سىركە سۋىنا شىلانعان الما

جاپىراقتاپ تۋرالعان المانى سىركە سۋىنا شىلاپ قويىپ، كۇنىنە 2 رەتتەن، ءار رەتتە 2 جاپىراقشادان جەسە، تىماۋعا پايدالى؛ سۋىق ءوتىپ تىماۋ تيە قالعان كەزدە سارىمساق پەن جەمجەمىلدى سىركە سۋىنا قايناتىپ سۋىن جىلىداي ىشسە تىماۋدى جازادى.

    سىركە سۋىنا شىلانعان لوبى

    بىرنەشە تال لوبىنى تازالاپ جۋعاننان كەيىن، جاپىراقتاپ تۋراپ، كۇرىشتەن اشىتىلعان سىركە سۋىنا 2 ساعات شىلاپ قويىپ، كۇنىنە 2-3 رەتتەن ءساي ورنىنا جەپ تۇرسا، ۆيرۋستى جويىپ، تىماۋراتقاندا اسقا تابەتى تارتپاۋعا پايدالى.

    سىركە سۋمەن جوعارى قان قىسىمدى ەمدەۋ

    500 گرام مۇزقانىتتى 100 ميلليليىتر اق سىركە سۋعا سالىپ ەرىتىپ، تاماقتان جارىم ساعات كەيىن ءار رەتتە 10 ميلليليىتردەن كۇنىنە 3 ۋاقتان ءىشىپ تۇرسا، جوعارى قان قىسىمدى تومەندەتەدى.

    سىركە سۋىنا شىلانعان جەر جاڭعاعى

    100 تال جەر جاڭعاعىن 200 ميلليليتىر اق سىركە سۋىنا 5 كۇن شىلاپ قويعاننان كەيىن، ءار كۇنى تاڭەرتەڭ اش قارىندا 10 تالدان جەپ تۇرسا، قان قىسىمدى تومەندەتىپ، قان تامىردىڭ (ارتاريانىڭ) قاتايۋىنىڭ الدىن الادى .
سىركە سۋىنا شىلانعان سارى بۇرشاق

    500 گرام سارى بۇرشاقتى قۋىرىپ، سۋىعاننان كەيىن قۇمىراعا سالىپ ۇستىنە 1000 ميلليليتر اق سىركە سۋىن قۇيىپ اۋزىن مىقتاپ بەكىتىپ 10 كۇننەن كەيىن، ءار كۇنى لايىعىندا ءىشىپ تۇرسا دا قان قىسىمدى تومەندەتۋگە پايدالى.

    سىركە سۋمەن جۇرەك اينىپ قۇسقاندى ەمدەۋ

    قانىتتى سىركە سۋعا شىلانعان لوبى

    2 تال اق لوبىنى تازالاپ جۋىپ، كەرتىپ تۋراپ ەزىپ العاننان كەيىن 50 گرام اق شەكەر جانە لايىقتى مولشەردەگى سىركە سۋعا ارلاستىرىپ جارىم ساعاتتان كەيىن جەسە، جۇرەك اينىپ قۇسقاندى دەرەۋ تيادى.

    جەمجەمىل، شىلىك (مۋگۋا) سىركە سۋ قۋىرماشى

    30 گرام جەمجەمىل مەن 500 گرام شىلىكتى تازالاپ جۋىپ كەپتىرگەننەن كەيىن قۇم قازانعا باياۋ وتتا قۋىرىپ جەسە (ءبىرنەشەگە ءبولىپ جەسەدە بولادى)، اسقا تابەتى تارتپاۋدان بولاتىن جۇرەگى اينىپ قۇسۋ، اسقازانى قىجىلداۋ نەمەسە ءىشى تىرسىلداپ كەبۋ، ىقىلىقتاپ كەكىرۋگە ەم بولادى.

    سىركە سۋمەن ءىش قاتۋدى ەمدەۋ

    سارىمساق سىركە سۋ قۋىرماسى

    سارىمساقتىڭ اعىنان 2000 گرامدى جىڭىشكەلەپ تۋراپ وعان 2000 گرام سىركە سۋىن قوسىپ قۋىرىپ، جىلى كۇيىندە ەكىگە ءبولىپ كىندىكتىڭ تۇسىنان تارتامىز، سۋىعاندا جىلىسىنا اۋىستىرىپ ۇزبەي 6 ساعات وسىلاي جالعاستىرسا، ءىشتى بوساتىپ، ءىش قاتۋدى باسەڭدەتىپ، ۇلكەن دارەتتى جۇرگىزەدى.

    ارشا ۇرىعىنان 15 گرام، كەندىر ۇرىعىنان 10 گرام الىپ باياۋ وتتا قۋىرىپ قاۋىزىنان ارىلتىپ، تالقانداپ، داكى دورباعا سالىپ لايىقتى مولشەردە سۋ قوسىپ 20 مينۋت قايناتقاننان كەيىن، سۋىتىپ، سۇزگىدەن وتكىزىپ، 10 ميلليليتر سىركە سۋعا قوسىپ كۇنىنە 1 رەت ىشەمىز، دارەت جۇرگەننەن كەيىن ىشىۋدى دەرەۋ توقتاتۋ قاجەت.

    ەتەككىر قالىپسىزدىعىن سىركە سۋمەن ەمدەۋ

    كۇرىشتەن اشىتىلعان سىركە سۋىمەن جەر بوياۋىنان ازىرلەنگەن سۋسىندىق

    كۇرىشتەن اشىتىلعان سىركە سۋىنان 50 گرام، جەر بوياۋىنان 30 گرام الىپ ارلاستىرىپ قايناتىپ سۋسىندىق ورنىندا تاڭەرتەڭ، كەش 2 ۋاق ىشسە، ەتەككىر مەزگىلىندە قىناپتان قان كوپ كەلۋ، رەڭى قانىق بولۋ، تىنىشى كەتىپ مازاسىزدانۋ تەكتەس ەتەككىر مەزگىلىندەگى اۋرۋلارعا ەم بولادى.

    سىركە سۋىنا شىلانعان تۇلكى قۇيرىق (ۋ ساسىر)

    150 گرام جاڭا پىسقان تۇلكى قۇيرىقتى تازالاپ جۋىپ، سىرتىنداعى تۇگىن قىرىپ، تامىرىن الىپ تاستاعاننان كەيىن لايىقتى مولشەردەگى كۇرىشتەن اشىتىلعان سىركە سۋىنا 12 ساعات شىلاپ قويامىز سىركە سۋى تۇلكى قۇيرىققا ابدەن سىڭىپ بولعاننان كەيىن، وتقا قاقتاپ كەپتىرىپ تالقانداپ، تاڭەرتەڭ، كەش 6 گرامنان 2 ۋاق جەپ، سۋىن ىشەمىز.

    بۇل نەگىزىنەن، ەتەككىرى كوپ كەلىپ توقتاماۋ، ەمدەلسەدە ايىعا الماعاندارعا شيپا بولادى.

    ولەڭ ءشوپ سىركە سۋ دومالاقتاماسى

    250 گرام ولەڭ ءشوپتى كەپتىرىپ تالقانداپ، لايىقتى مولشەردەگى سىركە سۋىنا ارالاستىرىپ دومالاق ءدارى جاساپ، اش قارىندا اق اراقپەن قوسىپ ىشسە، ەتەككىردىڭ قالىپسىز بولىپ، بىردە كوپ، بىردە از بولىپ، تولىق كەلمەۋى نەمەسە ەتەككىر مەزگىلىندە كەۋدە قىسىلىپ، قۋىق تۇسى سىزداپ اۋرۋعا، ەتەككىر توقتاعاننان كەيىندە قۋىق تۇسىنىڭ سىزداپ اۋرۋىنا ەم بولادى.

    سىركە سۋىمەن ەتەككىر كىرنەسىن ەمدەۋ

    ارپا بەدىيان، كەپتىرىلگەن جەمجەمىل، يۋانحۋ، قۇرالاي قۇمالاعى، مىررا (موياۋ)، ءيىستى تامىر، ايۋ بالدىرعان، ءۇىلدىرىك سارىسى قىزىل شۇعىنىق ءدارشىن قاتارلىلاردى قوسىپ تالقانداپ قۇمىراعا سالىپ دايارلاپ قويامىزدا، ەتەككىر كەلەردەن بىرنەشە كۇن بۇرىن، تۇزدى سۋمەن ىيلەپ قويىرتپاقتاپ، كىندىك تۇسىنان داكى تاڭعىشپەن تارتامىز، وسىلايشا 2 كۇندە ءبىر اۋىستىرىپ، دايارلاپ العان قويىرتپاقتى جالعاستى 3 رەت ىستەتەمىز؛ ءبىر داۋالاۋ باسقىشى 5 اي بولادى. بۇل نەگىزىنەن ەتەككىر كىرنەسىن ەمدەۋگە پايدالى.

    سىركە سۋ، قانت، گۇلبۋىن ءسولى

    قارا شەكدەن 30 گرام، ساسىقءشوپتەن (گۇلبۋىن) 15 گرام، قاردامون ءدانىنەن 10 گرام دايارلاپ، كۇرىشتەن اشىتىلعان 15 گرام سىركە سۋىنا سوسىپ قايناتىپ ءسولىن ەكىگە ءبولىپ، كۇنىنە 1 رەتتەن ىشەمىز.

    بۇل نەگىزىنەن ەتەككىردىڭ ۇيىپ، تۇيدەكتەلىپ كەلۋىنەن بولاتىن ەتەككىر كىرنەسىنە ەم بولادى.

ساۋان قالالىق قوعام حاۋىپسىزدىك مەكەمەسى