ينفورماتسيا اشكەرەلەۋ: mzjubao@cnr.cn

ۋنيۆەرسال

ءۇنحات شوعىرىندا ساياحاتتاۋعا ۇيىمداستىرعاندا، ساياحاتقا شىعۋشى توسىن احۋالعا جولىقسا جاۋاپكەرشىلىكتى كىم ارقالايدى

来源:جۇڭگو قازاق راديو تورابى     |责编:阿依娜古丽|     发布日期: 2019-11-21 09:02


    (اۋدارما)


    ءار جىلدىڭ 4-ايىنان باستالاتىن ساياحاتتىڭ تاماشا مەزگىلىندە، وزدىكتەرىنەن ۇيىمداسىپ جاياۋ ءجۇرۋ، قالا ماڭىنا ساياحاتتاۋ سىندى دالالىق قيمىلداردان تۋىنداعان داۋ-شار دەلولارى كوپتەپ تۋىلۋدا وزدىكتەرىنەن ۇيىمداسقان وسىنداي قيمىلدارعا ءوز ەركىمەن قاتناسۋشى، قيمىل بارىسىندا جارالانسا، قيمىلدى ۇيىمداستىرۋشى جاۋاپكەرشىلىك ارقالاي ما؟


    دەلو جاعدايى


    بىرنەشە جىلدىڭ الدىندا لي ميڭ باسقالاردى ٴۇنحات شوعىرىندا دالالىق ساياحاتقا ۇيىمداستىرۋ بارىسىندا جاڭ ليمەن تانىسىپ قالادى، سودان بەرى جاڭ لي، لي ميىڭ ۇيىمداستىرعان ساياحات ۇيىرمەسىنە ەرىپ سىرت ورىندارعا بارىپ ساياحاتتايدى.


    2018-جىلى 5-ايدىڭ ىشىندەگى ءبىر كۇنى لي ميڭ ءۇنحات شوعىرىندا باسقالاردى تۇرپانعا بارىپ ساياحاتتاۋعا ۇيىمداستىرىپ، جول كىرەسىمەن قامسىزداندىرۋ اقىسىن قوسقاندا ءار ادام 68 يۋان تاپسىراتىندىعىن ساياحات قيمىلى بارىسىندا كەزىككەن شاراپ دۇكەندەرىن تاماشالاعاندا، شاراپتان تەگىن ءدام تاتۋعا بولاتىندىعىن ۇقتىرادى. جاڭ لي مەن ونىڭ دوسى وسى رەتكى قيمىلعا قاتناسۋعا تىزىمدەلەدى ءارى لي ميىڭعا ءۇنحات ارقىلى اقىسىن جولداپ بەرەدى.
ساياحاتقا شىققان كۇنى لي ميڭ جاڭ لي قاتارلىلاردى ەرتىپ شاراپ دۇكەندەرىن تاماشالاتىپ جۇرگەندە، جاڭ لي شاراپ قويماسى باسپالداعىنان قۇلاپ كەتەدى. سونىمەن جاڭ ليدى سول جەردەگى شيپاحاناعا اپارادى، الايدا ول شيپاحانانىڭ داۋالاۋ شارت-جاعدايى شەكتى بولعاندىقتان، تۇندەلەتىپ ءۇرىمجىدەگى ۇلكەن شيپاحاناعا اپارىپ تەكسەرتكەندە، شيپاحانا ونىڭ قۇيمىشاق سۇيەگى سىنعان دەگەن دياگنوز شىعارادى.


    جاڭ لي لي ميڭعا «شاراپ قويماسىنىڭ جارىقتاندىرۋ قۇرىلعىسى كۇڭگىرت ەكەنىن جانە قويماعا تۇسەتىن باسپالداقتىڭ باسقا باسپالداقتاردان قىسقا بولىپ حاۋىپسىزدىك كىناراتى ساقتالعاندىعىن الدىن الا بىلە تۇرىپ ماعان ەسكەرتپەدى» دەگەن سەبەپتەردى كورسەتىپ بارلىق تولەم جاۋاپكەرشىلىگىن ۇستىنە الىپ،، داۋالانۋ قارجاتى، جۇمىستان قالۋ اقىسى، قاتناس قااراجاتى بولىپ جيىنى 10 مىڭ يۋان تولەم بەرۋىن تالاپ ەتەدى.


    سوت تەرگەۋى بارىسىندا ەكى جاق اراسىنداعى تالاس-تارتىس، ەگەردە لي ميڭ تولەم جاۋاپكەرشىلىگىن ۇستىنە الاتىن بولسا، تولەمنىڭ سالىستىرماسى قانشا بولادى دەگەن تۇيىنگە تياناقتادى.


    سوت تەرگەۋى بارىسىندا لي ميڭ الدىنعى جولعى ءبىر رەتكى ساياحات قيمىلىندا، وسى شاراپ دۇكەنىنىڭ قىزمەتكەرىمەن تانىسىپ قالعام، سوندا ول وسى جەرگە كەلىپ ساياحاتتاۋشىلار شاراپ دۇكەنىن تەگىن تاماشالاۋعا جانە شاراپتان تەگىن اۋىز تيۋگە بولاتىنىن ايتقان سوڭ، دوستار شەڭبەرىندە وسى رەتكى قيمىلدى ۇيىمداستىرىپ، كوپشىلىكتى جاقسى نيەتپەن وسى اراعا باستاپ كەلگەن بولاتىنمىن، ەشقاشاندا ولاردان پايدا ءتۇسىرۋ ماقساتىم جوق. سول كەزدە دوستار ۇنحات شوعىرىندا شاراپ دۇكەندەرىن ساياحاتتاۋدى ۇقتىرىپ، شاراپ دۇكەنىنە بارعاننان كەيىن كوپشىلىككە ساياحاتتاۋدىڭ ۋاقتى، ساياحاتتاۋ لەنياسى، كولەمى قاتارلىلاردى ءتۇسىندىرىپ ايتقان بولاتىنمىن. وسى احۋال تۋىلعاننان كەيىن دۇكەن قىزمەتكەرىمەن سويلەسكەنەە عانا شاراپ قويماسىنىڭ سىرتقا قاراتا اشىلماعاندىعىن ءبىلدىم دەدى.


    لي ميڭ، «جاڭ لي وزىدە ابايلاماعان، شاراپ دۇكەنى جاقتا ەسكەرتۋ بورىشىن وتەمەگەن، سوندىقتان بۇل ەكەۋى دە جاۋاپكەرشىلىك ارقالاۋى ءتيىس» دەپ قارادى.


    سوت تەرگەۋىندە سۋديا ەكى جاقتان پىكىر العاندا، لي ميڭ مەن جاڭ لي جاراسىپ بىتىسۋگە قوسىلاتىندىقتارىن ءبىلدىردى.


    سۋديانىڭ ناق مايداندا جاراستىرۋى ارقىلى، لي ميڭ جاڭ ليعا داۋالانۋ قاراجاتى، جۇمىستان قالۋ اقىسى، قاراۋ اقىسى، ازىقتىق قوسىمشا قاراجاتى، قاتناس اقىسى قاتارلى ءتۇرلى شىعىندارى ءۇشىن جيىنى 5 مىڭ يۋاندى سوت ۇستىندە ءبىر جولدا تولەپ بەرىپ، ەكى جاق قول الىسىپ جاراستى.


    زاڭدىق تۇسىندىرمە


    وسى دەلونى تەرگەپ انىقتاعان سۋديا بىلاي دەدى: الەۋمەتتىك حابار بايلانىس مەديالارى ارقىلى ۇيىمداستىرىلعان ساياحات ۇيىرمەلەرى، ەگەردە شىندىعىندا دا كومەكتەسۋ سيپاتىن العان بولىپ، پايدا ءتۇسىرۋدى ماقسات ەتپەگەن ساياحات قيمىلى بولسا، وندا زاڭعا قايشى كەلمەگەن بولادى؛ الايدا بۇل تۇردەگى «ۇيىرمەلەردە» ساياحاتپەن شۇعىلدانۋ تولىمدىلىعى، ونەركاسىپ ساۋدا تاراۋلارىنىڭ رۇحسات كۋالىگى جوق، باجى تاپسىرمايدى، ەشقانداي حاۋىپ قاتەردەن ساقتانۋ قابليەتى جوق وسىنداي قيمىلدى باستاۋشىدا، دالالىق ساياحات قيمىلىن ۇيىمداستىرۋ جانە شۇعىل جاعدايلاردان ساقتانۋ قابىلەتى بولماعاندىقتان، قيمىل بارىسىندا توسىننان جارالانۋداي احۋال تۋىلسا قيمىلعا قاتناسۋشىلاردىڭ حاۋىپسىزدىگى مەن زاڭدى ۇقىق-مۇددەسىنە كەپىلدىك ەتۋ قيىنعا تۇسەدى.


    بۇلاي ايتىلۋ، وسىنداي قيمىلداردى ۇيىمداستىرۋشىلار زاڭدىق تەجەمنەن تىسقارى قالادى دەگەندىك ەمەس، <<جوڭحۋا حالىق رەسپۋبليكاسى ۇقىققا سۇعاناقتىق جاساۋ زاڭى>> نىڭ 37-تارماعىنداعى بەلگىلەمەدە «بۇقارالىق قيمىلداردى ۇيىمداستىرۋشىلار حاۋىپسىزدىككە كەپىلدىك ەتۋ بورىشىن وتەمەي باسقالارعا زيان تۋدىرسا، ۇقىققا سۇعاناقتىق جاساۋ جاۋاپكەرشىلىگىن ارقالاۋى ءتيىس» دەپ بەلگىلەنگەن. سوندىقتان جوعارىداعىداي وزدىكتەرىنەن ۇيىمداسقان ساياحات قيلىمدارىن ۇيىمداستىرۋشى، قيمىلعا قاتناسقان كوپشىلىكتىڭ باس اماندىعى مەن مال-مۇلكىنىڭ حاۋىپسىزدىگىنە كەپىلدىك ەتۋگە بورىشتى؛ ەگەردە مۇنداي قيمىلدار ساۋدا سيپاتىن العان بولسا «جوڭحۋا حالىق رەسپۋبليكاسى تۇتىنۋشىلاردىڭ ۇقىق-مۇددەسىن قورعاۋ زاڭى» نداعى بەلگىلەمەلەرگە نەگىزدەلگەندە، وسى كاسىپپەن شۇعىلدانۋشى دا تۇتىنۋشىنىڭ باس اماندىعى مەن مال-مۇلكىنىڭ حاۋىپسىزدىگىنە كەپىلدىك ەتۋگە بورىشتى.


    تولىق تا كەمەلدى بولعان ازاماتتىق قيمىل قابىلەتىنە يە ادامدار جونىنەن العاندا، قيمىل بارىسىندا تۇىلۋ مۇمكىندىگى بولعان حاۋىپ-قاتەردى الدىن الا بولجاۋى ءتيىس، ەگەر ولار وسىنداي قيمىلدارعا ءوز ەرىكتەرىمەن قاتناسقان بولسادا، قيمىل بارىسىندا تۇىلۋ مۇمكىندىگى بولعان حاۋىپ-قاتەردىڭ زاردابىن ارقالايدى. (ەسكەرتپە: ماقالاداعى قاتىستى ادامداردىڭ اتى بالامالاپ الىندى)


«شينجاڭ زاڭ گازەتى» نىڭ 2019-جىلى 4-ايدىڭ 29-كۇنگى سانى 6-بەتىنەن اۋدارعان: وماربەك قىزىرقان ۇلى  
قىزمەت ورنى: ساۋان اۋداندىق قوعام حاۋىپسىزدىك مەكەمەسى

中央广播电视总台 央广网 版权所有

ءۇنحات شوعىرىندا ساياحاتتاۋعا ۇيىمداستىرعاندا، ساياحاتقا شىعۋشى توسىن احۋالعا جولىقسا جاۋاپكەرشىلىكتى كىم ارقالايدى

بىرنەشە جىلدىڭ الدىندا لي ميڭ باسقالاردى ٴۇنحات شوعىرىندا دالالىق ساياحاتقا ۇيىمداستىرۋ بارىسىندا جاڭ ليمەن تانىسىپ قالادى، سودان بەرى جاڭ لي، لي ميىڭ ۇيىمداستىرعان ساياحات ۇيىرمەسىنە ەرىپ سىرت ورىندارعا بارىپ ساياحاتتايدى.