ينفورماتسيا اشكەرەلەۋ: mzjubao@cnr.cn

ۋنيۆەرسال

ۇستەل دوپتىڭ ەڭ تاماشا سپورت ەكەنىن عالىمدار راستادى

来源:جۇڭگو قازاق راديو تورابى     |责编:阿依娜古丽|     发布日期: 2020-06-12 09:44


    اۋدارعان: سەرىك يمانقان ۇلى


    دۇنيە جۇزىندە قانشالاعان مەملەكەتتە جانە رايونداعى ادامداردىڭ ۇستەل دوپ وينايتىندىعىن بىلەسىزبە؟ ادام اعزاسىنا پايدالى جاعىنا كۇش سالعان عالىمداردىڭ ۇستەل دوپ سىرىن زەردەلەپ زەرتتەپ جۇرگەندىگىن بىلەسىزبە؟ ۇستەل دوپ 21-عاسىرداعى ماڭداي الدى سپورتقا اينالۋى ىقتيمال. مۇبادا ۇستەل دوپ ىسپورتىنا اۋەسىمىز ارتاتىن بولسا، بۇل ءبىر قۋانىشتى ءىس ەكەندىگى ءشۇباسىز.


    شىنىعۋ، سپورت قيمىلى، كوڭىل كوتەرۋ ءوزارا توعىسقان

 

ەڭ اۋەلى، ول نەداۋىر جوعارى شىنىعۋ قۇنىنا يە، بۇكىل دەنە ارەكەتكە كەلەتىن ۇستەل دوپ وزىنىڭ شاپشاڭ قيمىل، وزگەرىسى كوپ بولۋداي ەرەكشەلىكتەرى ارقىلى قاتىناسۋشىلارعا پايداسىن كورسەتەدى.


    1. بۇكىل دەنەدەگى بۇلشىق ەتتەر مەن بۋىن تكاندارىن ارەكەتتەندىرۋ ارقىلى، ارەكەت قارقىنى مەن قول-اياقتىڭ ارەكەت قابىلەتىن جوعارىلاتادى.


    2. سەزىمتالدىق، ەپتىلىك، سايكەسىمدىلىك جانە مەڭگەرۋ وي قۋاتىن جەتىلدىرەدى. ونان قالسا بۇل سپورتتىڭ باسەكەلىك جانە كوڭىل كوتەرۋ قابىلەتى كورنەكتى بولعاندىقتان ەرجۇرەك، قايسارلى، پاراساتتى بولۋعا جانە ارىندى دا الىمدى بولۋعا جەتەكتەيدى، جۇيكە تامىردى ارەكەتكە كەلتىرەدى.


    اقىل پاراساتتى ارتتىرىپ، قىزمەت ونىمدىلگىن جوعارىلاتادى


    ۇستەل دوپ ىسپورتى اقىل-پاراساتتى ارتتىرۋ، قىزمەت ونىمدىلىگىن جوعارلاتۋ، دەنساۋلىق ساقتاۋ، ەمدەۋ جانە ساۋىقتىرۋدىڭ تاماشا ءتاسىلى رەتىندە بارعان سايىن ءارقايسى جاقتىڭ نازارىن اۋدارۋدا.


    ا ق ش-ىندىق ءبىر عالىم بىلاي دەپ ەدى: «ەگەر ۋاقىت جار بەرەتىن بولسا، تاعى ءبىر ۇيلەسىمدى قارسىلاس سىزگە سەرىك بولادى، ەندەشە ۇستەل دوپ ويناۋ قول مەن كوزدىڭ سايكەسۋىنىڭ ەڭ جاقسى جولى. بۇل ارەكەت سەنى پايداعا كەنەلتەدى، ول سەزىمتال، كۇردەلى ارەكەتتە شورت تۇجىرىم جاساۋدى قاجەت ەتەدى، ونىڭ كوپتەگەن حيكىمەتتەرى بار، تەحنيكا، تۇتاس تۇلعالىق سايكەسۋ، ريتىم سەزىمى، ايلا-شارعى مي جانە دەنە قۋاتىن جونىنەن اسا جوعارى تالاپ قويادى. ءۇمىت پەن باسىم قاتار ءومىر سۇرگەن شاقتا، جارىس سەنىڭ وزگەشە ءارى تەجەمدىلىك رۋحىڭدى تولىق بەينەلەپ كورسەتەدى. ۇستەل دوپ ويناۋ مي جۇمساۋدىڭ جاقسى ءادىسى. »


    ال جاپونيانىڭ شۇنجي دەگەن ءبىر پروفەسسورى: «ۇستەل دوپ ميدىڭ ەڭ تاماشا قوزعالىسى. تاق-تۇق دوپتىڭ جىلدامدىعى مەن كۇردەلىلىگى ءارقانداي ىسپورتپەن شامالاۋعا كەلمەيدى.


    جان-جاقتىلى كەمەلدەنۋ


    ۇستەل دوپ سپورتىنىڭ وسى ەرەكشەلىكتەرى مەن شىڭدالۋ قۇنى ارقىلى ىسپورتشىلارمەن وسى ىسپورتقا قىزىققان اۋەسكەرلەردە بىرتە-بىرتە تاماشا پسيحيكالىق قاسيەت قالىپتاسىپ، ءارى باسقا كەيبىر جاقتاردا ادەتتەگى ادامداردان اسىپ تۇسكەن.


    پسيحولوگيا قايراتكەرلەرى پسيحولوگيالىق تاسىلدەرمەن ەلىمىزدىڭ ءبىر ءبولىم ولكە قالاداعى جاس بالدىرعان ۇستەل دوپ ىسپورتشىلارىنىڭ پسيحولوگياسىنا سىناق الىپ بارعاندا مىنانى بايقاعان. بۇلاردىڭ اقىل-پاراساتى نەداۋىر جوعارى، مەڭگەرۋ قابىلەتى ادەتتەگى وقۋشىلاردان جاقسى، كوڭىل كۇيى ورنىقتى، سەنىمدىلىك، دەربەستىك، يكەمدىلىگى جاعىندا الدىندا تۇرعان، اقىل-پاراسات فاكتورى مەن دارالىق فاكتورى سايكەسىمدى بولعان. كۇندەلىكتى تۇرمىستادا بۇل ادامدار وتە سەزگىر، ارەكەتى يكەمدى، سايكەسىمدى بولعان. قىل قىسعاسى، ۇستەل دوپ ىسپورتىندا شىنىندا باسقالاي ىسپورتتا بولماعان ەرەكشە يقۋاتتار ساقتالىپ، قاتىناسۋشىلاردى ومىرلىك يگىلىككە كەنەلتكەن.


    كوزدى قورعاي الادى


    ۇزاق ۋاقىت جاقىن ارالىقتا قىزمەت ىستەيتىندەر، كريستال دەنە ۇنەمى جوعارى دارەجەدە تەڭشەلگەن جاعدايدا تۇراتىندىقتان، كورۋ قۋاتى السرەۋ قۇبىلسى تۋىلادى. سونىمەن بىرگە جاقىن ارالىققا قاراعاندا كەزدە، ەكى كوز الماسى مۇرىن كەڭسرىگىنە شوعىرلانىپ، مۇرىن سىرتى بۇلشىق ەتى كوز الماسىن باسادى. ۋاقىت ۇزارا كەلە كوز ءوسى بىرتىندەپ ۇزارىپ، الىستى كورە الماۋدى كەلتىرىپ شىعارادى.


    ال تاق-تۇق دوپ ويناعاندا، ەكى كوزى، ءسوز جوق، دوپتىڭ تىنىمسىز اينالعان ارەكەتىندە بولادى، وسى ارقىلى ەكى كوزىن الىس-جاقىنعا، جوعارى-تومەنگە تەڭشەپ ارەكەتتەندىرەدى، كىرپىكشە بۇلشىق ەت ۇزدىكسىز بوساپ، جيىرىلادى. كوز الماسى تكاندارىنىڭ قانمەن قامدالۋىن جانە زات الماسۋىن بارىنشا جەبەپ، كۇشەيتەدى، كوز قىزمەتى جاقسارىپ، كوزدىڭ شارشاۋىن جەڭىلدەتىپ، ارىلتىپ، الىستى كورە الماۋدى ءونىمدى الدىن الادى.

中央广播电视总台 央广网 版权所有

ۇستەل دوپتىڭ ەڭ تاماشا سپورت ەكەنىن عالىمدار راستادى

ادام اعزاسىنا پايدالى جاعىنا كۇش سالعان عالىمداردىڭ ۇستەل دوپ سىرىن زەردەلەپ زەرتتەپ جۇرگەندىگىن بىلەسىزبە؟ ۇستەل دوپ 21-عاسىرداعى ماڭداي الدى سپورتقا اينالۋى ىقتيمال. مۇبادا ۇستەل دوپ ىسپورتىنا اۋەسىمىز ارتاتىن بولسا، بۇل ءبىر قۋانىشتى ءىس ەكەندىگى ءشۇباسىز.