اۋا تەمپەراتۋراسىنىڭ بىرتىندەپ جوعارىلاۋىنا ىلەسە، ەگىس داقىلدارىندا اق توزاڭ دەرتى كورىلە باستايدى. بۇل نەگىزىنەن ەكونومىيكالىق داقىلداردا بولاتىن دەرت بولىپ، دەرتكە شالدىققان داقىلدىڭ سىرتقى كورىنىسىنە اسەر ەتۋمەن بىرگە، ءونىم ساپاسىنا اۋىر نۇقسان جەتكىزىپ، شارۋالاردىڭ كىرىسىن تومەندەتەدى. اق توزاڭ داقىلداردا بولاتىن ءبىر ءتۇرلى دەرت بولىپ، اۋا تەمپەراتۋراسى 20 -25 سەلتسيگرادۋس، دىمقىلدىق ءبىرشاما جوعارى بولعان جاعدايدا وتە وڭاي پايدا بولادى. وسى تۇردەگى دەرتكە شالدىققان داقىلداردىڭ جاپىراعى مەن بۇتاقتارىندا ءبىر قابات اق ءتۇستى توزاڭ تارىزدەس زات پايدا بولادى، اۋىرلاۋ بولعاندا جاپىراقتارى سارعايىپ تۇسە باستايدى، ەرەكشە اۋىر بولعاندا داقىلدىڭ تۇبىنەن ۇشىنا دەيىن اق توزاڭ قاپتاپ كەتەدى.

    الدىن الۋ شارالارى

    1 . داقىلداردى شالاڭداۋ ەگۋ، سىرتقى كورىنىسىنە اسەر ەتپەۋ شارتى استىندا، دەرتكە شالدىققان جاپىراقتارى مەن بۇتاقتارىن كەسىپ تاستاپ، دەرتتىڭ جايىلىپ كەتۋىنىڭ الدىن الۋ.

    2 . دەرت پايدا بولا سالا الدىن الۋ

    اق توزاڭ دەرتى بايقالا سالا ءدارى شاشۋ، مۇندا تار جاپىراقتارىندا اق توزاڭ پايدا بولعاندا ءدارى شاشىپ توزاڭدى جوعالتقانىمەن، جاپىراقشالارىندا قارا داق قالادى دا ونىمنىڭ سىرتقى كورىنىسىنە ىقپال ەتەدى.

    3 . ءدارى شاشۋ ارقىلى الدىن الۋ

    مۇندا ٪3 تىك بولبوكسين (多氧清)ءدارىسىن 600 ەسە، ٪47 تىك مەيكى(美克) ءدارىسىن 2500 -3500 ەسە سۇيىلدىرىپ شاشۋ ارقىلى اق توزاڭ دەرتىنىڭ الدىن الۋعا بولادى.(سوڭى)