«19-قۇرىلتاي شۋاعى» شياڭگاۋ قىستاعىندا بولعان شىت جاڭا وزگەرىستەر
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2017-10-13 18:03:00


    شينحۋا اگەنتتىگىنىڭ حابارى: ناۋ رىجيا گانسۋ گاننان زاڭزۋ اپتونوميالى وبىلىسى شياحى اۋدانى چۇي-اۋ اۋىلى شياڭگاۋ قىستاعىنىڭ پارتيا ياچايكا شۋجيى، قىستاق تۇرعىندارىنىڭ تالابى بويىنشا ول ٴبىرقانشا كۇننەن بەرى باسقالارمەن بىرگە قىستاق كوميتەتىنىڭ ٴماجىلىس كەڭسەسىن تازالاپ، ۇستەل، ورىندىقتاردى تولىقتاپ، توراپ جولدارىن تەكسەرىپ، كوپشىلىكتىڭ 19-قۇرىلتاي اشىلعاننان كەيىن ناق مايدان تارالىمىن كورۋىنە قولايلىق جاساۋمەن قاربالاس ەدى.


    ول ٴماجىلىس كەڭسەسىنىڭ قابىرعاسىنا ىلىنگەن قىستاقتىڭ بۇرىنعى بەت-بەينەسى مەن قازىرگى وزگەرىسى سالىسترىلعان سۋرەتتى تىلشىگە كورسەتىپ تۇرىپ: پارتيا ورتالىعى بۇقارانى ساياسات ارقىلى ۇزدىكسىز باقىتتى تۇرمىسقا كەنەلتىپ عانا قويماي، توقتاۋسىز قامقورلىق جەتكىزدى، -دەدى.


    شياڭگاۋ قىستاعى گاننان زاڭزۋ اپتونوميالى وبىلىسىنىڭ سولتۇستىگىندەگى شەكارا قىستاق. قىستاقتاعى 300 دەن ارتىق وتباسىنىڭ %80 ى زاڭزۋ ۇلتى، %20 ى حۇيزۋ جانە حانزۋ ۇلتى. ٴبىرقانشا جىلدىڭ الدىندا بۇل ارا كوپ ۇلت قونىستانعان كەدەي قىستاق بولىپ، ادام مەن مال ارالاس تۇراتىن دا توزىعى شىققان ۇيلەر مەن قوقىر-قوقسىقتان اياق الىپ جۇرۋ مۇمكىن بولماي، كەدەيلەسۋ سالىسترماسى %30 ۇستىندە بولاتىن.


    پارتيا 18-قۇرىلتايىنان بەرى كوركەم اۋىل قىستاق قۇرىلىسى، جاڭاشا اۋىل-قىستاق قۇرىلىسى، كەدەيلەردى ٴدال سۇيەمەلدەۋ قاتارلى قىرۋار ساياساتتار وسى شاعىن قىستاققا تولاسسىز وزگەرىستەر الا كەلدى. 2015-جىلدان باستاپ گاننان وبىلىسى زاڭزۋلار قونىستانعان رايوننىڭ ورتا تازالىعىن وڭاۋدان باستاپ قىزمەتكە كىرىسىپ، بۇقارانىڭ ٴداستۇرلى ٴوندىرىس ٴادىسىن وڭاپ، ەكولوگيالىق وركەنيەتى دوڭگەلەك داۋلەتتى ورەگە جەتكەن قىستاق بولۋداي باياندى دامۋ جولىمەن جۇردى.


    ورتالىق جانە جەرلىك قازىنا 2015-جىلى شياڭگاۋ قىستاعىنا ون ميلليون يۋاننان ارتىق قارجى قوسىپ، قىستاق بەت-بەينەسى شىت جاڭا بەينەگە ەندى، قىستاق دارەجەلى كوللەكتيۆ ساياحات كاسىبى كۇش سالا دامىتىلىپ، سول جىلى ون مىڭنان ارتىق ساياحاتشى باۋراپ، قىستاق تۇرعىندارىنىڭ كىرىسى ۇقساس مەزگىلدەگىدەن ٴبىر ەسەگە تاياۋ ارتتى.


    ناۋ رىجيا بىلاي دەدى: شياڭگاۋ قىستاعىنىڭ بيىلعى ساياحات كىرىسى 5 ميلليون يۋاننان استى. كەلەر جىلى قىستاققا مىڭنان ارتىق ادام قابىلدايتىن قوناقجاي سالىنىپ، ساياحات كىرىسىن ون ميلليون يۋاننان اسىرۋ جوسپارلانۋدا. 19-قۇرىلتاي اشىلعاننان كەيىن جاڭا ساياساتتاردىڭ شىعۋىنا بايلانىستى اۋقاتتانۋ قادامىمىزدىڭ تىپتى دە ارىندى بولاتىندىعىنا سەنەمىن.


    اۋدارعان: گۇلميرا قوزىقان قىزى