جاراقسىز قوداس تۇبىتىنەن حالىقارالىق توۆار ماركاسىن جارتقان قىز
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-05-30 15:16:00


نورلحا (诺乐) ماركاسىنىڭ نەگىزىن سالۋشى يشى دىشىن (Dechen Yeshi)


    جارتىلاي زاڭزۋ قانى بار امەريكالىق قىز 10 جىلدىڭ الدىندا اتا مەكەنىنە كەلىپ، جەرگىلىكتى قوداس تۇبىتىنەن قۇن جاراتۋدى ويلاپ، جەرگىلىكتى زاڭزۋ ۇلتى باۋىرلاستارىن باستاپ توقىما بۇيىمدارىن جاساۋ فابريكاسىن قۇردى، سونداي-اق، ايگىلى نورلحا ماركاسىن جاراتادى.


ءۇستىرت قوداسىنىڭ تۇبىتىنەن وندىرىلگەن ونىمدەر


    بۇگىنگى تاڭدا قوداس ءتۇبىتىن مانەرلەۋ زاڭزۋ حالىقتارىنا باقىت-بايلىق جاراتتى. وسى ءبىر ءتۇبىت مانەرلەۋ فابريكاسى جەرگىلىكتى حالىقتىڭ نەشە ءجۇز عاسىردان بەرى كەلە جاتقان تۇرمىس ادەتىن وزگەرتتى. جاراقسىز قوداس ءتۇبىتىن مانەرلەپ ءونىم شىعارۋ زاڭزۋ تاۋلى قىستاعى مەن فرانسيانىڭ تاۆار بازارىن تۇتاستىرىپ، دۇنيەجۇزىلىك دەڭگەيدەگى اسەمدىك بۇيىمداردىڭ قاقپاسىن اشتى. 


    فابريكانىڭ قۇرىلىسى ءداستۇرلى جولىمەن اعاش بۇيىمدارىنان ارقالىق، تىرەۋىش قويىلىپ جاسالعان جاتاعان ءۇي. بۇل ۇيگە قوس قابات تەرەزە، پار جۇيەسى ورناتىلىپ، توبەسىنە شاتىرشا تەرەزەلىك سالىنىپ ءبىر جىلدىڭ ءتورت ماۋسىمىندا جىلى بولۋعا، جارىق تولىق تۇسۋگە كەپىلدىك ەتىلگەن. 2007-جىلدان بەرى ءوندىرىس زاۆوتىنىڭ كولەمى ۇزدىكسىز كەڭەيتىلىپ، توقىما فابريكا ءۇيى جانە كەڭسە سياقتى بولمەلەر ايىرىم ورنالاستىرىلدى.

نورلحا فابريكاسىنىڭ ورنى تەڭىز دەڭگەيىنەن 3200 مەتر، گانسۋ ولكەسى گاننان زاڭزۋ اۆتونوميالى وبلىسى گايزو دوما اۋىلى رىندوما قىستاعىنا ورنالاسقان. بۇل قىستاق 1500 دەي بىتىراندى قونىستانعان جان سانى بار كوشپەندى مال شارۋاشىلىق رايون ەسەپتەلەدى.


قوداس-ۇستىرتتە تۇراتىن زاڭزۋ حالقىنىڭ تۇرمىس تىرشىلىگىنىڭ تىنىسى ىسپەتتى


قوداس ءتۇبىتى-قىستا ءۇستىرت رايونىندا قوداستى سۋىققا جىبەرمەيدى.


ۇستىرتتە مەكەندەيتىن زاڭزۋ حالقى قوداستى جۇك ارتۋعا دا ىستەتەدى


    قوداس ءتۇبىتىنىڭ ديامەترى 20 ميكرومەتر، ۇزىندىعى 3.4 ~ 4.5 سانتيمەتر، ەرەكشە جۇمساق بولادى. كوكتەم مەزگىلىندە جۇمىسشىلار قوداستىڭ ءتۇبىتىن تاراپ، جيىپ الادى.


    جۇمسشىلاردىڭ مانەرلەيتىن قوداس ءتۇبىتىنىڭ ەڭ جاقسسى قوداس تايىنشاسىنىڭ ءتۇبىتى بولىپ، جىلىنا ءبىر تايىنشادان 100 گرام اينالاسىندا ءتۇبىت تۇسەدى. ءتۇبىتتى جۋىپ تازالاپ، قىلشىعىنان ايىرعاننان كەيىن، فابريكادا مانەرلەپ ءونىم شىعارادى. تۇبىتتەن مانەرلەنگەن بۇيىمدار جۇمساق ءارى جىلى، شىمىر بولادى.


جۇمسشى ءتۇبىت مانەرلەۋدە


ء    تۇبىت مانەرلەۋ فابريكاسىنىڭ قۇرىلۋى مالشىلاردىڭ تاعدىرى مەن تۇرمىس كۇيىن وزگەرتتى. فابريكانىڭ شابىتتاندىرۋىندا ءبىر ءبولىم زاماناۋي تىرلىك كەشىرىپ وتىرعان قىستاق تۇرعىندارى وسى ناۋقانعا اتسالىستى. ارينە نەشە ءجۇز عاسىردان بەرى ءوزىن-ءوزى قامداپ وتىرعان بايىرعى قولونەر بۇيىمدارى قوداس ءجۇن ونىمدەرىن بازارعا سالۋدىڭ قاجەتىن قامداي الماس ەدى. 


    كۋرس ۇيىمداستىرىپ تاربيەلەۋ ارقىلى جەرگىلىكتى حالىق ءتۇبىت مانەرلەۋ تەحنيكاسىن يگەردى


    وسى ماسەلەنى شەشۋ ءۇشىن ولار ينديالىقتار مەن نەپالدىقتاردىڭ ءجىپ ءيىرۋ جانە توقىما قولونەرىنىڭ ارتىقشىلىقتارىن پايدالاندى. ون نەشە جەرگىلىكتى قىستاق تۇرعىندارىن كامبودجاعا جىبەرىپ توقىماشىلىق ونەرىن ۇيرەتىپ، سوڭىنان نەپالعا جىبەرىپ قوي ءجۇنى توقىماشىلىق ادىستەرىنە جەتىلدىردى.


كۋرس اشىپ تاربيەلەۋ ارقىلى جەرگىلىكتى حالىق ءوندىرىستىڭ جاي-جاپسارىن تولىق يگەردى

كۋرس اشىپ تاربيەلەۋ ارقىلى مىقتى توقىماشىلار جەتىلدىرىپ شىعاردى


    شەتەلدەن ۇيرەنىپ اۋىلعا قايتقان كەزدە نەپالدىڭ توقىما سەحىن، ينديانىڭ ءجىپ توقۋ ماشيناسىن الىپ، وعان قوسا نەپالدىق توقىما ماماندارىن ۇسىنىسپەن شاقىرىپ كەلدى. جەرگىلىكتى تۇرعىنداردان 30 جۇمىسشىنى توقىماشىلىق ونەرىنە تاربيەلەۋ كۋرسىنا قاتىناستىرىپ، ارناۋلى تاربيەلەدى. 2007-جىلدىڭ سوڭىندا فابريكا زاۆوتى قۇرىلۋمەن بىرگە مامانداردىڭ جەتەكشىلىگىندە كاسىپتىك ماماندىقتى ۇيرەنىپ شىققان تۇڭعىش ءبىر توپ جۇمسشىلار ءوندىرىس باستادى. 


    تابيعي سۇلۋلىق الەمىندەگى ايگىلى ماركانى تانىستىرعان سۋرەت 


    ەكولوگيالىق تانىم نەگىزىندە، جەرگىلىكتى حالىقتىڭ ءداستۇرلى قولونەرى ءجىپ ءيىرۋ مەن قوداس ءتۇبىت ءونىمىنىڭ ارتىقشىلىعىنا نەگىزدەلىپ، 2008-جىلى 1-ايدا فابريكانىڭ تۇڭعىش تىرناق الدى ءونىمى پاريج بازارىنا شىعارىلدى. 


    اۋىلدىڭ كوگىلدىر اسپان استىندا، بايۋدىڭ تىڭ جولىنا قادام تاستاۋ 


    ون نەشە جىلدان بەرى نورلحانىڭ ءاربىر جۇمىسشىلارى قوس قولىمەن بايلىق جاراتىپ، توقىما بۇيىمدارىن ءوندىردى. قازىرگە دەيىن 200 دەن استام قىستاق تۇرعىندارى فابريكا زاۆوتىنا كىرىپ، ءوندىرىس اترەتىنە قوسىلدى. ولار اۋىلداعى قوداس جۇنىنەن پايدالانىپ ءداستۇرلى قول ونەرىنە سۇيەنىپ، زاڭزۋ مادەنيەتىن، چيڭحاي-شيزاڭ ۇستىرتىندەگى مالشىلاردىڭ توقىماشىلىق ونەرىن دۇنيەگە تانىتتى. ءار جىلى نەشە ون مىڭداعان قوداس جۇنىنەن توقىلعان ادەمى قادالار زاڭزۋ حالقىنىڭ قولىنان ءوندىرىلىپ، ماركا بولىپ جەر-جەرگە تارقاتىلدى. 


    ءۇستىرت مالشىلارىنان ۇيىمداسقان فابريكا ءوندىرىس اترەتى


بۇگىنگى تاڭدا ءۇستىرتتى مەكەندەگەن حالىقتاردىڭ ومىرىنە قوداس ءتۇبىتى باقىت-بايلىق اكەلدى. وزىق قولونەر ءوندىرىسى زاڭزۋ باۋىرلاستاردى قيىنشىلىقتان قۇتىلدىرىپ، وركەنيەتتى تۇرمىسقا تالپىندىرىپ، ولاردىڭ كاسىپتەن سىرتقى تۇرمىسىنا ءار كىرگىزدى. ەر جۇمىسشىلار بوس ۋاقىتتارىندا ۆاسكەتبول ويناپ، ايەل جۇمىسشىلار قولفونمەن توراپقا شىعىپ، زاماناۋي تىرلىككە قادام تاستادى. 


    جۇمىسشىلار شەتەلگە ۇيرەنۋگە بارعان سۋرەتى 


    جۇمىسشىلارعا توقىمانىڭ ەڭ جاڭا تەحنيكاسىن ۇيرەتۋ ءۇشىن فابريكا ولاردى توپتىق شەتەلگە ۇيرەنۋگە جىبەرىپ وتىردى. بۇل ءومىر بويى ءۇستىرت رايونىنان شىعىپ كورمەگەن حالىقتىڭ «ءۇش ۇيىقتاسا تۇسىنە كىرمەيتىن» جاڭالىق دەۋگە بولادى. بۇل جەتىستىك كەدەي، شارۋاشىلىق رايونداردىڭ ابزالدىلىعىن ساۋلەلەندىرىپ، ەكونوميكالىق بەت-بەينەسىن وزگەرتۋگە قۇندى تاجىريبە بولماق.
حانزۋشادان اۋدارعان: راحىمان قادەن ۇلى (تورابىمىزدىڭ ۇسىنىس ەتىلگەن ءتىلشىسى)