جەر جاڭعاعىنان سىعۋ ارقىلى الىناتىن جەر جاڭعاق مايى اقشىل سارى ءتۇستى، نازىك ءيىسى بار، وڭاي قورىتىلادى، وندا قانىقپاعان ماي قىشقىلى، ۆيتامين E، ءوت ءسىلتىسى، ستەرولى، فوسفورلى ماي قاتارلىلار مول بولادى. تۇتىنعاننان كەيىن ادام دەنساۋلىعىنا پايدالى، ارتەريانىڭ قاتايۋىنان جانە ءتاج ءتارىزدى ارتەريانىڭ قاتايۋىنان بولاتىن جۇرەك اۋرۋىنىڭ الدىن الادى، ءوت ءسىلتىسى جانەدە ەستە ساقتاۋ قابىلەتىن جاقسارتادى. مي قىزمەتىنىڭ تومەندەۋىنىڭ الدىن الادى.

    جۇگەرى مايىنان الىنعان جۇگەرى مايىنىڭ قۇرامىندا كوپ مولشەردە قانىقپاعان ماي قىشقىلى، سونداي- اق ۆيتامين E، كاروتين قاتارلىلار بولادى، ونىڭ ۇستىنە قۇرامىندا مول گليكول مەن فوسفورلى ماي بولادى دا، ءۇش جوعارى جانە قوسانجار اۋرۋلاردىڭ الدىن الۋدا بەلگىلى كومەكشى رول اتقارادى. جۇگەرى مايى جوعارى تەمپەراتۋراعا توزبەيتىنىن جانە تەز پسىرۋعا جارامدى ەكەنىن اتاپ وتكەن ءجون.

    سويا مايى كۇڭگىرت تۇسكە جانە ەرەكشە بۇرشاق يسىنە يە، سونداي- اق ەڭ ءجيى قولدانىلاتىن تاماق مايىنىڭ ءبىرى. سويا مايىنىڭ قۇرامىندا زىعىر مايى قىشقىلى (٪5-9) بولىپ، وڭاي توتىعىپ، ساپاسى وزگەرەتىندىكتەن، بۇرشاقتىڭ ساسىق ءيىسى پايدا بولادى، ساقتالۋ مەرزىمى ەڭ ۇزاق بولعاندا ءبىر جىل عانا بولادى، سوندىقتان ازىقتىق ساپاسى جەر جاڭعاعى مايى، شەكىلدەۋىك مايى قاتارلىلارعا جەتپەيدى. سويا مايى جوعارى تەمپەراتۋرادا تۇراقسىز بولادى، سوندىقتان جوعارى تەمپەراتۋرادا ءپسىرۋ جارامايدى.

    قىشى مايىنان سىعىلعان قىشى مايى قويۋ سارى، اششى ءيىسى بار، تۇتقىرلىعى جوعارى، قانىقپاعان ماي قىشقىلدارىنىڭ قۇرامى ادەتتەگىدەي بولادى. ونىڭ قۇرامىندا ۆيتامين E، كاروتيىن، فوسفاتيد قاتارلىلار مول بولادى، ول قان تامىرلارىن جۇمسارتۋ، قارتايۋدى باياۋلاتۋ رولىنا يە، ءبىراق قىشى مايىنىڭ دانەكەر قىشقىلىندا (٪46.97) مەن مەزوندار قۇرامى ءبىر شاما كوپ بولعاندىقتان، ونىڭ قورەكتىك قۇنى جەر جاڭعاعى مايى، بۇرشاق مايى، جۇگەرى مايى قاتارلىلارعا جەتپەيدى.

    ارالاسترىلعان ماي قاجەتتىلككە سايكەس ەكى نەمەسە ودان دا كوپ تازارتىلعان ماي مەن مايدان جاسالادى. ونىڭ ساقتالۋ مەرزىمى ادەتتە 12 اي بولادى. ادەتتە قورەكتىك تەڭشەۋ مايى، ەكونوميكالىق تەڭشەۋ مايى، دامدى تەڭشەۋ مايى، قايناتىپ پسىرۋ مايى دەپ بولىنەدى.

    جەۋگە جارامدى ماي ساتىپ العاندا، الدىمەن ونىڭ باعاسىنا ەمەس، ماي قىشقىلىنىڭ قۇرامىنا قاراۋ كەرەك. جالاڭ باعاعا عانا قاراۋعا بولمايدى. ءونىم تولىمدى بولسا بولعانى، الاڭسىز تاڭداپ ىستەتۋگە بولادى، تۇرلشە وسىمدىك مايىنىڭ ماي قىشقىلىنىڭ قۇرىلىمى دا، قورەكتىك ەرەكشەلىگى دە تۇرلىشە بولادى. جۇڭگو تۇرعىندارىنىڭ اس- سۋ باعدارناماسىنىڭ (2016) كورسەتۋىنشە، اس پسىراتىن مايدىڭ ءتۇرىن ۇنەمى اۋىسترىپ وتىرۋ كەرەك، جەر جاڭعاعى مايى، قىشى مايى، بۇرشاق مايى سياقتىلاردى اۋىسترىپ تۇتىنۋ كەرەك.