5-كەزەكتى مەملەكەتتىك از ۇلتتار كوركەمونەر بايقاۋى تامىزدىڭ 16-كۇنىنەن قىركۇيەكتىڭ 14-كۇنىنە دەيىن وتكىزىلەدى
كەلۋقاينارى: | جاڭالانعان ۋاقىت: 2016-08-03

 

5-كەزەكتى مەملەكەتتىك از ۇلتتار كوركەمونەر بايقاۋىن ۇيىمداستىرۋ كوميتەتى مامىردىڭ 23-كۇنى اقپارات جاريالاۋ جينالىسىن اشىپ، مەملەكەتتىك ۇلتتىق ىستەر كوميتەتىنىڭ اقپارات مالىمدەمەشىسى، مادەنيەت ۇگىت مەكەمەسىنىڭ باستىعى ۋ سۇييىڭ ساياسي كەڭەستىڭ بەكىتۋىمەن، مەملەكەتتىك ۇلتتىق ىستەر كوميتەتى، مادەنيەت مينيسترلىگى، مەملەكەت اقپارات باسپا ٴسوز راديو-تەلەۆيزيا مەكەمەسى، بەيجيڭ قالالىق حالىق ۇكىمەتى باس بولىپ وتكىزگەن 5-كەزەكتى مەملەكەتتىك از ساندى ۇلتتار كوركەمونەر بايقاۋى بيىل تامىزدىڭ 16-كۇنىنەن قىركۇيەكتىڭ 14-كۇنىنە دەيىن بەيجيڭدە وتكىزىلەتىندىگىن جاريالادى.

 

تانىسترۋعا قاراعاندا 31 ولكەدەن كەلگەن اۆتونوميالى رايون، توتە قاراستى قالا مەن شينجياڭ ٴوندىرىس قۇرىلىس بيڭتۋانى، ورتالىق اسكەري ىستەر كوميتەتى ساياسي قىزمەت مينيسترلىگى سونداي-اق ورتالىق حالىق ۇكىمەتىنىڭ شياڭگاڭداعى بايلانىس كەڭسەسى مەن ورتالىق حالىق ۇكىمەتىنىڭ اۋمىنداعى بايلانىس كەڭسەسى قاتارلى 35 ۋاكىلدەر ۇيىرمەسىنىڭ 43 ٴتۇرلى ويىن نومىرىمەن وسى كەزەكتى قيمىلعا قاتىناسادى. بۇل 43 تۇردەگى تەاترلار باۋلي تەاترحاناسى، ۇلتتار تەاترحاناسى، تيان چياۋ تەاترحاناسى، ۇلتتار مادەنيەت سارايى تەاترحاناسى، مەملەكەتتىك درامما تەاترحاناسى، چاڭ ان تەاترحاناسى، مي لانفاڭ تەاترحاناسى، جۇڭگو تەاترحاناسى، تيان چياۋ كوركەمونەر ورتالىعى، عاسىر تەاترحاناسى قاتارلى جەرلەردە قويىلادى. قيمىلدىڭ بەلەتى ەڭ تومەنگى الەۋمەتتىك باعادا ساتىلىپ، مامىردىڭ 28-كۇنى بەلەت كەسىلەدى.

 

باستالۋ سالتىنداعى «گۇلدەنگەن جۇڭحۋا» اتىنداعى ساۋىق كەش حالىق سارايىندا وتكىزىلەدى، ساۋىق كەشتىڭ تاقىرىبى «جۇڭحۋا ۇلتتارى ٴبىر تۋىسقان، جۇڭگو ارمانىن ورتاق جاراتايىق» بولىپ، جەكە-جەكە تامىزدىڭ 17-كۇنى مەن 18-كۇنى ەكى مايدان قويىلادى. ساۋىق كەشتە جاقىنعى جىلدارداعى ٴار جەرمەن ورتالىق ۇلتتار ٴان-ٴبي ۇيىرمەسىنىڭ جاڭا تۋىندىلارى قويىلادى. جابىلۋ سالتىنداعى «تولعان اي» اتىنداعى ساۋىق كەش قىركۇيەكتىڭ 14-كۇنى كەشتە جيڭشي قوناقسارايىنىڭ زالىندا قويىلادى.

 

ۇعىسۋعا قاراعاندا بۇل جولعى كوركەمونەر بايقاۋىنىڭ تومەندەگىدەي بىرنەشە ەرەكشەلىگى بار.

 

ٴبىرى تۇردى كوبەيتۋ، ساپاسىن جوعارىلاتۋ. 43 تەاتردا ٴان-ٴبي ولەڭ، ٴبي تەاتر، ٴان-ٴبي تەاتر، بالەت ٴبيى، مۋزيكا كەشى، از ۇلتتار تەاترىنىڭ تۇرلەرى، حانزۋ ۇلتىنىڭ جەرگىلىكتى تەاتر، درامما، وپەرا قاتارلىلاردى قامتيدى. كوركەمونەر تۇرلەرى الدىڭعى كەزەكتەگى بايقاۋدان اسىپ كەتتى. اسىرەسە از ۇلتتاردىڭ تەاتر تۇرلەرى. ساپاسىنان العاندا كوپ تۋىندىلاردىڭ يدەيالىق، كوركەمونەرلىك جانە تاماشالاۋ جاعىندا جوعارى ورەگە جەتتى. جىلداعى بايقاۋمەن سالىسترعاندا از ۇلتتار قونىستانعان رايونداردىڭ قاتىناستىرعان ويىن نومىرلەرىنىڭ ساپاسىندا ايتا قالسىن ىلگەرلەۋشىلىكتەر بولىپ دامىعان رايوندارمەن بولعان پارقى ازايدى.

 

ەكىنشىدەن نەگىزگى ويى ايقىن، تاقىرىبى الۋان ٴتۇرلى. تاقىرىپ پەن مازمۇنىنان قاراعاندا، تاريحي، رەالدىق، وتان سۇيگىشتىككە يە، ۇلتتار ىنتىماعىن، از ۇلتتار بەيزاتتىق مادەنيەت مۇرا نىسانىن، جاپون شاپقىنشىلارىنا قارسى سوعىس پەن ازاتتىق سوعىستى، ٴبىر جول ٴبىر بەلدەۋ تاقىرىبىن بەينەلەگەن، از ۇلت باتىرلار داستانىن، بيڭتۋاندىقتاردىڭ شينجياڭنىڭ قۇرىلىسىنا ۇلەس قوسۋى، از ۇلت وقۋشىلارىنىڭ ىشكى ولكەدەگى ۇيرەنۋ مەن تۇرمىسىن بەينەلەگەن، شينجياڭعا باعىتتامالى كومەكتەسۋ نىساندارىن بەينەلەگەن كوركەمونەر بايقاۋى بولماق.

 

ۇشىنشىدەن، ساحىنالىق قاجەت كوزدە ۇستالعان. 43 تۇرلى ويىن نومىردىڭ مازمۇنىنان قاراعاندا ورتالىقتىڭ سەگىز تۇرلى بەلگىلەمەسى مەن شي جينپيڭ جولداستىڭ مادەنيەت كوركەمونەر قىزمەت ماجىلىسىندەگى ٴسوز رۋحىن دايەكتىلەندىرگەن، مۋزيكا، ٴبي، شىراق، كيىم جاعىندا سىراپشىلدىق جوق، قايتا قاجەتكە قاراي، وسىزامانعى عىلىم-تەحنيكا مەن ساحىنالىق كوركەمونەردى ۇشتاستىرىپ، تۋىندىنىڭ ايبىندىلىعىنا ەمەس تارتىمدىلىعىنا، تۋىندىنىڭ ىشكى جان دۇنيەسىن بايىتىىپ، كورەرمەندرەرگە ەستەتيكالىق ٴلاززات باعىشتاۋعا قاراي بەتالعان بايقاۋ بولماق.

 

تورتىنشىدەن، مەملەكەتتىك از ۇلتتار كوركەمونەر بايقاۋى مەملەكەتتىڭ زاڭدا بەلگىلەگەن مەملەكەتتىك از ۇلتتاردىڭ كولەمدى قيمىلدارىنىڭ ٴبىرى بولىپ، جىلىنا ٴبىر رەت وتكىزىلەدى. اقپارات جاريالاۋ جينالىسىندا قىسقا ۇگىت كەسكىندەرمەن بايقاۋدىڭ دايىندىعى مەن وتكىزىلۋ تاريحى تانىستىرىلدى. مەملەكەتتىك ۇلتتىق ىستەر كوميتەتى مادەنيەت ۇگىت مەكەمەسىنىڭ باستىعى ۋ سۇييىڭنىڭ تانىسترۋىنا قاراعاندا، مەملەكەتتىك از ۇلتتار مەملەكەتتىك از ۇلتتار كوركەمونەر بايقاۋى پارتيانىڭ ۇلتتىق ساياساتى مەن ۇلتتىق رايونداردىڭ مادەنيەت قۇرىلىستارىنىڭ جەمىستەرىن ايگىلەيتىن ساحىنا، از ۇلتتاردىڭ ماقتانىشى مەن سەنىمىن ايگىلەيتىن ساحىنا، ٴار ۇلت كوركەمونەر قىزمەتشىلەرىنىڭ قابىلەتىن ايگىلەيتىن ساحىنا، ونان دا ماڭىزدىسى جۇڭحۋا ۇلتتارى دەگەن ۇلكەن سەمياداعى ٴار ۇلتتاردىڭ ەتەنە كومەكتەسىپ، ىنتىماقتاسا ورتاق كۇرەس جاساپ، ورتاق گۇلدەنەتىن رەالدىقتىڭ ايناسى. سوندىقتان، اتالعان قيىمىلدى وتكىزۋدىڭ توتەنشە زور ساياسي جانە رەالدىق ٴمانى بار.

 

اقپارات جاريالاۋ جينالىسى كۇنى، بايقاۋدىڭ ارناۋلى تورابى، ارناۋلى ٴۇنحات تەكشەسى جاريالاندى. مەملەكەتتىك ۇلتتىق ىستەر كوميتەتىنىڭ ورىنباسار مەڭگەرۋشىسى لي چاڭپيڭ قيمىلدىڭ ارناۋلى تورابى مەن ٴۇنحات تەكشەسىنىڭ رەسىمي ىسكە قوسىلعانىن جاريالادى. بەيجيىڭ قالالىق كوميتەتى ۇگىت ٴبولىمنىڭ تۇراقتى ىستەر كوميتەتىنىڭ ورىنباسار مينيسترى ۋاڭ حايپيڭ، مادەنيەت، مەملەكەتتىك اقپارات، باسپا ٴسوز راديو-تەلەۆيزيا باس مەكەمەسىنىڭ قاتىستى باسشىلارى، ورتالىق جانە بەيجيىڭ قالاسىنداعى 40 تان استام مەديا تىلشىلەرى اقپارات جاريالاۋ جينالىسىنا قاتىناستى.

 

جاۋاپتى رەداكتور: 努丽霞提

بيجيڭ قالاسى فۋشيڭمىن سىرتقى كوشەسى 2-اۋلا جۇڭگو راديو تورابى پوچتا ءنومىرى:100866
تەلەفون:010-86090650 فاكىس:010-68045850
ەلەكتروندى پوچتا E-mail:hyb@cnr.cn
توراپتا تاراتىلاتىن دىبىس كەسكىن باعدارلامالارىنىڭ رۇحسات ءنومىرى 0102002
بۇل بەتتىڭ مەنشىك ۇقىعى جۇڭگو قازاق راديو تورابىنا تاۋەلدى ، كوشىرىپ ىستەتسەڭىز توراپ اتىن قوسىپ قويۋدى ۇمىتپاڭىز
ورتالىق حالىق راديو ستانسياسى باسپا ۇقىعى(C)
网上传播视听节目许可证号 京公网安备110102005709-5号 0102002 京ICP备05065762号