ءوز حابارىمىز.  مەملەكەت ءتوراعاسى شي جينپيڭ 1-ايدىڭ 23-كۇنى تۇستەن بۇرىن برازيليانىڭ زۇڭتۇڭى لۋلامەن تەلەفوندا سويلەستى.

شي جينپيڭ مىنالاردى اتاپ كورسەتتى: 2024-جىلى لۋلا زۇڭتۇڭ ەكەۋىمىز ەكى ەل قاتىناسىن اناعۇرلىم ءادىل دۇنيە جانە اناعۇرلىم باياندى جەر شارىن قول ۇستاسا قۇرۋداي جۇڭگو-برازيليا تاعدىرلاس ورتاق تۇلعاسى دەڭگەيىنە كوتەرۋدى بىرگە جاريالادىق. ءبىر جىلدان استام ۋاقىتتان بەرى، ەكى ەلدىڭ تاعدىرلاس ورتاق تۇلعا قۇرىلىسى ءساتتى باستالىپ، دامۋ ستراتەگياسىن ۇشتاستىرۋ ۇزدىكسىز تەرەڭدەپ، ناقتىلانىپ، دۇنيە جۇزىندەگى وڭتۇستىك ەلدەردىڭ ىنتىماقتاسا سەلبەسۋىنىڭ ۇلگىسىن ورناتتى. بيىل جۇڭگونىڭ «15-بەسجىلدىق» جوباسىنىڭ باستاما جىلى. جۇڭگو جوعارى دەڭگەيدە سىرتقا ەسىك اشۋ ارقىلى جوعارى ساپالى دامۋدى جەبەپ، جۇڭگو-برازيليا سەلبەستىگىنە اناعۇرلىم كوپ وراي ازىرلەيدى. جۇڭگو برازيليامەن بىرگە قۇلشىنىپ، ءار سالاداعى ءوزارا ءتيىمدى سەلبەستىكتى جان-جاقتى ىلگەرىلەتىپ، جۇڭگو-برازيليا قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتىپ، اناعۇرلىم كوركەم بولاشاق جاراتۋعا پەيىل.

شي جينپيڭ مىنالاردى باسا دارىپتەدى: قازىر حالىقارالىق جاعداي اۋمالى-توكپەلى، جۇڭگو مەن برازيليا دۇنيە ءجۇزى وڭتۇستىك ەلدەردىڭ ماڭىزدى مۇشەسى رەتىندە، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋداعى، دۇنيە ءجۇزىن جونگە سالۋدى رەفورمالاۋداعى، كەمەلدەندىرۋدەگى سىندارلى كۇش، تاريحتىڭ دۇرىس جاعىندا باتىل تۇرىپ، ەكى ەلدىڭ جانە دۇنيە ءجۇزى وڭتۇستىك ەلدەردىڭ ورتاق مۇددەسىن اناعۇرلىم ويداعىداي قورعاپ، ب م ۇ-نىڭ ۇيتقىلىق ورنىن جانە حالىقارالىق تەڭدىك پەن ادىلدىكتى بىرگە قورعاۋ كەرەك. جۇڭگو باستان-اياق لاتىن امەريكاسى مەن كارايب ەلدەرىنىڭ جاقسى دوسى، سەنىمدى سەرىگى بولىپ، جۇڭگو-لاتىن امەريكاسى تاعدىرلاس ورتاق تۇلعاسىن بىرگە قۇرۋدى ىلگەرىلەتۋدى قالايدى.

لۋلا بىلاي دەدى: ءتوراعا شي جينپيڭنىڭ 2024-جىلى برازيليادا تاريحي ساپاردا بولۋى برازيليا-جۇڭگو قاتىناسىن اناعۇرلىم ءادىل دۇنيە جانە اناعۇرلىم باياندى جەر شارى قول ۇستاسا قۇرۋداي تاعدىرلاس ورتاق تۇلعا تىڭ دەڭگەيىنە كوتەردى، ەكى ەلدىڭ ءار سالاداعى سەلبەستىگىندە باياندى ىلگەرىلەۋشىلىككە قول جەتتى. برازيليا جۇڭگومەن بىرگە ەكى جاقتى جانە لاتىن امەريكاسى-جۇڭگو قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى. برازيليا مەن جۇڭگو كوپ جاقتىلىقتى قورعايتىن، ەركىن ساۋداعا تاباندى بولاتىن ماڭىزدى كۇش. قازىرگى حالىقارالىق جاعداي ادامدى الاڭداتادى، برازيليا جۇڭگومەن تىعىز سەلبەسىپ، ب م ۇ-نىڭ بەدەلىن قورعاپ، بريكس ەلدەرىنىڭ سەلبەستىگىن كۇشەيتىپ، ءوڭىردىڭ جانە دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋدى قالايدى.