ءۇش جىلداي ماحابباتتاسقان لي لينگە (جاناما اتى) اقىرى جىگىتى ونىمەن نەكەلەنۋ ۋاقىتىن بەلگىلەدى، بۇل ءبىر قۋانشتى ءىس، الايدا نەكە مەزگىلىنىڭ جاقىنداۋىنا بايلانىستى، لي ليڭ بارعان سايىن مازاسىزدانىپ، ابىرجۋ مەن قورقىنش سەزىمى پايدا بولدى، مىنەزى دە توتەنشە كۇيگەلەكتەنىپ، جىگىتىمەن ۇنەمى رەنجىسىپ جۇرەدى، ءتىپتى ۇيلەنۋ تويىن كەيىنگە قالدىرۋ تۋرالى وي دا بولدى. بۇل نەكەلەنۋدەن بۇرىنعى ۋايىمداۋ اۋرۋىنىڭ تيىپتىك بەينەسى.
پسيحولوگيا تۇرعىسىنان ايتقاندا، نەكەلەنۋ ادام ومىرىندەگى كەلەلى بۇرىلس، سوندىقتان كوپتەگەن جاس جۇبايلاردا ۇقساماعان دارەجەدە مازاسىزدىق پايدا بولادى. ولار جونىنەن العاندا، نەكەلەنگەننەن كەيىنگى تۇرمىستارى بەيمالىم، ال بەلگىسز زاتتاردان الاڭداۋ قالىپتى قۇبىلس. ەندى ءبىر جاعىنان، كەيبىر جاس جۇبايلار نەكەلەنگەننەن كەيىنگى رولىنىڭ اۋىسۋىنان جانە تۇرمىستاعى قاقتىعىستان، نەكە مەن وتباسى الا كەلگەن ءتۇرلى قىسىم مەن جاۋاپكەرشىلىكتەن قورقىپ، كوڭىلىندەگى اسەرلى سەزىمىنىڭ ورنىن بىرتىندەپ كەرەناۋ كوڭىل-كۇي باسادى.

    جالپى العاندا، تومەندەگى ءۇش ءتۇرلى ادام نەكەلەنۋدەن بۇرىن ۋايىمداۋ اۋرۋىنا وڭاي شالدىعادى: قالىپسىز تۇرمىس كەشىرمەسى بار ادامدار، مىسالى، بۇرىنعى عاشىقتارىمەن ءالى دە تىلەكتەس بولسا، ولار وتكەن-كەتكەن تۇرمىستى تۇسىنە الماۋى مۇمكىن، جاۋاپكەرشىلىك سەزىمى مەن سايكەستى قابىلەتى كەمشىل ادامدار باسقالارعا يەك سۇيەۋگە، تىتىركەندىرۋگە اۋەس بولعاندىقتان، ۇنەمى اسەرلى سەزىمگە تولى ماحاببات مەزگىلىنە عاشىق بولادى، نەكەلەنگەننەن كەيىن تۋىلعان قايشىلىق پەن قاقتىعىستان شەكتەن تىس الاڭداعان ادامدار اكە- شەشە قاتىناسىنىڭ جاقسى بولماۋ سەبەبىنەن نەمەسە بۇزىلعان نەكە قاتىناسىنىڭ كەيبىر مسالدارىن ءوز كوزىمەن كورىپ، نەكەنىڭ ماحابباتتىڭ توزاعىنا اينالۋىنان قورقۋ.

    نەكەلەنۋدەن بۇرىنعى ۇرەيلەنۋ سەزىمىنەن قۇتىلۋ ءۇشىن، مىنا ەكى جاقتان باستاپ كىرسۋگە بولادى: نەكەلەنۋدەن بۇرىن الدىمەن وزىنە تولىق ۋاقىت بەرىپ، پسيحيكالىق جاقتان تەڭشەۋ جانە دايىندىق كورۋ. نەكەلەنۋ جونىندەگى جەتەكشىلىك ەتۋ بىلىمدەرىنەن كوبىرەك كەڭەس الۋ، عاشىقتارىمەن بىرگە نەكەلەنگەننەن كەيىنگى تۇرمىستق ورنالاسترۋلارمەن بولجامدارىن بايلانستىرۋ. ەكىنشىدەن، وتباسىنداعىلارمەن، سىرلاس دوستارمەن كوبىرەك سىرلاسىۋ، اسىرەسە، تۇرمىستاعى ادامنان ومىرلىك تاجىريبە سۇراپ، قارسى جاقپەن نەكە سارايىنا كىرۋگە بەل بايلاۋدىڭ سەبەبىن تابۋ ءارى ونى بەكەمدەۋ كەرەك. نەكەلەنۋدەن بۇرىنعى مازاسىزدىقتىڭ كوپ بولىگى ءوزىن- ءوزى رەتكە سالعاننان كەيىن باسەڭدەيدى، ەگەر قۇلشىنۋ ارقىلى دا كوڭىل تۇيىنشەگىن اشۋ مۇمكىن بولماسا، كاسىپتىك قايراتكەرلەردىڭ كومەگىنە يە بولۋدى ۇسىنس ەتەدى.