ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا شاڭحاي قاتىناس داشۋەسىندەگى، شي-ان قاتىناس داشۋەسىندەگى، باتىس وڭتۇستىك قاتىناس داشۋەسىندەگى، بەيجيڭ قاتىناس داشۋەسىندەگى بارلىق وقىتۋشى-وقۋشىلارعا جاۋاپ حات جازىپ، مەكتەپتىڭ دامۋىنا شىنايى ءۇمىت ارتتى.

شي جينپيڭ مىنالاردى اتاپ كورسەتتى: 4 جوعارى مەكتەپتىڭ تامىرى جالعاسىپ جاتىر، بيىل مەكتەپ قۇرىلعاندىعىنىڭ 130 جىلدىعىن بىرگە قارسى الدى، وسى ارادا بارلىق وقىتۋشى-وقۋشىلاردى، جۇمىسشى-قىزمەتكەرلەردى، قالىڭ مەكتەپتەستەردى قۇتتىقتايمىن.

شي جينپيڭ بىلاي دەپ باسا دارىپتەدى: سىزدەردىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، «ناقتى ۇيرەنۋ، ناقتى ءىس تىندىرۋ» سىندى مەكتەپ باسقارۋ باس ماقساتىن ۇستانىپ، باتىس بولەككە كوشۋ رۋحىنا مۇراگەرلىك ەتىپ جانە ونى ساۋلەلەندىرىپ، نازاردى مەملەكەتتىڭ كەلەلى ستراتەگيالىق قاجەتىنە شوعىرلاندىرىپ، عىلىم-تەحنيكادا دەربەس جاڭالىق اشۋدى جانە دارىندىلاردى دەربەس باۋلۋدى كۇشەيتىپ، ءوندىرىستى، وقىتۋدى، زەرتتەۋدى ىشكەرىلەي توعىستىرۋدى جەبەۋ جاعىندا اناعۇرلىم كوپ قامال الىپ، وقۋ-اعارتۋدا قۋاتتى ەل، عىلىم-تەحنيكادا قۋاتتى ەل، دارىندىلاردا قۋاتتى ەل قۇرۋعا تىڭ ۇلەس قوسۋلارىڭىزدى ءۇمىت ەتەمىن. 

شاڭحاي قاتىناس داشۋەسىنىڭ، شي-ان قاتىناس داشۋەسىنىڭ، باتىس وڭتۇستىك قاتىناس داشۋەسىنىڭ، بەيجيڭ قاتىناس داشۋەسىنىڭ توركىنى جەكە-جەكە 1896-جىلى قۇرىلعان نانياڭ مەكتەبى، بەيياڭ تەمىر جول ءمانساپتىلار مەكتەبى جانە 1909-جىلى قۇرىلعان تەمىر جول باسقارۋ تاربيەلەۋ ورنى بولىپ، 1921-جىلى بىرىكتىرىلىپ، قاتىناس داشۋەسى بولىپ قۇرىلدى. تاياۋدا ءتورت قاتىناس داشۋەسىندەگى بارلىق وقىتۋشى-وقۋشىلار باس شۋجي شي جينپيڭگە حات جازىپ، مەكتەپتىڭ 130 جىلدىق دامۋ بارىسى مەن مەكتەپ باسقارۋ ناتيجەسىنەن مالىمەت بەرىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە ۇلەس قوسۋ بەكىمدەرىن ءبىلدىردى.