جاپالى كۇرەس جاساعان بەس جىل
كەلۋقاينارى: |جاۋاپتى رەداكتور: | جاڭالانعان ۋاقىت:2017-05-27 10:49:00

 

    ٴوز حابارىمىز: حيلۇڭجياڭ ولكەسى سۇيبين اۋدانى بەيشان اۋىلىنىڭ گۋچىڭ قىستاعى كەزىندە كەدەي قىستاق بولاتىن، قىستاق 2015-جىلى كەدەيلىك قامتىنان قۇتىلدى. الايدا قىستاقتا جالعىزىلىك قارتتار كوپ، جاسى ۇلعايعاندار ەڭبەك قۋاتىنان ايىرىلعاندىقتان، اۋرۋ سەبەبىنەن قايتا كەدەيلەستى. ەندەشە ولار قانداي ٴادىستى تاڭداعاندا ٴوز تۇرمىسىن قامتاماسىزداندىرا الادى؟ جاپالى كۇرەس جاساعان بەس جىل--كەدەيلەردى دالمە-ٴدال سۇيەمەلدەۋ بويىنشا قىستاققا تۇسكەندەر ەستەلىگىنىڭ «قىستاعىمىزداعىلار دا جارناگەرگە اينالدى» دەگەن توعىزىنشى ٴبولىمى مامىر ايى گۋچىڭ قىستاعىنداعى ەڭ قاربالاس مەزگىل، قىستاق تۇرعىندارى جەر تەگىستەپ، كۇرىش مايساسىن وتىرعىزىپ، تاڭ اتقاننان كەش باتقانعا دەيىن اتىز باسىندا بولادى.

 

گۋچىڭ قىستاعىندا ٴار ادامعا جەر 15 مۋدان تۋرا كەلەدى. قاعيدا بويىنشا، قىستاقتاعى جالعىز-جارىم قارتتار ەڭبەك قۋاتىنان ايىرىلسادا، جەردى وتكەرمەلەپ بەرگەندەگى كىرىستەن پايدالانىپ كەدەيلىكتەن ارىلۋىنا بولاتىن ەدى. الايدا قارتتار ناۋقاستاناتىن بولسا، ۇزاق ۋاقىت ٴدارى-دارمەك ىشۋىنە، ەمدەلۋىنە تۋرا كەلەدى دە، قايتادان كەدەيلەسەدى. سۇيبين اۋدانى كەدەيلەردى سۇيەمەلدەۋ كەڭسەسىنىڭ مەڭگەرۋشىسى لي حۋالين بىلاي دەدى: قىستاعىمىز جونىنەن العاندا، تاقىر كەدەيلەردىڭ نەگىزىنەن ەڭبەك قۋاتى جوق، ونىڭ ۇستىنە ناۋقاس، تاپقانى تاماعىنا جەتپەيدى.

 

جالعىز جارىم قارتتاردى كەدەيلىكتەن قۇتىلدىرۋ قيىن ٴتۇيىن، سوندىقتان دالمە-ٴدال سۇيەمەلدەۋدى، ولاردى سۇيەمەلدەۋگە ۇيلەسەتىن ٴادىس قاراستىرۋدى قاجەت ەتەدى. گۋچىڭ قىستاعى جينچيۋ ەگىمشىلىك كوپەراتيۆى بىنجا ماي تارتۋ شەبەرحاناسىنىڭ جابدىعى كونەرىپ، جاڭالاۋعا تۋرا كەلگەن. 200 نەشە مىڭ يۋاندىق قارجى سۇرانىسى سەلبەستىك كوپەراتيۆتى تىعىرىققا تىرەدى. ٴبىر جاعىنان ونىمدىلىگى جاقسى ماي تارتۋ شەبەرحاناسىندا قارجى كەمشىل بولسا، ەندى ٴبىر جاعىنان جالعىز-جارىم قارتتارعا ۇيلەسەتىن اۋقاتتاندىرۋ نىسانى بۇعان سايما-ساي كەلىپ، ەكى جاق ٴوزارا كەلىستى، كوپەراتيۆتىڭ القا مەڭگەرۋشىسى ياڭ جىجين: قازىر ماي تارتاتىن شەبەرحانانىڭ جارناگەرلەرى بەس التاۋ، ونىڭ بارلىعىنىڭ جاسى الپىستان اسقان. جارنا قوسۋدا جاسى ۇلعايعان، جۇمىس ىستەي المايتىن جاعداي ويلاستىرىلدى، جارنا قوستىرۋ ارقىلى ولاردى كەدەيلىكتەن قۇتىلدىرىپ، كىرىستەرىن ارتتىرۋعا بولادى،-دەدى.

 

63 جاستاعى گۋان ليانجۇن ماي تارتاتىن شەبەرحانانىڭ جارناگەرلەرىنىڭ ٴبىرى. زايبىنىڭ دەنساۋلىعى ناشار بولعاندىقتان، ەمدەلۋگە كوپ قاراجات كەتەدى. گۋان ليانجۇن بىلتىر جان-جاقتان قارىز قۇراپ، 30 مىڭ يۋان جيناپ، سەلبەستىك كوپەراتيۆىنە تاپسىردى. ول بىلاي دەدى: جاسىمىز ۇلعايعاننان كەيىن، قايسى جۇمىس وڭاي بولسا، سونى ويلاسىپ، اقشا تابۋدى قاراستىرامىز، ونىڭ ۇستىنە جارنا قوسساق پايدا الۋعا بولادى. بۇدان كەيىن ەشتەڭە ىستەي الماساق تا ازعانتاي جارنامىزعا سۇيەنەمىز.

 

بەيشان اۋىلىنىڭ ورىنباسار باستىعى شۋە گۋاڭبيڭ ەسەپ جاساپ بىلاي دەدى: بازاردا بۇرشاق مايى 7 دە 8 يۋانعا ساتىلادى، جينچيۋ بىنجا ماي تارتاتىن شەبەرحاناسىندا بۇرشاق مايىنىڭ ٴبىر جىڭى 15 يۋانعا ساتىلادى، بۇل بازارداعىدان ٴبىر ەسە قىمبات، ونىڭ ۇستىنە ساتىلىمى دا جاقسى. بىلتىر جىل سوڭىنان دەيىن قازىرگە دەيىن ٴونىمى ايتارلىقتاي بولدى. ٴبىر وتباسى مولشەرمەن 30 مىڭ پايدا الادى.

 

جاڭا جابدىق اۋىستىرعاننان كەيىن، سەلبەستىك كوپەراتيۆىنىڭ جۇمىس قارقىنى تەبىندەي ٴتۇستى. جارناگەرلەر كوكتەمگى ەگىس اياقتاعاننان كەيىن، سارى بۇرشاق جيناۋدى اقىلداستى، تاعى بىرەۋلەر بيىل سارى بۇرشاقتى كوبىرەك ەگىپ، ماي تارتاتىن شەبەرحانانى قامداۋدى جوسپارلادى.

 

اۋدارعان: گۇلنۇر قابىلقاق قىزى