توسەنىشتەر مەن جاستىق قابىن اپتا سايىن جۋىپ، كورپەنى ۇنەمى كۇنگە قاقتاپ تۇرۋ، كوپ ساندى ادامداردىڭ قالىپتاسترعان جاقسى ادەتى. ءبىراق، جاستىق قابىعىنىڭ ىشىنە جاسىرىنعان جاستىق وزەگىن ءبىز ۇنەمى ەلەۋسىز قالدىرامىز. ۇيىقتاعاندا جاستىققا ماي، تەر جانە سىلەكەي اعىپ كەتەدى، ۋاقىت ۇزارا كەلە باكتەريا بەينە تۇقىم سياقتى جاستىق وزەگىنە تەرەڭ ەنىپ، اۋرۋدىڭ كوشەتىنە اينالادى. جاستىقتى ءسوزجوق، ۇنەمى جۋىپ، ۇنەمى كۇنگە قاقتاۋ كەرەك. بەيجيڭ شيەحى شيپاحاناسى اللەرگيا رەاكسيا ءبولىمنىڭ اعا شيپاگەرى ۋاڭ لياڭلۋ بىلاي دەدى: ءبىز بۇرىن قارا قۇمىق قاۋىزىنىڭ جاستىقتارىنا تاجىريبە جاسادىق، ەشقاشان جۋىلماعان جاستىق وزەگىنىڭ ىشىندە شاڭ- توزاڭ كەنە جانە زەڭ باكتەريا بار ەكەنىن بايقادىق. شەتەلدەدە بايلانىستى گازەتتەردە ەشقاشان جۋىلماعان جاستىق وزەگىنىڭ تەڭ جارتسىندا شاڭ- توزاڭ كەنەسى مەن زەڭ باكتەرياسى ءومىر سۇرەتىندىگىن حابارلاعان. سوندىقتان جاستىقتىڭ وزەگىن تازالاماۋ دەنساۋلىققا زياندى، ۇيدەگى جاستىقتى كەم دەگەندە 3 ايدا ءبىر رەت جۋىپ وتىرىڭىز، ەگەر وتباسىندا بىرەۋ شاڭ- توزاڭ كەنەسىنە اسىرە سەزىمتال بولسا، جۋۋدان بۇرىن، ەڭ جاقسىسى الدىمەن جاستىقتىڭ وزەگىن كۇنگە قاقتاۋ كەرەك.

    حيميالىق تالشىقتى جاستىق وزەگى: جۋعان كەزدە جۇمساق جۋعىش زاتتى ىستەتۋ كەرەك. ەگەر ماشينامەن جۋىلسا، ەڭ جاقسىسى ۇلكەن ورامالعا وراپ، سۋ اعسىن تەڭگەرىپ، ءپىشىنى وزگەرۋدەن ساقتانۋ كەرەك. كوڭىل بولۋگە ءتيىستىسى، حيميالىق تالشىقتى جاستىق وزەگىن بىرنەشە رەت جۋىپ- شايىپ، ىشىندەگى جۋعىش سۇيىقتىعىن تۇنىق سۋ بولعانعا دەيىن تولىق تازالاۋ كەرەك. جۋىپ بولعاننان كەيىن تەز ارادا كەپتىرۋ نەمەسە سىلكۋ، بۇل جاستىقتىڭ سەرپىمدىلگىن قالپىنا كەلتىرۋگە پايدالى.

    مامىق جاستىق وزەگى: سۋمەن جۋعاندا، الدىمەن جاستىق وزەگىن سۋىق سۋعا 20 مينۋت شىلاپ قويىڭىز، ونان كەيىن ونى ℃30 بەيتاراپ جۋعىش زات قوسىلعان جىلى سۋعا 15 مينۋت سالىڭىز، ونان سوڭ جۇمساق شوتكىمەن اقىرىن جۋىڭىز، قاۋىرسىن جاستىعىن جۋىپ- شايعاندا 4- 5 قالاق سىركە سۋىن قوسىڭىز، مامىق جاستىق وزەگىنە ساقتالعان سىلتىلىك جۋعىش سۇيىعتىعىن ىدىراتادى، جۋىپ بولعاننان كەيىن، تىم قاتتى بۇراماڭىز، مامىقتىڭ شيراتىلىپ قالۋىنان ساقتانىڭىز.

    قارا قۇمىق قاۋىزىنىڭ جاستىعى: مۇنداي دەنساۋلىق ساقتاۋ رولى بار جاستىق وزەگىن سۋمەن جۋۋعا بولمايدى، وڭاي كوگەرەدى. ءار ءبىر مەزگىل ىشىندە قارا قۇمىق قابىعىن، شاي جاپىراقتارىن توگىپ، ۇگىندىسىن الىپ تاستاپ، جايمالاپ كۇن نۇرىنا جايىپ كەپتىرسە بولعانى.