندىرۋدى قۇجاتتىڭ نۇسقاسىن دايىنداۋ قىزمەتىنىڭ تۇتاس بارىسىنا ءسىڭىرىپ، تەكسەرۋ زەرتتەۋدى ىشكەرىلەي ورىستەتىپ، ءار جاقتان كەڭ كولەمدە پىكىر الدى. 1-ايدىڭ 22-كۇنى پارتيا ورتالىق كوميتەتى «پارتيا 20-كەزەكتى ورتالىق كوميتەتىنىڭ ءتورتىنشى جالپى ماجىلىسىندە 15-بەسجىلدىق جوبا ۇسىنىسىنا پىكىر الۋدى زەرتتەۋ جونىندەگى ۇقتىرۋدى» تاراتىپ، پارتيا ءىشى-سىرتىنان بەلگىلى كولەمدە پىكىر الدى. 2-ايدىڭ اياق شەنىندە پارتيا ورتالىق كوميتەتى 6 تەكسەرۋ-زەرتتەۋ گرۋپپاسىن ۇيىمداستىرىپ، 12 ولكە، اۆتونوميالى رايون، توتە قاراستى قالاعا بارىپ ارناۋلى تەكسەرۋ-زەرتتەۋ جۇرگىزدى. سونىمەن بىرگە، پارتيا ورتالىق كوميتەتى ءىشىنارا ورتالىق پەن مەملەكەت ورگاندارىنا 35 ءتۇرلى ءتۇيىندى تاقىرىپتىق زەرتتەۋ جۇرگىزۋدى ورنالاستىردى. شي جينپيڭ جولداس 4-ايدىڭ 30-كۇنى شاڭحايدا ءبىر ءبولىم ولكە، اۆتونوميالى رايون، توتە قاراستى قالالاردىڭ 15-بەس جىلدىق مەزگىلىندەگى ەكونوميكالىق، قوعامدىق دامۋ اڭگىمە ءماجىلىسىن باسقارىپ اشتى. وسىدان كەيىن، لي چياڭ جولداسقا ەكونوميكا سالاسىنىڭ، عىلىم تەحنيكا سالاسىنىڭ، نەگىزگى ساتى ۋاكىلدەرىنىڭ 3 رەتكى اڭگىمە ءماجىلىسىن اشۋدى تاپسىردى. ءبىز تاعى دا توراپتا پىكىر الۋ قيمىلىن ورىستەتتىك، 3 ميلليوننان استام ۇسىنىس قابىلداندى، قاتىستى جاقتار ونىڭ ىشىنەن 1500 دەن استام ۇسىنىستى رەتتەپ شىقتى.

 

8-ايدىڭ 4-كۇنى «ۇسىنىس» نۇسقاسى پارتيا ىشىندە بەلگىلى كولەمدە تاراتىلىپ، پىكىر الىندى، بۇل پارتيا ىشىندەگى ءبىر ءبولىم ساقا جولداستاردان پىكىر الۋدى قامتيدى، ءارقايسى دەموكراتيالىق پارتيا-توپتار ورتالىق كوميتەتتەرىنىڭ، مەملەكەتتىك ونەركاسىپ-ساۋدا بىرلەستىگىنىڭ جاۋاپتىلارىنان جانە پارتيا-توپتا جوق قايراتكەرلەردىڭ ۋاكىلدەرىنەن ارناۋلى پىكىر الىندى. ءار قايسى جاقتار كوپتەگەن جاقسى پىكىرلەر مەن ۇسىنىستاردى ورتاعا قويدى. قۇجات نۇسقاسىن دايىنداۋ گرۋپپاسى تارماقتار بويىنشا تالداۋ جاساپ، قابىلداۋعا بولاتىندارىن مۇمكىندىگىنشە قابىلداپ، «ۇسىنىس» نۇسقاسىنىڭ جيىنى 218 جەرىنە مازمۇن قوسىلدى، وزگەرىس ەنگىزىلدى، ىقشامدالدى، ءار قايسى  جاقتىڭ 452 پىكىرى جانە ۇسىنىسى قامتىلدى.

 

«ۇسىنىس» نۇسقاسىن دايىنداۋ كەزىندە ورتالىق كوميتەت ساياسي بيۋروسىنىڭ تۇراقتى كوميتەتى 3 رەت ءماجىلىس اشىپ، ورتالىق كوميتەت ساياسي بيۋروسى 2 رەت ءماجىلىس اشىپ قاراپ، وزگەرىس ەنگىزىلىپ، وسى رەتكى جالپى ءماجىلىستىڭ قاراۋىنا ۇسىنىلاتىن «ۇسىنىس» نۇسقاسى قالىپتاستىرىلدى.

 

بۇل رەتكى قۇجات نۇسقاسىن دايىنداۋ قىزمەتى پارتيا ىشىندەگى دەموكراتيا مەن تۇتاس بارىستىق حالىق دەموكراتياسىن ساۋلەلەندىرۋدىڭ تاعى ءبىر رەتكى جاندى امالياتى دەۋگە بولادى.

 

شي جينپيڭ تۇسىندىرمەسىندە مىنالاردى انىق ايتتى: «ۇسىنىستىڭ» العاشقى نۇسقاسىن دايىنداۋدا پارتيانىڭ 20-قۇرىلتايىندا جاسالعان جالپى بەتتىك سوتسياليستىك وسىزاماندانعان قۇدىرەتتى ەل قۇرۋدى «ەكى باسقىشقا ءبولىپ جۇرگىزۋ» ستراتەگيالىق ورنالاستىرۋىنا ساي، «15-بەسجىلدىق» مەزگىلىنىڭ سوتسياليستىك وسىزامانداندىرۋدى نەگىزىنەن جۇزەگە اسىرۋ بارىسىنداعى ماڭىزدى ورنى دۇرىس يگەرىلىپ، ىشكى-سىرتقى جاعدايعا ىشكەرىلەي تالداۋ جاسالىپ، «15-بەسجىلدىق» مەزگىلىندەگى ەلىمىزدىڭ ەكونوميكالىق، قوعامدىق دامۋى جونىندە جۇيەلى جوبا جانە ستراتەگيالىق ورنالاستىرۋ جاسالدى.

 

«ۇسىنىس» نۇسقاسىن دايىنداۋ بارىسىندا ءبىز مىنا تۇيىندەردى يگەرۋگە نازار اۋداردىق. ءبىرىنشى، نىسانانى كوزدەۋ مەن ماسەلەنى نىشان ەتۋگە تاباندى بولىپ، نەگىزدى بەكەمدەۋ، جالپى بەتتىك كۇش سالۋ سىندى نەگىزگى دەڭگەيدى تياناق ەتىپ، سوتسياليستىك وسىزامانداندىرۋ نىساناسىن نەگىزىنەن جۇزەگە اسىرۋعا اناعۇرلىم بەرىك نەگىز قالاۋدى كوزدەۋ ءتۇيىنى ەتىپ، جۇيەلى جوبا جاساپ، دۇنيە جۇزىندە 100 جىلدا كەزدەسپەگەن زور وزگەرىس جاڭا جاعدايى مەن دامۋ بارىسىنداعى كورنەكتى ماسەلەلەرگە پارمەندى، ءتارتىپتى، ءونىمدى توتەپ بەرۋدى كۇش سالۋ ءتۇيىنى ەتىپ، ولقىلىقتاردى تولىقتاپ، ءالسىز بۋىندار كۇشەيتۋ. ەكىنشى، جۇيەلى وي جۇگىرتۋگە تاباندى بولىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جالپى بەتتىك ورىنداۋ» ستراتەگيالىق ورنالاستىرۋىن سايكەستى ىلگەرىلەتۋ تالابى بويىنشا، ەكونوميكالىق، قوعامدىق دامۋ مەن پارتيا قۇرىلىسىنىڭ ءار جاقتاعى قىزمەتتەرىن جالپى بەتتىك ورنالاستىرۋ. ءۇشىنشى، رەفورمانى ونان ارى جالپى بەتتىك تەرەڭدەتۋگە تاباندى بولىپ، رەفورما ءادىسى ارقىلى دامۋداعى قيىن ماسەلەلەردى شەشۋگە ءمان بەرىپ، دامۋعا قوزعاۋشى كۇش قوسىپ، ومىرشەڭدىك كۇشتى تاسقىنداتۋ. ءتورتىنشى، سىرتقا ەسىك اشۋدى كەڭەيتۋگە تاباندى بولىپ، دامۋدى ءوز كۇشىنىڭ نەگىزگى تۇيىنىنە قويۋمەن بىرگە، الەمدىك فاكتورلار مەن بازار بايلىعىن ءبىر تۇتاس ويداعىداي پايدالانۋ.

 

«ۇسىنىس» نۇسقاسى 15 بولىمنەن قۇرالادى، 3 ۇلكەن بولەككە بولىنەدى. ءبىرىنشى بولەك ءبىرىنشى، ەكىنشى ءبولىمدى قامتيدى، جالپى بايىمداۋ بولىپ، مۇندا باستىسى «14-بەسجىلدىق» مەزگىلىندەگى ەلىمىزدىڭ دامۋدا قول جەتكىزگەن كەلەلى جەتىستىكتەرى؛ «15-بەسجىلدىق» مەزگىلىنىڭ سوتسياليستىك وسىزامانداندىرۋدى نەگىزىنەن جۇزەگە اسىرۋ بارىسىندا بۇرىنعىعا مۇراگەر، كەيىنگىگە بۇيداگەر بولاتىن ماڭىزدى ورنى؛ «15 – بەسجىلدىق» مەزگىلىندە ەلىمىزدىڭ دامۋ ورتاسى ءدوپ كەلگەن تەرەڭ دە كۇردەلى وزگەرىستەر؛ «15-بەسجىلدىق» مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسى، بويسۇناتىن پرينسيبى جانە باستى نىساناسى سياقتى مازمۇندار بايىمدالدى. ەكىنشى بولەك 3-بولىمنەن 14-بولىمگە دەيىنگى 12 ءبولىمدى قامتيدى، تارماق بايىمداۋ بولىپ، نەگىزىنەن جالپى جاعداي مەن ۇزاق بولاشاققا ساياتىن ءتۇيىندى ماسەلەلەر كوزدەلىپ، سالالار بويىنشا «15-بەسجىلدىق» مەزگىلىندەگى ستراتەگيالىق مىندەتتەر مەن كەلەلى شارالار ورنالاستىرىلىپ، كاسىپ سالاسىن دامىتۋ، عىلىم-تەحنيكادا جاڭالىق جاراتۋ، ەل ءىشى بازارى، ەكونوميكالىق ءتۇزىلىس، سىرتقا ەسىك اشۋ، اۋىل-قىستاقتى كوركەيتۋ، وڭىرلىك دامۋ قاتارلىلاردان مادەنيەت قۇرىلىسى، حالىق تۇرمىسىن قامتاماسىزداندىرۋ، جاسىل دامۋ، حاۋىپسىز دامۋ، مەملەكەت قورعانىسى قۇرىلىسى سياقتى ءتۇيىندى سالالارعا دەيىنگى وي جەلىسى مەن ءتۇيىندى قىزمەتتەر ايقىندالدى. ءۇشىنشى بولەك 15-ءبولىم مەن سوڭعى ءسوزدى قامتيدى، باستىسى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ جانە كۇشەيتىپ، سوتسياليستىك دەموكراتيالى زاڭمەن باسقارۋ قۇرىلىسىن ىلگەرىلەتۋ؛ شياڭگاڭ، اۋمىن، تايۋان قىزمەتى؛ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ؛ تۇتاس قوعامنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرۋ سياقتى مىندەتتەر ورنالاستىرىلدى.

 

شي جينپيڭ بىرنەشە ءتۇيىندى ماسەلە جونىندە تۇسىندىرمە جاسادى.

 

ءبىرىنشى، «15-بەسجىلدىق» مەزگىلىنىڭ ماڭىزدى ورنى تۋرالى. «ۇسىنىس» نۇسقاسىندا «15-بەسجىلدىق» مەزگىلىنىڭ سوتسياليستىك وسىزامانداندىرۋدى نەگىزىنەن جۇزەگە اسىرۋ بارىسىندا بۇرىنعىعا مۇراگەر، كەيىنگىگە بۇيداگەر بولاتىن ماڭىزدى ورىنعا يە ەكەندىگى العا قويىلدى، بۇل «15-بەسجىلدىق» كەزىندە ارقالاۋعا ءتيىستى تاريحي مىندەتكە نەگىزدەلىپ جاسالعان تۇجىرىم. «15-بەسجىلدىق» جوبا مەزگىل-نەگىزدى بەكەمدەپ، جالپى بەتتىك كۇش سالاتىن شەشۋشى مەزگىل، «15-بەسجىلدىق» جوبانى ويداعىداي جاساعاندا جانە اتقارعاندا عانا، 2035-جىلعا بارعاندا سوتسياليستىك وسىزامانداندىرۋدى نەگىزىنەن جۇزەگە اسىرۋعا اناعۇرلىم بەرىك نەگىز قالاۋعا بولادى.

 

«ۇسىنىس» نۇسقاسىندا وسى نەگىزگى ورىن شىعار ءتۇيىن ەتىلىپ، «15-بەسجىلدىق» مەزگىلىندەگى دامۋ جوبالانىپ، « 14-بەسجىلدىق» جوبادا العا قويىلعان تانىمدارمەن جانە وي جەلىسىمەن ۇلاسپالىلىق ساقتالۋمەن بىرگە، الداعى 5 جىلداعى ەلىمىزدىڭ دامۋ اۋقىمى دۇرىس يگەرىلىپ، ءىس جۇزىندىككە ۇيلەسەتىن، كورەگەندىككە يە جالپى تۇلعالىق وي جەلىسى، كەلەلى پرينسيپتەر، باستى نىسانالار، ستراتەگيالىق مىندەتتەر العا قويىلدى.

 

ەكىنشى، «15-بەسجىلدىق» مەزگىلىندەگى ەكونوميكالىق، قوعامدىق دامۋ نىساناسى تۋرالى. «ۇسىنىس» نۇسقاسىندا «15-بەسجىلدىق» مەزگىلىنىڭ نەگىزگى ورنى جانە كەزەڭدىك تالاپتارى يگەرىلىپ، ەكونوميكالىق، قوعامدىق دامۋ باستى نىسانالارى ايقىندالدى.

 

بۇرىنعى ادىستەردەن پايدالانىپ، «ۇسىنىس» نۇسقاسىندا «15-بەسجىلدىق» كەزىندەگى ەكونوميكالىق، قوعامدىق دامۋ نىسانالارى باستىسى بەلگىلەنگەن تالاپتارى ورتاعا قويىلدى، قاجەتتى ساندىق تالاپتار مەن كەيبىر ناقتى قىزمەتتىك ورنالاستىرۋلار «پروگراممانى» جاساعان كەزدە زەرتتەپ تۇراقتاندىرۋعا قالدىرىلىپ، «ۇسىنىستىڭ» ماكرولىق جەتەكشىلىك رولى اناعۇرلىم ويداعىداي ايگىلەندى جانە ساۋلەلەندىرىلدى.

 

ءۇشىنشى، جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋ تۋرالى. جوعارى ساپالى دامۋدى ىلگەرىلەتۋدە، ەڭ ماڭىزدىسى، جوعارى دەڭگەيدەگى عىلىم تەحنيكادا ءوز كۇشىنە سۇيەنىپ الۋەتتەنۋدى جەدەلدەتىپ، جاڭا ساپالى وندىرگىش كۇشتەردى بەلسەنە دامىتىپ، عىلىم تەحنيكادا جاڭالىق جاراتۋدى ىلگەرىلەتۋ، جاڭا قوزعاۋشى كۇشتەردى جەدەل جەتىلدىرۋ، ەكونوميكالىق قۇرىلىمنىڭ ساپالانۋىن، دارەجەسىنىڭ جوعارىلاۋىن جەبەۋ جاعىندا ناقتى، تىڭ ىلگەرىلەۋشىلىككە قول جەتكىزۋ كەرەك.

 

ءتورتىنشى، ەل ىشىندەگى ءىرى اينالىمدى كۇشەيتۋ، ەل ءىشى جانە حالىقارا سىندى قوس اينالىمدى ىركىلىسسىزدەندىرۋ تۋرالى. كەزەكتە جانە بۇدان بىلايعى ءبىر مەزگىلدە ەل ءىشى زور اينالىمىن كۇشەيتۋگە تاباندى بولىپ، ەل ىشىندەگى قۇدىرەتتى ەكونوميكالىق اينالىم جۇيەسىن جەدەل قالىپتاستىرىپ، ەل ىشىندەگى اينالىمنىڭ ورنىقتىلىعى ارقىلى حالىقارالىق اينالىمنىڭ تۇراقسىزدىعىنا توتەپ بەرۋ كەرەك.

 

بەسىنشى، جالپى حالىقتىڭ ورتاق اۋقاتتانۋىندا نىق قادام تاستاۋ تۋرالى. «ۇسىنىس» نۇسقاسىندا جەتەكشى يدەيادا جالپى حالىقتىڭ ورتاق اۋقاتتانۋىندا نىق قادام تاستاۋ باسا دارىپتەلدى، بۇل «15-بەسجىلدىق» مەزگىلىندەگى ەكونوميكالىق، قوعامدىق دامۋعا جەتەكشىلىك ەتەتىن جالپى تۇلعالىق تالاپ.

 

التىنشى، دامۋ مەن حاۋىپسىزدىكتى ءبىر تۇتاس جوسپارلاۋ تۋرالى. «ۇسىنىس» نۇسقاسىندا مەملەكەت حاۋىپسىزدىگى جۇيەسى مەن قابىلەتىن وسىزامانداندىرۋدى ىلگەرىلەتۋ وزەك ەتىلىپ، مەملەكەت حاۋىپسىزدىگى جۇيەسىن اقاۋسىزداندىرۋ، ءتۇيىندى سالالارداعى مەملەكەت حاۋىپسىزدىگى قابىلەتى قۇرىلىسىن كۇشەيتۋ، الەۋمەتتىك حاۋىپسىزدىكتى باسقارۋ ورەسىن جوعارىلاتۋ، قوعامدىق باسقارۋ جۇيەسىن كەمەلدەندىرۋ ورتاعا قويىلدى. مەملەكەت قورعانىسى مەن ارميانى وسىزامانداندىرۋدى جوعارى ساپامەن ىلگەرىلەتۋ توڭىرەكتەلىپ، وزىق جاۋىنگەرلىك قۋات قۇرىلىسىن جەدەلدەتىپ، اسكەري ىستەردى باسقارۋدى وسىزامانداندىرۋدى ىلگەرىلەتىپ، ءبىر تۇلعالانعان مەملەكەتتىڭ ستراتەگيالىق جۇيەسى مەن قابىلەتىن بەكەمدەۋ، جوعارىلاتۋ العا قويىلدى.

 

جەتىنشى، پارتيانىڭ جالپى بەتتىك باسشىلىعىنا تاباندى بولۋ تۋرالى. «ۇسىنىس» نۇسقاسىندا پارتيانىڭ ەكونوميكالىق، قوعامدىق دامۋعا باسشىلىق ەتۋ قابىلەتى مەن ورەسىن جوعارىلاتۋ كوزدە ۇستالىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ جانە كۇشەيتىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن تياناقتاندىرۋ مەحانيزمىن كەمەلدەندىرۋ؛ پارتيانىڭ جاسامپازدىق نازارياسىمەن يدەيانى، ەرىك-جىگەردى، ارەكەتتى ۇزدىكسىز بىرلىككە كەلتىرۋ؛ ادام ىستەتۋدىڭ دۇرىس بەتالىسىنا تاباندى بولىپ، كادرلاردى تەكسەرۋ-باعالاۋ مەحانيزمىن كەمەلدەندىرۋ؛ ءار سالاداعى نەگىزگى ساتى پارتيا ۇيىمى قۇرىلىسىن ءبىر تۇتاس جوسپارلاپ ىلگەرىلەتۋ؛ ورتالىقتىڭ 8 ءتۇرلى بەلگىلەمەسىنىڭ رۋحىن تاباندىلىقپەن تياناقتاندىرۋ؛ پارتيا مەن مەملەكەتتىڭ باقىلاۋ جۇيەسىن كەمەلدەندىرۋ؛ شىرىكتەسۋگە قارسى تۇرۋ كۇرەسىنىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىل ويداعىداي جۇرگىزۋ كەرەك،-دەپ باسا دارىپتەلدى.