بىرنەشە كۇننىڭ الدىندا، ءبىر شەشەي 4 جاستاعى قىزىن ەرتىپ جىڭجوۋ قالالىق حالىق شيپاحاناسىنىڭ سولتۇستىك اۋلاسىنداعى شۇعىل ەمدەۋ بولىمىنە ەمدەلۋگە كەلەدى. شۇعىل ەمدەۋ سىرتقى اۋرۋلار ءبولىمنىڭ تەتە اعا شيپاگەرى دۇڭ لياڭ ءبىر قاراپ، بالانىڭ شىنتاق بۋىنىنىڭ تايعانىن بىلەدى. دۇڭ لياڭ شيپاگەر ورنىنا كەلتىرۋ ءادىسىن قولدانىپ، ءبىر قولىمەن كىشكەنتاي قىزدىڭ شىنتاق بۋىنىنان، ەندى ءبىر قولىمەن بىلەگىنەن ۇستاپ، بىلەزگىن سىرتقا بۇگۋ نەگىزىندە شىنتاقتى دا بۇكتىرىپ، سىرت ەتكەن دىبسپەن بىرگە، بالانىڭ ورنىنان تايعان شىنتاق بۋىنىن دەرەۋ ورنىنا تۇسىرەدى.

    شىنتاق بۋىنى تايعاندى، مەديتسينادا بىلەك سۇيەگىنىڭ كىشكەنە باسى جارتىلاي تايۋ دەپ تە اتالادى، تارتىلعان شىنتاق دەپ اتالاتىن جاراقاتتىڭ ءبىر ءتۇرى كوبىنەسە بەس جاستان تومەنگى بالالاردا كوپ كەزدەسەدى. وسى جاس شاماسىنداعى بالالاردىڭ شىنتاق بۋىنى، يىق بۋىنى قاتارلىلاردىڭ جەتىلۋى ءالى كەمەلدى ەمەس، سوندىقتان بۋىن وڭاي تايادى. بالانىڭ قولىن سوزۋعا نەمەسە بىلەگىن سوزۋعا استە بولمايدى، كلينيكادا ۇنەمى وسى ارەكتەتتەر سەبەبىنەن بالانىڭ بىلەك سۇيەگىنىڭ كىشكەنە باسى جارتىلاي تايۋ سياقتى جاعدايلار تۋىندايدى.

    بىلەك سۇيەگى جارتىلاي تايعاننان كەيىن، دەركەزىندە شيپاحاناعا بارىپ، ورنىن قالپىنا كەلتىرىپ، تۇراقتى ەمدەلۋ كەرەك، العاشقى ەمدەۋ ءونىمى جاقسى بولادى. ەگەر ۇيرەنشىكتى بۋىن تايۋ بولماسا، ءبىرىنشى رەتكى ەمدەلۋ ءونىمى ماڭىزدى بولىپ، بۋىن كاپسۋلاسىنىڭ جەتىلۋىنە پايدالى، جانەدە قايتادان ورنىنان شىعىپ كەتۋى ەكىتالاي.

    اتا- انالاردىڭ ەسىنە سالا كەتەيىك، بالا جىعىلىپ قالعاندا ونى وزدىگىنەن تۇرۋعا مۇمكىندىك بەرۋ نەمەسە دەنەسىنەن قۇشاقتاپ سۇيەپ تۇرعىزۋ، استە بالانىڭ قولىن كۇشتەپ تارتپاۋ كەرەك.

    مۇنان سىرت، بالانىڭ قولىن ۇستاپ جىلدام جۇگىرۋ، بالامەن بىرگە لوبى تارتۋ سياقتى ويىنداردا بىرگە بولۋ نەمەسە بالا كيىمىن كيگىزگەندە قاتتى تارتىپ سوزۋ بالانىڭ بۋىندارىنىڭ شىعۋىنا سەبەپشى بولۋى مۇمكىن، اتا- انالار بۇل جاعىنا ءسوزجوق كوبىرەك ءمان بەرۋ كەرەك.