ينفورماتسيا اشكەرەلەۋ: mzjubao@cnr.cn

ۋنيۆەرسال

ارەكەت جاساعاننان كەيىن قالاي سۋ تولىقتاۋ كەرەك

来源:جۇڭگو قازاق راديو تورابى     |责编:阿依娜|     发布日期: 2022-09-30 10:19

اۋدارعان: سەرىك يمانقان ۇلى


    ارەكەت جاساعاننان كەيىن سۋ تولىقتاۋ قاراماققا قاراپايىم بولعانىمەن، ونىڭ ىشىندە اسا زور ءبىلىم جاتىر. كوپشىلىك مىنا تۇيىندەردى ەستە بەرىك ساقتاۋلارى كەرەك؛


    ارەكەت جاساعاننان كەيىن شاماعا قاراي سۋ تولىقتاۋ كەرەك، كوبىرەك دەنە شىنىقتىرۋمەن اينالىساتىن ادامدار تەرشەڭدىككە بەيىم بولادى، ەگەر جوعالعان سۋ قۇرامىن دەركەزىندە تولىقتاماسا، سۋسىزدانادى، ال سۋسىزدانۋ ادام دەنەسىنىڭ فيزيولوگيالىق قىزمەتى مەن ارەكەت قابىلەتىن تومەندەتەدى. ارەكەت جاساعاننان كەيىن جاعدايعا قاراي سۋ تولىقتاۋ قاجەت، ارەكەت جاساعاننان كەيىن دەنە سالماعى 0.5 كيلوگرام تومەندەپ، 470-700 ميلليليتر سۋدى تولىقتاۋدى قاجەت ەتەدى. وسىنداي پرينسيپ بويىنشا بولعاندا، ارەكەت جاساعاننان كەيىن 2- 3 ىستاكان سۋ ءىشۋ (ءبىر ىستاكان 200 ميلليليترگە بارابار)، ونى از مولشەردە، كوپ رەت، باياۋ ءىشۋ كەرەك.


    ارەكەت جاساعاننان كەيىن سۋ تولىقتاۋدا سۋىق سۋ ىشپەڭىز، جىلى سۋ ٴىشىڭىز. ويتكەنى ارەكەت جاساعاننان كەيىن ادامداردىڭ دەنە تەمپەراتۋراسى جوعارىلايدى، سۋىق سۋ ىشسە، ول اسقازان-ىشەك جولدارىن قاتتى تىتركەندىرىپ، اسقازان-ىشەك تەگىس سالالى بۇلشىق ەتتەرىنىڭ قۇرىسۋىن نەمەسە قان تامىرلارىنىڭ كەنەت جيىرىلۋىن تۋدىرادى، ناتيجەدە اسقازان-ىشەك قىزمەتى بۇزىلىپ، اس قورىتۋدىڭ ناشارلاۋىن كەلترىپ شىعارادى.

ارەكەت جاساعاننان كەيىن سۋ تولىقتاعاندا، الدىمەن جاعدايدى تەڭشەپ، ادامداردىڭ كۇشتى ارەكەتتەن (مىسالى، جۇگىرۋ، دوپ ويناۋ، مالتاۋ) كەيىن، دەرەۋ سۋ قۇرامىن تولىقتاۋىنا بولمايدى. ارەكەت جاساعاننان كەيىن الدىمەن رەتتەۋ قيمىلىن جۇرگىزۋ، جۇرەك سوعۋ مولشەرى بىرتىندەپ قالپىنا كەلگەننەن كەيىن، سۋ قۇرامىن لايىقتى تولىقتاۋ، ونىڭ ۇستىنە از مولشەردە كوپ رەت ءىشۋ، ار رەتكى سۋ ءىشۋ مولشەرى 100 ميلليليترمەن ۇيلەسىمدى بولۋ. ەكى رەتكى سۋ ءىشۋدىڭ ارالىعى كەمىندە 10 مينۋت بولۋ كەرەك.


    ارەكەت جاساعاننان كەيىن سۋ تولىقتاۋدا لايىقتى سۋسىندىق تاڭداۋ، جالپى العاندا، ادامداردىڭ ارەكەت ۋاقىتى ءبىر ساعاتتان اسپايدى، وسى كەزدە مينەرال سۋدى نەمەسە قايناعان سۋدى ىشسە بولعانى. ەگەر ەرەكشە قاجەت بولسا، قۇرامىندا كومىر-سۋ قوسىلستارى، ەلەكتروليت بار سپورت سۋسىندىقتاردى تاڭداپ الۋىنا دا بولادى.

中央广播电视总台 央广网 版权所有

ارەكەت جاساعاننان كەيىن قالاي سۋ تولىقتاۋ كەرەك

ارەكەت جاساعاننان كەيىن سۋ تولىقتاۋ قاراماققا قاراپايىم بولعانىمەن، ونىڭ ىشىندە اسا زور ءبىلىم جاتىر. كوپشىلىك مىنا تۇيىندەردى ەستە بەرىك ساقتاۋلارى كەرەك؛