ينفورماتسيا اشكەرەلەۋ: mzjubao@cnr.cn

ۋنيۆەرسال

دۇرىس تاماقتانۋ

来源:اعاجاي-التاي تورابى     |责编:古丽美热|     发布日期: 2020-01-23 11:01

 

 سالاۋاتتى ءومىر ءسۇرۋ سالتىنىڭ ءبىر قاعيداسى دۇرىس تاماقتانۋ. دۇرىس تاماقتانۋعا كوشكەن كەزدە پايدالى تىسكەباسارلار وتە از سەكىلدى كورىنەدى.

سىزدەرگە 7 پايدالى تىسكەباساردى ۇسىنامىز.



 سالاۋاتتى ءومىر ءسۇرۋ سالتىنىڭ ءبىر قاعيداسى دۇرىس تاماقتانۋ. دۇرىس تاماقتانۋعا كوشكەن كەزدە پايدالى تىسكەباسارلار وتە از سەكىلدى كورىنەدى

الما قىتىرلاقتارى مەن كەپكەن جەمىستەر

  مۇنداي قىتىرلاقتاردىڭ ارتىقشىلىعى ـــ ولاردا ماي مەن ارتىق كالوريانىڭ بولماۋى. ولاردى دايىنداۋ ءۇشىن جەمىستى جىڭىشكە ەتىپ تۋراپ، پەشكە سالىپ كەپتىرۋ كەرەك. سونداي-اق وزىڭىزبەن بىرگە كەپكەن جەمىستەر الىپ ءجۇرىڭىز. ولار قارىندى تويدىرادى جانە ءار كەپكەن جەمىستىڭ قوسىمشا پايداسى دا بار: مىسالى، مەيىز جۇيكە جۇيەسىن قاتايتادى، ورىك ارىقتاۋعا كومەكتەسەدى، ال قۇرما شارشاعاندى باسادى.

   پەشكە پىسىرىلگەن الما

  الما پايدالى، بىراق بالعىن الما تاماققا تابەتتى اشۋى مۇمكىن. سوندىقتان الما ىشىنە جاڭعاقتار سالىپ، پەشكە ءپىسىرىپ كورىڭىز. ونى مۋلتيپىسىرگىشكە دە دايىنداۋعا بولادى.

  تاۋىق ەتى مەن كوكونىستەر سالىنعان لاۆاش

  ەگەر لاۆاشقا سۋعا پىسكەن تاۋىق ەتى مەن كوكونىستەردى سالىپ، مايونەز قوسپاساڭىز عانا ول پايدالى تاعام بولادى. بىراق بۇل تاعامدى دا اسا كوپ جەمەگەن ءجون. سەبەبى لاۆاشتا كومىرسۋلاردىڭ كوپ مولشەرى بار.

  جەمىستەر سالىنعان يوگۋرت

  قانتسىز جانە جەمىستەر سالىنعان تابيعي يوگۋرت ـــ ءدامدى ءارى دۇرىس تىسكەباسار. وعان جاڭعاقتار قوسۋعا دا بولادى، ول كەزدە جىلدام توياسىز. يوگۋرتتىڭ ورنىنا ايران قولدانۋعا بولادى.

   سۋعا پىسكەن جۇمىرتقا

  جۇمىرتقانى سۋعا پىسىرە سالۋ وڭاي جانە ونى وزىڭىزبەن بىرگە ىدىسپەن الىپ ءجۇرۋ دە سومكەڭىزدەن اسا ءبىر ورىن المايدى. ونىڭ قاسىنا كوكونىستەر سالىپ الۋعا بولادى. بىراق جۇمىرتقاعا تۇز سەپپەڭىز.

   كوكونىستەر قوسىلعان وملەت

  ەكى جۇمىرتقاعا جارتى ستاقان ءسۇت قوسىپ، جاقسىلاپ ارالاستىرىپ، وعان تۋرالعان قىزاناق سالىپ، وملەت جاساڭىز. بۇدان تويىمدى تىسكەباسار شىعادى.

  جەمىستەر سالىنعان سۇزبە

  بۇل تىسكەباسارعا مايسىز سۇزبە (مايلىلىق ۇلەسى 5%-دان تومەن) قولدانىڭىز. وعان سۇيىكتى جەمىستەرىڭىزدى تۋراپ سالىڭىز.

中央广播电视总台 央广网 版权所有

دۇرىس تاماقتانۋ

 سالاۋاتتى ءومىر ءسۇرۋ سالتىنىڭ ءبىر قاعيداسى دۇرىس تاماقتانۋ. دۇرىس تاماقتانۋعا كوشكەن كەزدە پايدالى تىسكەباسارلار وتە از سەكىلدى كورىنەدى