«19-قۇرىلتاي ٴۇردىسى» حالىقتىڭ كۇتكەن ٴۇمىتى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2017-10-18 17:59:00


    شينحۋا اگەنتتىگىنىڭ حابارى: حىنان ولكەسى لانكاۋ اۋدانىنىڭ جاۋ دولوۋ قىستاعىندا، بيىل 48 جاسقا كەلگەن جۋ جيڭجۇن ٴبىر قۇمىل قاۋىنىن قولىمەن كوتەرىپ جۇزىنەن باقىت كۇلكىسى ەستى. بىرنەشە جىلدىڭ الدىندا عانا قالت-قۇلت ەتىپ كۇن كەشىرىپ كەلگەن وسى ازامات قازىر مىنە 20 نەشە كەدەي وتباسىن باستاپ سەلبەستىك كوپەراتيۆىن قۇرىپ، قۇمىل قاۋىنىن وسىرەتىن پارنيكتەن 180 ىن قۇردى.


    پارتيانىڭ 18-قۇرىلتايىنان بەرى ەلىمىزدە ورتا ەسەپپەن جىل سايىن جۋ جيڭجۇن سەكىلدى 13 ميلليوننان استام ادام كەدەيلىكتەن قۇتىلدى. كەدەيلىكتەن قۇتىلۋمەن عانا توقتاپ قالۋعا بولمايدى ، دوڭگەلەك داۋلەتتى ورەگە جەتۋ» عانا ٴبىزدىڭ نىسانامىز، 19-قۇرىلتايدان كەيىن تۇرمىستىڭ وسى مىنا قۇمىل قاۋىنى سياقتى كۇننەن كۇنگە جاقسارىپ، كۇنگە كۇنگە ٴتاتتى بولاتىنىنا سەنەمىز،-دەيدى جۋ جيڭجۇن.


    شي-ان قالاسى يان تا رايونى ەلەكترون كوشەسى 205-ورىننىڭ الەۋمەتتىك رايونىندا «19-قۇرىلتايدى قۋانا قارسى الامىز» دەگەن جازۋى بار قىزىل تاقتايشا كوزگە وتتاي باسىلادى. بيىل 78 جاسقا كەلگەن ساقا پارتيا مۇشەسى، الەۋمەتتىك رايون جازۋ-سىزۋ قوعامىنىڭ باستىعى ياۋ دوشۋن تاقتايشانىڭ الدىندا تۇرىپ بىلاي دەدى: پارتيانىڭ 18-قۇرىلتايىنان بەرى، جاي بۇقارا ناقتىلى تيىمدىلىكتەرگە كەنەلدى، 19-قۇرىلتايدا بۇقاراعا مادەنيەت جاعىنان ٴتيىمدى ٴتىپتى دە كوپ ساياساتتىڭ شىعارىلىپ، بۇقارا ٴتىپتى دە باقىتتى بولا تۇسەتىندىگىنە سەنەمىن.


    اۋىل-قىستاق رەفورماسىنىڭ توركىنى بولعان انحۋي ولكەسىنىڭ شياۋ گاڭ قىستاعىندا بىلتىر ورتاعا قويىلعان «3 جىلدا زور ىلگەرىلەتۋ ينجەنەرياسىنان» كوتەرەگە الۋعا باستاماشىلدىق ەتكەندەردىڭ ٴبىرى بولعان يان جينچاڭنىڭ قۋانىشى قوينىنا سيمادى. ول بىلاي دەدى: رەفورما ىشكەرىلەپ-ومىرشەڭدىك كۇش ارتتىرىلدى، 2020-جىلعا بارعاندا تۇرعىندارى يگىلىككە كەنەلە تۇسكەن شىت جاڭا شياۋ گاڭ قىستاعىن كورگىم كەلەدى.


    ارمان تەرەگى- ٴاربىر جۇڭگولىقتىڭ جۇرەگىندە تامىر تارتۋدا. ٴاربىر جۇڭگولىقتىڭ ارمانى توعىساتىن بولسا ويسىراتۋعا بولمايتىن 1 ميلليارد 300 ميلليون ادامنىڭ تەڭدەسسىز كۇشى قالىپتاسادى، جۇڭگو كوممۋنيستىك پارتياسىنىڭ باسشىلىعىندا جۇڭحۋا ۇلتىن ۇلى كوركەيتۋدەگى جۇڭگو ارمانىنا تالپىنامىز!


    اۋدارعان: امانتاي مۇسايىپ ۇلى