اۋدارعان: سەرىك يمانقان ۇلى

    جازدىڭ كەلۋىنە بايلانىستى، كوپتەگەن ادامداردىڭ اياعىندا شۋاش پايدا بولا باستايدى، تابانىندا سۋلى بورتكەن شىعۋ، تەرى قابىعى تۇلەۋ، اياقتىڭ قىشۋى، قايتا- قايتا قوزاتىن شۋاش كوپتەگەن ادامداردىڭ مازاسىن الادى.

    ەگەر اياق شۋاشى دەگەن دياگنوز ايقىن بولسا، وندا ەكى قاعيداعا بويسۇنۋ كەرەك، ءبىرىنشى، ەرتە ەمدەلۋ، ەرتەرەك ءدارى ىستەتۋ، ەكىنشى، جەتكىلىكتى مولشەردە ەمدەلۋ بارىسىندا ەمدەلۋ كەرەك. قازىرگى ۋاقىتتا شۋاشتى ەمدەۋدە سىرتتان جاعاتىن ءدارى- دارمەكتەردى نەگىز ەتەدى، ۇقساماعان تەرى زيانىنىڭ تۇرىنە قاراي ۇقساماعان سىرتقى دوزالىق دارىلەر تاڭدالادى. سۋلى بورتپەگە بۇرىككىش نەمەسە جاقپا ءدارى قولدانىلادى، باقايشىق ارالىق بازدانعانعا الدىمەن شاشىراتقىش ءدارى، ونان سوڭ جاقپا ءدارى ىستەتىلەدى، قابىرشاقتىڭ مۇيىزگەك تيپىنە ءسۇت پاراشوگى نەمەسە سىقپا ماي قولدانىلادى، سونداي- اق ساليتسيل قىشقىلندىق تەجەگىش دارىلەردى قولدانۋعا دا بولادى. ال تەرى زاقىمدالۋى تىم ۇلكەن، باقايشىق اراسىنداعى بازدانۋى كۇشتى، ءدارى ىستەتۋ قاسيەتى ناشار بولۋ سياقتى ناۋقاستار ءۇشىن سىرتتان جاعاتىن دارىمەن بىرگە ىشىلەتىن ءدارىنى دە ىشۋدى ۇسىنس ەتەدى، ءبىراق ىشىلەتىن ءدارىنى بەي- بەرەكەت قابىلداي بەرۋگە بولمايدى. جۇيەلى شيپاحاناعا بارىپ ەمدەلىپ، دارىگەردىڭ كەڭەسىنە قۇلاق اسىڭىز. ايتا كەتەتىن جايت، شۋاشتى گورمون تەكتەس دارىلەرمەن ەمدەۋگە استە بولمايدى، گورمون كوبىنەسە باكتەريانىڭ قورەكتىك زاتتارى بولىپ تابىلادى، ول ءتيىمسىز بولىپ قانا قويماي، ولاردىڭ وسۋىنە دە سەپتىگىن تيگىزەدى. مىسالى، داكنين سياقتى شىن باكتەرياعا قارسى تەكتەس دارىلەرىمەن ەمدەلۋگە تۋرا كەلەدى.

    كوپ ساندى ادامداردىڭ ەمدەلۋدەگى ماقساتى قىشۋدى توقتاتۋ، ال ءدارى- دارمەكتەردى ىستەتكەننەن كەيىن قىشۋى توقتاي قالسا، دەرەۋ ءدارىنى توقتاتا قالساق، مۇنداي ەمدەۋ ءونىمى جاقسى بولماي، شۋاشتىڭ قايتالانۋىن كەلتىرىپ شىعارادى. ءىس جۇزىندە، قىشۋدى توقتاتۋ تەك اياق شۋاشىن ەمدەۋدىڭ ءبىرىنشى قادامى عانا، شۋاشتى ەمدەۋ ادەتتە 4- 6 اپتاعا دەيىن سوزىلادى، بۇل وتە ماڭىزدى، ءدارى- دارمەكتەرگە سايكەستىكتى جوعارلاتقاندا عانا ەمدەۋ ونىمدىلىگىن جاقسارتۋعا بولادى.