«نەگىزگى ساتى ۋاكىلدەرىنىڭ ٴۇنى» ۋاكىل لان جيڭفىن: جاسىل تاۋ-كوك وزەن ٴتىپتى دە كوركەم بولادى،-دەدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2017-10-18 17:57:00

    حالىق گازەتىنىڭ حابارى: ۋاكىل لان جيڭفىن جىجياڭ ولكەسى لي شۋي قالاسى جيڭ نيڭ شى زۋ اۆتونوميالى اۋدانىنىڭ داجي اۋىلىنان كەلگەن. تىلشىلىكتى قابىلداعاندا ول قۋانىپ تۇرىپ بىلاي دەدى: لي شۋي جەرى تاريحتان بەرى كوركەمدىگىمەن جۇرتقا تانىلعان، ال داجي قىستاعى تاۋ قويناۋىندا، قىستاعىمىزعا بارعان ساياحاتشىلار تاۋى جاسىل، وزەنى تۇنىق، ەكولوگياسى جانعا جايلى، قالا شۋىلىنان الىس «ٴجاننات مەكەن» ەكەندىگىنە تامسانباي قايتپايدى.


    ول تانىستىرىپ بىلاي دەدى: 5 جىلدىڭ الدىندا داجي اۋىلى مۇنداي ەمەس بولاتىن. تاۋ قويناۋىنداعى شەتكەرى-شالعاي جەر بولعاندىقتان ٴداستۇرلى ٴارى بىتىراندى ەگىمشىلىك پەن باعىمشىلىقتان تۇسەتىن پايدا از بولىپ تۇرعىنداردىڭ كوبى سىرت جەرلەرگە جۇمىس ىزدەپ كەتكەن؛ سول كەزدە قوقىر-قوقسىقتار مەن ىلات سۋلار اۋىل-قىستاق ورتاسىن بۇلدىرگەن ەسكىلىكتى دەرتكە اينالعان ەدى. پارتيانىڭ 18-قۇرىلتايىنان بەرى، ٴبىز جاسىل ٴتۇستى دامۋعا تاباندى بولىپ، ەكولوگيانى كوركەيتۋگە دەن قويىپ، ورتانى وڭاۋعا بىلەك تۇرە كىرىستىك. تازالىق ساقتاۋداعى باياندى مەحانيزمدى ورناتىپ-كەمەلدەندىرىپ، ەكولوگيالىق ورتانى كوركەيتتىك. ەكولوگيا جاقسارسا باقىت تا قوسا كەلەدى ەكەن. قازىر سەيىل-سەرۋەن قۇرۋعا كەلەتىن ساياحاتشىلاردىڭ اياعى ۇزىلمەيدى، ساياجايلاردىڭ ساۋداسى كۇسەت بولىپ، ٴوز كەزىندە سىرت جەرگە كەتىپ جۇمىستانعان جۇرتتاستاردان قايتىپ كەلىپ ساياحاتشىلاردى قابىلداۋ ىستەرىمەن اينالىسقاندارى كوبەيدى. سىزعان سۋرەتتەي جەردە تىرشىلىك ەتكەننەن سىرت كىرىس كوزىن تاپتىق، مەنىڭ نازارىمدا، داجي قىستاعىنىڭ دامۋى «تاماشا ٴتابيعات-ناعىز بايلىق» دەگەن ٴسوزدىڭ جاندى ٴامالياتى. كەلەشەكتە ٴتابيعات ورتامىزدىڭ ٴتىپتى دە كوركەم بولاتىندىعىنا سەنەمىن.

اۋدارعان: امانتاي مۇسايىپ ۇلى