ج ك پ ورتالىق كوميتەتى ساياسي بيۋرو ءماجىلىسىن اشىپ، كوز الداعى شارۋاشىلىق جاعداي مەن شارۋاشىلىق قىزمەتتەرگە تالداۋ جاساپ زەرتتەدى، ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
كەلۋقاينارى: |جاۋاپتى رەداكتور: | جاڭالانعان ۋاقىت:2017-07-25 10:02:00

 

    ءوز حابارىمىز: ج ك پ ورتالىق كوميتەت ساياسي بيۋروسى شىلدەنىڭ 24 ـ كۇنى ءماجىلىس اشىپ، كوز الداعى شارۋاشىلىق جاعدايعا تالداۋ جاساپ زەرتتەپ، سوڭعى جارىم جىلداعى شارۋاشىلىق قىزمەتتەردى ورنالاستىردى، ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

 

ماجىلىستەگىلەر بىلاي دەپ قارادى: جىل باسىنان بەرى شارۋاشىلىقتىڭ دامۋىندا ورنىقتى جاقسارعان اۋقىم ساقتالدى. الدىڭعى جارىم جىلدا شارۋاشىلىق اينالىمى ۇيلەسىمدى دەڭگەيدە، نەگىزگى كورسەتكىشتەر مەجەدەگىدەن جاقسى بولدى، قالا ـ قالاشىقتاردا كاسىپتەنۋ ورنىقتى ارتتى، قازىنا كىرىسى، كاسىپورىن پايداسى جانە تۇرعىندار كىرىسى ءبرىشاما تەز جوعارىلادى، ساپا ونىمدىلىگى قايتا كوتەرىلدى. زات باعاسى جالپى تۇلعالىق جاقتان ورنىقتى بولدى. تۇتىنۋ قاجەتسىنۋىنىڭ شارۋاشىلىقتىڭ ارتۋىنا تۇرتكىلىگى ۇدەي ءتۇستى، وڭىرلىك سايكەستىكتەگى بىرلەسپە ارەكەتتەن ىقپال كورىنە باستادى، «ءبىر بەلدەۋ، ءبىر جول» قۇرىلىسى، بەيجيڭ ـ تيانجين ـ حىبيدى سايكەستى دامىتۋ، چاڭجياڭ شارۋاشىلىق بەلدەۋىن دامىتۋداي 3 ۇلكەن ستراتەگيا ىشكەرىلەي اتقارىلدى، كەدەيلىكتەن قۇتىلدىرۋدان قامال الۋدا ناتيجە كورنەكتى بولدى، ەكولوگيانى قورعاۋ، ورتانى وڭاۋدا تىڭ ىلگەرىلەۋشىلىكتەر بولدى.

 

ماجىلىستە مىنالار اتاپ ايتىلدى: ناتيجەلەردى تولىق تۇراقتاندىرۋمەن بىرلىكتە، شارۋاشىلىق اينالىمىندا قايشىلىقتار مەن ماسەلەلەر ءالى دە نەداۋىر ساقتالىپ وتىرعاندىعىن دا سەرگەكتىكپەن كورە ءبىلۋ، سەرگەكتىكتى ساقتاۋ جانە ستراتەگيالىق بەكىمنەن اينىماۋ، قامداۋ قۇرىلىمدىق رەفورماسىن بۇلجىتپاي مىقتى يگەرە بەرۋ، زور حاۋىپ قاتەر كىناراتتارىن ۇيلەسىمدى ارىلتىپ، شارۋاشىلىق پەن قوعامدى ۇلاسپالى اقاۋسىز دامىتا بەرۋ كەرەك.

 

ماجىلىستە مىنالار باسا ايتىلدى: سوڭعى جارىم جىلداعى قىزمەتتەردى ويداعىداي ىستەۋ، ورنىقتىلىقتى ساقتاپ العا باسا بەرۋدەي قىزمەت جالپىلىق ريتىمىنەن ايرىلماۋ، بەلسەندى قازىنا ساياساتى مەن ورنىقتى اقشا ساياساتىن ويداعىداي اتقارۋ، جالپى قاجەتسىنۋدى ۇيلەسىمدى ۇلعايتۋ، مەجەلى مەرزىمدىك جەتەكتى كۇشەيتۋ؛ قامداۋ قۇرىلىمدىق رەفورماسىنىڭ ىشكەرىلەۋىنە، جۇيە سيپاتىندىق فينانىس قاتەرىن تۋعىزباۋداي سوڭعى شەپتى ساقتاي بەرۋگە كەپىلدىك ەتۋ كەرەك.

 

ماجىلىستە مىنالار تالاپ ەتىلدى: جەر جەرلەر مەن تاراۋلار پارتيا ورتالىعى بەلگىلەگەن زور ساياسات ـ باعىتتارى بۇلجىتپاي اتقارۋ كەرەك. قىزمەتتەردى دەن قويا، زەر سالا ىستەۋ،ساياساتتىق كۇش بىرلىك قالىپتاستىرۋ، شەگەلىك رۇحتى، اتقارۋ قابىلەتىن ۇزدىكسىز ساۋلەلەندىرۋ كەرەك.

 

ماجىلىستە مىنالار باسا ايتىلدى: ‹‹ءۇشتى ارىلتۋ، ءبىردى تومەندەتۋ، ءبىردى تولىقتاۋدى›› ىشكەرىلەتە ءتۇسۋ، قاڭقاسى عانا قالعان كاسىپورىنداردى ءبىر جايلى ەتۋدەي بۇيدانى مىقتى ۇستاۋ، بازار مەحانىزىمىنەن كوپتەپ پايدالانىپ ۇزدىكتەردى ۇكىلەي، ناشارلاردى ەكشەي بەرۋ كەرەك. جەرلىك ۇكىمەتتەردى ۇزاقتان جينالعان قارىز باسۋ قاتەرىن بەلسەنە ۇيلەسىمدى ارىلتۋ، قارىزدار كومەسكىدە كوبەيۋ جاعدايىن ءسوزسىز تيۋ كەرەك. فينانىستىق قىزمەت وتەيتىن ناق شارۋاشىلىق تۇلعالاردىڭ ونىمدىلىگى مەن ورەسىن جوعارىلاتۋ كەرەك. قورا جاي بازارىن ورنىقتىرۋ، ساياساتتىڭ ورنىقتى ۇلاسىمىن وزگەرتپەۋ،باياندى مەحانىزىم ورناتۋدى جەدەلدەتۋ كەرەك. شەتەل قارجىسىنىڭ بازارعا كىرۋىن ۇلعايتۋ، تيجارات ورتاسىنىڭ قارجىگەرلەرگە باۋرامىن كۇشەيتۋ كەرەك. حالىق تۇرمىسى قىزمەتىنە وسكەلەڭ ءمان بەرۋ، كاسىپتەنۋدى بەلسەنە جەبەۋ، قيىنشىلىقتاعى بۇقارانىڭ ءوندىرىستە، تۇرمىستا ۇشىراتقان قيىنشىلىقتارى مەن ماسەلەلەرىن شەشۋگە شىنداپ كومەكتەسۋ كەرەك.

 

اۋدارعان: قاناتبەك جۇماباي ۇلى