ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3-ايدىڭ 23-كۇنى حىبەي شيۇڭ-ان جاڭا رايونىندا قىزمەت تەكسەرىپ، شيۇڭ-ان جاڭا رايونىن جوعارى ساپالى قۇرۋ جانە دامىتۋدى ىشكەرىلەي ىلگەرىلەتۋ جونىندەگى اڭگىمە ءماجىلىستى باسقارىپ اشتى ءارى ماڭىزدى ءسوز سويلەدى. ول مىنالاردى باسا دارىپتەدى: شيۇڭ-ان جاڭا رايونىنىڭ بەيجيڭنىڭ استاناعا جاتپايتىن فۋنكتسيالارىن سەيىلتۋدى شوعىرلى ۇستىنە الاتىن جەر رەتىندەگى ماڭداي الدى فۋنكتسيالىق ورنىن مىقتى يگەرىپ، ستراتەگيالىق كۇش مىعىمدىق جانە تاريحي توزىمدىلىكتە بەرىك تۇرىپ، يدەيانى ونان ارى ازات ەتىپ، وي جەلىسىن كەڭەيتىپ، سايكەسۋدى كۇشەيتىپ، بىرىككەن كۇش ۇيىستىرىپ، رەفورما جاساۋ-جاڭالىق جاراتۋدى جەتەكشى ەتىپ، ىشكى دامۋ قوزعاۋشى كۇشىن ارتتىرىپ، ماڭىزدى فاكتورلار بايلىعىن ۇيلەسىمدى شوعىرلاندىرۋدى ءتۇيىن ەتىپ، جاڭا رايوننىڭ ومىرشەڭدىك كۇشىن تاسقىنداتىپ، جاڭا داۋىردەگى جاڭالىق جاراتۋ بيىگى جانە جوعارى ساپالى دامۋدى ىلگەرىلەتۋ ۇلگىسى ەتىپ قۇرىپ شىعۋعا قۇلشىنۋ كەرەك.

 

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ قىزمەت تەكسەرۋدە بىرگە بولدى ءارى اڭگىمە ماجىلىسكە قاتىناستى.

 

3-ايدىڭ 23-كۇنى تۇستەن بۇرىن شي جينپيڭ شيۇڭ-ان جاڭا رايونىنا بارعاننان كەيىن، حىبەي ولكەلىك پارتكومنىڭ شۋجيى ني يۋەفىڭنىڭ، ولكە باستىعى ۋاڭ جىڭپۋدىڭ سەرىك بولۋىندا اۆتوكولىككە وتىرىپ، جول بويى قۇرىلىس باستاۋ رايونىنىڭ قۇرىلىس اياق الىسىن كوزدەن كەشىردى. ول جاڭا رايون قۇرىلىسىنىڭ تارتىپپەن ىلگەرىلەگەندىگىن، جالىندى ومىرشەڭدىك كۇشكە يە ەكەندىگىن تۇراقتاندىردى.

 

وسىدان كەيىن شي جينپيڭ جۇڭگو حۋانىڭ توبى شەكتى سەرىكتىگىندە قىزمەت تەكسەردى. 2025-جىلى 10-ايدا حۋانىڭ توبىنىڭ باس شتابى مەن قاتىستى بولىمشە سەرىكتىكتەرىنەن 1000 نان استام قىزمەتكەر شيۇڭ-ان جاڭا رايونىنا كوشىپ كەلدى. شي جينپيڭ كاسىپورىننىڭ جۇمىس جۇرگىزۋدى باقىلاۋ-مەڭگەرۋ جانە شۇعىل جاعدايعا توتەپ بەرۋ قولباسشىلىق ورتالىعىنا بارىپ، كاسىپورىننىڭ كوشىرىلۋى، كاسىپ سالاسىنىڭ ورنالاسۋى، جاڭالىق جاراتا دامۋى سياقتى جاعدايلار جونىندەگى تانىستىرۋدى تىڭداپ، كاسىپورىننىڭ ناقتى ۋاقىتتاعى جۇمىس جۇرگىزۋ ساندى مالىمەتى مەن كەسكىنىن كوردى. ول مىنالاردى باسا دارىپتەدى: شيۇڭ-ان جاڭا رايونىنا كوشىپ كىرۋدى وراي ەتىپ، كاسىپورىن كادرلارى مەن جۇمىسشى-قىزمەتكەرلەرىنىڭ جاڭالىق جاراتۋ، كاسىپ قۇرۋ بەلسەندىلىگىن، ىرىقتىلىعىن تاسقىنداتىپ، جاڭاشا ەنەرگيا جۇيەسىن جەدەل قۇرۋعا، ەنەرگيادا ەگەي ەل قۇرۋعا تىڭ ۇلەس قوسۋ كەرەك.

 

سەرىكتىكتىڭ 1-قاباتىنداعى زالدا شي جينپيڭ شيۇڭ-ان جاڭا رايونىنا ىرگە تەپكەن جانە سەيىلتىلگەن ورىندارداعى كادرلاردىڭ، جۇمىسشى-قىزمەتكەرلەردىڭ ۋاكىلدەرىمەن ىقىلاسپەن اڭگىمەلەسىپ، كوپشىلىكتىڭ قىزمەت، تۇرمىس جاعدايىن ۇعىسىپ، ولاردىڭ جاڭا رايون قۇرىلىسىن دامىتۋ جولىنداعى قۇلشىنىستارىن تۇراقتاندىردى، كوپشىلىكتىڭ جاڭا رايوننىڭ قۇنارلى توپىراعىنا تامىر تارتىپ، بەلسەنە اقىل-پاراسات ارناۋىن ءۇمىت ەتتى. ول بىلاي دەدى: كوپشىلىك شيۇڭ-اندىق بولعاندىقتارىن ماقتانىش ەتىپ، الدا ءجۇرىپ، تەز، ورنىقتى تۇردە ناتيجە جاراتىپ كاسىپ قۇرىپ، شيۇڭ-اننىڭ كوركەم بولاشاعىن جاراتۋعا ورتاق كۇش سالۋ كەرەك.

 

بەيجيڭ قالاسى كومەكتەسىپ سالعان بەيجيڭ 4-ورتا مەكتەبىنىڭ شيۇڭ-ان مەكتەپ رايونى 2023-جىلى 8-ايدا پايدالانۋعا بەرىلدى، قازىر 380 نەن استام وقۋشى بار. وقىتۋ عيماراتىندا وقۋشىلار ساباق وقىپ جاتىر. شي جينپيڭ ورتالاۋ مەكتەپ 1-جىلدىق 2-كلاسىنىڭ ساباقحاناسىنا كىرىپ، وقىتۋشى-وقۋشىلارمەن اڭگىمەلەسىپ، وقۋ-وقىتۋ جاعدايىن ۇعىستى. ول بەيجيڭ 4-ورتا مەكتەبىنىڭ مەكتەپ باسقارۋ جاقسى تاجىريبەلەرىن، جاقسى ادىستەرىن شيۇڭ-انعا الا كەلىپ، بالالاردىڭ دەنساۋلىعىن شىنايى قورعاپ، جان-جاقتىلى دامۋىن جەبەۋدى ءۇمىت ەتتى.

 

مەكتەپ اسحاناسىندا شي جينپيڭ تاماقتانۋ ورتاسى، كوكونىس تۇرلەرى سياقتىلاردى كوزدەن كەشىرىپ، وقۋشىلاردىڭ تاماقتانۋ حاۋىپسىزدىگى مەن قورەكتىگىنە، ءسوز جوق، شىنايى كەپىلدىك ەتۋ كەرەكتىگىن قاداعالاي تاپسىردى. مەكتەپتەن اتتاناردا وقىتۋشى-وقۋشىلار باس شۋجيگە امانداستى، شي جينپيڭ بالالاردى باقىتتى شاقتى قاستەرلەپ ەرلىكپەن العا ۇمتىلۋعا، بەلسەنە العا باسۋعا، شيۇڭ-ان جاڭا رايونىمەن بىرگە ەسەيىپ-ەرجەتۋگە، جۇڭگو ۇلگىسىندەگى وسىزامانداندىرۋمەن بىرگە دامۋعا شابىتتاندىردى.

 

3-ايدىڭ 23-كۇنى تۇستەن كەيىن شي جينپيڭ شيۇڭ-ان جاڭا رايونىن جوعارى ساپالى قۇرۋ جانە دامىتۋدى ىشكەرىلەي ىلگەرىلەتۋ جونىندەگى اڭگىمە ءماجىلىستى باسقارىپ اشتى. مەملەكەتتىك دامۋ-رەفورما كوميتەتىنىڭ مەڭگەرۋشىسى جىڭ شانجيە، حىبەي ولكەلىك پارتكومنىڭ شۋجيى ني يۋەفىڭ، شيۇڭ-ان جاڭا رايونى پارتيا قىزمەتى كوميتەتىنىڭ شۋجيى جاڭ گوحۋا ىلگەرىندى-كەيىندى ءسوز سويلەدى. بەيجيڭ قالاسىنداعى، تيانجين قالاسىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار جازباشا ءسوز تاپسىردى.

 

كوپشىلىكتىڭ ءسوزىن تىڭداعاننان كەيىن، شي جينپيڭ ماڭىزدى ءسوز سويلەدى. ول مىنالاردى باسا دارىپتەدى: پارتيا ورتالىق كوميتەتىنىڭ پارمەندى باسشىلىعىندا، ءار جاقتىڭ ورتاق قۇلشىنۋىندا، شيۇڭ-ان جاڭا رايونىن قۇرۋ جانە دامىتۋدا كەلەلى كەزەڭدىك تابىستارعا قول جەتتى. اماليات پارتيا ورتالىق كوميتەتىنىڭ شيۇڭ-ان جاڭا رايونىن قۇرۋ شەشىمىنىڭ بۇكىلدەي دۇرىس ەكەنىن، ءار جاقتاعى قىزمەتتەردىڭ تىڭعىلىقتى، ءونىمدى ەكەنىن تولىق دالەلدەدى.

 

شي جينپيڭ مىنالاردى انىق ايتتى: شيۇڭ-ان جاڭا رايونىن جوعارى ساپالى قۇرۋ جانە دامىتۋدى ىشكەرىلەي ىلگەرىلەتۋدە، ءسوز جوق، جاڭا رايوننىڭ فۋنكتسيالىق ورنىنا تاباندى بولىپ، بەيجيڭنىڭ استاناعا جاتپايتىن فۋنكتسيالارىن سەيىلتۋدى جانە ۇستىگە الۋدى اناعۇرلىم پارمەندى، ءتارتىپتى ىلگەرىلەتۋ كەرەك. ورتالىق كاسىپورىندارىن، جوعارى مەكتەپتەردى، دوحتىرحانالاردى سەيىلتۋ نىسانى قۇرىلىسىن بەلسەندى، ورنىقتى، توپقا ءبولىپ ىلگەرىلەتۋ؛ فينانس قۇرىلىمدارىن، عىلمي زەرتتەۋ ورىندارىن، ءىسورىندارىن سەيىلتۋدى تارتىپپەن ىلگەرىلەتۋ؛ سەيىلتىلگەن ورىنداردىڭ اناعۇرلىم جاقسى دامۋىن قولداۋ كەرەك. سەيىلتۋ نىساندارىن، قىزمەتكەرلەرىن ساياساتتىق جاقتان قامتاماسىز ەتۋدى جانە قىزمەت وتەۋدى كۇشەيتىپ، سەيىلتۋ نىساندارىنىڭ جاڭا رايون جانە ونىڭ توڭىرەگىندەگى وڭىرلەردىڭ دامۋىنا اسەر جاساۋىنا، باستاماشىلدىق ەتۋىنە، قولداۋ كورسەتۋىنە جەتەكشىلىك ەتۋ كەرەك.

 

شي جينپيڭ مىنالاردى باسا دارىپتەدى: شيۇڭ-ان جاڭا رايونىنىڭ جالپىلىق كوتەرىمدىلىك قۋاتىن ۇزدىكسىز جوعارىلاتۋدا، ءسوز جوق، جۇيەلى جوسپارلاپ، جوعارى ساپالى قۇرۋ مەن جوعارى ءونىمدى باسقارۋدى ءبىر تۇتاس ويداعىداي يگەرۋ كەرەك. ريتىم مەن ۋاقىت ءتارتىبىن عىلمي يگەرىپ، كۇشتى شوعىرلاندىرا وتىرىپ قۇرىلىس باستاۋ رايونى، باستاما رايون سياقتى قۇرىلىستاردى ىلگەرىلەتىپ، «شيۇڭ-ان ساپاسىن» قۇلشىنا جاراتۋ كەرەك. پارتيا قۇرىلىسى ارقىلى جاڭا رايوندى باسقارۋعا جەتەكشىلىك ەتۋگە تاباندى بولىپ، الەۋمەتتىك قىزمەت وتەۋ جۇيەسىن كەمەلدەندىرىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، بولاشاققا بەت العان زەيىندەستىرىلگەن قالا باسقارۋ ۇلگىسىن بەلسەنە قاراستىرىپ، اسپانى اشىق، جەرى جاسىل، سۋى تۇنىق كورىكتى شيۇڭ-ان قۇرۋ كەرەك.

 

شي جينپيڭ مىنالاردى انىق ايتتى: شيۇڭ-ان جاڭا رايونىندا رەفورما جاساۋدى، جاڭالىق جاراتۋدى قوزعاۋشى كۇش ەتىپ، عىلىم-تەحنيكادا جاڭالىق جاراتۋ مەن كاسىپ سالاسىندا جاڭالىق جاراتۋدىڭ ىشكەرىلەي توعىسۋىن ىلگەرىلەتىپ، جەرلىك جاعدايعا قاراي جاڭا ساپالى وندىرگىش كۇشتەردى دامىتىپ، جاڭا رايوننىڭ ءىس جۇزىندىك جاعدايىنا ۇيلەسەتىن وسىزاماندانعان كاسىپ جۇيەسىن جەتىلدىرۋ كەرەك. شيۇڭ-ان جۇڭگۋانسۇن عىلىم-تەحنيكا باقشاسىن جوعارى دەڭگەيدە قۇرىپ، اناعۇرلىم كوپ عىلىم-تەحنيكالىق جاڭالىق جاراتۋ جەتىستىكتەرىنىڭ كادەگە جاراۋىن، تياناقتانۋىن ىلگەرىلەتۋ كەرەك. جاڭادان گۇلدەنگەن كاسىپتەر مەن بولاشاق كاسىپتەردىڭ شوعىرلى دامۋىن ىلگەرىلەتىپ، وندىرىستىك قىزمەت وتەۋ كاسىبىن بەلسەنە دامىتىپ، ءداستۇرلى كاسىپتەردى جاڭالاۋعا، دارەجەسىن جوعارىلاتۋعا قولداۋ كورسەتۋ كەرەك. باتىلدىقپەن ىزدەنىس جاساپ، الدىمەن اتقارىپ الدىمەن سىناق ەتىپ، عىلىم-تەحنيكا، فينانس سياقتى سالالارداعى جاڭالىق جاراتۋ ساياساتتارىنىڭ الدىمەن تياناقتانۋىن ىلگەرىلەتىپ، بازارلانعان، زاڭمەن باسقارىلاتىن، حالىقارالانعان تيجارات-ساۋدا ورتاسىن كۇش سالا قالىپتاستىرۋ كەرەك.

 

شي جينپيڭ مىنالاردى باسا دارىپتەدى: پارتيانىڭ باسشىلىعىن جانە پارتيا قۇرىلىسىن كۇشەيتىپ، دۇرىس ناتيجە كوزقاراسىن بەرىك ورناتىپ، ىشكەرىلەي امالياتتا ايگىلەپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك. قاتىستى جاقتار جالپى جاعداي تانىمىن، جاۋاپكەرشىلىك تانىمىن كۇشەيتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ءىس جۇزىندىك ارەكەتتەرى ارقىلى ويداعىداي تياناقتاندىرىپ، شيۇڭ-ان جاڭا رايونىن جوعارى ساپالى قۇرۋ جانە دامىتۋدى قولداۋ كەرەك. شيۇڭ-ان جاڭا رايونىنداعى قالىڭ كادرلار جاۋاپكەرشىلىكتى باتىلدىقپەن ارقالاپ، بار ىنتا-پەيىلىمەن تياناقتاندىرۋدى يگەرىپ، پارتيا مەن حالىققا تولىمدى جاۋاپ بەرۋگە قۇلشىنۋى كەرەك.

 

لي چياڭ سوزىندە بىلاي دەدى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتەندىرىپ، «مىڭ جىلدىق ۇلى جوسپاردىڭ» ستراتەگيالىق كۇش مىعىمدىعىن ساقتاۋمەن بىرگە، ۋاقىتپەن جارىساتىن ارىنمەن شيۇڭ-ان جاڭا رايونىن جوعارى ساپالى قۇرۋ جانە دامىتۋدى ىشكەرىلەي ىلگەرىلەتۋ كەرەك. بەيجيڭنىڭ استاناعا جاتپايتىن فۋنكتسيالارىن سەيىلتۋدە تىڭ ىلگەرىلەۋشىلىككە قول جەتكىزۋگە كۇش سالىپ، سەيىلتۋ قوزعاۋشى كۇشىن جانە ۇستىنە الۋ باۋراۋ قۋاتىن ارتتىرۋ كەرەك. قالا ماڭىزدى رولىن بايىتۋ، قالانىڭ يقۋاتىن جوعارىلاتۋ جاعىندا تىڭ تابىستارعا قول جەتكىزۋگە كۇش سالىپ، الەۋمەتتىك قىزمەت وتەۋدى جەدەل كەمەلدەندىرىپ، بىرەگەي كاسىپ ەكولوگياسىن قۇرىپ، جاڭا داۋىردەگى جاڭالىق جاراتۋ بيىگىن قالىپتاستىرۋ كەرەك. بەيجيڭ-تيانجين-حىبەيدى سايكەستى دامىتۋدى جەبەۋدە تىڭ ناتيجە جاراتۋعا قۇلشىنىپ، ءار جاقتىڭ باسىمدىعىن شوعىرلاندىرىپ، رەفورما ىزدەنىسىن كۇشەيتىپ، وڭىرلىك جەتەكتەۋ، باستاماشىلدىق رولىن ساۋلەلەندىرۋ كەرەك.

 

ديڭ شۋەشياڭ سوزىندە بىلاي دەدى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتەندىرىپ، ورايدى مىقتى يگەرىپ، ەكپىن قۋا العا ۇمتىلىپ، شيۇڭ-ان جاڭا رايونىندا جاڭالىق جاراتۋ ارقىلى دامۋعا دەم بەرۋ ستراتەگياسىن جالپى بەتتىك تياناقتاندىرۋدى ىلگەرىلەتىپ، وڭىرلىك سەلبەسىپ جاڭالىق جاراتۋ جەلىسىمەن ىشكەرىلەي توعىسىپ، بەيجيڭنىڭ (بەيجيڭ-تيانجين-حىبەي) حالىقارالىق عىلىم-تەحنيكالىق جاڭالىق جاراتۋ ورتالىعى ماڭىزدى تىرەگىن بەلسەنە قالىپتاستىرۋ؛ جوعارى مەكتەپتەردىڭ، عىلمي زەرتتەۋ ورىندارىنىڭ شوعىرلانۋ باسىمدىعىن ساۋلەلەندىرىپ، ءوندىرۋ، وقىتۋ، زەرتتەۋ ورىندارىنىڭ توعىسپالى جاڭالىق جاراتۋىن جەبەپ، وقۋ-اعارتۋ، عىلىم-تەحنيكا دارىندىلار ىستەرىن ءبىر تۇلعالاندىرىپ دامىتۋدى جوعارى دەڭگەيدە ىلگەرىلەتۋ؛ بىرەگەي جاڭالىق جاراتۋ ەكولوگياسىن دەن قويا جەتىلدىرىپ، جاڭادان گۇلدەنگەن كاسىپتەر مەن بولاشاق كاسىپتەردى جەدەل دامىتىپ، شيۇڭ-ان جاڭا رايونىن جوعارى ساپالى قۇرۋ جانە دامىتۋدىڭ تىڭ ساتىعا كوتەرىلۋىن ىلگەرىلەتۋ كەرەك.

 

حى ليفىڭ قاتارلىلار قىزمەت تەكسەرۋدە بىرگە بولدى ءارى اڭگىمە ماجىلىسكە قاتىناستى، يىن لي، چىن مين-ىر، ۋ جىڭلۇڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى، ارميانىڭ قاتىستى ورىندارىنداعى، بەيجيڭ قالاسىنىڭ، تيانجين قالاسىنىڭ، حىبەي ولكەسىنىڭ شيۇڭ-ان جاڭا رايونىنىڭ، قاتىستى كاسىپورىنداردىڭ جاۋاپتى جولداستارى اڭگىمە ماجىلىسكە قاتىناستى.