5-كەزەكتى مەملەكەتتىك از ۇلتتار ادەبيەت كوركەمونەر كونسەرتى شىمىلدىعىن اشتى
كەلۋقاينارى: جۇڭگو قازاق راديو تورابى| جاڭالانعان ۋاقىت: 2016-08-16


    ءوز حابارىمىز. ءبىر ايعا جالعاساتىن 5-كەزەكتى مەملەكەتتىك از ۇلتتار ادەبيەت كوركەمونەر كونسەرتى تامىزدىڭ 16-كۇنى كەشتە بەيجيڭدە شىمىلدىعىن اشتى. وسى رەتكى قيمىلدى مەملەكەتتىك ۇلتتىق ىستەر كوميتەتى، مادەنيەت مينسترلىگى، مەملەكەتتىك احبارات باسپا ءسوز راديو كينو تەلەۆيزيا باس مەكەمەسى، بەيجيڭ قالالىق حالىق ۇكىمەتى بىرلىكتە ۇيىمداستىرعان.


    20-عاسىردىڭ 60-جىلدارىندا، «مۇز تاۋدان كەلگەن قوناق» اتتى فيلىم بۇكىل ەلىمىزگە ايگىلى بولىپ، وندا ايگىلەنگەن قويۋ ۇلتتىق سۇيىسپەنشىلىك نەشە ۇرپاق ادامدارعا اسەر ەتتى. تامىزدىڭ 16-كۇنى كەشكى ساعات جەتى جارىمدا وسى كينوفيلىمنىڭ تياترعا وزگەرتىلىپ قويىلىپ، «گۇل نەگە سونشا قىزىلسىڭ» ، «ساپتاستى ەسكە الۋ» سىياقتى تاماشا ءان اۋەندەرى بەيجيڭ قالاسىنىڭ باۋلي تياترحاناسىندا شىرقالدى. رەجيسسەر چىن شينيي بىلاي دەدى: بۇل شىعارمادا تەكە تىرەس سوعىس ارقىلى كىرشىكسىز ماحابات، ۇلى دوستىق، وتان ءۇشىن وتقا تۇسۋدەن تايىنباعان جاۋىنگەرلەردىڭ جانقيارلىق رۋحى ايگىلەگەنەدى. سوندىقتان، بۇل تۋىندى ماڭگىلىك قۇنعا يە.


    ازاتتىق ارميا وكىلدەر ۇيىرمەسىنىڭ ءان بي ساۋىق كەشى «الىنباس قامال» ارقىلى كەزەكتى قيمىلدىڭ شىمىلدىعى اشىلدى. تامىزدىڭ 16-كۇنىنەن قىركۇيەكتىڭ 13-كۇنىنە دەيىن بۇكىل ەلىمىزدەگى ءار قايسى ولكە، اۆتونوميالى رايون، توتە قاراستى قالادان 43 مايدان تياتر بەيجيڭ قالاسىنداعى ءار قايسى تياترحانالاردا قويىلادى. مەملەكەتتىك ۇلتتىق ىستەر كوميتەتى ۇگىت باسقارماسى باستىعىنىڭ ورىنباسارى لي جىۋي بىلاي دەدى: بۇل تۋىندىلاردىڭ بارلىعى ەرەكشە سارالاۋدان وتكەن. يدەيالىق جانە كوركەمونەرلىك سيپاتى ايىرىقشا كۇشتى.


    قيمىل كەزىندە، شينجياڭ وكىلدەر ۇيىرمەسى «مۇقام ساداسى» ، شيزاڭ وكىلدەر ۇيىرمەسى زاڭزۋ تياترى، ىشكى موڭعۇل وكىلدەر ۇيىرمەسى «ساحاراداعى ۇلانمۋچي»، جيلين وكىلدەر ۇيىرمەسى «اليلاڭ گۇلى» سىياقتى كوركەمونەر تۋىندىلارىن كورەرمەندەرگە ۇسىنادى. مۇنان تىس ءان ءبي تياترى، درامما، جۋاڭزۋ تياترى سىياقتى جەرلىك ەرەكشەلىكتەگى ءداستۇرلى تياترلار دا بەيجيڭدەگى ءار قايسى تياترحانالاردا قويىلادى.



اۋدارعان: شالقار قازەز ۇلى

جاۋاپتى رەداكتور: 达吾力别克

بيجيڭ قالاسى فۋشيڭمىن سىرتقى كوشەسى 2-اۋلا جۇڭگو راديو تورابى پوچتا ءنومىرى:100866
تەلەفون:010-86090650 فاكىس:010-68045850
ەلەكتروندى پوچتا E-mail:hyb@cnr.cn
توراپتا تاراتىلاتىن دىبىس كەسكىن باعدارلامالارىنىڭ رۇحسات ءنومىرى 0102002
بۇل بەتتىڭ مەنشىك ۇقىعى جۇڭگو قازاق راديو تورابىنا تاۋەلدى ، كوشىرىپ ىستەتسەڭىز توراپ اتىن قوسىپ قويۋدى ۇمىتپاڭىز
ورتالىق حالىق راديو ستانسياسى باسپا ۇقىعى(C)
网上传播视听节目许可证号 京公网安备110102005709-5号 0102002 京ICP备05065762号