ينفورماتسيا اشكەرەلەۋ: mzjubao@cnr.cn

ۋنيۆەرسال

ەسىرتكىنىڭ ەلىكتىرۋىمەن ادام ولتىرگەن قاندىقولعا ءولىم جازاسى اتقارىلدى

来源:جۇڭگو قازاق راديو تورابى     |责编:阿依娜古丽|     发布日期: 2020-06-30 16:31

 
    شينحۋا اگەنتتىگىنىڭ 6-ايدىڭ 23-كۇنى كۇنميىڭنەن جولداعان حابارى يۇننان ولكەسى كۇنميڭ قالالىق ورتا دارەجەلى حالىق سوتى مەكەمەسى 6-ايدىڭ 23-كۇنى ساعات 10 دا، ەسىرتكى تۇتىنعاننان كەيىن ۇرەيلى ەلەس پايدا بولىپ، جازىقسىز بىرەۋدىڭ 30 نەشە جەرىنەن پىشاق سالىپ ولتىرگەن ايىپكەر چاڭ داحۇڭعا بەرىلگەن ءولىم جازاسىن زاڭ بويىنشا اتقارتتى. وسى ءبىر تيىپتىك دەلو بارشا قاۋىمعا مىنانى ەسكەرتەدى: ۋلى ەسىرتكىمەن ايلانىسۋ زاڭعا قايشى كوپتەگەن قىلمىستىق ارەكەتتەردىڭ تۋىلۋىنا مۇرىندىق بولىپ، قوعام ورنىقتىلىعىنا وراسان زور زيان تۋدىرادى، سوندىقتان ەسىرتكىدەن ءسوزسىز اۋلاق بولۋىمىز قاجەت.


    2017-جىلى 5-ايدىڭ 12-كۇنى تۇنگى ساعات 10 مولشەرىندە ايىپكەر چاڭ داحۇڭ ءوز ۇيىندە ەسىرتكى تۇتىنعاننان كەيىن بىرەۋلەردىڭ ءوزىن قورقىتىپ، سەس كورسەتىپ جاتقانىنداي ۇرەيلى ەلەس پايدا بولادى دا، 13-كۇنى تاڭعى ساعات 3 مولشەرىندە جانىنا باسقارىلمالى پىشاقتى جاسىرىپ الىپ تاڭەرتەڭگى ساعات 7 دەن 10 مينۋت وتكەنگە دەيىن سىرتتا باعدارسىز سەندەلىپ جۇرەدى. وسى كەزدە وزىنە جولىعىپ قالعان زياندالۋشى ءتاي فاميليالىعا، جانىنا سالىپ جۇرگەن قارا ساپتى پىشاعىمەن 30 نەشە جەرىنەن پىشاق سالىپ ولتىرگەننەن كەيىن ناق مايداننان تايىپ تۇرادى دا، قوعام حاۋىپسىزدىگى تاراۋىنا بارىپ ءوزىن مالىمدەيدى. كۇنميڭ قالالىق ورتا دارەجەلى حالىق سوتى مەكەمەسى چاڭ داحۇڭنىڭ قاساقانا ادام ءولتىرۋ قىلمىسىنا ءولىم جازاسىن بەرىپ، ساياسي ۇقىعىنان ومىرلىك ماقۇرىم ەتتى، يۇننان ولكەلىك حالىق سوتى مەكەمەسىنىڭ وسى دەلونى قايتالاي قاراپ شىعۋى، مەمەلەكەتتىك ەڭ جوعارى حالىق سوتى مەكەمەسىنىڭ بەكىمى ارقىلى 6-ايدىڭ 23-كۇنى ساعات 10 دا چاڭ داحۇڭعا بەرىلگەن ءولىم جازاسى زاڭ بويىنشا اتقارىلدى.


    كۇنميىڭ قالالىق ورتا دارەجەلى حالىق سوتى مەكەمەسى قىلمىستىق ىستەر 3-سوت كوللوگياسىنىڭ باستىعى لي شيڭحۋ وسى دەلو جونىندە تومەندەگىدەي كوزقاراسىن ءبىلدىردى: جوعارىداعى جيىركەنىشتى دەلو، ۋلى ەسىرتكى تۇتىنۋدىڭ ادامداردىڭ دەنە اقاۋسىزدىعى مەن قوعام ورنىقتىلىعىنا اكەلەتىن وراسان زور زيانىن تەرەڭىنەن تولىق ءتۇسىندىردى، دەلوداعى ايىپكەر چاڭ داحۇڭنىڭ رۋحااني اۋرۋى بار-جوقتىعى جونىندەگى ساراپتاۋ ماتەريالىندا كورسەتىلۋىنشە، ايىپكەر چاڭ داحۇڭ دەلو تۋدىرۋدىڭ الدىندا ەسىرتكى تۇتىنعاندىقتان ءوزىن مەڭگەرۋ، بولاتىن بولىمىستى بولجاۋ قابىلەتى كەدەرگىگە ۇشىراعان، الايدا ونىڭ ەسىرتكى تۇتىنعاننان كەيىن رۋحاني جاقتان قالىپسىزدىق تۋىلاتىنىن، ەسىرتكى تۇتىنۋدىڭ زياندى زارداپ تۋدىراتىنىن انىق بىلە تۇرا وسىلاي ىستەۋى قاساقانىلىققا جاتادى. سوندىقتان ونىڭ ەسىرتكى تۇتىنعاننان كەيىن رۋحاني جاقتا قالىپسىز كۇيگە ءتۇسۋىن، وعان بەرىلەتىن جازانى جەڭىلدەتۋدىڭ، كەمەيتۋدىڭ نەگىزى ەتۋگە بولمايدى چاڭ داحۇڭنىڭ قاساقانا ادام ءولتىرۋدەي قىلمىستىق ارەكەتى ەشقانداي سىرتقى سەبەپتىڭ اسەرىنەن بولماستان، قايتا بۇكىلدەي ءوز ەركىمەن ىستەگەن ادەتتەگى جاعدايداعى قاساقانا ادام ءولتىرۋ قىلمىسىنا جاتادى، قوعامدا تۋدىرعان زياندى زاردابى دا توتەنشە اۋىر بولعان.

 

حانزۋ تىلىندەگى «جۇڭگو ەسىرتكىنى الاستاۋ» تورابىنان اۋدارعان: وماربەك قىزىرقان ۇلى

中央广播电视总台 央广网 版权所有

ەسىرتكىنىڭ ەلىكتىرۋىمەن ادام ولتىرگەن قاندىقولعا ءولىم جازاسى اتقارىلدى

ۋلى ەسىرتكىمەن ايلانىسۋ زاڭعا قايشى كوپتەگەن قىلمىستىق ارەكەتتەردىڭ تۋىلۋىنا مۇرىندىق بولىپ، قوعام ورنىقتىلىعىنا وراسان زور زيان تۋدىرادى، سوندىقتان ەسىرتكىدەن ءسوزسىز اۋلاق بولۋىمىز قاجەت.