اۋدارعان: وماربەك قىزىرقان ۇلى

ءبىز دەنساۋلىق ساقتاۋعا قاتىستى بايىرعى زامان كىتاپتارىنان، بۇرىنعىلاردىڭ تاماقتان كەيىن شايمەن اۋىز شايقاۋعا ادەتتەنگەندىگى جونىندەگى جازبالاردى كەزىكتىرەمىز. ءامالياتتا بۇل اۋىز قۋىسى اقاۋسىزدىعىن قورعاۋداعى ءبىر قاراپايىم جاقسى ادەت. مامانداردىڭ زەرتتەۋىنە نەگىزدەلگەندە اۋىز قۋىسىنداعى باكتەريالاردىڭ سانى 400 تۇردەن استام بولىپ، بۇل باكتەريالاردىڭ اقاۋسىزدىققا پايدالىسى دا، زياندىسى دا بار؛ باكتەريالادىڭ مولشەرى بەلگىلى شەكتەن اسىپ كەتسە اۋىز قۋىسى اقاۋسىزدىعىنا ءتيىمسىز بولادى ەكەن.

    شايدىڭ قۇرامداعى كوفەيىن قىشقىلىنىڭ اۋىز قۋىسىنداعى ءسۇت قىشقىلدى تاياقشا باكتەريا، القاشا باكتەريا تەكتەس ميكروپتاردى تەجەۋ جانە جويۋ رولىنا يە بولىپ، ونىڭ تازارتۋ رولى سۋدان الدە قايدا جوعارى بولادى. سوندىقتان ءبىز ءار رەتكى تاماقتان كەيىن شايمەن اۋىز شايقاۋدى داعدىعا ايلاندىرساق، تىسكە قان قۇرت ءتۇسۋ، ءتىس تۇبىنىڭ قابىنۋى، اۋىز قۋىسى، ءتىل جانە جۇتقىنشاق قابىنۋىنان ءونىمدى تۇردە ساقتانا الامىز.