ون توعىزىنشى قۇرىلتاي شۋاعى : حى نان، شانشيدەگى بۇقارا حالىق تۇرمىسىن جاقسارتا ءتۇسۋدى اڭساۋدا
كەلۋقاينارى: |جاۋاپتى رەداكتور: | جاڭالانعان ۋاقىت:2017-10-22 10:47:00

 

    ٴوز حابارىمىز: كۇن شايدا اشىق ەدى، قىستاق ياچەيكا شۋجيى شىن شۇە فىڭ ەلەڭ الاڭنان ورنىنان تۇرىپ جۇرتتى جيناپ، قىستاقتاعى 100 نەشە مۋ جەردەگى قىشى ەگىلەتىن كوللەكتىپ اتىزعا تۇقىم سەبۋگە قاربالاس كىرىسىپ كەتتى. شىن شۇە فىڭ تىلشىگە بىلاي دەدى: ادەتتە كوكتەمدە قىشى گۇلدەيتىن مەزگىلدى مىقتى ۇستايمىز، ال، مىنا، تۇقىمدار جاڭا سورتتار، ءتۇسىمى وتە تاماشا !

 

دوڭباتوۋ اۋىلىنىڭ جاڭجۋاڭ قىستاعى ـ 9 يرەك حۋاڭحىنىڭ حى ناننىڭ شىعىس جازىعىنداعى ەڭ سوڭعى يرەگىنە ورنالاسقان شاعىن قىستاق، كەزىندە جياۋ يۇيلۋ بوراننان قورعانىپ قۇمدى تىزگىندەۋ امالىن وسى قىستاقتا اتقارعان بولاتىن. 2014 ـ جىلى باس شۋجي شي جينپيڭ بۇقارالىق لۋشيان تاربيەسىن ءامالياتتان وتكىزۋدىڭ 2 ـ دۇركىن قيمىلى كەزىندە وسى قىستاققا ارناۋلى كەلىپ قىستاقتاعىلارمەن اڭگىمەدە بولعاندا، شىن شۇەفىڭ باس شۋجيدىڭ قاسىندا وتىرعان ەدى. بۇل ساتتە اتىز باسىندا قولى قاربالاس جۇمىستا بولعانىمەن، اۋىزى اڭگىمەدەن توقتاماعان شىن شۇە فىڭ قىستاقتاعىلارعا باس شۋجيدىڭ 19 ـ قۇرىلتايداعى بايانداماسىن اڭگىمەلەپ جاتقان ەدى. قىستاق تۇرعىنى شۇي ماۋشىڭ وعان بىلاي دەدى: 19 ـ قۇرىلتايدا جەر ساياساتى تاعى دا 30 جىل ۇزارتىلادى دەگەن ەكەن، بۇلاي بولعاندا كوڭىلىمىز ورنىعىپ قالاتىن بولدى.

 

بيىل ناۋرىز ايىندا، جاڭجۋاڭ قىستاعى ورنالاسقان لانكاۋ اۋدانىنىڭ كەدەيلىكتەن قۇتىلعاندىعى جاريالاندى. بۇل جونىندە شىن شۇەفىڭ بىلاي دەدى: كوپشلىكتىڭ ەڭسەسى كوتەرىلىپ قالدى. اي سوڭىندا جاڭجۋاڭ قىستاعىمىزدا ازىقتىق ساڭىراۋقۇلاق سەرىكتىگى وندىرىسكە قوسىلادى، قۇندى كۋالىك باقىلاۋ قوعامىنان قىستاعىمىزعا تۇسكەن 1- شۋجي، ۇزىنبويلى ۋاڭ ۋيدىڭ ەسەبىنشە، قىستاعىمىزدىڭ ءال ـ اۋقاتى ءتىپتى دە نىعايا تۇسەتىندىگى بەلگىلى بولىپ تۇر.

 

ۋاڭ ۋي بىلاي دەدى: بۇل سەرىكتىككە 100 مىلليون يۋان قارجى قوسىلدى، جىلدىق ءونىم قۇنى 40 مىلليون يۋان بولادى. سەرىكتىككە 300 جۇمىسكەر قابىلدادىق، ءار قايسىسى ايىنا 5000 يۋاننان اقى الىپ، جىلىنا 60 مىڭ يۋان تابادى. باس شۋجيدىڭ تالابى بويىنشا، 3 جىلدان سوڭ، دوڭگەلەك داۋلەتكە جەتە الاتىندىعىز انىق.

 

بيىل 41 جاستاعى حى ۋي ءبىر جىلدىڭ الدىندا عانا تاشان 2ـ ەلەكتر ستانساسىنا حاۋىپسىزدىك باقىلاۋشى قىزمەتكەرلىككە ورنالاسقان، ول وسىدان 20 جىلدىڭ الدىندا دا حاۋىپسىزدىك باقىلاۋشى قىزمەتكەر بولعان، الايدا، ول كەزدە جەر استىنداعى شاحتادا ىستەيتىن ەدى. ءدال وسى ساتتە جەر بەتىندەگى 2000 مەتىر ۇزىندىقتاعى مىناۋ كومىر جەتكىزۋ سىرعىما بەلدەۋىن جاعالاي حاىپسىزدىك تەكسەرىپ جۇرگەن ونىڭ بۇگىن بۇل قىزمەتكە شىققان تۇڭعىش كۇنى ەدى، قوس قۇلاعىن تۇرە ەلەڭدەي تىڭداپ كەلە جاتقان ول وزىنە ابدەن تانىس مىناۋ گۇرىلدەگەن ارالاس داۋىس ىشىنەن سىرعىما بەلدەۋدە الدەقانداي بوگدە داۋىس بار ـ جوقتىعىن بار زەيىنىمەن باقىلاپ كەلەدى، ەگەر گۇرىل ىشىنەن سىرىلداپ ـ قىرىلداعان بوگدە داۋىس بىلىنە قالسا، بەلدەۋدى دەرەۋ توقتاتىپ، مۇقياتتاپ تەكسەرىپ شىعۋعا تۋرا كەلەدى، ويتپەگەندە، وندىرىستە حاۋىپ تۋىلادى. «كومىر كەن قۇدىعى جابىلعان كەزدە، شىنىمدى ايتسام قيماستىق سەزىمدە بولدىم، ويتكەنى، كونە كەنگە باۋىر باسىپ ۇيرەنىپ قالىپپىن»،- دەيدى حى ۋي. حى ۋيدىڭ كونە كەن دەپ وتىرعانى داتوڭ كومىر كەنىنىڭ توڭجيالياڭ كومىر كەنى ەدى، شانشي ولكەسى وتكەن جىلى ارتىق ءوندىرىس قۋاتتارىن ەكشەپ كەندەردى جاپقان كەزدە جابىلىپ قالعان بولاتىن. حى ۋي سول كەزدە ارتىق ءوندىرىس قۋاتتارىن قىسقارتۋدى جۇمىستان قاققاندىق بولدى دەپ قاتە تۇسىنگەن، الايدا، كەن ورنىنىڭ ءوز ۋادەسىندە تۇراتىندىعىن، كەن سيپاتى وزگەرگەنىمەن، جۇمىسشىلاردىڭ مامىلەسى وزگەرمەيتىنىن ويلاماعان ەدى، مىنەكي، ول قازىر تاشان 2 ـ ەلەكتر سانساسىنا ورنالاسىپ، تەك جۇمىس ورنى عانا اۋىستى، جاڭا قىزمەت ورنىنا وتە تەز ۇيرەنىسىپ كەتتى.

 

19 ـ قۇرىلتاي كەزىندە تاشان 2 ـ ەلەكتر ستانساسى بەيجيڭ قالاسىن ەلەكترمەن قامداۋ مىندەتىن ارقالايدى. بۇل مىندەتتىڭ وتە ماڭىزدىلىعىن سەزىنگەن حى ۋي بىلاي دەدى: باس شۋجيىمىزدىڭ بايانداماسىنان حالىق تۇرمىسى جاعىندا بىزدەردىڭ تۇرمىس ساپامىز بەن قىزمەت ساپامىز جوعارىلايتىندىعىن ەستىپ كوڭىلىمىز سەرپىلىپ كەتتى!

 

اۋدارعان: قاناتبەك جۇماباي ۇلى