ۇساق-تۇيەك تاعامداردى دۇرىس تاڭداي ءبىلۋ

    ۇساق-تۇيەك تاعامدار دەپ ءبىر كۇنگى ءۇش ۋاق تاماقتان سىرتقى بارلىق ازىق-تۇلىكتەر مەن سۋسىندىقتار ايتىلىپ وتىر، سۋدى قامتىمايدى. ۇساق- تۇيەك تاعامداردى كۇندەلىكتى ازىقتىقتىڭ پايدالى تولىقتاۋشىسى ەتۋگە بولادى. قانداي ۇساق-تۇيەك تاعامدار دەنساۋلىققا پايدالى؟ ءبىرىنشى، تازا، حورەكتىك قۇنى جوعارى ازىقتىقتاردى تاڭداۋ كەرەك. ەكىنشى، نەگىزگى تاماقتا جەي قويمايتىن ازىق-تۇلىكتەر، مىسالى، جاڭعاق، جاڭا پىسقان جەمستەر سياقتىلار. ءۇشىنشى، ۇساق- تۇيەك تاعامداردى ساتىپ الۋدا ازىقتىڭ قورەكتىك قۇرامىن تەكسەرىپ، ماي، تۇز، قانت قۇرامى تومەن ۇساق- تۇيەك تاعامداردى تاڭداۋ كەرەك.

    بالاعا اقاۋسىز ۇساق-تۇيەك تاعامداردى قالاي تاڭداتۋ كەرەك

    اتا-انالارعا: ءسىز تومەندەگى جاسىل شىراقتاردى، سارى شىراقتاردى، قىزىل شىراقتاردى بەينەلەۋ ارقىلى سورەدەگى ۇساق-تۇيەك تاعامداردى تۇراقتاندىرۋىڭىزعا بولادى.

    جاسىل شىراق تۇرىندەگى ۇساق-تۇيەك تاعامداردىڭ قۇرامىندا ۆيتامين، ساپالى بەلوك، ساپالى ماي قىشقىلى عانا ەمەس، كالتسي، كومىر سۋ قوسىلستارى سياقتى قورەكتىك قۇرامداردا بار، بۇل دەنساۋلىققا پايدالى ۇساق- تۇيەك تاعامدارعا جاتادى، ونى ءار كۇنى تۇتىنۋدى ۇسنىس ەتەدى. مىسالى، پاميدور، الما، قيار سياقتى كوكونىس، جەمىس- جيدەكتەر، تازا سيىر ءسۇتى، تازا ايران قاتارلى ساپالى ءسۇت ونىمدەرى، اۋەلگى ءدامدى قاتتى جەمىس، بۋلاندىرىپ پىسىرىلعان جۇگەرى، تولىق ءبيداي بولكاسى سياقتى استىق، كارتوپ تەكتەس جەمەكتىكتەر.

    سارى شىراق تۇرىندەگى ۇساق-تۇيەك تاعامداردىڭ قورەكتىك قۇرامى سالسترمالى تۇردە مول بولعانىمەن ماي، تۇز، قانت قۇرامى تومەن بولۋ مۇمكىن ەمەس، لايىقتى مولشەردە تۇتىنۋدى ۇسىنس ەتەدى. مىسالى، ىرىمشىك، ءسۇت جاپىراقشاسى قاتارلى ءسۇت ونىمدەرى، سيىر ەتى، لوليگو بالىعى قاتارلى كەپتىرىلگەن ەتتەر.

    قىزىل شىراق تەكتەس ۇساق-تۇيەك تاعامداردى جەۋدەن باس تارتۋ كەرەك. مىسالى، ماي قۇرامى جوعارى ازىق-تۇلىكتەر، كامپيت جانە كومىر قىشقىلدى سۋسىندىقتار، ت ب . مۇنداي ۇساق- تۇيەك تاعامدارعا ماي، قانت جانە تۇز كوپ قوسىلعاندىقتان ۇنەمى تۇتىنسا سالماق ارتىپ، سەمىزدىك قاتەرىن تۋدىرادى. بالانىڭ دەنساۋلىعى ءۇشىن، كۇندەلىكتى تۇرمستا اتا-انالار بالانى وسى ازىقتىقتاردان الىستاتۋى كەرەك.

    ۇساق-تۇيەك تاعامداردى نەگىزگى تاعامداردىڭ ورنىن باستىرۋعا بولمايدى

    ۇساق-تۇيەك تاعامداردى لايىقتى تۇتىنسا بولادى. ۇساق-تۇيەك تاعامداردى قابىلداۋ مولشەرى كەلەسى جولعى نەگىزگى تاعامعا ىقپال جاساماۋى، ۇساق-تۇيەك تاعامداردى نەگىزگى تاماقتىڭ ورنىن باستىرۋعا بولمايدى. ۇساق- تۇيەك تاعامداردى ەڭ جاقسىسى ەكى ۋاققى نەگىزگى تاماقتىڭ اراسىندا جەگەن ءجون، تاماقتان بۇرىن جانە تاماقتان كەيىن 30 مينۋت ىشىندە ۇساق-تۇيەك تاعامداردى تۇتىنۋعا بولمايدى. اسقازان مەن ءتىستىڭ اقاۋسىزدىعىنا نۇقسان جەتكىزبەۋ ءۇشىن جاتار الدىنداعى 30 مينۋت ىشىندە ۇساق-تۇيەك جەمەۋىمىز قاجەت. ۇساق-تۇيەك تاعامداردى جەگەننەن كەيىن ءتىس شوتكىلەپ، اۋىز شايىپ، اۋىز قۋىسىنىڭ تازالىعىن ساقتاۋ كەرەك. اتا-انالار بالالاردىڭ نەگىزگى تاماعىنىڭ قورەكتىگىنە قاراي ۇساق-تۇيەك تاعامداردى تاڭداپ جەگىزۋ. نەگىزگى تاماقتى ازىراق جەسە، بەلوكتى تولىقتايتىن ۇساق- تۇيەك تاعامداردى، مسالى، تازا سيىر ءسۇتى قاتارلىلاردى تاڭداپ جەگىزۋ، نەگىزگى تاماقتى تويا جەسە، اس قورتۋعا كومەكتەسەتىن ۇساق-تۇيەك تاعامداردى، مىسالى، تازا ايران، مايمۇل شاپتول قاتارلىلاردى تاڭداپ جەگىزۋ كەرەك. ۇساق-تۇيەك تاعامدار ءدامدى بولعانىمەن دەنساۋلىق ءتىپتى دە ماڭىزدى. بالاعا ۇساق-تۇيەك تاعامداردى دۇرس تاڭداۋدى ۇيرەتۋ عانا ولاردىڭ دەنساۋلىعىنا جاۋاپتى بولۋ بولىپ تابىلادى.