1. جۇيحۋا گۇلى شىلان شايى

    جۇيحۋا گۇلى، شىلان جانە ءبىرنەشە ءتۇيىر ۇساتىلعان مۇزقانتتان لايىقتى مولشەردە دايارلاپ العان سوڭ، شىلاننىڭ ۇرىعىن الىپ تاستاپ، ەتىن تازالاپ جۋىپ، جۇيحۋا گۇلىمەن شىلاندى قوسىپ ىدىسقا سالىپ، ۇستىنە قايناعان سۋ قۇيىپ اۋزىن جاۋىپ ءبىرنەشە مينۋت بىقتىرىپ قويعاننان كەيىن ىشسە بولادى. وسىلايشا دايارلاپ العان شايدى دامىنە كەلتىرۋ ءۇشىن، ۇنتاقتالعان مۇزقانتتان لايىقتى مولشەردە قوسىپ ىشسە سىڭىمدى بولادى.

    ىستىقتى قايتارىپ، ۋىتتى ايدايتىن جۇيحۋا گۇلى مەن قۋاتتاندىرۋ رولىنا يە شىلاننان داايارلانعان بۇل تۇردەگى شاي ايەلدەردىڭ ىشۋىنە ەرەكشە ۇيلەسەدى، سونىمەن بىرگە ىشتەگى ۋىتتى ايداۋمەن بىرگە تەرىنى اجارلاندىرۋ رولىنا دا يە.

    2. دولانا شايى

    ءبىرنەشە تال دولانانى تازالاپ جۋىپ، قازانعا سالىپ، لايىقتى مولشەردە سۋ قۇيىپ، ەزىلگەنشە قايناتىپ پىسىرىپ العان سوڭ، شاي ورنىندا ىشۋگە بولادى؛ ەگەردە دايارلاپ العان دولانامىز ۇلكەندەۋ بولسا، ءبىرنەشەگە ءبولىپ تۋراپ قايناتساق تەز پىسادى.

    دولانا شايى دەنەدەگى ماي مەن جاراقسىز زاتتاردى ىعىستىرىپ شىعاراتىندىقتان، ايەلدەر ءار كۇنى وسى شايدى كوبىرەك ءىشىپ ىشتەگى ۋىتتى ايداپ تۇرۋلارى كەرەك.

    3 . يوۋزى شايى

    ءبىر تال يوۋزىنى تۇزدى سۋمەن جۋىپ تازارتقاننان كەيىن، قابىعىن جۇقالاپ ارشىپ تاستاپ، جەمىسىن جىڭىشكەلەپ تۋراپ العان سوڭ ىدىسقا سالىپ، ۇستىنە لايىقتى مولشەردە اس تۇزى مەن ىستىق سۋ قۇيىپ، تاعىدا قاتتى ىسقىلاپ جۋىپ قىشقىل ءدامىن كەتىرىپ، ءسۇزىپ الىپ كەپتىرگەننەن كەيىن، ءبىرنەشە رەت شايقاپ جۋامىز. تازارتىپ جۋىپ،تۋراپ دايارلاپ العان يوۋزىنى قازانعا سالىپ، سۋ قۇيىپ، ازىراق مۇزقانت قوسىپ قازاننىڭ قاقپاعىن جاۋىپ، باياۋ وتتا قويىلعانعا دەيىن قايناتامىز. وسىلايشا دايارلانعان يوۋزى شايىن سۋىعاننان كەيىن لايىقتى مولشەردە بال قوسىپ ىشە بەرۋگە بولادى.

    سۋىق رايلى، قىشقىل ءدامدى يوۋزى جەمىسىنەن دايارلانعان شايدى ۇنەمى ءىشىپ تۇرعاندا، وكپەنى مايدالاپ، ىشەك جولدارىن تازالاپ، ىشتەگى ۋىتتى ايداۋدا تاماشا ونىمدىلىككە قول جەتكىزىپ، ۋىتتى زاتتاردىڭ دەنەگە كوپتەپ جىيىلىپ قالۋىنىڭ الدىن الۋعا بولادى. بۇدان سىرت، يوۋزى جەمىسىنىڭ قابىعىن قايناعان سۋعا بىقتىرىپ ىشسە، سەمىز ايەلدەردى دەنەسىندەگى ارتىق مايدان ارىلتادى.

    4 . ليمون شايى

    جاڭا پىسقان ءبىر تال ليموندى ەكىگە ءبولىپ، جارتىسىن الىپ قويامىزدا، قالعان جارتىسىن شىرىن ايىرعىش ماشىينكاعا سالىپ شىرىنىن ايىرىپ الىپ، وعان جىلىمان قايناعان سۋ قوسىپ ارلاستىرساق ليمون شايى ازىرلەنەدى؛ بۇل تۇردەگى شايدىڭ ءدامى قىشقىلتىم بولاتىندىقتان، ازىراراق بال قوسىپ ىشسەك بولادى.

    ليمون شايى دەنەدەگى مايدى ىدىراتاتىن تاماشا ىشىمدىك؛ ەگەردە دەنەگە ارتىق ماي جىينالىپ قالسا، دەنە اقاۋسىزدىعىن زياندايدى، سوندىقتان مايلى تاعامداردى ۇناتىپ جەيتىن ايەلدەردىڭ ۇنەمى لىيمون شايىن ءىشىپ تۇرۋلارىن ۇسىنىس ەتەمىز.

    قىس ماۋسىمىندا ايەلدەردىڭ دەنەدەگى ۋىتتى ايداۋ جولدارى

    1 . جەمىس-جىيدەكتەرمەن كوكونىستى ۇنەمى جەپ تۇرۋ

    جەمىس-جيدەكتەرمەن كوكونىستەردە تالشىق قۇرامى اسا مول بولاتىندىقتان، دەنەگە سىمىرىلگەننەن كەيىن، اشتى ىشەكتە ساقتالىپ قالعان ۋىتتى زاتتار تالشىققا جابىسىپ، ارلاسادى دا، ۇلكەن دارەتپەن بىرگە دەنە سىرتىنا ىعىسىپ شىعادى، وسى ارقىلى ۋىتتى ايداۋ ونىمدىلىگىنە جەتۋگە بولادى. سوندىقتان كۇندەلىكتى تۇرمىستا، ايەلدەر قاۋىمىن قىزىل بۇرىش، انار، قىزىلشا، ءزايتۇن، وزەكتى كوكونىس تەكتەس تالشىقتى كوكونىستەردى كوبىرەك جەۋىن ۇسىنىس ەتەمىز.

    2 . قايناعان سۋدى كوپ ءىشۋ

    ادام دەنەسى سۋدان ايىرىلا المايدى، دەنەدە سۋ جەتكىلىكتى بولعاندا عانا، دەنە ورگاندارى قالىپتى ايلانىسقا تۇسە الادى، دەنەدەگى ۋىتتى ايداۋ ۇشىندە سۋدىڭ جەتكىلىكتى بولۋى ايتپاساقتا تۇسىنىكتى؛ سوندىقتان تاڭەرتەڭ ورنىڭىزدان تۇرعاندا جانە جاتاردا ءسوزسىز قايناعان سۋ ءىشىپ تۇرۋىڭىز، ال كۇندىزدەرى قىزمەت ۇستەلىڭىزدە قايناعان سۋ تۇرۋىن ۇمىت قالدىرماعانىڭىز ءجون.

ساۋان قالالىق قوعام حاۋىپسىزدىك مەكەمەسى