جۇڭگو قۇمدىق ساياحات وداعى «قۇمدىقتاعى سۋ قالاسى» نيڭشيا حۇيزۋ اۆتونوميالى رايونىنىڭ جۇڭۋي قالاسىندا قۇرىلدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-07-26 17:01:00

 

    شينحۋا اگەنتتىگىنىڭ حابارى: جۇڭگو قۇمدىق ساياحات وداعى 25-شىلدە كۇنى «قۇمدىقتاعى سۋ قالاسى» نيڭشيا حۇيزۋ اۆتونوميالى رايونىنىڭ جۇڭۋي قالاسىندا قۇرىلدى. وسى وداق حالىقارالىق قۇمدىق ساياحات كوزەۋلى جەرىن قالىپتاستىرۋدى نىسانا ەتىپ، ەلىمىزدىڭ قۇمدىق ساياحاتىنىڭ بىرلەسپە دامۋىن، بۇرىلىس جاساپ ساپالانۋىن، ونىمدىلىگىنىڭ جوعارىلاۋىن جەبەيدى.

 

ٴارقايسى قۇمدىق كورىنىس رايوندارىنىڭ ىقپالداستىعىن كۇشەيتۋ، بايلىقتان ورتاق پايدالانۋ، ۇگىتتە ٴوزارا تيىمدىلىك جاساۋ، ساياحاتشى قاينارىن ٴوزارا تانىستىرۋ، ينفورماتسيادان ورتاق يگىلىكتەنۋ، ماركانى بىرلىكتە جاراتۋ ٴۇشىن، نيڭشيا ساياحاتتى دامىتۋ كوميتەتى مەن جۇڭۋي قالالىق ساياحاتتى دامىتۋ كوميتەتىنىڭ باستاماشىلدىق ەتۋىندە، نيڭشيا، گانسۋ، ىشكى مۇڭعۇل، شينجياڭ قاتارلى ٴتورت ولكە، اۆتونوميالى رايون نەگىزگى قۇمدىق ساياحات كورىنىس رايوندارىنىڭ ۋاكىلدەرى جۇڭگو قۇمدىق ساياحاتى قوعامىن بىرلىكتە قۇردى.

 

ۇعىسۋعا قاراعاندا، وداق «بايلىقتان ورتاق يگىلىكتەنۋ، ٴابىزالدىلىقتى ٴوزارا تولىقتاۋ، ٴوزارا پايدا جەتكىزىپ، ٴبىر-بىرىنە تيىمدىلىك جاساۋ، دامۋ تابىستارىنان بىرلىكتە پايدالانۋ» پرينسىبىن كوزدە ۇستاي وتىرىپ، قۇمدىق ساياحاتى مەن قاتىستى سالالارداعى ساۋدا فورماسىندا جاڭالىق جاراتۋ، وداققا مۇشە ٴارقايسى ورىندار ارا ٴابىزالدىلىقتى ٴوزارا تولىقتاۋ، بايلىقتى ورتاق پايدالانۋ قاتارلى فورمالار ارقىلى، ەلىمىزدىڭ قۇمدىق ساياحاتىندا ەگەي رايون مەن تاڭداۋلى ساياحات قالاسى ماركاسىن جاراتۋعا كۇش سالادى.

 

اۋدارعان: گۇلنۇر قابىلقاق قىزى