مەملەكەتتىك اۋىل شارۋاشىلىق مەڭگەرمە-مەكەمە باستىقتارىنىڭ اڭگىمە ماجىلىسى اشىلدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-07-26 17:01:00

 

    شينحۋا اگەنتتىگىنىڭ حابارى: ٴتىلشى تاياۋدا اۋىل شارۋاشىلىق مينيسترلىگى وتكىزگەن مەملەكەتتىك اۋىل شارۋاشىلىق مەڭگەرمە-مەكەمە باستىقتارىنىڭ اڭگىمە ماجىلىسىنەن مىنانى ۇعىستى: اۋىل شارۋاشىلىق مينيسترلىگى، مەملەكەتتىك دامۋ-رەفورما كوميتەتى قاتارلى قاتىستى تاراۋلار سوڭعى جارىم جىلدا جەرلىك ەرەكشەلىكتەگى اۋىل شارۋاشىلىق ونىمدەر ٴابىزالدىلىعى بار رايونداردى باعالاۋ ولشەم جۇيەسىن بەلگىلەيدى، ٴارى ٴوتىنىش بەرۋ قىزمەتىن ورىستەتىپ، مەملەكەت دارەجەلى جەرلىك ەرەكشەلىكتەگى اۋىل شارۋاشىلىق ونىمدەر ٴابىزال رايونىن جوعارى باستامامەن، جوعارى ولشەممەن جانە جوعارى دەڭگەيمەن قۇرىپ، «جۇڭگودا ٴبىرىنشى، دۇنيەدە ايگىلى» جەرلىك ەرەكشەلىكتەگى ٴبىر توپ اۋىل شارۋاشىلىق ونىمدەر ماركاسىن جاراتادى.

 

اۋىل شارۋاشىلىق مينيسترى حان چاڭفۋ وسى رەتكى ماجىلىستە مىنانى ايتتى: جەرلىك ەرەكشەلىكتەگى اۋىل شارۋاشىلىق ونىمدەرىندە ٴابىزال رايونداردىڭ ىشىندە، شارۋاشىلىق ونىمدىلىگى جاقسى، ىقپالداستىق قۋاتى كۇشتى جاڭا تيجارات تۇلعاسىن جەتىلدىرىپ، جەرلىك ەرەكشەلىكتەگى اۋىل شارۋاشىلىعىنىڭ ٴبىر توپ وڭىرلىك الەۋمەتتىك ماركاسى، كاسىپورىن ماركاسى جانە ٴونىم ماركاسى جاراتىلىپ، ەلىمىزدىڭ جەرلىك ەرەكشەلىكتەگى اۋىل شارۋاشىلىق ٴونىمدەرىنىڭ ٴونىم ٴابىزالدىلىعى، كاسىپ ٴابىزالدىلىعى جانە باسەكەلىك ٴابىزالدىلىعى جوعارىلاتىلىپ، قالا-اۋىل تۇرعىندارىنىڭ الۋان ٴتۇرلى تۇتىنۋ سۇرانىسى بارىنشا قاناعاتتاندىرىلادى.

 

اۋدارعان: گۇلنۇر قابىلقاق قىزى