شي جينپيڭ 19 ـ كەزەكتى حالقارالىق وسىمدىكتەر عىلمي قۇرىلتايى اشىلعاندىعىن حات ارقىلى قۇتتىقتادى، لي كىچياڭ نۇسقاۋ بەردى جانە قۇتتىقتادى
كەلۋقاينارى: |جاۋاپتى رەداكتور: | جاڭالانعان ۋاقىت:2017-07-25 10:03:00

 

    ءوز حابارىمىز: مەملەكەت ءتوراعاسى شي جينپيڭ شىلدەنىڭ 24 ـ كۇنى 19 ـ كەزەكتى حالقارالىق وسىمدىكتەر عىلمي قۇرىلتايىنا حات جولداپ، قۇرىلتايدىڭ اشىلعاندىعىن قۋانىشپەن قۇتتىقتاپ، قۇرىلتايعا قاتناسقان ءار ەل ماماندارى مەن وقىمىستىلارىنا ىقىلاستى سالەم ايتتى.

 

شين جينپيڭنىڭ قۇتتىقتاۋ حاتىندا مىنالار ناقتاپ ايتىلعان: وسىمدىكتەر جەر شارىنىڭ تىرشىلىك ورتاسىنا تەرەڭ ىقپال ەتۋدە. جۇڭگو ـ جەر شارىنداعى وسىمدىك تۇرلەرى ەڭ مول مەملەكەتتەردىڭ ءبىرى. تاياۋ جىلداردان بەرى، جۇڭگو كۇرىش جەتىلدىرۋ، گەن قۇراستىرۋ، جەتىلىم بيولوگياسى، بيو تەحنيكا قاتارلى سالالاردا الەم نازارىن اۋدارعان تابىستارعا قول جەتكىزدى. جۇڭگو الداعى كەزدەردە ەكولوگيالىق وركەنيەت قۇرىلىسىن كۇشەيتە تۇسەدى، وسىمدىكتەر عىلمي زەرتتەۋىندەگى حالقارالىق اۋىس ـ كۇيىس پەن سەلبەستىكتى كەڭ ورىستەتىپ، جەر شارى سىندى ادامزاتقا ورتاق مەكەندى ورتاق قورعايدى.

 

شي جينپيڭ وسى كەزەك قۇرىلتايعا قاتناسقان ءار ەل ماماندارى مەن وقىمىستىلارىنان اۋىس ـ كۇيىس پەن سۇحپاتتى جيىلەتىپ، تىرشىلىك يەلەرىنىڭ الۋاندىعىن قورعاۋدى كۇشەيتۋگە، ەكولوگياعا زالالسىز دامۋعا بەلسەنە ۇلەس قوسۋدى ءۇمىت ەتتى.

 

مەملەكەتتىك كەڭەس زۇڭليى لي كىچياڭ قۇرىلتايعا ماڭىزدى نۇسقاۋ بەردى جانە قۇتتى بولسىن ايتتى. ونىڭ نۇسقاۋىندا مىنالار ناقتاپ ايتىلدى: جۇڭگو ۇكىمەتى جاڭالىق جاراتۋ، سايكەسىمدىلىك، ەكولوگياعا زالالسىزدىق، اشىق ۇستاۋ، ورتاق يگىلىكتەنۋدەي جاڭا دامۋ كوزقاراسىن مىقتاپ ورناتىپ، ەكولوگيالىق وركەنيەت قۇرىلىسىن كورنەكتى ستراتەگيالىق ورىنعا قويادى، قۇرىلتايدان «ەكولوگياعا زالاسىز بولاشاق جاراتۋ» تاقىرىبىن توڭىرەكتەپ، تەرەڭدەي اۋىس ـ كۇيىس جاساپ، ءوزارا وي سالىپ، ورتاق تانىم قالىپتاستىرۋدى ءۇمىت ەتەمىن.

 

19 ـ كەزەكتى حالقارالىق وسىمدىكتەر عىلمي قۇرىلتايى شىلدەنىڭ 24ـ كۇنى گۋاڭدوڭ ولكەسىنىڭ شىنجىن قالاسىندا اشىلدى. جۇڭگو، ا ق ش، رەسەي، انگليا، گەرمانيا، فرانسيا قاتارلى 100 گە تارتا مەملەكەتتەر مەن رايونداردان كەلگەن ماماندار مەن وقىمىستىلاردان 6000 ادام ماجىلىسكە قاتناستى.

 

اۋدارعان: قاناتبەك جۇماباي ۇلى