يۇي جىڭشىڭ 19-قۇرىلتايداعى شينجياڭ ۋاكىلدەر ۇيىرمەسىنىڭ تالقىسىنا قاتىناستى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-10-18 21:09:00

 

    ٴوز حابارىمىز: يۇي جىڭشىڭ جولداس قازاننىڭ 18-كۇنى تۇستەن كەيىن 19-قۇرىلتايداعى شينجياڭ ۋاكىلدەر ۇيىرمەسىنىڭ تالقىسىنا قاتىناسقان كەزدە مىنانى اتاپ كورسەتتى: جۇڭگوشا سوتسياليزم ۇلى تۋىن بيىك ۇستاپ، جۇڭگوشا سوتسياليزم جولىمەن بۇلجىماستان ٴجۇرىپ، سوتسياليستىك دەموكراتيالىق ساياسيدى دامىتىپ، جاپپاي دوڭگەلەك داۋلەتتى قوعام قۇرۋ شەشۋشى جەڭىسىنە قول جەتكىزىپ، جاڭا داۋىردەگى جۇڭگوشا   سوتسياليزم   ۇلى جەڭىسىن قولعا كەلتىرۋگە كۇش-قۋات جانە اقىل-پاراسات توپتاۋىمىز كەرەك.


    يۇي جىڭشىڭ بىلاي دەپ اتاپ كورسەتتى: شي جينپيڭ جولداستىڭ 18-كەزەكتى پارتيا ورتالىق كوميتەتى اتىنان جاساعان بايانداماسى-تۇتاس جاعدايدى ويلاعان، مازمۇنى  باي،  پارتيامىزدىڭ جاڭا ٴداۋىر، تىڭ ساپارعا قادام تاستاعان، جاڭا داستاندى جالعاستى جازاتىن ساياسي جارناما جانە قيمىل پروگرامماسى. وتكەن 5 جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتى كەرەمەت ساياسي اقىل-پاراسات، اسقان قايسارلىق، كۇشتى تاريحي جاۋاپكەرشىلىگپەن، پارتيا  مەن   مەملەكەت ىستەرىندە تاريحي وزگەرىستەردىڭ تۋىلۋىن جەبەپ، جۇڭگوشا سوتسياليزم جاڭا داۋىرگە قادام تاستادى. وسى ۇلى اماليات بارىسىندا، شي جينپيڭ جولداستى ۇيتقى ەتكەن پارتيا ورتالىق كوميتەتى قاجىرلىلىقپەن نازاريالىق ىزدەنىستەر جاساپ، شي جينپيڭ جاڭا داۋىرىندەگى جۇڭگولىق ەرەكشەلىككە يە سوتسياليستىك يدەيانى جاراتتى. بۇل ماڭىزدى يدەيا-ماركسيزمدى جۇڭگوشالاندىرۋدىڭ ەڭ جاڭا تابىسى، جۇڭگوشا سوتسياليزم نازارياسى جۇيەسىنىڭ ماڭىزدى قۇرامداس بولەگى، پارتيامىزدىڭ ۇزاق ۋاقىت تاباندى بولاتىن جەتەكشى يدەياسى.


    يۇي جىڭشىڭ بىلاي دەدى: پارتيانىڭ 18-قۇرىلتايىنان بەرى، شي جينپيڭ جاڭا داۋىرىندەگى جۇڭگوشا   سوتسياليزم   يدەياسىنىڭ جەتەكشىلىگىندە، پارتيا ورتالىق كوميتەتى شينجياڭ   قىزمەتى   جونىندە كەلەلى باعىت، ساياساتتاردى ورتاعا قويىپ، قوعامدىق ورنىقتىلىق پەن باياندى تىنىشتىق شينجياڭ قىزمەتىنىڭ   باس   نىساناسى ەكەندىگىن ايقىنداپ،  شينجياڭ   قىزمەتى   ماڭىزدى تابىسقا قول جەتكىزدى. شينجياڭ ۇيعۇر اۆتونوميالى رايونى مەن شينجياڭ ٴوندىرىس-قۇرىلىس بيڭتۋانىنان پارتيانىڭ  19-قۇرىلتايىنىڭ رۋحىن مۇقيات ۇيرەنىپ جانە دايەكتىلەندىرىپ،   شينجياڭنىڭ ٴتۇرلى ىستەرىنىڭ ۇزدىكسىز تىڭ ىلگەرىلەۋشىلىككە جەتۋىن جەبەۋىن ٴۇمىت ەتەمىن.